ബെ​ര്‍​ലി​ന്‍: ആ​ഗോ​ള​ത​ല​ത്തി​ലെ ചി​പ്പ് പ്ര​തി​സ​ന്ധി രൂ​ക്ഷ​മാ​യ​തി​നെ​ത്തു​ട​ർ​ന്ന് യൂ​റോ​പ്പി​ലെ ഏ​റ്റ​വും വ​ലി​യ വാ​ഹ​ന നി​ർ​മാ​താ​ക്ക​ളാ​യ ഫോ​ക്സ്‌​വാ​ഗ​ൺ ഉ​ത്പാ​ദ​നം നി​ർ​ത്തി​വ​യ്ക്കാ​നും ഹ്ര​സ്വ​കാ​ല ജോ​ലി അ​വ​ത​രി​പ്പി​ക്കാ​നും ഒ​രു​ങ്ങു​ക​യാ​ണ്.

യു​എ​സും ചൈ​ന​യും ത​മ്മി​ലു​ള്ള സെ​മി​ക​ണ്ട​ക്‌​ട​ർ ത​ർ​ക്ക​മാ​ണ് ഈ ​പ്ര​തി​സ​ന്ധി​ക്ക് പ്ര​ധാ​ന കാ​ര​ണം. ഇ​ത് ജ​ര്‍​മ​നി​യു​ടെ ഏ​റ്റ​വും പ്ര​ധാ​ന​പ്പെ​ട്ട വ്യ​വ​സാ​യ​മാ​യ ഓ​ട്ടോ​മോ​ട്ടീ​വ് മേ​ഖ​ല​യ്ക്ക് ക​ടു​ത്ത ഭീ​ഷ​ണി​യാ​കു​ക​യാ​ണ്.

ഫോ​ക്സ്‌​വാ​ഗ​ൺ ഗ്രൂ​പ്പി​ന്‍റെ ഏ​റ്റ​വും പ്ര​ധാ​ന​പ്പെ​ട്ട പ്ലാ​ന്‍റു​ക​ളി​ലൊ​ന്നാ​യ വോ​ള്‍​ഫ്സ്ബു​ര്‍​ഗി​ലെ ഉ​ത്പാ​ദ​ന ലൈ​നാ​ണ് ആ​ദ്യം നി​ർ​ത്ത​ലാ​ക്കു​ക. ഗോ​ൾ​ഫ്, ടി​ഗ്വാ​ൻ, ടൂ​റാ​ൻ, ടെ​യ്റോ​ൺ തു​ട​ങ്ങി​യ മോ​ഡ​ലു​ക​ൾ നി​ർ​മി​ക്കു​ന്ന ഈ ​പ്ലാ​ന്‍റി​ൽ അ​ടു​ത്ത ബു​ധ​നാ​ഴ്ച മു​ത​ൽ ഉ​ത്പാ​ദ​നം കൂ​ടു​ത​ൽ സ​മ​യ​ത്തേ​ക്ക് നി​ർ​ത്തി​വ​യ്ക്കും.

ചി​പ്പ് സ്റ്റോ​ക്കു​ക​ൾ സം​ര​ക്ഷി​ക്കു​ന്ന​തി​നാ​യി സാ​ധാ​ര​ണ​യാ​യി ന​ട​ത്തു​ന്ന ഇ​ൻ​വെ​ന്‍റ​റി മു​ന്നോ​ട്ട് കൊ​ണ്ടു​വ​ന്നാ​ണ് ഉ​ത്പാ​ദ​നം നി​ർ​ത്തി​വ​യ്ക്കു​ന്ന​തെ​ന്ന് മാ​നേ​ജ്‌​മെ​ന്‍റ് വൃ​ത്ത​ങ്ങ​ൾ അ​റി​യി​ച്ചു. സെ​മി​ക​ണ്ട​ക്ട​റു​ക​ളു​ടെ ക്ഷാ​മം രൂ​ക്ഷ​മാ​യ​തോ​ടെ ഒ​രു കാ​റി​ൽ ഡ​സ​ൻ ക​ണ​ക്കി​ന് ആ​വ​ശ്യ​മാ​യ ഈ ​മി​നി​യേ​ച്ച​ർ ഘ​ട​ക​ങ്ങ​ളു​ടെ ല​ഭ്യ​ത കു​റ​ഞ്ഞ​താ​ണ് പ്ര​ശ്നം ഗു​രു​ത​ര​മാ​ക്കി​യ​ത്.

നി​ല​വി​ലെ പ്ര​തി​സ​ന്ധി​ക്ക് പ്ര​ധാ​ന കാ​ര​ണം നെ​ക്സ്പീ​രി​യ എ​ന്ന ചി​പ്പ് നി​ർ​മാ​താ​വി​നെ ചൊ​ല്ലി​യു​ള്ള ത​ർ​ക്ക​മാ​ണ്. നെ​ക്സ്പീ​രി​യ​യു​ടെ ഭൂ​രി​ഭാ​ഗം ചി​പ്പു​ക​ളും ചൈ​ന​യി​ൽ നി​ന്നാ​ണ് വ​രു​ന്ന​ത്.

യു​എ​സ് സ​ർ​ക്കാ​രി​ന്‍റെ സ​മ്മ​ർ​ദ​ത്തെ​ത്തു​ട​ർ​ന്ന് ഡ​ച്ച് സ​ർ​ക്കാ​ർ നെ​ക്സ്പീ​രി​യ​യു​ടെ നി​യ​ന്ത്ര​ണം ഏ​റ്റെ​ടു​ത്ത​തി​ന് മ​റു​പ​ടി​യാ​യി, പീ​പ്പി​ൾ​സ് റി​പ്പ​ബ്ലി​ക് ഓ​ഫ് ചൈ​ന​യി​ൽ നി​ന്നു​ള്ള നെ​ക്സ്പീ​രി​യ ചി​പ്പു​ക​ളു​ടെ ക​യ​റ്റു​മ​തി ബീ​ജിം​ഗ് നി​രോ​ധി​ച്ചു.

ഇ​തോ​ടെ നെ​ക്സ്പീ​രി​യ​യു​ടെ ചി​പ്പ് ഉ​ത്പാ​ദ​നം ഭാ​ഗി​ക​മാ​യി നി​ല​ച്ചു. വാ​ഹ​ന നി​ർ​മാ​താ​ക്ക​ൾ​ക്ക് ഈ "​ചി​ക്ക​ൻ ഫീ​ഡ്' ചി​പ്പു​ക​ളു​ടെ വി​ത​ര​ണം ഇ​പ്പോ​ൾ നി​ല​ച്ചി​രി​ക്കു​ക​യാ​ണ്. ജ​ർ​മ​ൻ ഓ​ട്ടോ വ്യ​വ​സാ​യ​ത്തി​ന്റെ മു​ഴു​വ​ൻ വി​ത​ര​ണ ശൃം​ഖ​ല​യെ​യും 10 മു​ത​ൽ 20 ദി​വ​സ​ത്തി​നു​ള്ളി​ൽ ഇ​ത് ബാ​ധി​ക്കു​മെ​ന്ന് മു​ന്ന​റി​യി​പ്പു​ണ്ട്.

സ്ഥി​തി സാ​ധാ​ര​ണ നി​ല​യി​ലേ​ക്ക് മ​ട​ങ്ങാ​ൻ മാ​സ​ങ്ങ​ൾ എ​ടു​ത്തേ​ക്കാം. ഓ​ട്ടോ​മോ​ട്ടീ​വ് അ​സോ​സി​യേ​ഷ​ന്‍റെ മു​ന്ന​റി​യി​പ്പ് അ​നു​സ​രി​ച്ച്, ഇ​ത് യൂ​റോ​പ്പ് വ്യാ​പ​ക​മാ​യ പ്ര​തി​സ​ന്ധി​ക്ക് വ​ഴി​തെ​ളി​ക്കു​ക​യും യു​എ​സി​നെ പോ​ലും ബാ​ധി​ക്കു​ക​യും ചെ​യ്തേ​ക്കാം.

വോ​ൾ​ഫ്സ്ബു​ർ​ഗി​ന് പി​ന്നാ​ലെ എം​ഡ​ൻ, ഹാ​നോ​വ​ർ, സ്വി​ക്കാ​വു തു​ട​ങ്ങി​യ മ​റ്റ് പ്ലാ​ന്‍റു​ക​ളി​ലെ ഉ​ത്പാ​ദ​ന​വും താ​ത്കാ​ലി​ക​മാ​യി നി​ർ​ത്തി​വ​യ്ക്കാ​ൻ സാ​ധ്യ​ത​യു​ണ്ട്.

കോ​ർ വി​ഡ​ബ്ല്യു ബ്രാ​ൻ​ഡി​ന് പു​റ​മെ, സ​ഹോ​ദ​ര സ്ഥാ​പ​ന​ങ്ങ​ളാ​യ ഔ​ഡി, സീ​റ്റ്/​കു​പ്ര തു​ട​ങ്ങി​യ ബ്രാ​ൻ​ഡു​ക​ളു​ടെ വാ​ഹ​ന ഉ​ത്പാ​ദ​ന​ത്തെ​യും പ്ര​തി​സ​ന്ധി ബാ​ധി​ക്കും. ഔ​ഡി​യും ചി​ല മോ​ഡ​ലു​ക​ളു​ടെ ഉ​ൽ​പാ​ദ​നം നി​ർ​ത്ത​ലാ​ക്കാ​ൻ ത​യാ​റെ​ടു​ക്കു​ക​യാ​ണ്.