പി​റ്റ്സ്ബ​ർ​ഗ്: അ​വ​ധി​ക്കാ​ല ആ​ഘോ​ഷ​ത്തി​നാ​യി ഡൊ​മി​നി​ക്ക​ൻ റി​പ്പ​ബ്ലി​ക്കി​ലെ​ത്തി​യ​തി​ന് പി​ന്നാ​ലെ കാ​ണാ​താ​യ ഇ​ന്ത്യ​ൻ വി​ദ്യാ​ർ​ഥി​നി മു​ങ്ങിമ​രി​ച്ച​താ​യി റി​പ്പോ​ർ​ട്ട്. ഡൊ​മി​നി​ക്ക​ൻ റി​പ്പ​ബ്ലി​ക്കി​ലെ പ്ര​മു​ഖ ഹോ​ട്ട​ലി​ൽ ക​ഴി​ഞ്ഞാ​ഴ്ച​യാ​ണ് ഇ​ന്ത്യ​ൻ വി​ദ്യാ​ർ​ഥി​നി സു​ദീ​ക്ഷ കൊ​ണ​ങ്കി എ​ത്തി​യ​ത്.

അ​മേ​രി​ക്ക​യി​ൽ സ്ഥി​ര താ​മ​സ​മാ​ക്കി ഇ​ന്ത്യ​ക്കാ​രി​യാ​ണ് 20 വയസുകാ​രി​യാ​യ സു​ദീ​ക്ഷ കൊ​ണ​ങ്കി. പി​റ്റ്സ്ബ​ർ​ഗ് സ​ർ​വ​ക​ലാ​ശാ​ല വി​ദ്യാ​ർ​ഥി​നി​യാ​ണ്. ആ​റ് വ​നി​താ സു​ഹൃ​ത്തു​ക്ക​ൾ​ക്കൊ​പ്പ​മാ​ണ് സു​ദീ​ക്ഷ എ​ത്തി​യ​ത്.

സം​ഘ​ത്തി​ൽ സു​ദീ​ക്ഷ​യും മ​റ്റൊ​രു വി​ദ്യാ​ർ​ഥി​നി​യും വി​ർ​ജീ​നി​യ​യി​ൽ ആ​ണ് താ​മ​സി​ച്ചി​രു​ന്ന​ത്. മാ​ർ​ച്ച് അഞ്ചിന് ​സു​ഹൃ​ത്തു​ക്ക​ൾ​ക്കൊ​പ്പം ബീ​ച്ചി​ൽ ന​ട​ക്കാ​നി​റ​ങ്ങി​യ സു​ദീ​ക്ഷ മു​ങ്ങി​പ്പോ​വു​ക​യാ​യി​രു​ന്നു​വെ​ന്നാ​ണ് അ​ന്വേ​ഷ​ണ ഉ​ദ്യോ​ഗ​സ്ഥ​ർ വി​ശ​ദ​മാ​ക്കു​ന്ന​ത്.

രാ​ത്രി​യി​ൽ സം​ഘ​ത്തി​നൊ​പ്പ​മു​ണ്ടാ​യി​രു​ന്ന എ​ല്ലാ​വ​രും തി​രി​കെ ഹോ​ട്ട​ലി​ലേ​ക്ക് എ​ത്തി​യി​രു​ന്നു. 20 വയസുകാ​രി​ക്കൊ​പ്പം മ​റ്റൊ​രാ​ൾ കൂ​ടി ബീ​ച്ചി​ൽ തു​ട​ർ​ന്നി​രു​ന്നു. ഇ​വ​ർ ര​ണ്ട് പേ​രും ക​ട​ലി​ൽ കു​ളി​ക്കാ​നി​റ​ങ്ങി​യ​പ്പോ​ൾ സു​ദീ​ക്ഷ വ​ലി​യൊ​രു തി​ര​യി​ൽ പെ​ട്ടുപോ​വു​ക​യാ​യി​രു​ന്നു​വെ​ന്നാ​ണ് ഒ​പ്പ​മു​ണ്ടാ​യി​രു​ന്ന​യാ​ൾ പോ​ലീ​സി​നോ​ട് വി​ശ​ദ​മാ​ക്കി​യി​ട്ടു​ള്ള​ത്.


മാ​ർ​ച്ച് ആ​റി​ന് പു​ല​ർ​ച്ചെ 4.15നാ​ണ് അ​വ​സാ​ന​മാ​യി സു​ദീ​ക്ഷ​യെ ബീ​ച്ചി​ലെ സി​സി​ടി​വി​ക​ളി​ൽ ക​ണ്ടെ​ത്താ​ൻ സാ​ധി​ച്ചി​ട്ടു​ള്ള​ത്. ഡൊ​മി​നി​ക്ക​ൻ സി​വി​ൽ ഡി​ഫ​ൻ​സ് ഹെ​ലി​കോ​പ്റ്റ​റു​ക​ൾ ഉ​പ​യോ​ഗി​ച്ച് തി​ര​ച്ചി​ൽ ന​ട​ത്തി​യെ​ങ്കി​ലും വി​വ​ര​മൊ​ന്നും ല​ഭി​ച്ചി​ട്ടി​ല്ല.

കാ​ണാ​താ​കു​മ്പോ​ൾ അ​വ​ർ ത​വി​ട്ട് നി​റ​ത്തി​ലു​ള്ള ബി​ക്കി​നി​യാ​ണ് ധ​രി​ച്ചി​രു​ന്ന​ത്. 2006 മു​ത​ൽ യു​എ​സി​ൽ സ്ഥി​ര താ​മ​സ​ക്കാ​രാ​ണ് സു​ദീ​ക്ഷ​യു​ടെ കു​ടും​ബം. കാ​ണാ​താ​വു​ന്ന​തി​ന് തൊ​ട്ട് മു​ൻ​പു​ള്ള ദി​വ​സ​വും മ​ക​ളു​മാ​യി സം​സാ​രി​ച്ചി​രു​ന്ന​താ​യാ​ണ് 20 വയസുകാ​രി​യു​ടെ പി​താ​വ് സു​ബ്ര​യു​ഡു കൊ​ണ​ങ്കി പ്ര​തി​ക​രി​ക്കു​ന്ന​ത്.

എ​ന്നാ​ൽ ഇ​രു​പ​തു​കാ​രി മ​രി​ച്ചി​രി​ക്കാ​മെ​ന്നു​ള്ള ഡൊ​മി​നി​ക്ക​ൻ റി​പ്പ​ബ്ലി​ക്ക് അ​ധി​കാ​രി​ക​ളു​ടെ നി​രീ​ക്ഷ​ണം വി​ർ​ജീ​നി​യ പോ​ലീ​സ് ത​ള്ളി​യി​ട്ടു​ണ്ട്. ഈ ​സ​മ​യ​ത്ത് ഇ​ത്ത​ര​ത്തി​ലു​ള്ള വി​ല​യി​രു​ത്ത​ലി​ൽ എ​ത്തു​ന്ന​ത് ശ​രി​യ​ല്ലെ​ന്നും തെ​ര​ച്ചി​ൽ തു​ട​രു​മെ​ന്നു​മാ​ണ് വി​ർ​ജീ​നി​യ പോ​ലീ​സ് അ​ന്ത​ർ​ദേ​ശീ​യ മാ​ധ്യ​മ​ങ്ങ​ളോ​ട് പ്ര​തി​ക​രി​ച്ചി​ട്ടു​ള്ള​ത്.

വി​വ​ര​മ​റി​ഞ്ഞ് സു​ദീ​ക്ഷ​യു​ടെ കു​ടും​ബം ഇ​വി​ടേ​ക്ക് എ​ത്തി​യ​താ​യാ​ണ് റി​പ്പോ​ർ​ട്ട് വി​ശ​ദ​മാ​ക്കു​ന്ന​ത്.