ജപ്തി ചെയ്യാനിരുന്ന വീ​ടും പ​റ​മ്പും ഒ​റ്റി​ക്ക് ന​ൽ​കി വയോധികയെ ക​ബ​ളി​പ്പി​ച്ചു
Tuesday, January 31, 2023 11:32 PM IST
കാ​ട്ടാ​ക്ക​ട: നീ​തി തേ​ടി വ​യോ​ധി​ക. ബാ​ങ്ക് വാ​യ്പ​യെ​ടു​ക്കാ​ൻ ഈ​ടു​ന​ൽ​കി​യ വീ​ടും​പ​റ​മ്പും ഒ​റ്റി​ക്കു ന​ൽ​കി ക​ബ​ളി​പ്പി​ച്ചു വീ​ട്ടു​ട​മ മു​ങ്ങി​യ​തോ​ടെ വെ​ട്ടി​ലാ​യി വ​യോ​ധി​ക​യും കു​ടും​ബ​വും.
മ​ല​യി​ൻ​കീ​ഴ് വി​ള​വൂ​ർ​ക്ക​ലി​ൽ വാ​ട​ക​യ് ക്കു താ​മ​സി​ക്കു​ന്ന ര​മ​യും കു​ടും​ബ​വു​മാ​ണു ദു​രി​ത​ത്തി​ലാ​യ​ത്. വീ​ട്ടു​ട​മ മ​ല​യി​ൻ​കീ​ഴ് സ്വ​ദേ​ശി വി​നോ​ദി​ന്‍റെ വീ​ടും പ​റ​മ്പും ഫ്രെ​ബു​വ​രി 13ന് ​ജ​പ്തി ചെ​യ്യു​മെ​ന്നാ​ണ് ബാ​ങ്കി​ന്‍റെ മു​ന്ന​റി​യി​പ്പ്. 2018 ലാ​ണ് ആ​റ്റു​കാ​ൽ സ്വ​ദേ​ശി​യാ​യ ര​മ വീ​ടും പ​റ​മ്പും വി​റ്റു പെ​ൺ​മ​ക്ക​ളേ​യും കെ​ട്ടി​ച്ച് ബാ​ക്കി​യു​ണ്ടാ​യി​രു​ന്ന നാ​ലു ല​ക്ഷം രൂ​പ​കൊ​ടു​ത്ത് വി​ള​വൂ​ർ​ക്ക​ലി​ൽ വീ​ട് ഒ​റ്റി​ക്കെ​ടു​ത്ത​ത്. നാ​ലു​വ​ർ​ഷ​ത്തേ​ക്കാ​യി​രു​ന്നു ക​രാ​ർ. എ​ന്നാ​ൽ താ​മ​സം മാ​റി ആ​റു​മാ​സ​ത്തി​നു​ള്ളി​ൽ ജ​പ്തി​ക്കാ​യി ബാ​ങ്ക് ജീ​വ​ന​ക്കാ​ർ എ​ത്തി. അ​പ്പോ​ഴാ​ണ് ക​ബ​ളി​പ്പി​ക്ക​പ്പെ​ട്ട വി​വ​രം ര​മ മ​ന​സി​ലാ​ക്കി​യ​ത്. ഒ​റ്റി​യാ​ധാ​ര ക​രാ​ർ​പ്ര​കാ​രം വീ​ടൊ​ഴി​യു​മ്പോ​ൾ തി​രി​ച്ചു കി​ട്ടേ​ണ്ട നാ​ലു​ക്ഷം രൂ​പ കി​ട്ടാ​താ​യ​തോ​ടെ ഇ​നി എ​ങ്ങോ​ട്ട് എ​ന്ന​റി​യാ​തെ പ​ക​ച്ചു​നി​ൽ​ക്കു​ക​യാ​ണ് ര​മ​യും കു​ടും​ബ​വും. ര​മ​യു​ടെ പ​രാ​തി​യി​ൽ വീ​ട്ടു​ട​മ വി​നോ​ദ് അ​റ​സ്റ്റി​ലാ​യി ജ​യി​ലി​ൽ കി​ട​ന്നെ​ങ്കി​ലും ശി​ക്ഷ​ക​ഴി​ഞ്ഞു പു​റ​ത്തി​റ​ങ്ങി ഒ​ളി​വി​ലാ​ണ്. 18 ല​ക്ഷം രൂ​പ​യാ​ണ് ആ​ധാ​രം ഈ​ടാ​യി ന​ൽ​കി വി​നോ​ദ് ബാ​ങ്ക് വാ​യ്പ​യെ​ടു​ത്ത​ത്. അ​തി​പ്പോ​ൾ പ​ലി​ശ സ​ഹി​തം 23 ല​ക്ഷ​മാ​യെ​ന്നാ​ണു ര​മ പ​റ​യു​ന്ന​ത്. കാ​ൻ​സ​ർ രോ​ഗി​യാ​യ ഭ​ർ​ത്താ​വ് ചി​കി​ത്സ​യി​ലു​ണ്ടാ​യി​രു​ന്ന​പ്പോ​ൾ ബാ​ങ്കു​കാ​രു​ടെ കാ​രു​ണ്യം കൊ​ണ്ടാ​ണ് ഇ​ത്ര​യും​കാ​ലം താ​മ​സി​ക്കാ​ൻ അ​നു​മ​തി ന​ൽ​കി​യ​ത്. ഇ​നി അ​തു​ണ്ടാ​കി​ല്ലെ​ന്നാ​ണ് ബാ​ങ്കി​ന്‍റെ മു​ന്ന​റി​യി​പ്പ്. അ​പ​ക​ട​ത്തി​ൽ പ​രി​ക്കേ​റ്റ ര​മ​യു​ടെ മ​ക​ൻ ഇ​ട​യ്ക്കി​ടെ ഡ്രൈ​വിം​ഗ് ജോ​ലി​ക്കു പോ​യി കി​ട്ടു​ന്ന തു​ച്ഛ​വ​രു​മാ​നം കൊ​ണ്ടാ​ണ് ജീ​വി​തം മു​ന്നോ​ട്ടു​പോ​കു​ന്ന​ത്.
Copyright @ 2022 , Rashtra Deepika Ltd.