വാഴക്കുളം: ക്രിസ്മസ് ആഘോഷങ്ങള്‍ക്ക് മുന്നോടിയായി വാഴക്കുളം വിശ്വജ്യോതി എന്‍ജിനീയറിംഗ് കോളജില്‍ ഹോട്ടല്‍ മാനേജ്‌മെന്‍റ് ആൻഡ് കാറ്ററിംഗ് ടെക്‌നോളജി ഡിപ്പാര്‍ട്ട്‌മെന്‍റിന്‍റെ നേതൃത്വത്തില്‍ കേക്ക് മിക്‌സിംഗ് സംഘടിപ്പിച്ചു. അന്താരാഷ്ട്ര ഷെഫ് ഡേയുടെ ഭാഗമായിട്ടാണ് ചടങ്ങ് സംഘടിപ്പിച്ചത്.
കോളജ് മാനേജര്‍ മോണ്‍. ഡോ. പയസ് മലേക്കണ്ടത്തില്‍ കേക്ക് മിക്‌സിംഗ് ഉദ്ഘാടനം ചെയ്തു. കോളജ് ഡയറക്ടര്‍ റവ.ഡോ. പോള്‍ പാറത്താഴം, ഹോട്ടല്‍ മാനേജ്‌മെന്‍റ് ഡിപ്പാര്‍ട്‌മെന്‍റ് മേധാവി കെ.എസ്. സുജിത്, ട്രഷറര്‍ ഡോ. കെ.ടി. തോമസ്, അഡ്മിനിസ്‌ട്രേറ്റീവ് ഓഫീസര്‍ സണ്ണി ജേക്കബ്, വിവിധ ഡിപ്പാര്‍ട്ട്‌മെന്‍റ് മേധാവിമാരായ ഡോ. നവീന്‍ ജേക്കബ്, ബിജു ജോസഫ് എന്നിവര്‍ പങ്കെടുത്തു.
അധ്യാപകരായ ബിട്ടു സണ്ണി, എ.കെ. സനീഷ്, സി.ബി. പ്രശാന്ത്, സോന മരിയ എബ്രാഹം, രബ്‌ന ഇടവന, സുനില്‍ ജോര്‍ജ്, വിദ്യാര്‍ഥികളായ ബോണി സണ്ണി, അക്ഷയ് രാജ്, ആര്‍. അര്‍ജുന്‍, ഡോണ്‍ ജെ. കല്ലുങ്കല്‍, ആഷിന്‍ ആന്‍റോ, അലന്‍ ജോയി, ആല്‍ബിന്‍ ജോര്‍ജ്, പി.എസ്. എല്‍ദോസ്, ആല്‍ബിന്‍ സാബു, ആദിത്യന്‍ ശ്രീനിവാസ്, ഷാരോണ്‍ ബിജു, ശ്രീക്കുട്ടന്‍, നവീന്‍ ബെന്നി, ടോം ടൈറ്റസ് എന്നിവര്‍ നേതൃത്വം നല്‍കി.
LOGIN
