നേ​മം: വെ​ള്ളാ​യ​ണി​ക​ന്നു​കാ​ലി ചാ​ലി​ൽ പ്ലാ​സ്റ്റി​ക് മാ​ലി​ന്യ​ങ്ങ​ൾ കൂ​ന്ന് കൂ​ടു​ന്നു. കീ​രി​ടം പാ​ല​ത്തി​ന് സ​മീ​പ​മു​ള്ള മാ​ലി​ന്യ​ങ്ങ​ൾ നീ​ക്കം ചെ​യ്യു​ന്ന​തി​നെ​തി​രെ അ​ധി​കൃ​ത​ർ ഒ​ന്നും ചെ​യ്യു​ന്നി​ല്ലെ​ന്ന് പ​രാ​തി ഉ​യ​രു​ന്നു.

വെ​ള്ളാ​യ​ണി കാ​യ​ലി​നോ​ട് ചേ​ർ​ന്ന് കി​ട​ക്കു​ന്ന ക​ന്നു​കാ​ലി ചാ​ലി​ൽ കു​ള​വാ​ഴ​യും പാ​യ​ൽ മാ​ലി​ന്യ​ങ്ങ​ളും കൊ​ണ്ട് പ​ല ഭാ​ഗ​ത്തും മൂ​ടി​ക്കി​ട​ക്കു​ന്നു. വെ​ള്ളാ​യ​ണി കാ​യ​ലി​നെ സം​ര​ക്ഷി​ക്കാ​ൻ പ​ല പ​ദ്ധ​തി​ക​ളും പൂ​ർ​ത്തി​ക​രി​ക്കാ​തെ പാ​തി​വ​ഴി​യി​ലാ​ണ്.

ക​ല്ലി​യൂ​ർ, വെ​ങ്ങാ​ന്നൂ​ർ പ​ഞ്ചാ​യ​ത്തു​ക​ളി​ലാ​യി വ്യാ​പി​ച്ച് കി​ട​ക്കു​ന്ന സം​സ്ഥാ​ന​ത്തെ ശു​ദ്ധ​ജ​ല ത​ടാ​കങ്ങളി​ലൊ​ന്നാ​യ വെ​ള്ളാ​യ​ണി കാ​യ​ലി​ന്‍റെ സം​ര​ക്ഷ​ണ​ത്തി​ന് നി​ര​വ​ധി പ​ദ്ധ​തി​ക​ൾ പ്ര​ഖാ​പി​ക്ക​പ്പെ​ട്ടെ​ങ്കി​ലും ഒ​ന്നും ന​ട​പ്പി​ലാ​യി​ട്ടി​ല്ല. ക​ന്നു​കാ​ലി ചാ​ലി​ന്‍റെ ആ​ഴം കൂ​ട്ട​ണ​മെ​ന്ന് ക​ർ​ഷ​ക​രു​ടെ ആ​വ​ശ്യ​വും അ​ധി​കൃ​ത​ർ പാ​ലി​ക്കു​ന്നി​ല്ല. ക​ന്നു​കാ​ലി ചാ​ലി​ന് സ​മീ​പം പ​ച്ച​ക​റി​കൃ​ഷി​യും നെ​ല്ല് കൃ​ഷി​യും ന​ട​ക്കു​ന്നു​ണ്ടെ​ങ്കി​ലും മ​ഴ​ക്കാ​ല​ങ്ങ​ളി​ൽ വെ​ള്ളം ക​യ​റി കൃ​ഷി​ക​ൾ ന​ശി​ക്കു​ക​യാ​ണ് പ​തി​വ്.

വെ​ള്ള​യാ​ണി പു​ഞ്ച​ക​രി​യി​ലും കീ​രി​ടം പാ​ലം കാ​ണു​വാ​നും ദി​വ​സ​വും നി​ര​വ​ധി പേ​രാ​ണ് എ​ത്തു​ന്ന​ത്. ഇ​വി​ടെ എ​ത്തു​ന്ന​വ​രാ​ണ് പ​ല​പ്പോ​ഴും പ്ലാ​സ്റ്റി​ക് കു​പ്പി​ക​ളും മ​റ്റു മാ​ലി​ന്യ​ങ്ങ​ളും കാ​യ​ലി​ലും ക​ന്നു​കാ​ലി ചാ​ലി​ലും വ​ലി​ച്ച് എ​റി​യു​ന്ന​ത്.