മരട്: മരട് നഗരസഭയിൽ ജൈവ മാലിന്യം സംസ്കരിക്കുന്നതിനായി ഓർഗാനിക് വേസ്റ്റ് കൺവെർട്ടർ സ്ഥാപിക്കാനുള്ള നടപടികൾ നടന്നു വരികയാണെന്ന് ചെയർപേഴ്സൺ ആന്റണി ആശാൻപറമ്പിൽ അറിയിച്ചു.
ഇതിന് മുന്നോടിയായി ബൾക്ക് ഫുഡ് വേസ്റ്റ് ഉൾപ്പെടെയുള്ള ജൈവമാലിന്യങ്ങൾ ശാസ്ത്രീയമായി നീക്കം ചെയ്യുന്നതിന് സ്വകാര്യ ഏജൻസിയുമായി കരാർ ഏർപ്പെടും ഇതിന് മുന്നോടിയായി നഗരസഭ ചെയർപേഴ്സന്റെ നേതൃത്വത്തിൽ കാഞ്ഞിരപ്പിള്ളിയിലുള്ള അമല എക്കോ ക്ലീൻ പ്രൈവറ്റ് ലിമിറ്റഡിന്റെ പ്ലാന്റ് സന്ദർശിച്ചു.
കറുത്ത പട്ടാള പുഴുക്കൾ എന്നറിയപ്പെടുന്ന പ്രത്യേക തരം പുഴുക്കളുടെ സഹായത്തോടെ ജൈവ മാലിന്യത്തിൽ നിന്നും മത്സ്യത്തീറ്റ നിർമാണത്തിന് ആവശ്യമായ മാംസ്യം ഉത്പാദിപ്പിക്കുന്നതാണ് പദ്ധതിയുടെ പ്രവർത്തനരീതി. നെട്ടൂർ അന്താരാഷ്ട്ര മാർക്കറ്റിൽ പദ്ധതി നിർമാണമാരംഭിക്കുമെന്നും ചെയർപേഴ്സൺ വ്യക്തമാക്കി.