വാഷിംഗ്ടൺ ഡിസി: ഫിലാഡൽഫിയ മാഷർ സ്ട്രീറ്റിലെ സെന്‍റ് തോമസ് ഓർത്തഡോക്സ് ഇടവകിൽ "വിദ്യാഭ്യാസവും ശാക്തീകരണ പരമ്പരയും’ എന്ന പരിപാടിയുടെ ഉദ്ഘാടനത്തിന് ആതിഥേയത്വം വഹിച്ചു. ഫാ.ഡോ.ജോൺസൺ സി. ജോൺ പരമ്പര ഔദ്യോഗികമായി ലോഞ്ച് ചെയ്തു.
ആരോഗ്യം, ക്ഷേമം, വ്യക്തിഗത വികസനം എന്നിവ പ്രോത്സാഹിപ്പിക്കുന്നതിന് ലക്ഷ്യമിട്ടുള്ള വിദ്യാഭ്യാസ സംരംഭത്തിനായി കമ്മ്യൂണിറ്റി അംഗങ്ങളെ ഒരുമിച്ച് കൊണ്ടുവരുന്നു.
സെഷനിൽ ഡെയ്സി ജോൺ നയിച്ച "പ്രമേഹം മനസിലാക്കാം' എന്ന വിഷയത്തിൽ ക്ലാസ് സംഘടിപ്പിച്ചു. വിജ്ഞാനത്തിലൂടെയും പ്രായോഗിക വൈദഗ്ധ്യത്തിലൂടെയും അംഗങ്ങളെ ശാക്തീകരിക്കുക എന്ന ദൗത്യവുമായി പ്രമേഹം നിയന്ത്രിക്കുന്നതിനും തടയുന്നതിനുമുള്ള വിവരങ്ങൾ ക്ലാസിൽ പങ്കെടുത്തവർക്ക് നൽകി. കമ്മ്യൂണിറ്റിയുടെ ക്ഷേമത്തിന് പ്രസക്തമായ വിവിധ വിഷയങ്ങളെ അഭിസംബോധന ചെയ്യുന്ന വിദ്യാഭ്യാസവും ശാക്തീകരണ പരമ്പരയും പതിവ് സെഷനുകളിൽ തുടരും.