മീറ്ററിനു വില 612 രൂപ സിംഗിള് ഫേസ് മീറ്റര് കെഎസ്ഇബി വാങ്ങുന്നത് 612.42 രൂപയ്ക്കാണ്. ത്രീ ഫേസാകുമ്പോള് മീറ്റര് വില 1620 രൂപ. ജിഎസ്ടി ഉള്പ്പെടെയുള്ള നിരക്കാണിതെന്ന് കെഎസ്ഇബി തന്നെ സമ്മതിക്കുന്നു.
2002 മുതല് മീറ്റര് വാടക പിരിക്കുന്ന കെഎസ്ഇബി ഇതിനകം ഗുണഭോക്താക്കളില്നിന്ന് മീറ്ററിന്റെ ഇന്നത്തെ വിലയനുസരിച്ച് ഇരട്ടിയിലധികം തുക ഈടാക്കിയിട്ടുണ്ടെന്ന് പൊതുപ്രവര്ത്തകനായ രാജു വാഴക്കാല ചൂണ്ടിക്കാട്ടി.
പത്തു വര്ഷം മുമ്പ് സിംഗിള് ഫേസ് മീറ്റിന് 600 രൂപയില് താഴെയാണു നിരക്ക്. മീറ്റര് വാടകയിനത്തില് തുടര്ച്ചയായി ജിഎസ്ടി പിരിക്കുന്നതിലും അനീതിയുണ്ടെന്ന് അദ്ദേഹം ചൂണ്ടിക്കാട്ടി.
പ്രതിമാസം ആറു രൂപ വീതം വാടക നല്കുന്ന സിംഗിള് ഫേസ് ഉപയോക്താക്കള് ഒമ്പതു വര്ഷം കൊണ്ടുതന്നെ മീറ്റര് വിലയേക്കാളധികം തുക കെഎസ്ഇബിക്ക് കൊടുത്തു. അവര് ഇപ്പോഴും വൈദ്യുതിനിരക്കിനൊപ്പം മീറ്റര് വാടക നല്കുന്നതു തുടരുകയാണ്.