ബസ് ഇടിച്ച് റോഡിൽ വീണ ഇരു ചക്ര വാഹന യാത്രക്കാരി മരിച്ചു
1430241
Wednesday, June 19, 2024 10:35 PM IST
നെടുമങ്ങാട് - കെഎസ്ആർടിസി ബസ് ഇടിച്ച് റോഡിൽ വീണ ഇരു ചക്ര വാഹന യാത്രക്കാരി മരിച്ചു.വിനോബ കടുക്കാക്കുന്ന് സുബഹിലിൽ മുബീനയാണ് മരിച്ചത്. ഇന്നലെ രാത്രി 7.45 ഓടെ അഴിക്കോട് ജംഗ്ഷനു സമീപത്താണ് അപകടം നടന്നത്.
മകൻ ബിലാലിനോടൊപ്പം വീട്ടിലേക്ക് പോവുകയായിരുന്നു മുബീന. ഇവർ സഞ്ചരിച്ചിരുന്ന സ്കൂട്ടറിൽ മീനാങ്കലിലേക്ക് പോവുകയായിരുന്ന കെഎസ്ആർടിസി ബസ് തട്ടുകയായിരുന്നു. മകൻ ബിലാൽ നിസാര പരിക്കുകളോടെ രക്ഷപ്പെട്ടു. മുബീനയുടെ മൃതദേഹം മെഡിക്കൽ കോളജ് ആശുപത്രിയിലേക്ക് മാറ്റി. അരുവിക്കര പോലീസ് കേസെടുത്തു.