നി​ല​ന്പൂ​ർ: നി​ല​ന്പൂ​ർ മാ​ന​വേ​ദ​ൻ സ്കൂ​ളി​ലെ മി​നി സ്റ്റേ​ഡി​യം കാ​യി​ക വ​കു​പ്പ് േഉ​ദ്യാ​ഗ​സ്ഥ​രും എം​എ​ൽ​എ യും ​സ​ന്ദ​ർ​ശി​ച്ചു. ക​ഴി​ഞ്ഞ ദി​വ​സം തി​രു​വ​ന​ന്ത​പു​ര​ത്ത് സ്പോ​ർ​ട്സ് മ​ന്ത്രി​യു​ടെ ഓ​ഫീ​സി​ൽ മ​ന്ത്രി​യു​ടെ​യും എം​എ​ൽ​എ​യു​ടെ​യും സാ​ന്നി​ധ്യ​ത്തി​ൽ ന​ട​ത്തി​യ അ​വ​ലോ​ക​ന യോ​ഗ തീ​രു​മാ​ന​പ്ര​കാ​ര​മാ​യി​രു​ന്നു സ​ന്ദ​ർ​ശ​നം.

രാ​വി​ലെ 10.30 തോ​ടെ പി.​വി. അ​ൻ​വ​ർ എം​എ​ൽ​എ കേ​ര​ള സ്പോ​ർ​ട്സ് ഫൗ​ണ്ടേ​ഷ​ൻ ചീ​ഫ് എ​ൻ​ജി​നീ​യ​ർ അ​നി​ൽ കു​മാ​ർ, സ്പോ​ർ​ട്സ് ഡ​യ​റ​ക്റേ​റ്റ് പ്ര​തി​നി​ധി​ക​ളാ​യ അ​ച്ചു, രാ​ഹു​ൽ, ജ​യേ​ന്ദ്ര​ൻ, കി​റ്റ്കോ എ​ൻ​ജി​നീ​യ​ർ പി. ​വി​വേ​ക്, ന​ഗ​ര​സ​ഭാ​ധ്യ​ക്ഷ​ൻ മ​ട്ടു​മ്മ​ൽ സ​ലീം, കൗ​ണ്‍​സി​ല​ർ​മാ​രാ​യ റ​ഹ്മ​ത്തു​ള്ള ചു​ള്ളി​യി​ൽ, പി.​എം. ബ​ഷീ​ർ, സ്ക​റി​യ ക്നാം​തോ​പ്പി​ൽ, മാ​ന​വേ​ദ​ൻ സ്കൂ​ൾ പ്ര​ഥ​മാ​ധ്യാ​പ​ക​ൻ, പി​ടി​എ, എ​സ്എം​സി അം​ഗ​ങ്ങ​ൾ എ​ന്നി​വ​രാ​ണ് സ​ന്ദ​ർ​ശ​ന സം​ഘ​ത്തി​ലു​ണ്ടാ​യി​രു​ന്ന​ത്.

2022 മേ​യ് മാ​സ​ത്തി​ൽ പ​ണി പൂ​ർ​ത്തീ​ക​രി​ച്ചെ​ങ്കി​ലും നി​ല​വി​ൽ സ്റ്റേ​ഡി​യം പ്ര​തി​സ​ന്ധി​ക​ൾ നേ​രി​ടു​ന്നു​ണ്ട്. മൈ​താ​ന​ത്തി​ന്‍റെ ഒ​രു ഭാ​ഗ​ത്തെ വെ​ള്ളം ഒ​ഴു​കി​പോ​കാ​ൻ ഡ്രൈ​നേ​ജ് സം​വി​ധാ​നം ഇ​ല്ലാ​ത്ത​തി​നാ​ൽ മൈ​താ​ന​ത്തെ സി​ന്ത​റ്റി​ക് ട്രാ​ക്കി​ന് ഉ​ൾ​പ്പെ​ടെ വ​ലി​യ കേ​ടു​പാ​ടു​ക​ളാ​ണ് സം​ഭ​വി​ച്ചി​രി​ക്കു​ന്ന​ത്. നി​ർ​മാ​ണ പ്ര​വ​ർ​ത്ത​ന​ത്തി​ൽ വ​ലി​യ ക്ര​മ​ക്കേ​ട് ന​ട​ന്നി​ട്ടു​ണ്ടെ​ന്നും പി​ടി​എ, എ​സ്എം​സി അം​ഗ​ങ്ങ​ൾ ചൂ​ണ്ടി​ക്കാ​ട്ടി.

ഹൈ​ജ​ന്പി​ന് ഉ​പ​യോ​ഗി​ക്കു​ന്ന ബെ​ഡ് തീ​രെ ഗു​ണ​നി​ല​വാ​രം കു​റ​ഞ്ഞ​തി​നാ​ൽ കേ​ട് വ​ന്ന അ​വ​സ്ഥ​യി​ലാ​ണ്. മൈ​താ​ന​ത്തി​ന്‍റെ സം​ര​ക്ഷ​ണ ഭി​ത്തി നാ​മ​മാ​ത്ര​മാ​യ​തി​നാ​ൽ മൈ​താ​നം ഉ​പ​യോ​ഗ​ശൂ​ന്യ​മാ​യ നി​ല​യി​ലാ​ണ്. ട്രാ​ക്ക്, മാ​റ്റ് എ​ന്നി​വ​ക്കാ​ണ് സാ​ര​മാ​യി കേ​ടു​പാ​ടു​ക​ൾ ഉ​ള്ള​ത്.

സ​ർ​ക്കാ​ർ ഏ​ജ​ൻ​സി​യാ​യ കി​റ്റ്കോ​ക്കാ​ണ് നി​ർ​മാ​ണ ചു​മ​ത​ല. എ​ന്നാ​ൽ കി​റ്റ്കോ ഉ​പ​ക​രാ​ർ ന​ൽ​കി​യാ​ണ് പ്ര​വൃ​ത്തി ന​ട​ത്തി വ​രു​ന്ന​ത്. സ്റ്റേ​ഡി​യ​ത്തി​ന്‍റെ ചെ​റി​യ ഒ​രു ഭാ​ഗ​ത്ത് നി​ർ​മി​ച്ചി​ട്ടു​ള്ള സം​ര​ക്ഷ​ണ​ഭി​ത്തി ഗ്യാ​ല​റി​യാ​യി മാ​റ്റു​ന്ന കാ​ര്യം പ​രി​ഗ​ണി​ക്കു​മെ​ന്ന് പി.​വി. അ​ൻ​വ​ർ എം​എ​ൽ​എ പ​റ​ഞ്ഞു.

സ്റ്റേ​ഡി​യ​ത്തി​ന്‍റെ അ​ഞ്ചു വ​ർ​ഷ​ത്തെ അ​റ്റ​കു​റ്റ​പ്പ​ണി ന​ട​ത്തേ​ണ്ട​ത് ക​രാ​റു​ക​രാ​ണ്. ര​ണ്ട് ആ​ഴ്ച്ച​ക്കു​ള്ളി​ൽ സ്റ്റേ​ഡി​യം സ​ന്ദ​ർ​ശി​ച്ച കാ​യി​ക വി​ഭാ​ഗം പ​ഠ​നം ന​ട​ത്തി റി​പ്പോ​ർ​ട്ട് ന​ൽ​കും.

ട്രാ​ക്കി​ന് നാ​ലു കോ​ടി​യും സ്റ്റേ​ഡി​യ​ത്തി​നും ട​ർ​ഫി​നും കൂ​ടി ഒ​ന്പ​ത് കോ​ടി​യു​മാ​ണ് ചെ​ല​വ​ഴി​ച്ച​തെ​ന്ന് കി​റ്റ്കോ പ്രൊ​ജ​ക്ട് എ​ൻ​ജി​നീ​യ​ർ പി. ​വി​വേ​ക് പ​റ​ഞ്ഞു. അ​ഴു​ക്ക്ചാ​ൽ സം​വി​ധാ​നം ഉ​റ​പ്പി​ക്കി​യ ശേ​ഷ​വും സി​ന്ത​റ്റി​ക് ട്രാ​ക്കി​ന്‍റെ ഗു​ണ​നി​ല​വാ​രം ഉ​റ​പ്പാ​ക്കി​യ ശേ​ഷ​വും മാ​ത്ര​മാ​യി​രി​ക്കും സ്കൂ​ൾ സ്റ്റേ​ഡി​യം ഏ​റ്റെ​ടു​ക്കു​ക​യെ​ന്ന് പി​ടി​എ പ്ര​സി​ഡ​ന്‍റ് വ​രി​ക്കോ​ട​ൻ ഷം​സീ​ർ പ​റ​ഞ്ഞു.

പ്ര​വൃ​ത്തി പൂ​ർ​ത്തീ​ക​രി​ച്ചി​ട്ടും ഡി​പി​ആ​ർ ഉ​ൾ​പ്പെ​ടെ ഒ​ന്നും സ്കൂ​ളി​ൽ ല​ഭി​ച്ചി​ട്ടി​ല്ലെ​ന്നും പി​ടി​എ പ്ര​സി​ഡ​ന്‍റ് പ​റ​ഞ്ഞു. നീ​ന്ത​ൽ​കു​ള​ത്തി​ന് ക​ണ്ടെ​ത്തി​യ സ്ഥ​ല​വും സം​ഘം സ​ന്ദ​ർ​ശി​ച്ചു. സ്റ്റേ​ഡി​യം സ്കൂ​ളി​ന് കൈ​മാ​റു​ന്ന​തി​ൽ ത​ട​സ​മി​ല്ലെ​ന്ന് മ​ന്ത്രി ഉ​റ​പ്പ് ന​ൽ​കി​യി​ട്ടു​ണ്ടെ​ന്ന് സ്കൂ​ൾ അ​ധി​കൃ​ത​ർ പ​റ​ഞ്ഞു.

സ്കൂ​ൾ പ്ര​ഥ​മാ​ധ്യാ​പ​ക​ൻ ചെ​യ​ർ​മാ​നും ന​ഗ​ര​സ​ഭ സെ​ക്ര​ട്ട​റി ക​ണ്‍​വീ​ന​റു​മാ​യി വി​വി​ധ വ​കു​പ്പു​ക​ളെ ഉ​ൾ​പ്പെ​ടു​ത്തി ഉ​ണ്ടാ​ക്കു​ന്ന ക​മ്മി​റ്റി​ക്കാ​ണ് സ്റ്റേ​ഡി​യ​ത്തി​ന്‍റെ ഉ​ട​മ​സ്ഥാ​വ​കാ​ശം കൈ​മാ​റു​ക.