കാവുംമന്ദം: തരിയോട് പഞ്ചായത്ത് സിഡിഎസിന്‍റെ സഹകരണത്തോടെ "ഉയരേ’ എന്ന പേരിൽ വനിതാസംഗമവും സിഡിഎസ് വാർഷികവും സംഘടിപ്പിച്ചു. ജില്ലാ കളക്ടർ ഡി.ആർ. മേഘശ്രീ ഉദ്ഘാടനം ചെയ്തു.
മനക്കരുത്തുകൊണ്ട് വൈകല്യങ്ങളെ അതിജീവിച്ച താഹിറയെ അവർ മെമന്റോ നൽകി ആദരിച്ചു. പഞ്ചായത്ത് പ്രസിഡന്‍റ് ഷമീം പാറക്കണ്ടി അധ്യക്ഷത വഹിച്ചു. അസിസ്റ്റന്‍റ് സെക്രട്ടറി റസാഖ്, ഐസിഡിഎസ് സൂപ്പർവൈസർ എൻ.ജി. ജിഷ എന്നിവർ റിപ്പോർട്ട് അവതരിപ്പിച്ചു.
വിവിധ മേഖലകളിൽ മികവ് തെളിയിച്ച വനിതകളെയും കൂട്ടായ്മകളെയും പഞ്ചായത്ത് വൈസ് പ്രസിഡന്‍റ് പുഷ്പ മനോജ്, സ്റ്റാൻഡിംഗ് കമ്മിറ്റി അധ്യക്ഷരായ ഷീജ ആന്‍റണി, വി.ജി. ഷിബു, സെക്രട്ടറി എം.പി. രാജേന്ദ്രൻ, സിഡിഎസ് ചെയർപേഴ്സണ്‍ രാധ മണിയൻ എന്നിവർ ആദരിച്ചു.
പഞ്ചായത്ത് അംഗങ്ങളായ കെ.വി. ഉണ്ണിക്കൃഷ്ണൻ, ചന്ദ്രൻ മടത്തുവയൽ, സൂന നവീൻ, ബീന റോബിൻസണ്, വിജയൻ തോട്ടുങ്ങൽ, വത്സല നളിനാക്ഷൻ, സിബിൽ എഡ്വേർഡ്, കെ.എൻ. ഗോപിനാഥൻ, മെഡിക്കൽ ഓഫീസർ ഡോ. ഷൈനി, ക്ഷേമകാര്യ സ്റ്റാൻഡിംഗ് കമ്മിറ്റി അധ്യക്ഷ രാധ പുലിക്കോട്, സിഡിഎസ് വൈസ് ചെയർപേഴ്സണ്‍ ജസി തോമസ് എന്നിവർ പ്രസംഗിച്ചു.
സംഗമത്തിന്‍റെ ഭാഗമായി നടത്തിയ റാലിക്ക് വനിതാ ജനപ്രതിനിധികൾ, സിഡിഎസ് എക്സിക്യുട്ടീവ് കമ്മിറ്റി അംഗങ്ങൾ, ജീവനക്കാർ, കുടുംബശ്രീ പ്രവർത്തകർ, അങ്കണവാടി ജീവനക്കാർ, സപ്പോർട്ടിംഗ് കമ്മിറ്റി അംഗങ്ങൾ, ഹരിതകർമസേനാംഗങ്ങൾ, ആശാവർക്കർമാർ തുടങ്ങിയവർ നേതൃത്വം നൽകി.
LOGIN
