സമൂഹത്തിനു മുന്നിൽ പിണറായി വിജയൻ ആരാണ്, വി.ഡി. സതീശൻ ആരാണെന്നു എല്ലാവർക്കുമറിയാം. പിണറായി വിജയൻ അഴിമതിക്കാരൻ ആണെന്നു പറഞ്ഞാൽ ഈ സമൂഹം അംഗീകരിക്കില്ല. നിങ്ങൾ നടത്തുന്ന പ്രവർത്തനങ്ങളും ഞങ്ങൾ നടത്തുന്ന പ്രവർത്തനങ്ങളും സമൂഹം വിലയിരുത്തുന്നുണ്ട്.
സമൂഹം എല്ലാം കാണുന്നുണ്ട് എന്ന കാര്യവും മനസിലാക്കണമെന്നും മുഖ്യമന്ത്രി പറഞ്ഞു. പ്രതിപക്ഷനേതാവ് അതൊക്കെ മനസിൽ വച്ചാൽ മതിയെന്നും നല്ലകണ്ണാടിയിൽ നോക്കേണ്ടത് നിങ്ങളാണെന്നും മുഖ്യമന്ത്രി കൂട്ടിച്ചേർത്തു.
നിലവാരമില്ലെന്നു പറഞ്ഞ കാര്യം സ്വയം കണ്ണാടിയിൽ നോക്കിയാൽ മതിയെന്നു പ്രതിപക്ഷ നേതാവ് തിരിച്ചടിച്ചു. ചെകുത്താൻ വേദം ഓതുന്നതുപോലയൊണ് അഴിമതി വിരുദ്ധ പ്രഭാഷണം നടത്തുന്നത്. നിങ്ങൾക്ക് ചുറ്റുമുള്ളത് അവതാരങ്ങളാണ്.
എം.വി. രാഘവനെ നിയമസഭയ്ക്കുള്ളിൽ തല്ലിച്ചതച്ചപ്പോൾ ആരായിരുന്നു പാർലമെന്ററി പാർട്ടി നേതാവ്. കെ.കെ. രമയെ അധിഷേപിച്ചപ്പോൾ ആരായിരുന്നു പാർലമെന്ററി പാർട്ടി ലീഡർ, സഭ തല്ലിപ്പൊളിച്ചപ്പോൾ പുറത്തു നിന്നും ഒത്താശ നല്കിയത് ആരായിരുന്നുവെന്നും സതീശൻ ചോദിച്ചു.