തിരുവനന്തപുരം: അനന്തപുരി നൃത്ത-സംഗീതോത്സവത്തോടനുബന്ധിച്ച് ശ്രീ ചിത്തിര തിരുനാള്‍ സ്മാരക സംഗീത നാട്യ കലാകേന്ദ്രം ഏര്‍പ്പെടുത്തിയ ശ്രീ ചിത്തിര തിരുനാള്‍ പുരസ്‌കാരം 2025 പ്രമുഖ വ്യവസായിയും കലാസാംസ്‌കാരിക വിദ്യാഭ്യാസ പ്രവര്‍ത്തകനുമായ ഗോകുലം ഗോപാലന്. 50,000 രൂപയും പ്രശസ്തി പത്രവും ഫലകവും അടങ്ങുന്നതാണ് പുരസ്‌കാരം.
ഗോകുലം ഗോപാലന് നടത്തിവരുന്ന സാമൂഹ്യ സാംസ്‌കാരിക വിദ്യാഭ്യാസ ജീവകാരുണ്യ പ്രവര്‍ത്തനങ്ങളെ വിലയിരുത്തിയാണ് പുരസ്‌കാരം. നവംബര്‍ രണ്ടിന് വൈകുന്നേരം അഞ്ചിന് കിഴക്കേക്കോട്ട രാജധാനി ഓഡിറ്റോറിയത്തില്‍ ചേരുന്ന പൊതുസമ്മേളനത്തില്‍ മന്ത്രി വി. ശിവന്‍കുട്ടി അവാര്‍ഡ് സമ്മാനിക്കും.
LOGIN
