കൈപ്പറമ്പ്: കനത്ത മഴയിൽ പോന്നോരിലെ പോന്നോർതാഴം പടവിലെ കെഎൽഡിസി ബണ്ട് തകർന്നു. 265 ഏക്കറോളം വരുന്ന കോൾപാടത്തെ ബണ്ടാണ് ഇന്നലെ വൈകിട്ട് ആറരയോടെ ബണ്ട് തകർന്നത്. 265ഏക്കറിൽ നടീൽ കഴിഞ്ഞ നെല്ലുകൃഷി മുഴുവൻ വെള്ളത്തിനടിയിലായി.
ബണ്ടിലെ വെള്ളം കരിവാലിച്ചണ്ടി മൂലം ഒഴുകിപ്പോകാത്തതാണ് ബണ്ട് തകരാൻ കാരണമായതെന്ന് കർഷകർ പറയുന്നു. ഇരുപതുദിവസത്തോളം പാകമായ നെൽച്ചെടികളാണ് വെള്ളത്തിനടിയിലായത്.
പടവിലെ മുഴുവൻ സ്ഥലത്തും നടാൻ ഇട്ട ഞാറും എല്ലാം വെള്ളം പൊങ്ങിയതോടെ നശിച്ചുപോയി. പലരും സഹകരണ സംഘങ്ങളിൽനിന്നും ലോണെടുത്താണു കൃഷി ചെയ്യുന്നത്. ഇതുമൂലം ലക്ഷങ്ങളുടെ നഷ്ടമാണു കർഷകർക്കുണ്ടാകുന്നതെന്ന് പടവ് കമ്മിറ്റി കൺവീനർ സി.ആർ. രഞ്ജിത്ത് പറഞ്ഞു.