സ്കൂ​ള്‍ സു​ര​ക്ഷ​യു​മാ​യി ബ​ന്ധ​പ്പെ​ട്ട ഉ​ത്ത​ര​വു​ക​ള്‍​ക്ക് ഒ​രു പ​ഞ്ഞ​വു​മി​ല്ലെ​ന്നു സം​സ്ഥാ​ന പൊ​തു​വി​ദ്യാ​ഭ്യാ​സ വ​കു​പ്പി​ന്‍റെ വെ​ബ്സൈ​റ്റു​ക​ള്‍ പ​രി​ശോ​ധി​ച്ചാ​ല്‍ വ്യ​ക്തം. ഉ​ത്ത​ര​വു​ക​ള്‍ കൃ​ത്യ​മാ​യി വി​ദ്യാ​ഭ്യാ​സ ഓ​ഫീ​സ​ര്‍​മാ​ര്‍ മു​ഖേ​ന സ്കൂ​ളു​ക​ളി​ല്‍ എ​ത്തു​ക​യും അ​ന​ന്ത​ര ന​ട​പ​ടി​യെ​ന്തെ​ന്ന വി​ശ​ദീ​ക​ര​ണം തി​രി​കെ വാ​ങ്ങു​ക​യും പ​രി​ശോ​ധ​ന​ക​ള്‍ ന​ട​ത്തു​ക​യും ചെ​യ്യു​ന്നു​ണ്ടെ​ന്നാ​ണു പ​റ​യു​ന്ന​ത്. പ​ക്ഷേ ന​ട​പ​ടി​ക​ളെ​ല്ലാം ക​ട​ലാ​സി​ൽ മാ​ത്ര​മെ​ന്നാ​ണു സ​മീ​പ​കാ​ല സം​ഭ​വ​ങ്ങ​ള്‍ ന​ല്‍​കു​ന്ന സൂ​ച​ന.

പ്ര​ഥ​മാ​ധ്യാ​പ​ക​രു​ടെ ഉ​ത്ത​ര​വാ​ദി​ത്വ​ത്തി​ലാ​ണ് സ്കൂ​ള്‍ സു​ര​ക്ഷാ ന​ട​പ​ടി​ക​ള്‍. മേ​ല്‍​നോ​ട്ട​ച്ചു​മ​ത​ല വി​ദ്യാ​ഭ്യാ​സ​വ​കു​പ്പി​നു​ണ്ട്. പൊ​തു​വി​ദ്യാ​ഭ്യാ​സ വ​കു​പ്പി​ല്‍​നി​ന്ന് ഇ​തു സം​ബ​ന്ധി​ച്ച ചോ​ദ്യാ​വ​ലി ദി​വ​സ​വു​മെ​ത്തു​ന്നു​ണ്ട്. നേ​ര​ത്തേ​യു​ള്ള ഉ​ത്ത​ര​വു​ക​ളു​ടെ തു​ട​ര്‍​ച്ച​യാ​യാ​ണ് ഇ​ത്ത​രം ചോ​ദ്യാ​വ​ലി. മ​ണി​ക്കൂ​റു​ക​ള്‍​ക്കു​ള്ളി​ല്‍ മ​റു​പ​ടി ആ​വ​ശ്യ​പ്പെ​ടു​ന്ന​വ​യ്ക്ക് സ്ഥി​രം ഉ​ത്ത​ര​ങ്ങ​ള്‍ സ്കൂ​ളു​ക​ളി​ല്‍​നി​ന്നു ല​ഭി​ക്കാ​റു​മു​ണ്ട്. പ​ക്ഷേ എ​ല്ലാം വ​ഴി​പാ​ടാ​യി മാ​റു​ന്നു. മേ​ൽ​ത്ത​ട്ട് മു​ത​ല്‍ താ​ഴെ​വ​രെ സി​സ്റ്റം ഒ​ന്നി​ച്ചു നീ​ങ്ങി​ല്ലെ​ന്നു മ​റു​പ​ടി ന​ല്‍​കു​ന്ന​വ​ര്‍​ക്കും അ​റി​യാം.

ഈ അ​ധ്യ​യ​നവ​ര്‍​ഷം ആ​രം​ഭി​ക്കു​ന്ന​തി​നു മു​ന്നോ​ടി​യാ​യി സം​സ്ഥാ​ന പൊ​തു​വി​ദ്യാ​ഭ്യാ​സ ഡ​യ​റ​ക്ട​റു​ടെ കാ​ര്യാ​ല​യ​ത്തി​ല്‍​നി​ന്ന് 2025 മേ​യ് 13ന് ​ഡി​ജി​ഇ/9520/2025 ക്യു​പി​ഐ1 എ​ന്ന ഉ​ത്ത​ര​വി​ലൂ​ടെ സ്കൂ​ള്‍ തു​റ​ക്കു​ന്ന​തു സം​ബ​ന്ധി​ച്ച വി​ശ​ദ​മാ​യ മാ​ര്‍​ഗനി​ര്‍​ദേ​ശ​ങ്ങ​ള്‍ ന​ല്‍​കി​യി​രു​ന്നു. പൊ​തു​വി​ദ്യാ​ഭ്യാ​സ ഡ​യ​റ​ക്‌​ട​ര്‍ എ​സ്. ഷാ​ന​വാ​സാ​ണ് ഉ​ത്ത​ര​വി​ല്‍ ഒ​പ്പി​ട്ടി​രി​ക്കു​ന്ന​ത്. ത​ദ്ദേ​ശ​സ്ഥാ​പ​ന​ത്തി​ല്‍​നി​ന്ന് ഫി​റ്റ്ന​സ് സ​ര്‍​ട്ടി​ഫി​ക്ക​റ്റ് ഉ​ണ്ടെ​ങ്കി​ല്‍ മാ​ത്ര​മേ ക്ലാ​സ് ന​ട​ത്താ​ന്‍ ക​ഴി​യൂ​വെ​ന്ന് ഉ​ത്ത​ര​വി​ന്‍റെ തു​ട​ക്ക​ത്തി​ല്‍​ത​ന്നെ പ​റ​യു​ന്നു. സ്കൂ​ള്‍ പ​രി​സ​രം വൃ​ത്തി​യാ​ക്കേ​ണ്ട​തും അ​പ​ക​ട​ക​ര​മാ​യ സാ​ഹ​ച​ര്യ​ങ്ങ​ള്‍ ഒ​ഴി​വാ​ക്കേ​ണ്ട​തു​മാ​ണെ​ന്ന് തു​ട​ര്‍​ന്നു പ​റ​യു​ന്നു.

ഒ​മ്പ​താം ന​മ്പ​ര്‍ സു​ര​ക്ഷ​യി​ല്‍ കെ​എ​സ്ഇ​ബി ലൈ​നു​ക​ളും

സു​ര​ക്ഷ​യെ സം​ബ​ന്ധി​ച്ച് ഒ​മ്പ​താം ന​മ്പ​ര്‍ നി​ര്‍​ദേ​ശ​മാ​യി പ​റ​യു​ന്ന​തു​ത​ന്നെ സ്കൂ​ളി​ലേ​ക്ക​ള്ള വ​ഴി, സ്കൂ​ള്‍ പ​രി​സ​രം, കോ​മ്പൗ​ണ്ട് എ​ന്നി​വി​ട​ങ്ങ​ളി​ലു​ള്ള വൈ​ദ്യു​ത പോ​സ്റ്റ്, ഇ​ല​ക്‌​ട്രി​ക് ലൈ​ന്‍, സ്റ്റേ ​വ​യ​ര്‍, സു​ര​ക്ഷാവേ​ലി​ക​ള്‍ ഇ​ല്ലാ​തെ​യു​ള്ള ട്രാ​ന്‍​സ്ഫോ​ര്‍​മ​റു​ക​ള്‍ മു​ത​ലാ​യ​വ അ​പ​ക​ട​ക​ര​മാ​ണെ​ന്നു കാ​ണു​ക​യാ​ണെ​ങ്കി​ല്‍ ബ​ന്ധ​പ്പെ​ട്ട കെ​എ​സ്ഇ​ബി അ​ധി​കൃ​ത​രെ അ​റി​യി​ച്ച് സു​ര​ക്ഷി​ത​ത്വം ഉ​റ​പ്പാ​ക്ക​ണ​മെ​ന്ന​താ​ണ്. സ്കൂ​ളി​ന​ടു​ത്തു​ള്ള വെ​ള്ള​ക്കെ​ട്ടു​ക​ള്‍, കു​ള​ങ്ങ​ള്‍, കി​ണ​റു​ക​ള്‍ എ​ന്നി​വ​യ്ക്ക് സു​ര​ക്ഷാ​ഭി​ത്തി​ക​ള്‍ നി​ര്‍​മി​ക്കാ​നും വെ​ള്ള​ക്കെ​ട്ട് രൂ​പ​പ്പെ​ടാ​ന്‍ സാ​ധ്യ​ത​യു​ള്ള പ്ര​ദേ​ശ​ങ്ങ​ളി​ല്‍ അ​പ​ക​ട​സാ​ധ്യ​താ മു​ന്ന​റി​യി​പ്പ് ബോ​ര്‍​ഡു​ക​ള്‍ സ്ഥാ​പി​ക്കാ​നും ശ്ര​ദ്ധി​ക്കു​ക, ഇ​ഴ​ജ​ന്തു​ക്ക​ള്‍ ക​യ​റി​യി​രി​ക്കാ​ന്‍ സാ​ധ്യ​ത​യു​ള്ള ഇ​ട​ങ്ങ​ള്‍ സൂ​ക്ഷ്മ​മാ​യി പ​രി​ശോ​ധി​ച്ച് അ​വ​യു​ടെ സാ​ന്നി​ധ്യ​മി​ല്ലെ​ന്ന് ഉ​റ​പ്പാ​ക്കു​ക തു​ട​ങ്ങി 11 പ്ര​ത്യേ​ക നി​ര്‍​ദേ​ശ​ങ്ങ​ള്‍ സു​ര​ക്ഷ​യു​മാ​യി ബ​ന്ധ​പ്പെ​ട്ട് ന​ല്‍​കി​യി​ട്ടു​ണ്ട്.

പി​ന്നാ​ലെ കു​ട്ടി​ക​ളു​ടെ യാ​ത്ര സു​ര​ക്ഷി​ത​മാ​ക്കാ​നു​ള്ള ഏ​ഴ് നി​ര്‍​ദേ​ശ​ങ്ങ​ളു​ണ്ട്. സ്കൂ​ള്‍ പ​രി​സ​ര​ങ്ങ​ളി​ൽ ല​ഹ​രി ത​ട​യു​ന്ന​തു​ള്‍​പ്പെ​ടെ​യു​ള്ള നി​ര്‍​ദേ​ശ​ങ്ങ​ള്‍ ഇ​തി​ലു​ണ്ട്. പ​രി​സ​ര ശു​ചീ​ക​ര​ണം, ഉ​ച്ച​ഭ​ക്ഷ​ണം തു​ട​ങ്ങി​യ​വ സം​ബ​ന്ധി​ച്ചും നി​ര്‍​ദേ​ശ​ങ്ങ​ള്‍ നേ​ര​ത്തേത​ന്നെ ന​ല്‍​കി​യ​താ​ണ്. ഏ​ഴ് ത​ല​ക്കെ​ട്ടു​ക​ളി​ലാ​യി ന​ല്‍​കി​യി​രി​ക്കു​ന്ന നി​ര്‍​ദേ​ശ​ങ്ങ​ള്‍ ന​ട​പ്പാ​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​നു​ള്ള സ​മി​തി​ക​ളു​ടെ രൂ​പീ​ക​ര​ണം, യോ​ഗ​ങ്ങ​ള്‍ എ​ന്നി​വ​യെ​ക്കു​റി​ച്ചും നി​ര്‍​ദേ​ശ​മു​ണ്ട്.

‘എ​ല്ലാം ഓ​ക്കെ’ എ​ന്ന് വ​കു​പ്പു​ക​ള്‍; സ​ര്‍​ട്ടി​ഫി​ക്ക​റ്റു​മാ​യി സ്കൂ​ള്‍

സ്കൂ​ള്‍സു​ര​ക്ഷ ഉ​റ​പ്പാ​ക്കാ​നാ​യി സ​ര്‍​ക്കാ​ര്‍ ന​ല്‍​കി​യ നി​ര്‍​ദേ​ശ​ങ്ങ​ളി​ല്‍ വി​വി​ധ വ​കു​പ്പു​ക​ളു​ടെ ഉ​ത്ത​ര​വാ​ദി​ത്വ​ങ്ങ​ളും വ്യ​ക്ത​മാ​ണ്. ഇ​തെ​ല്ലാം ന​ട​ത്തി​യി​ട്ടു​ണ്ടെ​ന്നാ​ണു ബ​ന്ധ​പ്പെ​ട്ട വ​കു​പ്പു​ക​ളു​ടെ രേ​ഖ​ക​ളി​ലു​ള്ള​ത്. ത​ദ്ദേ​ശ​സ്ഥാ​പ​ന എ​ന്‍​ജി​നി​യ​ര്‍​മാ​രാ​ണ് സ്കൂ​ള്‍ കെ​ട്ടി​ട​ങ്ങ​ള്‍ പ​രി​ശോ​ധി​ച്ച് സു​ര​ക്ഷാ സ​ര്‍​ട്ടി​ഫി​ക്ക​റ്റ് ന​ല്‍​കേ​ണ്ട​ത്. ഉ​പ​യോ​ഗ​ശൂ​ന്യ​മാ​യ കെ​ട്ടി​ട​ങ്ങ​ള്‍ സം​ബ​ന്ധി​ച്ചും ഇ​വ​ര്‍ റി​പ്പോ​ര്‍​ട്ട് ന​ല്‍​ക​ണം. കെ​എ​സ്ആ​ര്‍​ടി​സി, ത​ദ്ദേ​ശ സ്ഥാ​പ​ന​ങ്ങ​ള്‍, ആ​രോ​ഗ്യം, പോ​ലീ​സ്, കെ​എ​സ്ഇ​ബി, എ​ക്സൈ​സ്, സാ​മൂ​ഹ്യ​നീ​തി വ​കു​പ്പ്, വ​നി​താ ശി​ശു​വി​ക​സ​ന വ​കു​പ്പ്, പ​ട്ടി​ക​വ​ര്‍​ഗം, വ​നം വ​കു​പ്പു​ക​ളു​ടെ പ്ര​തി​നി​ധി​ക​ളെ ഉ​ള്‍​പ്പെ​ടു​ത്തി സ്കൂ​ള്‍​ത​ല യോ​ഗ​ങ്ങ​ള്‍ വി​ളി​ച്ച് പ്ര​വ​ര്‍​ത്ത​ന​ങ്ങ​ള്‍ ആ​സൂ​ത്ര​ണം ചെ​യ്യാ​ന്‍ നി​ര്‍​ദേ​ശി​ച്ചി​രു​ന്നു. ജ​ന​ജാ​ഗ്ര​താ സ​മി​തി​യും ഇ​തി​നൊ​പ്പം കൂ​ട​ണം.

സ്കൂ​ള്‍​ ത​ല​ത്തി​ല്‍ ന​ട​ത്തി​യ പ്ര​വ​ര്‍​ത്ത​ന​ങ്ങ​ള്‍ സം​ബ​ന്ധി​ച്ച് വി​ദ്യാ​ഭ്യാ​സ ഓ​ഫീ​സ​ര്‍​മാ​ര്‍ മേ​യ് 22നും 27​നും മ​ധ്യേ സ്കൂ​ളു​ക​ള്‍ നേ​രി​ട്ടു സ​ന്ദ​ര്‍​ശി​ച്ച് പ​രി​ശോ​ധ​ന ന​ട​ത്തി റി​പ്പോ​ര്‍​ട്ട് ന​ല്‍​കാ​ന്‍ നി​ര്‍​ദേ​ശി​ച്ചി​രു​ന്നു. രേ​ഖ​ക​ളി​ല്‍ ഇ​ത​നു​സ​രി​ച്ച് പ​രി​ശോ​ധ​ന​ക​ള്‍ ന​ട​ത്തി ഓ​രോ ദി​വ​സ​വും റി​പ്പോ​ര്‍​ട്ട് ഡി​ഡി​ഇ​യ്ക്ക് ന​ല്‍​കു​ക​യും ചെ​യ്തി​ട്ടു​ണ്ട്. ഇ​തോ​ടൊ​പ്പം വി​ദ്യാ​ഭ്യാ​സ ഓ​ഫീ​സു​ക​ളി​ല്‍​നി​ന്നു​ള്ള സം​ഘം സ്കൂ​ള്‍ പ​രി​സ​ര​ങ്ങ​ള്‍ ഉ​ള്‍​പ്പെ​ടെ സ​ന്ദ​ര്‍​ശി​ച്ച് സു​ര​ക്ഷാ റി​പ്പോ​ര്‍​ട്ട് ന​ല്‍​കി​യ​താ​ണ്. എ​ല്ലാ​വ​രും വ​ന്നു​പോ​കു​ക​യും എ​ല്ലാ ശു​ഭ​മെ​ന്ന് വി​ല​യി​രു​ത്തി റി​പ്പോ​ര്‍​ട്ടു​ക​ള്‍ ന​ല്‍​കു​ക​യും ചെ​യ്ത ശേ​ഷ​മാ​ണ് സ്കൂ​ളു​ക​ള്‍ ഫി​റ്റ്ന​സ് സ​ര്‍​ട്ടി​ഫി​ക്ക​റ്റ് സ്വ​ന്ത​മാ​ക്കി ക്ലാ​സു​ക​ള്‍ തു​ട​ങ്ങു​ന്ന​തെ​ന്നാ​ണ് വ​യ്പ്. മി​ഥു​ന്‍ പ​ഠി​ച്ച തേ​വ​ല​ക്ക​ര സ്കൂ​ളി​ലും ഇ​തൊ​ക്കെ ന​ട​ന്നി​ട്ടു​ണ്ടെ​ന്നാ​ണ് രേ​ഖ​ക​ളി​ല്‍ പ​റ​യു​ന്ന​ത്. പി​ന്നെ എ​ങ്ങ​നെ ഇ​ങ്ങ​നെ​യൊ​ക്കെ സം​ഭ​വി​ക്കു​ന്നു എ​ന്ന​തി​നു​മാ​ത്രം ആ​ര്‍​ക്കും ഉ​ത്ത​ര​വും ഉ​ത്ത​ര​വാ​ദി​ത്വ​വു​മി​ല്ല.

പ​ഴ​യ കെ​ട്ടി​ട​ങ്ങ​ള്‍ ഇ​ടി​ഞ്ഞുവീ​ഴു​ന്നു

സം​സ്ഥാ​ന​ത്തെ പ​ല സ​ര്‍​ക്കാ​ര്‍, എ​യ്ഡ​ഡ് സ്കൂ​ള്‍ വ​ള​പ്പു​ക​ളി​ലും പ​ഴ​യ കെ​ട്ടി​ട​ങ്ങ​ള്‍ പ​ല​തും നി​ത്യ​സ്മാ​ര​ക​മാ​യി നി​ല​നി​ല്‍​ക്കു​ന്നു​ണ്ട്. രാ​ജ​ഭ​ര​ണ​കാ​ല​ത്തെ പ്ര​താ​പ​വു​മാ​യി നി​ല്‍​ക്കു​ന്ന കെ​ട്ടി​ട​ങ്ങ​ളും ഇ​ക്കൂ​ട്ട​ത്തി​ലു​ണ്ട്. പൈ​തൃ​ക​ങ്ങ​ളാ​യി സം​ര​ക്ഷി​ക്ക​പ്പെ​ടേ​ണ്ട​വ​യെ​ന്ന പേ​രി​ല്‍ മാ​റ്റി​യി​ട്ട​വ ത​ക​ര്‍​ന്നു​വീ​ണു തു​ട​ങ്ങി. വ​ര്‍​ഷ​ങ്ങ​ള്‍​ക്കു​ മു​മ്പേ ഉ​പ​യോ​ഗ​ശൂ​ന്യ​മെ​ന്നു ക​ണ്ടെ​ത്തി​യ കെ​ട്ടി​ട​ങ്ങ​ളാ​ണി​വ. ക്ലാ​സ് മു​റി​ക​ള്‍ ഈ ​കെ​ട്ടി​ട​ങ്ങ​ളി​ല്‍ പ്ര​വ​ര്‍​ത്തി​പ്പി​ക്കാ​ന്‍ അ​നു​മ​തി​യി​ല്ലെ​ങ്കി​ല്‍​പോ​ലും പൊ​ളി​ച്ചു​നീ​ക്കാ​നും അ​നു​മ​തി​യി​ല്ല. കെ​ട്ടി​ടം പൊ​ളി​ച്ചു​മാ​റ്റ​ണ​മെ​ങ്കി​ല്‍ വി​ദ്യാ​ഭ്യാ​സ വ​കു​പ്പി​ന്‍റെ പ​ല ക​ട​മ്പ​ക​ളും ക​ട​ക്കേ​ണ്ട​തു​ണ്ട്. ഇ​തെ​ല്ലാം പൂ​ര്‍​ത്തീ​ക​രി​ച്ച് ബ​ന്ധ​പ്പെ​ട്ട ത​ദ്ദേ​ശ​ സ്ഥാ​പ​ന​ത്തി​ന്‍റെ അ​നു​മ​തി വാ​ങ്ങ​ണം. വി​ദ്യാ​ഭ്യാ​സ വ​കു​പ്പും അ​നു​മ​തി ന​ല്‍​ക​ണം. എ​ല്ലാം ക​ഴി​യു​മ്പോ​ഴേ​ക്കും കാ​ലം കു​റെ​യെ​ടു​ക്കും.

പ​ത്ത​നം​തി​ട്ട ക​ട​മ്മ​നി​ട്ട ഗ​വ​ണ്‍​മെ​ന്‍റ് എ​ച്ച്എ​സ്എ​സി​ന്‍റെ പ​ഴ​യ കെ​ട്ടി​ടം ക​ഴി​ഞ്ഞ​ദി​വ​സം ത​ക​ര്‍​ന്നു​വീ​ണു. രാ​ത്രി​യി​ലാ​യി​രു​ന്ന​തി​നാ​ല്‍ അ​പ​ക​ടം ഒ​ഴി​വാ​യി. ഈ ​കെ​ട്ടി​ടം പൊ​ളി​ച്ചു​മാ​റ്റ​ണ​മെ​ന്ന് മു​ഖ്യ​മ​ന്ത്രി​യു​ടെ ന​വ​കേ​ര​ള സ​ദ​സി​ൽ ഒ​രു നാ​ട് ഒ​ന്നാ​കെ ആ​വ​ശ്യ​പ്പെ​ട്ട​താ​ണ്. കെ​ട്ടി​ട​ത്തോ​ടു ചേ​ര്‍​ന്നാ​ണ് സ്കൂ​ള്‍ ഗ്രൗ​ണ്ട്. ഗ്രൗ​ണ്ടി​ല്‍ ക​ളി​ക്കാ​നെ​ത്തു​ന്ന കു​ട്ടി​ക​ള്‍ മ​ഴ​യ​ത്തും മ​റ്റും കെ​ട്ടി​ട​വ​രാ​ന്ത​യി​ല്‍ ക​യ​റി നി​ല്‍​ക്കു​ന്ന​ത് നാ​ട്ടു​കാ​ര്‍ ദി​വ​സ​വും കാ​ണു​ന്ന​താ​ണ്. അ​പ​ക​ടം മ​ണ​ത്ത​പ്പോ​ഴാ​ണ് അ​വ​ര്‍ ഒ​ന്നി​ച്ചു പ​രാ​തി ന​ല്‍​കി​യ​ത്. പ​യ്യ​ന്നൂ​രി​ല്‍ ബി​ആ​ര്‍​സി കെ​ട്ടി​ടം ത​ക​ര്‍​ന്നുവീ​ണ​തും ഇ​തേ ദി​വ​സ​മാ​ണ്. വ​ര്‍​ഷ​ങ്ങ​ള്‍​ക്കു​മു​മ്പ് അ​ട​ച്ചു​പൂ​ട്ടി​യ എ​യ്ഡ​ഡ് സ്കൂ​ളു​ക​ളു​ടെ കെ​ട്ടി​ട​ങ്ങ​ള്‍ മാ​നേ​ജ്മെ​ന്‍റു​ക​ള്‍​ക്ക് കൈ​മാ​റാ​ന്‍ വി​ദ്യാ​ഭ്യാ​സ വ​കു​പ്പ് ത​യാ​റാ​യി​ട്ടി​ല്ല. ന​ട​പ​ടി​ക്ര​മ​ങ്ങ​ള്‍ പൂ​ര്‍​ത്തീ​ക​രി​ച്ചി​ട്ടി​ല്ലെ​ന്ന​താ​ണു ന്യാ​യം. 2001 മു​ത​ല്‍ അ​ട​ച്ചു​പൂ​ട്ടി​യ പ​ല സ​ര്‍​ക്കാ​ര്‍, എ​യ്ഡ​ഡ് പ്രൈ​മ​റി സ്കൂ​ളു​ക​ളു​ടെ​യും കെ​ട്ടി​ട​ങ്ങ​ള്‍ അ​പ​ക​ടാ​വ​സ്ഥ​യി​ല്‍ പ​ല​യി​ട​ങ്ങ​ളി​ലാ​യി കി​ട​പ്പു​ണ്ട്.

എ​യ്ഡ​ഡ് സ്കൂ​ളു​ക​ള്‍​ക്കു സ​ര്‍​ക്കാ​ര്‍ ന​ല്‍​കു​ന്ന​ത് തു​ച്ഛ​മാ​യ മെ​യി​ന്‍റ​ന​ന്‍​സ് ഗ്രാ​ന്‍റാ​ണ്. പ്രൈ​മ​റി ക്ലാ​സു​ക​ളി​ല്‍ കു​ട്ടി ഒ​ന്നി​ന് 60 രൂ​പ​യും ഹൈ​സ്കൂ​ളി​ല്‍ 80 രൂ​പ​യും ക​ണ​ക്കാ​ക്കി​യാ​ണ് പ്ര​തി​വ​ര്‍​ഷം മെ​യി​ന്‍റ​ന​ന്‍​സ് ഗ്രാ​ന്‍റ് ന​ല്‍​കു​ന്ന​ത്. സ്കൂ​ളു​ക​ളു​ടെ ഭൗ​തി​ക സാ​ഹ​ച​ര്യം മെ​ച്ച​പ്പെ​ടു​ത്തേ​ണ്ട​ത് മാ​നേ​ജ്മെ​ന്‍റു​ക​ളാ​ണ്. കു​ട്ടി​ക​ളു​ടെ എ​ണ്ണം കു​റ​ഞ്ഞ​തോ​ടെ പ​ല​യി​ട​ത്തും സ്കൂ​ളു​ക​ള്‍ മു​ന്നോ​ട്ടു കൊ​ണ്ടു​പോ​കു​ന്ന​തി​ല്‍ മാ​നേ​ജ​ര്‍​മാ​ര്‍​ക്കു താ​ത്പ​ര്യം കു​റ​ഞ്ഞു. പു​തി​യ കെ​ട്ടി​ട​ങ്ങ​ള്‍ നി​ര്‍​മി​ക്കാ​ന്‍ മാ​നേ​ജ്മെ​ന്‍റു​ക​ള്‍ ത​യാ​റാ​യി​ട്ടി​ല്ല. വ്യ​ക്തി​ഗ​ത മാ​നേ​ജ്മെ​ന്‍റ് സ്കൂ​ളു​ക​ളാ​ണ് ഇ​ത്ത​ര​ത്തി​ല്‍ അ​വ​ഗ​ണി​ക്ക​പ്പെ​ടു​ന്ന​തി​ല്‍ ഏ​റെ​യും. സ​ര്‍​ക്കാ​ര്‍ സ്കൂ​ളു​ക​ളു​ടെ ചു​മ​ത​ല ത​ദ്ദേ​ശ സ്ഥാ​പ​ന​ങ്ങ​ള്‍​ക്കു ന​ല്‍​കി​യ​തോ​ടെ അ​റ്റ​കു​റ്റ​പ്പ​ണി​ക​ളും പു​തി​യ കെ​ട്ടി​ടനി​ര്‍​മാ​ണ​വു​മൊ​ക്കെ അ​വ​രു​ടെ ചു​മ​ത​ല​യാ​യി മാ​റി. ഫ​ണ്ടി​ന്‍റെ അ​ഭാ​വം ത​ദ്ദേ​ശ സ്ഥാ​പ​ന​ങ്ങ​ളി​ലു​ണ്ട്.

അ​പ​ക​ടം വ​രു​മ്പോ​ള്‍ നാം ​ഉ​ണ​രും

അ​നാ​സ്ഥ മൂ​ലം അ​പ​ക​ട​ങ്ങ​ളു​ണ്ടാ​കു​ക​യും ജീ​വ​നു​ക​ള്‍ ന​ഷ്ട​പ്പെ​ടു​ക​യും ചെ​യ്യു​മ്പോ​ള്‍ നാം ​ഉ​ണ​രും.​ മാ​ധ്യ​മ​ങ്ങ​ള്‍ ആ​ഘോ​ഷ​മാ​യി ഇ​തു കൊ​ണ്ടു​ന​ട​ക്കും. പി​ന്നീ​ട് എ​ല്ലാ​വ​രും ഇ​തെ​ല്ലാം മ​റ​ക്കും.

2019 ന​വം​ബ​ര്‍ 20നാ​ണ് ബ​ത്തേ​രി സ​ര്‍​ക്കാ​ര്‍ സ​ര്‍​വ​ജ​ന സ്കൂ​ളി​ലെ ക്ലാ​സ്മു​റി​യി​ല്‍ അ​ഞ്ചാം ക്ലാ​സ് വി​ദ്യാ​ര്‍​ഥി​നി ഷെ​ഹ​ല ഷെ​റി​ന്‍ (10) പാ​മ്പു ക​ടി​യേ​റ്റു മ​രി​ച്ച​ത്. ഏ​റെ കോ​ളി​ള​ക്കം ഉ​ണ്ടാ​ക്കി​യ സം​ഭ​വ​ത്തി​നു​ശേ​ഷം സം​സ്ഥാ​ന​ത്തെ സ്കൂ​ളു​ക​ളി​ല്‍ വ്യാ​പ​ക പ​രി​ശോ​ധ​ന ന​ട​ന്നു. ഭി​ത്തി​ക​ളി​ലും ത​റ​ക​ളി​ലും സ്കൂ​ള്‍ വ​ള​പ്പി​ലും പാ​മ്പു​ക​ള്‍ ഒ​ളി​ച്ചി​രി​പ്പി​ല്ലെ​ന്ന് ഉ​റ​പ്പി​ക്കു​ക​യാ​യി​രു​ന്നു പി​ന്നീ​ട് ചെ​യ്ത​ത്. തു​ട​ര്‍​ന്ന് എ​ല്ലാ​ വ​ര്‍​ഷ​വും സ്കൂ​ള്‍ തു​റ​ക്കു​ന്ന​തി​നു മു​മ്പാ​യു​ള്ള പ​രി​ശോ​ധ​ന​യി​ല്‍ സ്കൂ​ളി​ലോ പ​രി​സ​ര​ത്തോ പാ​മ്പു​ക​ള്‍​ക്ക് ഒ​ളി​ച്ചി​രി​ക്കാ​നു​ള്ള ഇ​ട​മി​ല്ലെ​ന്നു​റ​പ്പാ​ക്കി പ്ര​ഥ​മാ​ധ്യാ​പ​ക​ര്‍ മ​റു​പ​ടി ന​ല്‍​കേ​ണ്ടി വ​രു​ന്നു​ണ്ട്.

ബ​ത്തേ​രി സം​ഭ​വ​ത്തി​നു​ശേ​ഷം 2024 ഡി​സം​ബ​ര്‍ 20ന് ​തി​രു​വ​ന​ന്ത​പു​രം ജി​ല്ല​യി​ലെ നെ​യ്യാ​റ്റി​ന്‍​ക​ര ചെ​ങ്ക​ല്‍ വ​ട്ട​വി​ള യു​പി​സ്കൂ​ളി​ല്‍ ഏ​ഴാം ക്ലാ​സ് വി​ദ്യാ​ര്‍​ഥി​നി നേ​ഹ​യ്ക്ക് (12) ക്ലാ​സ് മു​റി​യി​ല്‍ പാ​മ്പുക​ടി​യേ​റ്റു. പെ​ട്ടെ​ന്നു ചി​കി​ത്സ ല​ഭ്യ​മാ​ക്കി​യ​തി​നാ​ല്‍ കു​ട്ടി ര​ക്ഷ​പ്പെ​ട്ടു. അ​ത്യാ​ഹി​തം ഉ​ണ്ടാ​യാ​ല്‍ പൂ​ര്‍​ണ ഉ​ത്ത​ര​വാ​ദി​ത്വം പ്ര​ഥ​മാ​ധ്യാ​പ​ക​ര്‍​ക്കു​മേ​ല്‍ ചു​മ​ത്തി ര​ക്ഷ​പ്പെ​ടു​ക​യാ​ണ് വ​കു​പ്പ് ചെ​യ്യു​ന്ന​ത്. പ​ല​യി​ട​ങ്ങ​ളി​ലും ഏ​റെ പ​രാ​തി​ക​ള്‍ ന​ല്‍​കി​യാ​ലും ബ​ന്ധ​പ്പെ​ട്ട പ​ല വ​കു​പ്പു​ക​ളും ത​ങ്ങ​ളു​ടെ ഉ​ത്ത​ര​വാ​ദി​ത്വം നി​ര്‍​വ​ഹി​ക്കാ​റി​ല്ലെ​ന്ന പ​രാ​തി പ്ര​ഥ​മാ​ധ്യാ​പ​ക​ര്‍​ക്കു​മു​ണ്ട്.

അ​നാ​സ്ഥ​യി​ല്‍ മു​ങ്ങി​യ കെ​എ​സ്ഇ​ബി

2000 ജൂ​ലൈ പ​ത്തി​ന് മ​ഞ്ചേ​ശ്വ​ര​ത്ത് ആ​റ് പി​ഞ്ചു​കു​ട്ടി​ക​ളാ​ണ് പൊ​ട്ടി​വീ​ണ വൈ​ദ്യു​ത​ലൈ​നി​ല്‍ ത​ട്ടി മ​രി​ച്ച​ത്. ബ​ജ​ല​ക​രി​യ ശ്രീ ​വി​ദ്യാ​ബോ​ധി​നി എ​എ​ല്‍​പി സ്കൂ​ളി​ലെ ഒ​ന്നും ര​ണ്ടും മൂ​ന്നും ക്ലാ​സു​ക​ളി​ലെ മൂ​ന്ന് പെ​ണ്‍​കു​ട്ടി​ക​ളും മൂ​ന്ന് ആ​ണ്‍​കു​ട്ടി​ക​ളു​മാ​ണ് ദാ​രു​ണ​മാ​യി മ​രി​ച്ച​ത്. കു​ട്ടി​ക​ള്‍ വ​രു​ന്ന വ​ഴി​യി​ല്‍ മ​ഴ​യി​ലും കാ​റ്റി​ലും ഒ​ടി​ഞ്ഞുവീ​ണ മ​ര​ക്ക​മ്പു​ക​ളി​ല്‍ കു​രു​ങ്ങി റോ​ഡി​ലേ​ക്കു വീ​ണ വൈ​ദ്യു​തക​മ്പി​യി​ല്‍ ച​വി​ട്ടി​യാ​ണ് ഓ​രോ​രു​ത്ത​രാ​യി പി​ട​ഞ്ഞുമ​രി​ച്ച​ത്. കേ​ര​ള​ത്തെ ന​ടു​ക്കി​യ ഈ ​സം​ഭ​വ​ത്തി​നു​ശേ​ഷം വൈ​ദ്യു​ത​ലൈ​ന്‍ സു​ര​ക്ഷ​യു​മാ​യി ബ​ന്ധ​പ്പെ​ട്ട് നി​ര​വ​ധി മാ​ര്‍​ഗ​നി​ര്‍​ദേ​ശ​ങ്ങ​ളു​ണ്ടാ​യി. 1910ലെ ​ഇ​ന്ത്യ​ന്‍ വൈ​ദ്യു​തി ച​ട്ട​ത്തി​നും 1956 ലെ ​ഇ​ന്ത്യ​ന്‍ വൈ​ദ്യു​തി നി​യ​മ​ത്തി​നും അ​നു​സ​രി​ച്ചു​ള്ള സു​ര​ക്ഷാ ക്ര​മീ​ക​ര​ണ​ങ്ങ​ള്‍ വൈ​ദ്യു​തി ബോ​ര്‍​ഡ് പാ​ലി​ച്ചി​രി​ക്ക​ണ​മെ​ന്ന് കേ​ര​ള ഹൈ​ക്കോ​ട​തി 2006 ജൂ​ണ്‍ ര​ണ്ടി​ന് ഉ​ത്ത​ര​വി​ട്ടു. പ​ത്ത​നം​തി​ട്ട പ്ര​ക്കാ​നം സ്വ​ദേ​ശി ബി​ജി മാ​ത്യു കു​ള​ങ്ങ​ര ന​ല്‍​കി​യ പൊ​തു​താ​ത്പ​ര്യ ഹ​ര്‍​ജി​യെ തു​ട​ര്‍​ന്നാ​യി​രു​ന്നു ഡി​വി​ഷ​ന്‍ ബെ​ഞ്ചി​ന്‍റെ സു​പ്ര​ധാ​ന വി​ധി.

വൈ​ദ്യു​തിസു​ര​ക്ഷാ നി​യ​മം പാ​ലി​ക്കാ​തെ​യു​ണ്ടാ​കു​ന്ന അ​പ​ക​ട​ങ്ങ​ളി​ല്‍ കെ​എ​സ്ഇ​ബി​ക്കെ​തി​രേ കൊ​ല​ക്കു​റ്റ​ത്തി​നു കേ​സെ​ടു​ക്ക​ണ​മെ​ന്നാ​ണ് കോ​ട​തി ഉ​ത്ത​ര​വ്. സം​സ്ഥാ​ന​ത്തെ വൈ​ദ്യു​തി വി​ത​ര​ണം ആ​റു​മാ​സ​ത്തി​നു​ള്ളി​ല്‍ അ​പ​ക​ട​ര​ഹി​ത​മാ​ക്കു​മെ​ന്നും കെ​എ​സ്ഇ​ബി അ​ന്ന് ഹൈ​ക്കോ​ട​തി​യെ അ​റി​യി​ച്ചി​രു​ന്നു. വീ​ണ്ടും വൈ​ദ്യു​തലൈ​ന്‍ മു​ഖേ​ന​യു​ള്ള അ​പ​ക​ട​ങ്ങ​ള്‍ ആ​വ​ര്‍​ത്തി​ക്കു​മ്പോ​ള്‍ ഉ​ദ്യോ​ഗ​സ്ഥ​ര്‍​ക്കെ​തി​രേ കേ​സെ​ടു​ക്കാ​ന്‍​ പോ​യി​ട്ട്, കു​റ്റ​ക്കാ​രാ​ണെ​ന്നു​റ​പ്പി​ച്ചു പ​റ​യാ​നു​ള്ള ധൈ​ര്യം​പോ​ലും സം​വി​ധാ​ന​ങ്ങ​ള്‍​ക്കി​ല്ല.