മാ​ന​ന്ത​വാ​ടി: വ​നാ​വ​കാ​ശ​നി​യ​മം പോ​ലും കാ​റ്റി​ൽ പ​റ​ത്തി ഗോ​ത്ര​കു​ടും​ബ​ങ്ങ​ളു​ടെ കു​ടി​ൽ പൊ​ളി​ച്ചു​മാ​റ്റി വ​നം​വ​കു​പ്പ്. തോ​ൽ​പ്പെ​ട്ടി വ​ന്യ​ജീ​വി സ​ങ്കേ​ത​ത്തി​ലെ ബേ​ഗൂ​രി​ലാ​ണ് വി​ധ​വ​ക​ള​ട​ക്ക​മു​ള്ള മൂ​ന്ന് കു​ടും​ബ​ങ്ങ​ൾ 16 വ​ർ​ഷ​മാ​യി താ​മ​സി​ക്കു​ന്ന കൂ​ര​ക​ൾ പൊ​ളി​ച്ചു മാ​റ്റി​യ​ത്.

വ​യ​നാ​ട് വ​ന്യ​ജീ​വി സ​ങ്കേ​ത​ത്തി​ലെ തോ​ൽ​പ്പെ​ട്ടി റേ​ഞ്ചി​ലെ ബാ​വ​ലി സെ​ക്‌​ഷ​നി​ലെ ബേ​ഗൂ​ർ കൊ​ല്ലി​മൂ​ല പ​ണി​യ ഉ​ന്ന​തി​യി​ലെ വി​ധ​വ​ക​ള​ട​ങ്ങു​ന്ന മൂ​ന്നു കു​ടും​ബ​ങ്ങ​ളു​ടെ കു​ടി​ലു​ക​ളാ​ണ് വ​നം​വ​കു​പ്പ് പൂ​ർ​ണ​മാ​യും പൊ​ളി​ച്ചു​മാ​റ്റി​യ​ത്. 16 വ​ർ​ഷ​മാ​യി ഈ ​കു​ടും​ബ​ങ്ങ​ൾ ഇ​വി​ടെ കു​ടി​ൽ​കെ​ട്ടി താ​മ​സി​ക്കു​ക​യാ​ണ്. വീ​ട് മ​റ്റൊ​രു സ്ഥ​ല​ത്ത് വ​ച്ചു​ത​രാം എ​ന്ന നി​ബ​ന്ധ​ന​യോ​ടെ​യാ​ണ് വീ​ട് പൊ​ളി​ച്ച​തെ​ങ്കി​ലും മ​റ്റു സം​വി​ധാ​ന​ങ്ങ​ളൊ​രു​ക്കാ​തെ​യാ​ണ് കു​ടി​ലു​ക​ൾ പൊ​ളി​ച്ചു​മാ​റ്റി​യ​ത്. ഭ​ക്ഷ​ണം പാ​ക​മാ​കു​ന്ന​തി​നു​പോ​ലും കാ​ത്തു​നി​ൽ​ക്കാ​തെ​യാ​ണ് വീ​ട് പൊ​ളി​ച്ചു​നീ​ക്കി​യ​തെ​ന്ന് കു​ടും​ബ​ങ്ങ​ൾ ആ​രോ​പി​ച്ചു.

പ​ത്താം ക്ലാ​സ് വി​ദ്യാ​ർ​ഥി​യും കൈ​ക്കു​ഞ്ഞു​ങ്ങ​ളും അ​ട​ക്ക​മു​ള്ള കു​ടും​ബ​ങ്ങ​ൾ ക​ഴി​ഞ്ഞ​ദി​വ​സം അ​ന്തി​യു​റ​ങ്ങി​യ​ത് കു​ടി​ലു​ക​ൾ പൊ​ളി​ച്ചു​മാ​റ്റി​യ സ്ഥ​ല​ത്താ​ണ്.

ഗ്രാ​മ​പ​ഞ്ചാ​യ​ത്ത് വ​ർ​ഷ​ങ്ങ​ൾ​ക്കു മു​ന്പ് സ്ഥ​ല​മെ​ടു​ത്ത് കൊ​ല്ലി​മൂ​ല​യി​ൽ ഗോ​ത്ര​വി​ഭാ​ഗ​ങ്ങ​ൾ​ക്ക് വീ​ടു​വ​ച്ച് ന​ൽ​കി​യി​രു​ന്നു. ഇ​തി​നു സ​മീ​പ​ത്ത് വ​ന​ത്തോ​ട് ചേ​ർ​ന്ന സ്ഥ​ല​ത്താ​ണ് ഈ ​മൂ​ന്നു കു​ടും​ബ​ങ്ങ​ളും കു​ടി​ൽ​കെ​ട്ടി ക​ഴി​ഞ്ഞി​രു​ന്ന​ത്. ഈ ​കു​ടി​ലു​ക​ളാ​ണ് വ​നം​വ​കു​പ്പ് പൊ​ളി​ച്ച് നീ​ക്കി​യ​ത്.

വ​ർ​ഷ​ങ്ങ​ളാ​യി ഈ ​പ്ര​ദേ​ശ​ത്ത് ത​ന്നെ താ​മ​സി​ക്കു​ന്ന ഇ​വ​രു​ടെ കു​ടി​ലു​ക​ൾ പൊ​ളി​ച്ചു നീ​ക്കി​യ സം​ഭ​വ​ത്തി​ൽ വ​ലി​യ പ്ര​തി​ഷേ​ധ​വും ഉ​യ​ർ​ന്നി​ട്ടു​ണ്ട്. കു​ടും​ബ​ങ്ങ​ൾ തോ​ൽ​പ്പെ​ട്ടി വ​ന്യ​ജീ​വി സ​ങ്കേ​ത​ത്തി​ൽ കു​ത്തി​യി​രി​പ്പ് സ​മ​രം ആ​രം​ഭി​ച്ചു.