നെ​യ്യാ​റി​ല്‍ ഒഴുകുന്ന മാ​ലി​ന്യ​ങ്ങ​ള്‍
Tuesday, October 15, 2024 1:20 AM IST
നെ​യ്യാ​റ്റി​ന്‍​ക​ര : ത​ല​സ്ഥാ​ന​ജി​ല്ല​യു​ടെ തെ​ക്ക​ന്‍ പ്ര​ദേ​ശ​ങ്ങ​ളു​ടെ പ്ര​ധാ​ന ജ​ല​സ്രോ​ത​സാ​യ നെ​യ്യാ​റി​ല്‍ പ​ല​യി​ട​ത്തും മാ​ലി​ന്യ​ക്കൂ​ന്പാ​ര​ങ്ങ​ള്‍. ന​ദീ സം​ര​ക്ഷ​ണം സം​ബ​ന്ധി​ച്ച് ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ള​ട​ക്കം ബ​ന്ധ​പ്പെ​ട്ട അ​ധി​കൃ​ത​രാ​രും സ​ത്വ​ര ന​ട​പ​ടി സ്വീ​ക​രി​ക്കു​ന്നി​ല്ലെ​ന്നും ആ​ക്ഷേ​പം.

അ​ഗ​സ്ത്യാ​ര്‍​കൂ​ട​ത്തി​ല്‍ നി​ന്നും ഉ​ത്ഭ​വി​ച്ച് അ​റ​ബി​ക്ക​ട​ലി​ല്‍ പ​തി​ക്കു​ന്ന നെ​യ്യാ​ര്‍ നെ​യ്യാ​റ്റി​ന്‍​ക​ര, കാ​ട്ടാ​ക്ക​ട താ​ലൂ​ക്കു​ക​ളി​ലെ വി​വി​ധ ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ അ​തി​രു​ക​ള്‍​ക്കു​ള്ളി​ലൂ​ടെ​യാ​ണ് ഒ​ഴു​കു​ന്ന​ത്.

നെ​യ്യാ​റ്റി​ന്‍​ക​ര എ​ന്ന പേ​രി​ന്‍റെ പി​റ​വി പോ​ലും നെ​യ്യാ​റി​ന്‍ ക​ര എ​ന്ന അ​ര്‍​ഥ​ത്തി​ന്‍റെ ബാ​ക്കി​പ​ത്ര​മാ​യി ക​ണ​ക്കാ​ക്ക​പ്പെ​ടു​ന്നു. ഒ​രു​കാ​ല​ത്ത് കാ​ര്‍​ഷി​ക സ​മൃ​ദ്ധ​മാ​യി​രു​ന്ന നെ​യ്യാ​റ്റി​ന്‍​ക​ര​യു​ടെ ജ​ല​ക്ക​രു​ത്താ​യി​രു​ന്ന നെ​യ്യാ​ര്‍ പ​ല കാ​ര​ണ​ങ്ങ​ളാ​ല്‍ മി​ക്ക​യി​ട​ത്തും ഗ​തി മാ​റി​യൊ​ഴു​കു​ന്ന​താ​യി നേ​ര​ത്തെ ത​ന്നെ പ​രി​സ്ഥി​തി​വാ​ദി​ക​ള്‍ ചൂ​ണ്ടി​ക്കാ​ട്ടി​യി​ട്ടു​ണ്ട്. അ​ന​ധി​കൃ​ത മ​ണ​ലൂ​റ്റും ന​ദി​യു​ടെ ക​ര​യി​ടി​ച്ചു​ള്ള മ​ണ​ല്‍​വാ​ര​ലു​മൊ​ക്കെ ന​ദി​യു​ടെ സ്വാ​ഭാ​വി​ക​മാ​യ ഒ​ഴു​ക്കി​നെ പ്ര​തി​കൂ​ല​മാ​യി ബാ​ധി​ച്ചു.

ന​ദി​യു​ടെ പ​ല ക​ട​വു​ക​ളും മ​തി​യാ​യ പ​രി​പാ​ല​ന​ക്കു​റ​വി​നാ​ല്‍ തീ​ര്‍​ത്തും ഉ​പ​യോ​ഗ​ശൂ​ന്യ​മാ​യി മാ​റി. നെ​യ്യാ​റി​ലേ​യ്ക്ക് വ​ലി​ച്ചെ​റി​യ​പ്പെ​ടു​ന്ന മാ​ലി​ന്യ​ങ്ങ​ളാ​ണ് ന​ദി​യു​ടെ ദു​ര​വ​സ്ഥ​യ്ക്ക് മ​റ്റൊ​രു കാ​ര​ണം.


കു​ളി​ക്കാ​നും ന​ന​യ്ക്കാ​നു​മെ​ല്ലാം ന​ദി​യെ ആ​ശ്ര​യി​ച്ചി​രു​ന്ന ഇ​ന്ന​ലെ​ക​ള്‍ കേ​വ​ലം ഓ​ര്‍​മ്മ​ക​ളാ​വു​ക​യും അ​തേ സ​മ​യം, മ​ദ്യ​പാ​നം ഉ​ള്‍​പ്പെ​ടെ​യു​ള്ള ല​ഹ​രി​യു​പ​യോ​ഗ​ത്തി​ന് ന​ദീ തീ​ര​ങ്ങ​ള്‍ വേ​ദി​ക​ളാ​വു​ക​യും ചെ​യ്തു. മ​ദ്യ​പി​ച്ച​തി​നു ശേ​ഷം കു​പ്പി​ക​ളും ക​പ്പു​ക​ളും ഭ​ക്ഷ​ണാ​വ​ശി​ഷ്ട​ങ്ങ​ളും ന​ദി​യി​ലേ​യ്ക്ക് ത​ന്നെ വ​ലി​ച്ചെ​റി​യു​ന്ന പ്ര​വ​ണ​ത ജ​ലം മ​ലീ​മ​സ​മാ​കു​ന്ന​തി​നി​ട​യാ​ക്കു​ന്നു.

ന​ദി​ക്കു കു​റു​കെ​യു​ള്ള പാ​ല​ങ്ങ​ളി​ല്‍ നി​ന്ന് മാ​ലി​ന്യ​ക്കി​റ്റു​ക​ള്‍ ന​ദി​യി​ലേ​യ്ക്ക് വ​ലി​ച്ചെ​റി​യു​ന്ന​തും നെ​യ്യാ​റ്റി​ന്‍​ക​ര​യി​ല്‍ പു​തു​മ​യു​ള്ള കാ​ഴ്ച​ക​ള​ല്ല.

ആ​ശു​പ​ത്രി മാ​ലി​ന്യ​വും ഹോ​ട്ട​ലു​ക​ളി​ലെ​യും മ​റ്റും മാ​ലി​ന്യ​ങ്ങ​ളും നെ​യ്യാ​റി​ലേ​യ്ക്ക് ഒ​ഴു​ക്കി​വി​ടു​ന്നു​വെ​ന്ന ആ​രോ​പ​ണ​വും മു​ന്പേ നി​ല​വി​ലു​ണ്ട്. ഡ്രെ​യി​നേ​ജ് മാ​ലി​ന്യ​വും വി​വി​ധ മൃ​ഗ​ങ്ങ​ളെ വ​ള​ര്‍​ത്തു​ന്ന ഫാ​മു​ക​ളി​ലെ മാ​ലി​ന്യ​വും ന​ദി​യു​ടെ ആ​രോ​ഗ്യ​ത്തെ ത​ള​ര്‍​ത്തു​ന്നു. ന​ദീ ക​യ്യേ​റ്റ​മു​ണ്ടെ​ന്ന ആ​ക്ഷേ​പ​വും കു​റ​വ​ല്ല. ഇ-​കോ​ളി​ഫോം ബാ​ക്ടീ​രി​യ​യു​ടെ സാ​ന്നി​ധ്യം നെ​യ്യാ​റി​ലു​ണ്ടെ​ന്ന വാ​ദ​ഗ​തി​ക​ള്‍​ക്കും പ​രി​ഹാ​രം ഇ​പ്പോ​ഴും അ​ക​ലെ​യാ​ണ്. ന​ദീ സം​ര​ക്ഷ​ണ​ത്തി​നു​ള്ള പ​ദ്ധ​തി​ക​ള്‍ യാ​ഥാ​ര്‍​ഥ്യ​മാ​ക്കു​മെ​ന്ന അ​ധി​കൃ​ത​രു​ടെ വാ​ഗ്ദാ​ന​ങ്ങ​ള്‍ കേ​വ​ലം ക​ട​ലാ​സി​ലൊ​തു​ങ്ങി.