മഞ്ചേരി: ഉപതെരഞ്ഞെടുപ്പു നടക്കാന് പോകുന്ന പാലക്കാട്, ചേലക്കര സീറ്റുകളിലേക്കു സിപിഎം-ബിജെപി ധാരണയായെന്ന് പി.വി. അന്വര് എംഎല്എ. മഞ്ചേരിയില് ഡെമോക്രാറ്റിക് മൂവ്മെന്റ് ഓഫ് കേരള (ഡിഎംകെ) എന്ന സാമൂഹിക സംഘടനയുടെ നയം പ്രഖ്യാപിക്കുന്നതിനിടെയാണ് അന്വര് ഇക്കാര്യം പറഞ്ഞത്.
പാലക്കാട് ബിജെപിക്ക് കച്ചവടം ഉറപ്പിച്ചു കഴിഞ്ഞു. അതിന്റെ മാറ്റൊലികള് തുടങ്ങിയിട്ടുണ്ട്. ചേലക്കര സീറ്റില് ബിജെപി സിപിഎമ്മിനു വോട്ട് ചെയ്യും. കൃത്യമായ ആസൂത്രണമാണു നടക്കുന്നതെന്ന് അന്വര് ആരോപിച്ചു. എഡിജിപി അജിത്കുമാര് ആണ് ഈ പ്ലാനിംഗിനു നേതൃത്വം നല്കിയിട്ടുള്ളത്. പാര്ലമെന്റില് ഒരു സീറ്റും നിയമസഭയില് ഒരു സീറ്റും. എഡിജിപി ഹോള്സെയിലായി ഏറ്റിരിക്കുകയാണ് ഇക്കാര്യം. ഇതൊക്കെയാണു കേരളത്തിലെ രാഷ്ട്രീയചിത്രമെന്നും അന്വര് പറഞ്ഞു. ഈ അവിശുദ്ധ കൂട്ടുകെട്ടാണ് ഞാന് തുറന്നുകാട്ടിയത്.