നെയ്യാറ്റിന്‍കര : കേളത്തില്‍ ലത്തീന്‍ സമുദായം അവഗണനയുടെ പടുകുഴിയിലെന്ന് നെയ്യാറ്റിന്‍കര ബിഷപ് ഡോ. സെല്‍വരാജന്‍. നെയ്യാറ്റിന്‍കര ലോഗോസ് പാസ്റ്ററല്‍ സെന്‍ററില്‍ കേരളാ ലാറ്റിന്‍ കാത്തലിക് അസോസിയേഷന്‍ സംഘടിപ്പിച്ച സമുദായ സമ്പര്‍ക്ക പരിപാടി ഉദ്ഘാടനം ചെയ്യുകയായിരുന്നു ബിഷപ്.
ലത്തീന്‍ സമുദായ സര്‍ട്ടിഫിക്കറ്റുകള്‍ വിതരണം ചെയ്യുന്നതിന് 1947 ന്‍റെ മാനദണ്ഡം ഒരു ഉത്തരവിലൂടെ പരിഹരിക്കാമായിരുന്നിട്ടും സര്‍ക്കാര്‍ അനങ്ങുന്നില്ല. മറ്റു സമുദായങ്ങള്‍ക്ക് മുന്നില്‍ തലകുനിക്കുന്ന സര്‍ക്കാര്‍ ലത്തീന്‍ സമുദായത്തെ പരിഗണിക്കുന്നില്ലെന്നും ബിഷപ് കുറ്റപ്പെടുത്തി.
കെഎല്‍സിഎ സംസ്ഥാന പ്രസിഡന്‍റ് ഷെറി ജെ തോമസ്, പാറശാല എംഎല്‍എ സി.കെ. ഹരീന്ദ്രന്‍, കെഎല്‍സിഎ രൂപത പ്രസിഡന്‍റ് അനില്‍ ജോസ്, അല്‍മായ കമ്മിഷന്‍ ഡയറക്ടര്‍ ഫാ. എസ്.എം. അനില്‍കുമാര്‍, സംസ്ഥാന ജനറല്‍ സെക്രട്ടറി രതീഷ് ആന്‍റണി, പ്രസിഡന്‍റ് ബിജു ജോസി, കെഎല്‍സിഡബ്ല്യൂഎ രൂപത പ്രസിഡന്‍റ് ഉഷാരാജന്‍, ആല്‍ഫ്രഡ് വില്‍സണ്‍, ഡിസിഎംസ് രൂപത പ്രസിഡന്‍റ് പ്രഭുല്ലദാസ്, അഗസ്റ്റ്യന്‍, രാജേന്ദ്രന്‍, അഡ്വ രാജു, രാജന്‍, ഫെലിക്സ എന്നിവര്‍ പങ്കെടുത്തു. ഏഴു രൂപതകളിലാണ് നിലവില്‍ സമുദായ സമ്പര്‍ക്ക പരിപാടി പൂര്‍ത്തിയാക്കിയത്, തദ്ദേശ സ്വയംഭരണ തെരെഞ്ഞെടുപ്പിന് മുമ്പ് മറ്റു രൂപതകളിലും പരിപാടി പൂര്‍ത്തീകരിക്കുമെന്ന് കെഎല്‍സിഎ അറിയിച്ചു.
LOGIN
