2021-22ൽ ഡ്രൈ ഫ്രൂട്സിന്റെ മൊത്തത്തിലുള്ള ഇറക്കുമതി 229.09 മില്യണ് ഡോളറിന്റേതായിരുന്നു (1925 കോടി രൂപ). നേരത്തെ പാക്കിസ്ഥാനിൽ നിന്നും ഇന്ത്യ വലിയ തോതിൽ ഈന്തപ്പഴം വാങ്ങിയിരുന്നു. 2019 സാന്പത്തികവർഷത്തിൽ പാക്കിസ്ഥാനിൽനിന്ന് ഇന്ത്യ 101.19 മില്യണ് ഡോളറിന്റെ (702 കോടി രൂപ) ഈന്തപ്പഴമാണ് ഇറക്കുമതി ചെയ്തത്.
2020ൽ 0.4 മില്യണ് ഡോളറിന്റെയും 2021 സാന്പത്തികവർഷത്തിൽ 0.7 മില്യണ് ഡോളറിന്റെയും ഇറക്കുമതിയാണ് നടത്തിയത്. അതിനുശേഷം പാക്കിസ്ഥാനിൽനിന്ന് ഇറക്കുമതി നടത്തിയില്ല. ഇരുരാജ്യങ്ങളും തമ്മിലുള്ള നയതന്ത്ര ബന്ധം വഷളായതിനെ തുടർന്നാണ് ഇത് അവസാനിപ്പിച്ചത്.
ഇന്ത്യൻ പ്രതിനിധികൾ ഇറക്കുമതിയിലെ ആശങ്കകൾ പങ്കുവച്ചു. ഇക്കാര്യം പരിശോധിക്കുമെന്ന് യുഎഇ അറിയിച്ചിട്ടുണ്ട്. ഇന്ത്യയുടെ ഏറ്റവും വലിയ രണ്ടാമത്തെ വ്യാപാര പങ്കാളിയാണ് യുഎഇ. ഈ സാന്പത്തികവർഷത്തിന്റെ ആദ്യ ഏഴു മാസം ഇന്ത്യ 11.45 ബില്യണ് ഡോളറിന്റെ കയറ്റുമതിയാണ് പടിഞ്ഞാറൻ ഏഷ്യൻ രാജ്യങ്ങളിലേക്ക് നടത്തിയത്.
ഇന്ത്യയുടെ രണ്ടാമത്തെ വലിയ കയറ്റുമതി മാർക്കറ്റ് കൂടിയാണ് യുഎഇ. യുഎഇയിൽനിന്നുള്ള വെള്ളി, പ്ലാറ്റിനം, ഈന്തപ്പഴം എന്നിവയുടെ ഇറക്കുമതിയിൽ വൻ വർധനവാണുണ്ടായിരിക്കുന്നത്. മാനദണ്ഡങ്ങൾ പാലിച്ചാണ് ഇറക്കുമതി നടത്തുന്നതെന്ന് ഉറപ്പാക്കണമെന്ന് ഇന്ത്യ ആവശ്യപ്പെട്ടിട്ടുണ്ട്.