ഐബിഎസുമായുള്ള പങ്കാളിത്തം പ്രവര്‍ത്തനനിലവാരം മെച്ചപ്പെടുത്തുന്നതിനുള്ള റിപ്പബ്ലിക്കിന്‍റെ പ്രതിബദ്ധതയെ കാണിക്കുന്നുവെന്ന് റിപ്പബ്ലിക് എയര്‍വേയ്സ് സീനിയര്‍ വൈസ് പ്രസിഡന്‍റും സിഒഒയുമായ പോള്‍ കിന്‍സ്റ്റെഡ് പറഞ്ഞു.
ഈ പങ്കാളിത്തം ജീവനക്കാര്‍ക്ക് ഷെഡ്യൂളുകളില്‍ വഴക്കം നല്‍കുകയും എയര്‍വേയ്സിന്‍റെ പ്രവര്‍ത്തന കാര്യക്ഷമത വര്‍ധിപ്പിക്കുന്നതില്‍ പ്രധാന ഘടകമായിരിക്കുമെന്നും അദ്ദേഹം പറഞ്ഞു.
അമേരിക്കന്‍ എയര്‍ലൈന്‍സ്, ഡെല്‍റ്റ എയര്‍ലൈന്‍സ്, യുണൈറ്റഡ് എയര്‍ലൈന്‍സ് എന്നിവയുമായി സഹകരിച്ച് കോഡ്ഷെയര്‍ കാരിയര്‍ നടത്തുന്ന റിപ്പബ്ലിക് എയര്‍വേയ്സ്, മാനേജര്‍മാരും ക്രൂ അംഗങ്ങളും അവരുടെ യൂണിയനുകളും ഉള്‍പ്പെട്ട അവലോകനത്തിന് ശേഷമാണ് പ്രിഫറന്‍ഷല്‍ ബിഡ്ഡിംഗ് സിസ്റ്റം നവീകരിക്കുന്നതിനായി ഐബിഎസിന്‍റെ ഐഫ്ളൈ ക്രൂ പ്ലാനിംഗ് ഒപ്റ്റിമൈസേഴ്സ് തെരഞ്ഞെടുത്തത്.