ഒ​ഹാ​യോ: ശ​രീ​ര​സൗ​ന്ദ​ര്യം നി​ല​നി​ർ​ത്താ​ൻ അ​തി​ക​ഠി​ന​മാ​യ പ​രി​ശീ​ല​ന​രീ​തി​ക​ൾ അ​വ​ലം​ബി​ച്ച അ​മേ​രി​ക്ക​ക്കാ​രി​യാ​യ യു​വ ബോ​ഡി​ബി​ൽ​ഡിം​ഗ് താ​ര​ത്തി​നു ദാ​രു​ണാ​ന്ത്യം. നി​ർ​ജ്ജ​ലീ​ക​ര​ണ​ത്തെ​ത്തു​ട​ർ​ന്നു​ണ്ടാ​യ ഹൃ​ദ​യാ​ഘാ​ത​മാ​ണു ജോ​ഡി വാ​ൻ​സ് എ​ന്ന 20 വ​യ​സു​കാ​രി​യു​ടെ ജീ​വ​നെ​ടു​ത്ത​ത്.

ഒ​ഹാ​യോ​യി​ൽ ന​ട​ക്കു​ന്ന അ​ർ​ണോ​ൾ​ഡ് സ്പോ​ർ​ട്സ് ഫെ​സ്റ്റി​വ​ലി​ൽ പ​ങ്കെ​ടു​ക്കു​ന്ന​തി​നി​ടെ അ​വ​ശ​നി​ല​യി​ലാ​യ ജോ​ഡി വാ​ൻ​സി​നെ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല. കോ​ച്ചി​നെ​പോ​ലും അ​റി​യി​ക്കാ​തെ അ​തി​ക​ഠി​ന​വും അ​പ​ക​ട​ക​ര​വു​മാ​യ പ​രി​ശീ​ല​ന​രീ​തി​ക​ളാ​ണ് ത​ന്‍റെ ശ​രീ​ര​സൗ​ന്ദ​ര്യം മെ​ച്ച​പ്പെ​ടു​ത്താ​നാ​യി ഇ​വ​ർ പി​ന്തു​ട​ർ​ന്നി​രു​ന്ന​തെ​ന്നു പ​റ​യു​ന്നു.


ഉ​യ​ർ​ന്ന ര​ക്ത​സ​മ്മ​ർ​ദം നി​യ​ന്ത്രി​ക്കാ​നാ​യി ഉ​പ​യോ​ഗി​ക്കു​ന്ന ചി​ല മ​രു​ന്നു​ക​ളും ഇ​വ​ർ നി​യ​ന്ത്ര​ണ​മി​ല്ലാ​തെ ക​ഴി​ച്ചി​രു​ന്നു​വ​ത്രെ. ശ​രീ​ര​ത്തി​ൽ​നി​ന്ന് അ​മി​ത​യ​ള​വി​ൽ ല​വ​ണാം​ശ​വും ജ​ല​വും പു​റം​ത​ള്ളാ​നാ​യി ഉ​പ​യോ​ഗി​ച്ചി​രു​ന്ന ചി​ല രീ​തി​ക​ളും മ​രു​ന്നു​ക​ളു​മാ​ണു ജോ​ഡി​യു​ടെ ആ​രോ​ഗ്യ​സ്ഥി​തി​യെ ബാ​ധി​ച്ച​തെ​ന്നാ​ണു ഡോ​ക്ട​ർ​മാ​ർ വി​ശ​ദീ​ക​രി​ക്കു​ന്ന​ത്.

ത​ന്നെ അ​റി​യി​ക്കാ​തെ​യാ​ണു ജോ​ഡി ഇ​ത്ത​രം കാ​ര്യ​ങ്ങ​ൾ ചെ​യ്തി​രു​ന്ന​തെ​ന്നും മ​രു​ന്നു​ക​ൾ കൂ​ടാ​തെ​ത​ന്നെ ബോ​ഡി ബി​ൽ​ഡിം​ഗി​ൽ തി​ള​ങ്ങാ​മാ​യി​രു​ന്നെ​ന്നും അ​വ​ളു​ടെ പ​രി​ശീ​ല​ക​ൻ പ​റ​ഞ്ഞു.