അതിരമ്പുഴ: അതിരമ്പുഴയുടെ മുഖച്ഛായ മാറ്റിയ വികസനമാണ് അഞ്ചു വര്ഷക്കാലയളവില് നടന്നതെന്ന് മന്ത്രി വി.എന്. വാസവന്. അതിരമ്പുഴ പഞ്ചായത്തിലെ വികസനസദസ് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
അതിരമ്പുഴ വിശ്വമാതാ ഓഡിറ്റോറിയത്തില് നടന്ന പരിപാടിയില് പഞ്ചായത്തംഗം ബേബിനാസ് അജാസ് അധ്യക്ഷത വഹിച്ചു. ചടങ്ങില് അതിരമ്പുഴയുടെ സ്നേഹാദരം മന്ത്രി ഏറ്റുവാങ്ങി.
റിസോഴ്സ് പേഴ്സണ് കെ.ജെ. മാത്യു, സെക്രട്ടറി സി.വൈ. നിസി ജോണ്, ഏറ്റുമാനൂര് ബ്ലോക്ക് പഞ്ചായത്ത് പ്രസിഡന്റ് ആര്യ രാജന്, പഞ്ചായത്ത് അംഗങ്ങളായ ജോഷി ഇലഞ്ഞി, സിനി ജോര്ജ്, ടി.ഡി. മാത്യു, അമ്പിളി പ്രദീപ് എന്നിവര് പങ്കെടുത്തു.