അഗളി: അട്ടപ്പാടി സെന്റ് ഗ്രിഗോറിയോസ് ഇംഗ്ലീഷ് മീഡിയം സ്കൂളിലെ കുട്ടികൾ വയനാട് ദുരന്തനിവാരണ ഫണ്ടിനായി സമാഹരിച്ച തുക ജില്ലാ കളക്ടർ ഡോ.എസ്. ചിത്രക്ക് കൈമാറി. ഈ വർഷത്തെ ഓണാഘോഷം മാറ്റിവച്ചാണ് കുട്ടികൾ തുക സ്വരുക്കൂട്ടിയത്.
തുക ഏറ്റുവാങ്ങിയ ജില്ലാ കളക്ടർ സ്കൂൾ അധികൃതരെയും, വിദ്യാർഥികളെയും അഭിനന്ദിച്ചു. 26000 രൂപയാണ് സ്കൂൾ സമാഹരിച്ചത്. ഡെപ്യൂട്ടി കളക്ടർ കെ. മണികണ്ഠൻ സ്കൂൾ ലെറ്റർ സ്വീകരിച്ചു. പ്രിൻസിപ്പൽ ഫാ. സുനിൽ മാത്യു, പിടിഎ പ്രസിഡന്റ് ലിസി ഷാജു, സ്കൂൾ ലീഡർമാരായ അയറിൻ, ഷാജു, പി.എം. ജോസഫ്, റോഷൻ ജോസഫ് എന്നിവരടങ്ങിയ സംഘമാണ് തുക കൈമാറിയത്.