വിഴിഞ്ഞം സ്റ്റേ​ഷ​നി​ൽ നി​ന്നും ബൈ​ക്ക് ക​ട​ത്തി​യ പ്രതി ത​മി​ഴ്നാ​ട് പോ​ലീ​സി​ന്‍റെ പി​ടി​യി​ലാ​യി
Wednesday, September 27, 2023 12:44 AM IST
വി​ഴി​ഞ്ഞം: വി​ഴി​ഞ്ഞം സ്റ്റേ​ഷ​നി​ൽ നി​ന്നും തൊ​ണ്ടി മു​ത​ലാ​യ ബൈ​ക്ക് ക​ട​ത്തി​ക്കൊ​ണ്ടു​പോ​യി ത​മി​ഴ്നാ​ട് പോ​ലീ​സി​ന്‍റെ പി​ടി​യി​ലാ​യ ത​ക്ക​ല സ്വ​ദേ​ശി മെ​ർ​ലി​ൻ രാ​ജ് (38) നെ ​നെ​യ്യാ​റ്റി​ൻ​ക​ര കോ​ട​തി​യും റി​മാ​ന്‍റു ചെ​യ്തു.

നാ​ഗ​ർ​കോ​വി​ൽ ജി​ല്ലാ ജ​യി​ലി​ലാ​യി​രു​ന്ന മെ​ർ​ലി​ൻ​രാ​ജി​നാ​യി വി​ഴി​ഞ്ഞം പോ​ലീ​സ് കു​ഴി​ത്തു​റ കോ​ട​തി​യി​ൽ പ്രൊ​ഡ​ക്ഷ​ൻ വാ​റ​ന്‍റ് അ​പേ​ക്ഷ ന​ൽ​കി​യി​രു​ന്നു. കോ​ട​തി​യു​ടെ നി​ർ​ദ്ദേ​ശ​പ്ര​കാ​രം ഇ​ന്ന​ലെ ഉ​ച്ച​യോ​ടെ ത​മി​ഴ്നാ​ട് പോ​ലീ​സ് ഇ​യാ​ളെ നെ​യ്യാ​റ്റി​ൻ​ക​ര​യി​ൽ എ​ത്തി​ച്ചു.

താ​ൽ​കാ​ലി​ക കോ​ട​തി ഏ​ഴി​ൽ ഹാ​ജ​രാ​ക്കി​യ മെ​ർ​ളി​നെ റി​മാ​ന്‍റി​നു ശേ​ഷം നാ​ഗ​ർ​കോ​വി​ൽ ജി​ല്ലാ ജയി​ലി​ലേ​യ്ക്ക് തി​രി​കെ കൊ​ണ്ടു​പോ​യി. ഈ ​മാ​സം ആ​ദ്യം ത​മി​ഴ്നാ​ട് പോ​ലീ​സി​ന്‍റെ പി​ടി​യി​ലാ​യ മെ​ർ​ളി​നെ വി​ഴി​ഞ്ഞം എ​സ്ഐ ഹ​ർ​ഷ​കു​മാ​റി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം ഒ​രാ​ഴ്ച മു​ൻ​പ് നാ​ഗ​ർ​കോ​വി​ൽ ജ​യി​ലി​ലെ​ത്തി മൊ​ഴി രേ​ഖ​പ്പെ​ടു​ത്തി​യി​രു​ന്നു.

മോ​ഷ്ടി​ച്ച തൊ​ണ്ടി മു​ത​ൽ തി​രി​ച്ച് കി​ട്ടി​യ​തി​നാ​ൽ ക​സ്റ്റ​ഡി​യി​ൽ വാ​ങ്ങി തെ​ളി​വെ​ടു​ക്കേ​ണ്ട സാ​ഹ​ച​ര്യ​മി​ല്ലെ​ന്നും പോ​ലീ​സ് വി​ല​യി​രു​ത്തു​ന്നു. പി​ടി​ച്ചു​പ​റി​യും മോ​ഷ​ണ പ​ര​മ്പ​ര​ക​ളും ന​ട​ത്തി കേ​ര​ള - ത​മി​ഴ്നാ​ട് പോ​ലീ​സി​ന് ത​ല​വേ​ധ​ന​യാ​യി മാ​റി​യ ത​ക്ക​ല സ്വ​ദേ​ശി മെ​ർ​ലി​നെ ക​ന്യാ​കു​മാ​രി എ​സ്പി​യു​ടെ നേ​തൃ​ത്വ​ത്തി​ലു​ള്ള പ്ര​ത്യേ​ക സം​ഘ​മാ​ണ് അ​റ​സ്റ്റ് ചെ​യ്ത​ത്.

12ന് ​പു​ല​ർ​ച്ചെ​യാ​ണ് വി​ഴി​ഞ്ഞം സ്റ്റേ​ഷ​ൻ മു​റ്റ​ത്ത് പാ​ർ​ക്ക്ചെ​യ്തി​രു​ന്ന തൊ​ണ്ടി മു​ത​ലാ​യ സ്വ​ന്തം ബൈ​ക്കി​നെ മെ​ർ​ളി​ൻ മോ​ഷ്ടി​ച്ച​ത്. ജൂ​ലൈ 12ന് ​വൈ​കു​ന്നേ​രം വി​ഴി​ഞ്ഞം സ്റ്റേ​ഷ​ൻ പ​രി​ധി​യി​ലെ ഉ​ച്ച​ക്ക​ട പ​യ​റ്റു​വി​ള​റോ​ഡി​ൽ യു​വ​തി​യു​ടെ മാ​ല പി​ടി​ച്ചു പ​റി​ക്കാ​ൻ ശ്ര​മി​ച്ചു പ​രാ​ജ​യ​പ്പെ​ട്ട​താ​ണ് മെ​ർ​ളി​നു വി​ന​യാ​യ​ത്.

യു​വ​തി​യു​ടെ ബ​ഹ​ളം​കേ​ട്ടു നാ​ട്ടു​കാ​ർ വ​രു​ന്ന​തു ക​ണ്ട് ര​ക്ഷ​പ്പെ​ടാ​ൻ ശ്ര​മി​ക്കു​ന്ന​തി​നി​ട​യി​ൽ ബൈ​ക്കും പ​ണി​മു​ട​ക്കി. ഒ​ടു​വി​ൽ വ​ഴി​യ​രു​കി​ൽ വാ​ഹ​ന​മു​പേ​ക്ഷി​ച്ച് ഓ​ടി ര​ക്ഷ​പ്പെ​ട്ടു.

വി​ഴി​ഞ്ഞം പോ​ലീ​സ് സ്റ്റേ​ഷ​നി​ൽ കൊ​ണ്ടു​വ​ന്ന ബൈ​ക്കാ​ണ് മ​ണി​ക്കൂ​റു​ക​ൾ​ക്കു​ള്ളി​ൽ മോ​ഷ​ണം ന​ട​ത്തി പോ​ലീ​സു​കാ​രെ ഞെ​ട്ടി​ച്ച​ത്. മോ​ഷ​ണ​ശ്ര​മം തൊ​ണ്ടി​മു​ത​ൽ ക​ട​ത്തി​ൽ എ​ന്നി​ങ്ങ​നെ​യു​ള്ള വ​കു​പ്പു​ക​ൾ ചേ​ർ​ത്താ​യി​രു​ന്നു പോ​ലീ​സ് കേ​സെ​ടു​ത്ത​ത്.

Copyright @ 2022 , Rashtra Deepika Ltd.