കാർഷിക മേഖലയുടെ വളർച്ചയ്ക്കും കർഷക വരുമാനം വർധിപ്പിക്കുന്നതിനും വേന്പനാട്ടു കായൽ വ്യവസ്ഥയെ പാരിസ്ഥിതികാഘാതങ്ങളിൽനിന്നു സംരക്ഷിക്കുന്നതിനുള്ള കുട്ടനാട് പാക്കേജിലെ പദ്ധതികൾ നടപ്പാക്കുന്നതിനുള്ള പ്രവർത്തനങ്ങളും ഊർജിതമാക്കും. ഇതിനായി 203 കോടി രൂപ വകയിരുത്തിയിരുന്നു.
ഇടുക്കിയിലെ 16,621 ഹെക്ടറിലുള്ള ഏലം കൃഷിക്ക് സംഭവിച്ച കൃഷിനാശം കണക്കിലെടുത്ത് ഈ വിഷയം ഇടുക്കി പാക്കേജിൽ ഉൾപ്പെടുത്തി ആനുകൂല്യം അനുവദിക്കുന്നതിന് നടപടി സ്വീകരിക്കും. ഇതിനുള്ള സ്കീമുകൾ സമയബന്ധിതമായി തയാറാക്കി തുക വിനിയോഗിക്കും.
സർക്കാർ ജീവനക്കാർക്ക് എല്ലാ വർഷവും രണ്ടു ഗഡു ഡിഎ വീതം പതിനൊന്നാം ശന്പള പരിഷ്കരണ കമ്മീഷനിലെ പെൻഷൻ പരിഷ്കരണത്തിന്റെ ഭാഗമായുള്ള കുടിശികത്തുകയായ 600 കോടി രൂപ ഈ സാന്പത്തിക വർഷം തന്നെ വിതരണം ചെയ്യും. എല്ലാ വർഷവും രണ്ടു ഗഡു വീതം ക്ഷാമബത്ത സർക്കാർ ജീവനക്കാർക്കും ക്ഷാമാശ്വാസം പെൻഷൻകാർക്കുമായി അനുവദിക്കും.
ജീവനക്കാർക്കും പെൻഷൻകാർക്കും ഒരു ഗഡു ഡിഎ-ഡിആർ ഏപ്രിലിൽ വിതരണം ചെയ്തിരുന്നു. 2021 ജനുവരി 1 മുതൽ ഏഴ് ഗഡു ഡിഎ-ഡിആർ ആണ് കുടിശിക. ശന്പളപരിഷ്കരണ കുടിശികയും ജീവനക്കാർക്ക് നൽകാനുണ്ട്.
ഡിഎ-ഡിആർ, ശന്പളപരിഷ്കരണ കുടിശിക അനുവദിക്കുന്നതുമായി ബന്ധപ്പെട്ട വിശദ സർക്കാർ ഉത്തരവ് പ്രത്യേകം പുറത്തിറക്കും. ജീവനക്കാരുടെയും പെൻഷൻകാരുടെയും കുടിശിക തീർക്കാൻ 40,000 കോടി രൂപ വേണ്ടിവരുമെന്നാണു കണക്കാക്കുന്നത്.