ADVERTISEMENT

ADVERTISEMENT

റാങ്ക് ജേതാവിനെ അനുമോദിച്ചു

നെയ്യാറ്റിൻകര : എല്‍എല്‍ബി പരീക്ഷയില്‍ പത്താം റാങ്ക് നേടിയ ജി.എ. പൂജയെ നെയ്യാറ്റിന്‍കര അസോസിയേഷന്‍ ഫോര്‍ റൂറല്‍ ഡവലപ്പ്മെന്‍റ് (നാര്‍ഡ്) അനുമോദിച്ചു. ഡോ. ജി.ആര്‍. പബ്ലിക് സ്കൂളില്‍ നടന്ന ചടങ്ങില്‍ നാര്‍ഡ് ചെയര്‍മാന്‍ ജെ. ജോസ് ഫ്രാങ്ക്ളിന്‍ അധ്യക്ഷനായി.

സ്കൂള്‍ പ്രിന്‍സിപ്പാള്‍ ഷംനാ ബീഗം പൂജയ്ക്ക് ഉപഹാരം സമ്മാനിച്ചു. നെയ്യാറ്റിൻകര നഗരസഭ പൊതു മരാമത്ത് സ്റ്റാന്‍ഡിംഗ് കമ്മിറ്റി ചെയർപേഴ്സണ്‍ അജിതയുടെയും മുന്‍ കൗണ്‍സിലര്‍ ഗോപീകൃഷ്ണന്‍റെയും മകളാണ് പൂജ.

ADVERTISEMENT

ബൈക്ക് മതിലിൽ ഇടിച്ച് പരിക്കേറ്റ യുവാവ് മരിച്ചു

പൂവാർ: അമിത വേഗതയിൽ നിയന്ത്രണം വിട്ട ബൈക്ക് മതിലിൽ ഇടിച്ച് കയറി പരിക്കേറ്റ് യുവാവ് മരിച്ചു. നെയ്യാറ്റിൻകര മണലൂർ സിഎസ്ഐ പള്ളിക്ക് സമീപം പി. കെ. നിവാസിൽ ജയന്‍റെയും സുജയുടെയും മകൻ അഖിൽ (22) ആണ് മരിച്ചത്. കഴിഞ്ഞദിവസം രാത്രി 11 ന് പൂവാർ തെറ്റിക്കാട് ഫയർ സ്റ്റേഷന് സമീപമായിരുന്നു അപകടം. ബൈക്ക് ഇടിച്ചുണ്ടായ വീഴ്ചയിൽ തല റോഡുവക്കിലെ സ്ലാബിൽ ഇടിച്ച് ഗുരുതരമായി പരുക്കേറ്റിരുന്നു. നാട്ടുക്കാരുടെ സഹായത്തോടെ ഉടൻ തന്നെ നെയ്യാറ്റിൻകര ജനറൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അഖിൽ എൽഎൽബി പഠനം കഴിഞ്ഞ് ഉപരി പഠനത്തിനായി തയ്യെറുക്കുകയായിരുന്നു. സുഹൃത്തി ന്‍റെ വീട്ടിൽ പോയ ശേഷം തിരികെ മടങ്ങുമ്പോഴാണ് അപകടമുണ്ടായതെന്ന് ബന്ധുക്കൾ പറയുന്നു. പോസ്റ്റുമോർട്ടത്തിന് ശേഷം സംസ്കാരം നടത്തി. പൂവാർ പോലീസ് കേസെടുത്തു. സഹോദരൻ അഭിജിത്ത്.

കാരാളി പഴയറോഡിൽ കാൽനടയാത്രപോലും ദുസ്സഹം

പാറശാല: തകര്‍ന്നു തരിപ്പണമായി കുണ്ടും കുഴിയും നിറഞ്ഞ് കാല്‍നട യാത്രക്കാര്‍ക്കു പോലും യാത്ര ദുസ്സഹമായി കാരാളി പഴയറോഡ്. ചരക്കു ഗതാഗതം നടത്തിയിരുന്ന പഴയകാല രാജ പാതയുടെ ഭാഗമായിരുന്നു ഈറോഡ്. കാരാളിക്കു സമീപം ചാനല്‍ ക്രോസിന് താഴ്ഭാഗത്തു നൂറു മീറ്ററോളം ദൂരത്തെ റോഡ് ദുരവസ്ഥയിലായിട്ടു നാളേറെയായി. റോഡ് സഞ്ചാരയോഗ്യമാക്കണമെന്ന ആവശ്യവുമായി നാട്ടുകാര്‍ കയറിയിറങ്ങാന്‍ ഇനി ഓഫീസുകളില്ല. നിവര്‍ത്തിയില്ലാതെ ഇടയ്ക്കിടെ നാട്ടുകാര്‍ മെറ്റലും പാറപൊടിയും ഉപയോഗി ച്ചു കുഴികള്‍ മൂടിയാലും അടുത്ത മഴയില്‍ ഒലിച്ചുപോയി പഴയ സ്ഥിതിയിലാകും. ഇതിനുമുന്‍പ് 2016ലാണ് എംഎല്‍എ ഫണ്ടില്‍നിന്നും ഒന്‍പത് ലക്ഷം രൂപ മുടക്കി റോഡ് അറ്റകുറ്റപ്പണി നടത്തിയത്. അതിനുശേഷം ഇതു വരെയും കാര്യമായ നവീകരണ പ്രവര്‍ത്തനങ്ങളൊന്നും നടന്നില്ല. ഇതുവഴി റോഡിനു കുറുകെയാണു നെയ്യാര്‍ ഇറിഗേഷന്‍റെ ഇടതുകര ചാനല്‍ കടന്നു പോകുന്നത്. ചാനലില്‍ എക്കലും മാലിന്യങ്ങളും അവിടവിടെ കെട്ടിക്കിടക്കുന്നതുമൂലം വെള്ളം സുഗമമായി ഒഴുകി പോകുന്നതിനും തടസം നേരിടുന്നു. ഇതുകാരണം മിക്കപ്പോഴും ചാനലില്‍നിന്നും വെള്ളം കരകവിഞ്ഞ് റോഡിലൂടെ ഒഴുകി ക്രോസ് ചെയ്ത് കാരാളി തോട്ടിലേക്കു പതിക്കുന്നുണ്ട്. നിരന്തരം റോഡിലെ ടാറിനു മുകളിലൂടെയാണു വെള്ളം ഒഴുകുന്നത്. ഇതുമൂലം ടാര്‍ ഇളകിഒലിച്ചുപോകുന്നു. രാത്രികാലങ്ങളില്‍ അമിത ഭാരം കയറ്റിയ ടിപ്പറുകളുടെയും മറ്റു വാഹനങ്ങളുടെ അനിയന്ത്രിതമായ യാത്രയും റോഡ് പൊട്ടിപൊളിയാനുള്ള മറ്റൊരു കാരണമാണ്. കുത്തിറക്കമായതിനാല്‍ പലപ്പോഴും ഇരുചക്രവാഹനങ്ങള്‍ തെന്നിമാറി വീണ് അപകടവും പതിവാണ്. കാല്‍നടയാത്ര അസാധ്യവും. ശാസ്ത്രീയമായി റോഡു നവീകരിച്ച് സഞ്ചാരയോഗ്യമാക്കമെന്നാണ് നാട്ടുകാരുടെ ആവശ്യം. അല്ലാത്ത പക്ഷം സമരവുമായി മുന്നോട്ട് പോകാനാണു തീരുമാനം.

അരുവിക്കര എച്ച്എസ്എസിൽ എസ്പിസി ബാച്ച് ചുമതലയേറ്റു

നെടുമങ്ങാട്: അരുവിക്കര ഗവ. ഹയർ സെക്കൻഡറി സ്കൂളിലെ ജൂണിയർ സ്റ്റുഡന്‍റ് പോലീസ് കേഡറ്റുകളുടെ പുതിയ ബാച്ച് ചുമതലയേറ്റു. അരുവിക്കര എസ്എച്ച്ഒ മുരളീകൃഷ്ണൻ ഉദ്ഘാടനം ചെയ്തു. കുട്ടികളിൽ വായന പ്രോത്സാഹിപ്പിക്കാൻ സ്ഥാപിച്ച പുസ്തക തൊട്ടിൽ, വായനാപ്പെട്ടി എന്നിവ വിതുര അശോക് ഉദ്ഘാടനം ചെയ്തു. പിടിഎ പ്രസിഡന്‍റ് സുനിൽ അധ്യക്ഷനായി. പ്രിൻസിപ്പൽ റാണി ആർ. ചന്ദ്രൻ, പ്രഥമാധ്യാപിക സുജ, അധ്യാപകരായ ഷജീർ, നസീജ തുടങ്ങിയവർ സംസാരിച്ചു. ചടങ്ങിൽ കഴിഞ്ഞ അധ്യയന വർഷം പുസ്തക തൊട്ടിലിൽ കുട്ടികൾ നിക്ഷേപിച്ച 100 പുസ്തകങ്ങൾ സ്കൂൾ ലൈബ്രറിക്കു കൈമാറി.

പ്രതിഭാ പുരസ്‌കാരം 2025 വിതരണം ചെയ്തു

വെള്ളറട: കോണ്‍ഗ്രസ് വടകര വാര്‍ഡ് കമ്മിറ്റിയുടെ ആഭിമുഖ്യത്തില്‍ വടകര വാര്‍ഡില്‍ എസ്എസ്എല്‍സി, പ്ലസ് ടു, ഡിഗ്രി, തുടങ്ങി വിവിധ പരീക്ഷകളില്‍ ഉന്നത വിജയം നേടിയ വിദ്യാര്‍ഥികളെ പ്രതിഭാ പുരസ്‌കാരം നല്‍കി ആദരിച്ചു. വടകര ജംഗ്ഷനില്‍ നടത്തിയ പ്രതിഭാ പുരസ്‌കാര വിതരണം കെപിസിസി മുന്‍ പ്രസിഡന്‍റ് എം.എം. ഹസന്‍ ഉദ്ഘാടനം ചെയ്തു. വാര്‍ഡ് പ്രസിഡന്‍റ് വടകര രാജേഷ് അധ്യക്ഷത വഹിച്ചു. എഐസിസി അംഗം നെയ്യാറ്റിന്‍കര സനല്‍ മുഖ്യപ്രഭാഷണം നടത്തി. എം.എസ്. അനില്‍ മുഖ്യാതിഥിയായിരുന്നു. കോണ്‍ഗ്രസ് പാറശാല ബ്ലോക്ക് പ്രസിഡന്‍റ് അഡ്വ. എസ്. ജോണ്‍, മണ്ഡലം പ്രസിഡന്‍റ് ബിനില്‍ മണലുവിള, ബ്ലോക്ക് വൈസ് പ്രസിഡന്‍റുമാരായ വടകര ജയന്‍, കാക്കണം മധു, മഞ്ജുഷ ജയന്‍, അണമുഖം വിജയകുമാര്‍, യൂത്ത് കോണ്‍ഗ്രസ് സംസ്ഥാന സെക്രട്ടറി അനൂപ് പാലിയോട്, ബ്ലോക്ക് സെക്രട്ടറിമാരായ അഡ്വ. മാരായമുട്ടം ജോണി, മണ്ണൂര്‍ ശ്രീകുമാര്‍, ഗോപകുമാര്‍, ഇടവഴിക്കര ജയന്‍, മണ്ഡലം ഭാരവാഹികളായ ശ്രീരാഗം ശ്രീകുമാര്‍, വിജയരാജ്, വടകര ജോസ്, വടകര രാജീവ്, ഷീജ ഇടവഴിക്കര, മിനിമോള്‍ വടകര, ഷൈല വടകര, സുനില്‍ തെങ്ങ് വിളക്കുഴി, നിതിന്‍ ആനായിക്കോണം, സുരേഷ് ആനക്കോണം, സുരേന്ദ്രന്‍ മലയില്‍ കട, ബിജു വടകര, വിമല്‍കുമാര്‍ വടകര, രാജേഷ്, മനോജ്, രാജു എന്നിവര്‍ നേതൃത്വം നല്‍കി.

കാട്ടാക്കട റൂറൽ ജില്ല ട്രഷറിയിൽ വീണ്ടും കോൺക്രീറ്റ് പാളി ഇളകി വീണു

കാട്ടാക്കട: കാട്ടാക്കട റൂറൽ ജില്ല ട്രഷറിയിൽ വീണ്ടും കോൺക്രീറ്റ് പാളി ഇളകി വീണു. അക്കൗണ്ട്സ് മുറിയിലെ മേൽക്കൂരയിൽനിന്ന് ഇന്നലെ വൈകുന്നേരമാണ് കോൺക്രീറ്റ് അടർന്നു വീണത്. കഴിഞ്ഞ തിങ്കളാഴ്ച ട്രഷറി ഓഫീസറുടെ മുറിയിൽ കോൺക്രീറ്റ് ഇളകി വീണിരുന്നു. ഇതേ തുടർന്നു മന്ദിരത്തിന്‍റെ നിലവിലെ സ്ഥിതി പരിശോധിക്കാൻ മരാമത്ത് വകുപ്പിനു നിർദേശം ലഭിച്ചു. മന്ദിരം ജീർണാവസ്ഥയിലെന്നു മൂന്നുദിവസം മുൻപ് മരാമത്ത് വകുപ്പ് റിപ്പോർട്ട് നൽകിയിരിക്കെയാണു വീണ്ടും കോൺക്രീറ്റ് പാളി ഇളകി വീണത്. ദിവസങ്ങൾക്കുമുൻപ് ട്രഷറിയുടെ ശോച്യാവസ്ഥയെ സംബന്ധിച്ച് ദീപിക വാർത്ത നൽകിയിരുന്നു. പതിറ്റാണ്ടുകൾ പഴക്കമുള്ളതാണ് മന്ദിരം. ജീർണാവസ്ഥയിലായ മന്ദിരം നവീകരിക്കാൻ മൂന്നര കോടി രൂപയുടെ എസ്റ്റിമേറ്റ് മരാമത്ത് വകുപ്പ് നൽകിയിരുന്നു. എന്നാൽ ഇത്രയും തുക നവീകരണത്തിനുവേണ്ടി ചെലവാക്കേണ്ടതില്ലെന്നാണു വകുപ്പ് തീരുമാനം. തുടർന്നു നിലവിലെ മന്ദിരം പൊളിച്ച് പുതിയ മന്ദിരം നിർമിക്കണമെന്ന് 2019ൽ ശുപാർശ നൽകി. ഇത് ധനവകുപ്പ് പരിഗണനയിലാണ്. നൂറുകണക്കിനു പെൻഷൻകാരും അനവധി സർക്കാർ ജീവനക്കാരും എത്തുന്ന ട്രഷറിയിൽ പല സ്ഥലത്തും മേൽക്കൂരയിലെ കോൺക്രീറ്റ് പാളികൾ ഇളകി വീണിട്ടുണ്ട്. പെൻഷൻകാരുടെ സംഘടനകളും ജീവനക്കാരും ട്രഷറിയുടെ ജീർണാവസ്ഥ പരിഹരിക്കണമെന്നു പലവട്ടം ആവശ്യപ്പെട്ടിരുന്നു.

സംസ്ഥാന വനിതാ കമ്മീഷൻ സെമിനാർ സംഘടിപ്പിച്ചു

നെയ്യാറ്റിന്‍കര : വനിതാ കമ്മീഷന്‍റെ മുന്നിലെത്തുന്ന ഭൂരിപക്ഷം കേസുകളും കുടുംബജീവിതത്തിലെ താളം തെറ്റലുകളാല്‍ സംഭവിച്ചതാണെന്നും ആരോഗ്യകരമായ ബന്ധങ്ങൾ സംബന്ധിച്ചു ബോധവത്കരണം നല്‍കേണ്ടത് വളരെ അനിവാര്യമാണെന്നും വനിതാ കമ്മീഷൻ ചെയർപേഴ്‌സൺ അഡ്വ. പി. സതീദേവി പറഞ്ഞു. സംസ്ഥാന വനിതാ കമ്മീഷന്‍റെ സഹകരണത്തോടെ "ആരോഗ്യകരമായ കുടുംബബന്ധങ്ങൾ' എന്ന വിഷയത്തിൽ ലൈഫ് ഫൗണ്ടേഷന്‍ കേരള സംഘടിപ്പിച്ച സെമിനാര്‍ ഉദ്ഘാടനം ചെയ്യുകയായിരുന്നു അവർ. നഗരസഭയിലെ ആശാ വർക്കർമാർക്കും കുടുംബശ്രീ അംഗങ്ങൾക്കുമായി നടത്തിയ സെമിനാറില്‍ പ്രഫ. സുജ സൂസൻ ജോർജ് മുഖ്യാതിഥിയായി. നഗരസഭ വൈസ് ചെയർപേഴ്സൺ പ്രിയാ സുരേഷ് അധ്യക്ഷയായി. കേരള ചരിത്ര ഗവേഷണ കൗൺസിൽ പബ്ലിക്കേഷൻ അസിസ്റ്റന്‍റ് എസ്.എൻ. സന്ധ്യ ക്ലാസ് നയിച്ചു. നഗരസഭ വികസനകാര്യ സ്റ്റാൻഡിംഗ് കമ്മിറ്റി ചെയർമാൻ കെ.കെ. ഷിബു, ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ എൻ.കെ. അനിതകുമാരി, ലൈഫ് ഫൗണ്ടേഷൻ ഡയറക്ടർ എസ്.ജി. ബീനമോൾ എന്നിവര്‍ സംബന്ധിച്ചു.

നെയ്യാറ്റിൻകര മേഖലയിൽ തെരുവു നായകളുടെ വിഹാരം ഭീഷണിയാകുന്നു

നെയ്യാറ്റിൻകര: നഗരത്തിലും പരിസരത്തും രാപ്പകല്‍ ഭേദമില്ലാതെ അലഞ്ഞു തിരിയുന്ന തെരുവു നായകള്‍ തദ്ദേശവാസികളിലും യാത്രക്കാരിലും ഭീതിയുണര്‍ത്തുന്നു. വിദ്യാര്‍ഥികള്‍ ഉള്‍പ്പെടെ ദിവസവും നൂറു കണക്കിനു യാത്രക്കാര്‍ ആശ്രയിക്കുന്ന നെയ്യാറ്റിന്‍കര കെഎസ്ആര്‍ടിസി ബസ് സ്റ്റേഷനിലും പുറത്തുമൊക്കെ തെരുവു നായകളുടെ സാന്നിധ്യമുണ്ട്. തൊട്ടടുത്ത അക്ഷയ വാണിജ്യ സമുച്ചയത്തിന്‍റെ വളപ്പിലും തെരുവു നായകള്‍ വിഹരിക്കുന്നു. നിരവധി വ്യാപാര സ്ഥാപനങ്ങളും ലോട്ടറി ഓഫീസ്, കോടതി മുതലായ സർക്കാർ സ്ഥാപനങ്ങളും ഈ കോപ്ലക്സില്‍ പ്രവർത്തിക്കുന്നുണ്ട്. വിവിധ ആവശ്യങ്ങള്‍ക്കായി ഒട്ടേറെ പേര്‍ ഈ വാണിജ്യ സമുച്ചയത്തില്‍ വന്നുപോകുന്നു. മുന്പ് നെയ്യാറ്റിന്‍കര ടിബി ജംഗ്ഷനു സമീപം തെരുവു നായകള്‍ ബൈക്ക് യാത്രികരുടെ പിന്നാലെ ഓടിച്ചെന്ന് ആക്രമിച്ച സംഭവമുണ്ടായി. തെരുവുനായകളെ നിയന്ത്രിക്കണമെന്ന നാട്ടുകാരുടെ ആവശ്യം അന്നു ശക്തമായപ്പോള്‍ ഉചിതമായ നടപടി സ്വീകരിക്കാമെന്നു നഗരസഭ അധികൃതര്‍ പറഞ്ഞിരുന്നു. എന്നാല്‍ ഇപ്പോഴും നഗരത്തിന്‍റെ പലയിടങ്ങളിലും തെരുവു നായകളെ കൂട്ടത്തോടെ കാണാം. പൊതുനിരത്തുകളുടെ വശങ്ങളിലേയ്ക്ക് വലിച്ചെറിയുന്ന മാംസാവശിഷ്ടങ്ങള്‍ ഉള്‍പ്പെടെയുള്ളവയാണ് ഈ നായകളുടെ ഭക്ഷണം. മാലിന്യമുക്ത നെയ്യാറ്റിന്‍കര എന്ന പ്രഖ്യാപനം നിലവില്‍ വന്നെങ്കിലും വലിച്ചെറിയലിന്‍റെ തോതു കുറഞ്ഞതല്ലാതെ പൂര്‍ണമായും ഒഴിവായിട്ടില്ല. വാഹനങ്ങള്‍ക്ക് മുന്നില്‍ ഇവ അപ്രതീക്ഷിതമായി ചാടുകയോ വാഹനത്തിരക്കുള്ള സമയത്ത് റോഡ് മുറിച്ചു കടക്കുകയോ ചെയ്യുന്നത് അപകടത്തിനിടയാക്കുമെന്ന ആശങ്ക യാത്രക്കാര്‍ പങ്കുവച്ചു.

ശ്രീചിത്തിര തിരുനാൾ സ്മാരക സംഗീത നാട്യ കലാകേന്ദ്രം ത്യാഗരാജ സ്വാമി ആരാധനാ മഹോത്സവം

തിരുവനന്തപുരം : കർണാടക സംഗീത ത്രിമൂർത്തികളിൽ അഗ്രഗണ്യനായ ത്യാഗരാജ സ്വാമികളുടെ ആരാധനാ മഹോത്സവം പുന്നപുരം ശ്രീ ചിത്തിര തിരുനാൾ സ്മാരക സംഗീത നാട്യകലാകേന്ദ്രത്തിന്‍റെ ആഭിമുഖ്യത്തിൽ ചിത്തിര തിരുനാൾ സ്കൂൾ ഓഫ് ഡാൻസ് ആന്റ് മ്യൂസിക് ഹാളിൽ നടന്നു. ഔഷധി ചെയർപേഴ്സൺ ശോഭന ജോർജ് ഉദ്ഘാടനം നിർവഹിച്ചു. കലാകേന്ദ്ര ജനറൽ കൺവീനർ ഡോ. ബിജു രമേഷ് അധ്യക്ഷനായിരുന്നു. പത്മശ്രീ പുരസ്‌കാര ജേതാവ് ഡോ. കെ. ഓമനക്കുട്ടി, ശ്യാമശാസ്ത്രി സംഗീത പുരസ്‌കാരം ലഭിച്ച പ്രഫ. പി. ആർ കുമാരകേരള വർമ്മ എന്നിവരെ ചടങ്ങിൽ ആദരിച്ചു. നൃത്ത സംഗീതസഭ വൈസ് ചെയർമാൻ പ്രഫ. വൈക്കം വേണുഗോപാൽ, കലാകേന്ദ്രം രക്ഷാധികാരി കെ.പി ശങ്കരദാസ്, കല്പന ജോബ്, ബീന ഷിബു പ്രഭാകർ, കൗൺസിലർ പി. പത്മകുമാർ, ചിത്തിര തിരുനാൾ നാട്യകലാ കേന്ദ്രം പ്രസിഡന്‍റ് ധർമ്മാലയം കൃഷ്ണൻ നായർ, പിടിഎ സെക്രട്ടറി എസ്. രാജ്‌കുമാർ, കലാകേന്ദ്രം വൈസ് പ്രസിഡന്‍റ് കെ. ബാലചന്ദ്രൻ എന്നിവർ പ്രസംഗിച്ചു. തുടർന്നു പഞ്ചരത്ന കീർത്തനാലാപനവും നടന്നു.

വിനോദിന്‍റെ സത്യസന്ധതയ്ക്ക് സ്വർണത്തേക്കാൾ വില..!

കുണ്ടറ: കളഞ്ഞുകിട്ടിയ രണ്ടര പവൻ സ്വർണചെയിൻ ഉടമയ്ക്ക് തിരിച്ചുനൽകി മാതൃകയായി കുണ്ടറ മുളവന സ്വദേശി വിനോദ്. ചെയിൻ പോലീസ് സ്റ്റേഷനിൽ ഉണ്ടെന്ന വിവരം ഉടമ അറിഞ്ഞത് സോഷ്യൽ മീഡിയയിലൂടെ. മുളവന തുണ്ടിൽ കിഴക്കതിൽ വീട്ടിൽ വിനോദിനാണ് മുളവന മാടൻകാവിനു സമീപത്തുനിന്നും കഴിഞ്ഞദിവസം രണ്ടര പവൻ തൂക്കം വരുന്ന സ്വർണചെയിൻ കളഞ്ഞുകിട്ടിയത്. വിനോദ് കുണ്ടറ പോലീസ് സ്റ്റേഷനിൽ എത്തി സിഐ രാജേഷിന്‍റെ കൈയിൽ ചെയിൻ ഏൽപ്പിക്കുകയും ചെയ്തു. ഈ വിവരം സിഐ സമൂഹമാധ്യമങ്ങളിൽ പങ്കുവച്ചു. മണിക്കൂറുകൾക്കകം ചെയിനിന്‍റെ ഉടമയായ മുളവന പള്ളിമുക്ക് സ്വദേശി സുബിന്‍റെ സുഹൃത് ഫേസ്ബുക്ക്‌ പോസ്റ്റ് കാണുകയും ആ വിവരം സുബിനെ അറിയിക്കുകയും ചെയ്തു. ഇന്നലെ വൈകുന്നേരം വിനോദിനെയും ഉടമ സുബിനെയും സ്റ്റേഷനിൽ വിളിച്ചു വരുത്തി സിഐയുടെ സാന്നിധ്യത്തിൽ വിനോദിനെ കൊണ്ടുതന്നെ ഉടമയ്ക്ക് ചെയിൻ കൊടുപ്പിക്കുകയും ചെയ്തു.

റോഷ്‌നിയെ കാണാൻ ഋഷിരാജ് സിംഗ് എത്തി

കുറ്റിച്ചൽ: പരുത്തിപ്പള്ളി ഫോറസ്റ്റ് റെയിഞ്ചിലെ ബീറ്റ് ഫോറസ്റ്റ് ഓഫീസറും ആർആർടി അംഗവുമായ ജി.എസ്. റോഷ്‌നിയെ കാണാൻ മുൻ ഡിജിപി ഋഷിരാജ് സിംഗ് എത്തി. വനംവകുപ്പിന്‍റെ അഞ്ചുമരുതുംമൂട് കുളിക്കടവിനു സമീപം പാറപ്പുറത്തുനിന്നും 18 അടിയോളം നീളമുള്ള കൂറ്റൻ രാജവെമ്പാലയെ പിടികൂടുന്ന വീഡിയോ സമൂഹമാധ്യമങ്ങളിലൂടെ വൈറലായിരുന്നു. വീഡിയോ കണ്ട് റോഷ്‌നിയെ പ്രശംസിക്കുകയും കൂട്ടുകാർക്കും ബന്ധുക്കൾക്കും ഷെയർ ചെയ്യുകയും ചെയ്തിരുന്നു. വനംവകുപ്പ് ആസ്ഥാനത്ത് വിളിച്ചു റോഷ്‌നിയെ തിരക്കി നമ്പർ വാങ്ങി ഫോണിൽ വിളിച്ച് സംസാരിച്ചു. തുടർന്നാണു ഋഷിരാജ് സിംഗ് പരുത്തിപ്പള്ളി വനംവകുപ്പിന്‍റെ ആസ്ഥാനത്ത് ജി.എസ്. റോഷ്‌നിയെ കാണാനെത്തിയത്. ആയിരത്തിലധികം പാമ്പുകളെ റെസ്‌ക്യൂ ചെയ്ത റോഷ്‌നിയെ അഭിനന്ദിക്കുകയും "വൈകും മുമ്പേ' എന്ന അദ്ദേഹത്തിന്‍റെ പുസ്തകത്തിൽ പ്രിയപെട്ട റോഷ്‌നി ആശംസകൾ എന്നെഴുതി ഒപ്പിട്ട് സമ്മാനിക്കുകയും ചെയ്തു. ആർആർടി എസ്എഫ്ഒ കെ.പി. പ്രദീപ് കുമാർ, വാച്ചർ തുളസി, ഷിബു, സുഭാഷ്, ക്ലറിക്കൽ സ്റ്റാഫുകളായ മുംതാസ്, സരിത, മനോജ് എന്നിവരും ഓഫീസിൽ ഉണ്ടായിരുന്നു.

ഇടിച്ചിട്ട വാഹനം നിര്‍ത്താതെ പോയി; പരിക്കേറ്റ യുവതി ചികിത്സ തേടി

പേരൂര്‍ക്കട: സ്‌കൂട്ടര്‍യാത്രികയായ യുവതിയെ ഇടിച്ചിട്ട വാഹനം നിര്‍ത്താതെ പോയി. വീഴ്ചയില്‍ മുഖത്തിനും കൈകള്‍ക്കും പരിക്കേറ്റ ഇവരെ തിരുവനന്തപുരം കോസ്‌മോ ആശുപത്രിയില്‍ പ്രവേശിപ്പിച്ചു. ഞായറാഴ്ച വൈകുന്നേരം ആറോടുകൂടി പട്ടത്തെ ജ്വല്ലറിക്കു മുന്നിലായിരുന്നു അപകടം. കരുമം സ്വദേശിനി ദീപ്തി (36)ക്കാണ് വീഴ്ചയില്‍ പരിക്കേറ്റത്. പട്ടം സിഗ്നല്‍പോയിന്‍റിനും പ്ലാമൂടിനും ഇടയ്ക്കായിരുന്നു അപകടം. പ്ലാമൂട് ഇറക്കം ഇറങ്ങുന്നതിനിടെ സ്‌കൂട്ടറില്‍ വാഹനം ഇടിച്ചതോടെ ഇവര്‍ നിലത്തുവീണു. അപകടത്തെത്തുടര്‍ന്നു റോഡിലേക്കുവീണ് പേടിച്ചുപോയ ഇവരെ സമീപത്തുണ്ടായിരുന്നവരാണ് രക്ഷപ്പെടുത്തിയത്. വിവരമറിഞ്ഞ് തിരുവനന്തപുരം ഫയര്‍‌സ്റ്റേഷനില്‍നിന്ന് ഫയര്‍ ആൻഡ് റസ്‌ക്യു ഓഫീസര്‍മാരായ വിനോദ് വി. നായര്‍, ജീവന്‍, ഫയര്‍ ആൻഡ് റസ്‌ക്യു ഡ്രൈവര്‍ വിപിന്‍ ചന്ദ്രന്‍ എന്നിവര്‍ ചേര്‍ന്ന് ഫയര്‍ഫോഴ്‌സ് ആംബുലന്‍സില്‍ത്തന്നെ ആശുപത്രിയില്‍ പ്രവേശിപ്പിക്കുകയായിരുന്നു. യുവതിയെ ഇടിച്ചശേഷം നിര്‍ത്താതെ പോയത് ഒരു ആംബുലന്‍സാണെന്നു ദൃക്‌സാക്ഷികള്‍ പറയുന്നു. പോലീസ് അന്വേഷണം ആരംഭിച്ചു.

ചില്ലകള്‍ നിയന്ത്രിക്കുന്ന ഗതാഗതം..! പരുത്തിപ്പാറയില്‍ വാഹന യാത്രികര്‍ക്ക് ആശയക്കുഴപ്പം..!

പേരൂര്‍ക്കട: ഗതാഗതം മരച്ചില്ലകള്‍ നിയന്ത്രിക്കാന്‍ തുടങ്ങിയതോടെ വാഹനയാത്രികര്‍ അല്‍പ്പം ആശയക്കുഴപ്പത്തിലാണ്..! പരുത്തിപ്പാറ ജംഗ്ഷനിലാണ് വാഹനയാത്രികരെ കുഴക്കുന്ന വിധത്തില്‍ ട്രാഫിക് സിഗ്നല്‍ പോസ്റ്റ് ചില്ലകള്‍ മറയ്ക്കുന്നത്. തിരുവനന്തപുരം എംസി റോഡില്‍നിന്ന് ഉള്ളൂരിലേക്കും തിരുവനന്തപുരത്തേക്കും പോകുന്ന വാഹനയാത്രികരെ നിയന്ത്രിക്കുന്ന സിഗ്നല്‍പോസ്റ്റിനെയാണു മരച്ചില്ലകളും ഇലകളും മറയ്ക്കുന്നത്. പരുത്തിപ്പാറയില്‍ മുന്നോട്ടുള്ള സിഗ്നല്‍ കാത്തുകിടക്കുന്ന വാഹനയാത്രികര്‍ക്ക് പച്ച സിഗ്നല്‍ തെളിഞ്ഞിട്ടുണ്ടോയെന്നു ചില അവസരങ്ങളില്‍ അറിയാന്‍ സാധിക്കുന്നില്ല. സിഗ്നല്‍വിഴുന്ന സമയത്തായിരിക്കും കാറ്റടിച്ച് കൂറ്റന്‍ ആല്‍മരത്തിന്‍റെ ഇലകള്‍ അവ മറച്ചുകൊണ്ടിരിക്കുന്നത്. ഇതുമൂലം മഞ്ഞ സിഗ്നല്‍ വീഴുന്നതും ചിലപ്പോള്‍ ശ്രദ്ധയില്‍പ്പെടാതെ വരാറുണ്ട്. കുറച്ചുനാള്‍കൂടി കഴിയുമ്പോള്‍ സിഗ്നല്‍സംവിധാനം മുഴുവന്‍ ചില്ലകള്‍ മറയ് ക്കുന്ന അവസ്ഥയുണ്ടാകും. നിലവില്‍ സിഗ്നല്‍സംവിധാനം നോക്കിയാണ് യാത്രികര്‍ കേശവദാസപുരം റോഡിലേക്കും മുട്ടട റോഡിലേക്കും തിരിയുന്നത്. സിഗ്നല്‍ കാണാന്‍ സാധിക്കാതെ വരുന്നത് ആശയക്കുഴപ്പം ഉണ്ടാക്കുന്നതിനും വാഹനാപകടങ്ങള്‍ക്കും ഇടയാക്കുമെന്ന ആക്ഷേപമുണ്ട്. സിഗ്നല്‍ ലൈറ്റിനെ മരച്ചില്ലകളും ഇലകളും മൂടുന്ന പ്രശ്‌നം വെള്ളയമ്പലത്തും പേരൂര്‍ക്കടയിലും നിലവിലുണ്ട്.

നഗരംവിട്ട നാല്‍വര്‍ സംഘത്തെ കണ്ടെത്താന്‍ പ്രത്യേക സംഘം

പേരൂര്‍ക്കട: തിരുവനന്തപുരം നഗരംവിട്ട നാല്‍വര്‍ സംഘത്തെ കണ്ടെത്തുന്നതിന് പോലീസ് പ്രത്യേക സംഘം ബംഗളൂരുവിലേക്കു തിരിച്ചു. വട്ടിയൂര്‍ക്കാവ്, പേരൂര്‍ക്കട പോലീസ് സംയുക്തമായാണു സ്‌കൂള്‍ വിദ്യാര്‍ഥികളായ മൂന്നുപേരെയും ഒരു 18-കാരനെയും കണ്ടെത്താന്‍ ഊര്‍ജിതമായ അന്വേഷണം ആരംഭിച്ചത്. കഴിഞ്ഞദിവസം വട്ടിയൂര്‍ക്കാവില്‍നിന്നാണ് നാല്‍വര്‍ സംഘത്തെ കാണാതായത്. പേട്ട, പേരൂര്‍ക്കട എന്നിവിടങ്ങളില്‍ നിന്ന് 16 വയസുള്ള രണ്ടു പെണ്‍കുട്ടികളെയും വട്ടിയൂര്‍ക്കാവില്‍ നിന്ന് 16 വയസുള്ള ആണ്‍കുട്ടിയെയുമാണ് കാണാതായത്. തൃക്കണ്ണാപുരത്തുള്ള 18-കാരനൊപ്പമാണ് ഇവര്‍ പോയതെന്നാണ് പോലീസ് പറയുന്നത്. മൊബൈല്‍ ടവര്‍ ലൊക്കേഷനില്‍ ഇവര്‍ ബംഗളൂരുവിലുള്ളതായി കാണിച്ചിരുന്നു. എന്നാല്‍ പിന്നീട് വിവരമൊന്നും ലഭിച്ചില്ല. വട്ടിയൂര്‍ക്കാവ് സ്വദേശിയായ 16-കാരനെ വീട്ടുകാര്‍ വഴക്കുപറഞ്ഞതിലുള്ള വിരോധമാണ് നാടുവിടാന്‍ കാരണമായി പറയുന്നത്.

വാഗമണിൽ കാർ അപകടത്തിൽ മരിച്ച അയാൻഷിന് അന്ത്യാഞ്ജലിയേകി നാട്

നേമം : വാഗമണില്‍ ഇലക്ട്രിക്കല്‍ ചാര്‍ജിംഗ് സ്റ്റേഷനില്‍ കാറിടി ച്ചു കയറിയുണ്ടായ അപകടത്തി ൽ മരിച്ച അയാൻഷ് നാഥിന്‍റെ മൃതദേഹം നേമം ശാന്തിവിള ശാസ്താംനഗറിലെ നാഗമ്മാള്‍ വീട്ടില്‍ പൊതുദർശനത്തിനുവച്ചു. ഇന്നലെ വൈകുന്നേരം അഞ്ചരയോടെ കൊണ്ടുവന്ന മൃതദേഹത്തില്‍ ബന്ധുക്കളും നാട്ടുകാരുമടക്കം നിരവധിപേര്‍ അന്തിമോപചാരം അര്‍പ്പിച്ചു. അപകടത്തില്‍ പരിക്കേറ്റ അമ്മ ആര്യാമോഹന്‍ ചേര്‍പ്പുങ്കലിലുള്ള സ്വകാര്യ ആശുപത്രിയില്‍ ചികിത്സയിലായതിനാല്‍ മകന്‍റെ അന്ത്യകര്‍മ്മങ്ങളില്‍ പങ്കെടുക്കാന്‍ കഴിയാതെ കണ്ണീരിൽ കുതിർന്ന യാത്ര മൊഴി നൽകുകയായിരുന്നു. അച്ഛനും ബന്ധുക്കളുമാണ് അയാന്‍ഷ് നാഥിന്‍റെ മൃതദേഹവുമായി ശാന്തിവിളയിലെ വീട്ടിലെത്തിയത്. ശനിയാഴ്ച വൈകുന്നേരം മൂന്നിനായിരുന്നു വാഗമണ്‍ വഴിക്കടവിൽവച്ച് അപകടമുണ്ടായത്. കഴിഞ്ഞ എട്ടിനാണ് അയാന്‍ഷ് നാഥ് അച്ഛന്‍ ശബരിനാഥിനും അമ്മ ആര്യാമോഹനനും അപ്പൂപ്പന്‍ സുന്ദരത്തിനുമൊപ്പം അച്ഛന്‍ പുതുതായി വാങ്ങിയ ഇലക്ട്രിക്ക് കാറില്‍ യാത്ര പോയത്. ആര്യാമോഹനന്‍ പാലായിലെ പോളിടെക്‌നിക്കിലെ അധ്യാപികയായതിനാല്‍ അയാന്‍ഷ് നാഥും അവിടെ തന്നെയുള്ള ഒരു സ്‌കൂളിലെ എല്‍കെജി വിദ്യാര്‍ഥിയായിരുന്നു. മൃതദേഹം ശാന്തികവാടത്തില്‍ സംസ്‌കരിച്ചു.

രഹസ്യകേന്ദ്രത്തിൽ ലഹരി ഉപയോഗം; എംഡിഎംഎ കേസിൽ നാലുപേർ പിടിയിൽ

കാട്ടാക്കട: രഹസ്യകേന്ദ്രത്തിൽ ലഹരി ഉപയോഗം; എംഡിഎംഎ കേസിൽ വാറന്‍റ് പ്രതി ഉൾപ്പടെ നാലുപേർ പിടിയിൽ. കാട്ടാക്കട കിള്ളി സ്വദേശികളായ അഷ്‌കർ, ആഷിക്ക് മുഹമ്മദ്, അജീബ്, തൂങ്ങാംപാറ സ്വദേശി നന്ദു എന്നിവരെയാണ് കാട്ടാക്കട പോലീസ് പിടികൂടിയത്. ഇതിൽ അജീബ് വാറന്‍റ് കേസിലെ പിടികിട്ടാപുള്ളിയാണ്. തൂങ്ങാംപാറയിലെ രഹസ്യ കേന്ദ്രത്തിൽ വീടിന്‍റെ ടെറസിനു മുകളിൽ എംഡിഎംഎ ഉപയോഗിക്കുന്നുവെന്ന വിവരം ലഭിച്ചതിനെ തുടർന്നു നടത്തിയ റെയിഡിലാണ് ഇവർ അറസ്റ്റിലായത്. ഇവരെ ചോദ്യം ചെയ്തതിൽ നിന്നും ലഹരിവസ്തുക്കളുടെ സ്രോതസ്സുകൾ വെളിവായെന്നാണ് സൂചന. കാട്ടാക്കട മേഖലയിൽ ഇതിന്‍റെ വിൽപ്പന വൻ തോതിൽ നടക്കുന്നുണ്ടെന്നും ചോദ്യം ചെയ്യലിൽനിന്നും വ്യക്തമായി. ഇവരിൽനിന്നും എംഡിഎംഎയും കണ്ടെടുത്തു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

പൊതുവിദ്യാഭ്യാസ മന്ത്രി ക്ഷണിച്ചു : പ്രഭാത ഭക്ഷണത്തിന് റോസ് ഹൗസിലെത്തി അഫ്ഗാനിസ്ഥാനിൽ നിന്നുള്ള കുഞ്ഞുങ്ങൾ

തിരുവനന്തപുരം: പൊതുവിദ്യാഭ്യാസവും തൊഴിലും വകുപ്പ് മന്ത്രി വി ശിവൻകുട്ടിയുടെ ക്ഷണം സ്വീകരിച്ച് അഫ്ഗാനിസ്ഥാനിൽ നിന്നുള്ള കുഞ്ഞുങ്ങൾ മന്ത്രിയുടെ ഔദ്യോഗിക വസതിയായ റോസ്ഹൗസിൽ എത്തി. കഴിഞ്ഞദിവസം ശ്രീകാര്യം ഗവൺമെന്‍റ് ഹൈസ്കൂളിൽ എത്തിയപ്പോഴാണ് അഫ്ഗാനിസ്ഥാനിൽ നിന്നുള്ള കുട്ടികളെ മന്ത്രി പരിചയപ്പെടുന്നത്. ആറാം ക്ലാസിൽ പഠിക്കുന്ന മാർവാ റഹീമി, അഹമ്മദ് മുസമീൽ റഹീമി, മൂന്നാം ക്ലാസിൽ പഠിക്കുന്ന അഹമ്മദ് മൻസൂർ റഹീമി എന്നിവരെയാണ് മന്ത്രി പരിചയപ്പെട്ടത്. തുടർന്ന് മന്ത്രി കുടുംബസമേതം പ്രഭാത ഭക്ഷണത്തിനായി റോസ്‌ ഹൗസിൽ എത്താൻ ക്ഷണിക്കുകയായിരുന്നു. ഇന്നലെ രാവിലെ പിതാവ് ഷഫീഖ് റഹീമി, മാതാവ് സർഗോന റഹീമി എന്നിവരോടൊപ്പമാണു കുട്ടികൾ എത്തിയത്. മന്ത്രിയും ജീവിതപങ്കാളി ആർ. പാർവതി ദേവിയും ചേർന്നു കുഞ്ഞുങ്ങളെയും മാതാപിതാക്കളെയും സ്വീകരിച്ചു. കുഞ്ഞുങ്ങളുടെയും മാതാപിതാക്കളുടെയും വിശേഷങ്ങൾ മന്ത്രി ചോദിച്ചറിഞ്ഞു. ലിഫ്റ്റും എസിയും ഉള്ള സ് കൂൾ അടിപൊളിയാണെന്നു കുഞ്ഞുങ്ങൾ മന്ത്രിയോടു പറഞ്ഞു. തുടർന്ന് മന്ത്രിക്കൊപ്പം കുഞ്ഞുങ്ങൾ പ്രഭാത ഭക്ഷണം കഴിച്ചു. കേരള യൂണിവേഴ്സിറ്റി ഇക്കണോമിക്സ്‌ ഡിപ്പാർട്ട്മെന്‍റിൽ റിസൾച്ച് സ്കോളർ ആണ് കുട്ടികളുടെ പിതാവ്. അഞ്ചുവയസുള്ള അഹമ്മദ് മഹിൻ റഹീമി, മൂന്നര വയസുള്ള മഹ്നാസ് റഹിമി എന്നിവരെ കൂടി പ്രീസ്കൂളിൽ ചേർക്കാൻ ഒരുങ്ങുകയാണ് അഫ്ഗാൻ ദമ്പതികൾ.

ഓരോ വിദ്യാലയവും സംരംഭക സൗഹൃദമാകണം: ഫൈസൽ ഖാൻ

തിരുവനന്തപുരം: വിദ്യാർഥികളിലെ സംരംഭകത്വം എന്ന ആശയം പ്രാവർത്തികമാക്കാൻ ഓരോ വിദ്യാലയവും സംരംഭക സൗഹൃദമാകണമെന്നു പ്രമുഖ സംരംഭകനും നൂറുൽ ഇസ്‌ലാം യൂണിവേഴ്സിറ്റി പ്രോ- ചാൻസലറുമായ എം.എസ്. ഫൈസൽ ഖാൻ. നാലാഞ്ചിറ സെന്‍റ് ജോൺസ്‌ മോഡൽ ഹയർ സെക്കൻഡ റി സ്കൂളിലെ ജൂബിലി സ്മാരക പ്രഭാഷണം നടത്തുകയായിരുന്നു അദ്ദേഹം. വിദ്യാഭ്യാസം നേടുന്നതോടൊപ്പം തന്നെ വിദ്യാർഥികളിൽ സംരംഭകത്വ കഴിവുകൾ വളർത്തേണ്ടത് ഇന്നത്തെ കാലഘട്ടത്തിൽ വളരെ പ്രധാനമാണ്. വെറും അറിവ് നേടുന്നതിനപ്പുറം, അത് പ്രായോഗികമായി എങ്ങനെ ഉപയോഗിക്കാം, പുതിയ ആശയങ്ങൾ എങ്ങനെ യാഥാർഥ്യമാക്കാം എന്നു പഠിപ്പിക്കുന്ന ഒന്നാണ് സംരംഭകത്വം. വിദ്യാർഥികൾക്ക് അവരുടെ പഠനമേഖലയിലെ അറിവ് ഉപയോഗിച്ച് പുതിയ ഉൽപ്പന്നങ്ങളോ സേവനങ്ങളോ കണ്ടെത്താൻ സംരംഭകത്വം സഹായിക്കുന്നുവെന്നും ഫൈസൽ ഖാൻ ചൂണ്ടിക്കാട്ടി. പ്രിൻസിപ്പൽ ഫാ. ജോസ് ചരുവിൽ അധ്യക്ഷത വഹിച്ചു. വൈസ് പ്രിൻസിപ്പൽ അജീഷ് കുമാർ, ജൂബിലി കൺവീനർ ബിന്നി സാഹിതി ,എൻ. എസ്. എസ്. പ്രോഗ്രാം ഓഫീസർ ബിജു ജോൺ, വിദ്യാർഥി പ്രതിനി ധികൾ എന്നിവർ പ്രസംഗിച്ചു.

ജവഹര്‍നഗറിലെ വസ്തു തട്ടിയെടുക്കൽ : ചന്ദ്രസേനന്‍റെ വീട്ടില്‍ പോലീസ് റെയ്ഡ് നടത്തി

പേരൂര്‍ക്കട: കവടിയാര്‍ ജവഹര്‍ നഗറിലെ വസ്തുതട്ടിപ്പുമായി ബന്ധപ്പെട്ടു ചന്ദ്രസേനന്‍റെ വീട്ടില്‍ പോലീസ് റെയ്ഡ് നടത്തി. പൈപ്പിന്‍മൂട്ടില്‍ ഇയാള്‍ താമസിക്കുന്ന ഫ്‌ളാറ്റിലാണ് പോലീസ് പരിശോധന നടത്തിയത്. ഇവിടെ ചന്ദ്രസേനന്‍റെ ഭാര്യമാത്രമാണ് ഉണ്ടായിരുന്നത്. ഡോറ അസറിയ ക്രിപ്‌സിന്‍റെ വസ്തുവും വീടും തന്‍റെ പേരിലാക്കിയ കൊല്ലം സ്വദേശി മെറിന്‍ ജേക്കബ് ഇതു ചന്ദ്രസേനനു വിലയാധാരം എഴുതി നല്‍കിയിരുന്നു. ഇതിന്‍റെ രേഖകള്‍ കണ്ടെടുക്കുന്നതിനായിരുന്നു പോലീസ് പരിശോധന. എന്നാല്‍ വീടും വസ്തുവും വാങ്ങിയതിന്‍റെ പ്രമാണം ചന്ദ്രസേനന്‍റെ വീട്ടിലുണ്ടായിരുന്നില്ല. പ്രമാണം മരുമകന്‍റെ കൈവശമാണുള്ളതെന്നും മരുമകന്‍ നിര്‍ബന്ധിച്ചു ചന്ദ്രസേനനെക്കൊണ്ട് ഒപ്പിടീച്ചു വാങ്ങിയതാണെന്നും ചന്ദ്രസേനന്‍റെ ഭാര്യ പോലീസിനു മൊഴി നല്‍കിയിട്ടുണ്ട്. തന്‍റെ പേരില്‍ വസ്തു വാങ്ങിയാല്‍ നികുതി സംബന്ധമായ വിഷയം ഉണ്ടാകുമെന്നും അതുകൊണ്ടാണു ചന്ദ്രസേനന്‍റെ പേരില്‍ വാങ്ങുന്നതെന്നും മരുമകന്‍ പറഞ്ഞിരുന്നതായും ഇവര്‍ പോലീസിനെ അറിയിച്ചു. ചന്ദ്രസേനന്‍ കോടതിയില്‍ ജാമ്യത്തിനു ശ്രമിക്കുന്നതായാണ് വിവരം. അതിനിടെ ചന്ദ്രസേനന്‍റെ മരുമകന്‍ താമസിക്കുന്ന ജവഹര്‍ നഗറില്‍ പോലീസ് അന്വേഷണം ഉടന്‍ ഉണ്ടാകുമെന്നാണു സൂചന. അമേരിക്കയില്‍ താമസിച്ചുവരുന്ന ഡോറയുടെ വസ്തുവും വീടും ഇവരറിയാതെ തട്ടിയെടുത്തതുമായി ബന്ധപ്പെട്ടു നിലവില്‍ മെറിന്‍ ജേക്കബും വസന്തയുമാണ് പോലീസിന്‍റെ പിടിയിലായിട്ടുള്ളത്. പ്രമാണം ശരിയാക്കി നല്‍കിയ കിള്ളിപ്പാലത്തെ ആധാരമെഴുത്തുകാരന്‍ അനന്തപുരി മണികണ്ഠനും ഒളിവിലാണ്.

എസ്എടി ആശുപത്രിയിലെ മരക്കൊമ്പ് ഒടിഞ്ഞുവീണ് പരിക്കേറ്റ യുവാവ് മരിച്ചു

മെഡിക്കല്‍കോളജ് : മരക്കൊമ്പുവീണ് ചികിത്സയിലായിരുന്നു യുവാവ് മരിച്ചു. കൊല്ലം പരവൂര്‍ നെടുങ്ങോലം പാറയില്‍ക്കാവ് ക്ഷേത്രത്തിനു സമീപം സുനില്‍ ഭവനില്‍ എസ്.കെ. സുനില്‍ (46) ആണ് മരിച്ചത്. കഴിഞ്ഞ മേയ് 23ന് തിരുവനന്തപുരം എസ്എടി ആശുപത്രിവളപ്പിലെ മരത്തിന്‍റെ ശിഖരം ഒടിഞ്ഞാണ് സുനിലിന്‍റെ ശരീരത്തിലേക്കു വീണത്. തലയ്ക്കു കഴുത്തിനും നട്ടെല്ലിനും ഗുരുതരമായി പരിക്കേറ്റ സുനില്‍ ഐസിയുവില്‍ ചികിത്സയിലായിരുന്നു. മകളുടെ ചികിത്സയ്ക്കായി തിരുവനന്തപുരം മെഡിക്കല്‍കോളജില്‍ എത്തിയതായിരുന്നു സുനില്‍. ഭാര്യയെയും മകളെയും ആശുപത്രിയിലാക്കിയശേഷം പുറത്തേക്കിറങ്ങുന്നതിനിടെയാണ് ശക്തമായ കാറ്റില്‍ ആശുപത്രിവളപ്പില്‍ നിന്ന മരത്തിന്‍റെ വലിയ ശിഖരം ഒടിഞ്ഞ് സുനിലിന്‍റെ ശരീരത്തിലേക്കു വീണത്. മൃതദേഹം ബന്ധുക്കള്‍ക്കു വിട്ടുനല്‍കി.

ഏണി ഒടിഞ്ഞുവിണ് തൊഴിലാളി മരിച്ചു

നെടുമങ്ങാട്: തെങ്ങിൽ കയറുന്നതിനിടെ ഏണി ഒടിഞ്ഞ് നിലത്ത് വീണ് തൊഴിലാളി മരിച്ചു. ചക്രപാണിപുരം കിഴങ്ങുവിളകുന്ന് വേലാംകോണം അനീഷ് ഭവനിൽ അപ്പുക്കുട്ടൻ (60) ആണ് മരിച്ചത്. ഇന്നലെ രാവിലെ 10.30 ഓടെ ചക്രപാണിപുരം സ്വദേശിയുടെ പുരയിടത്തിലെ തെങ്ങിൽ കയറുന്നതിനിടെയാണ് അപകടം നടന്നത്. നിലത്ത് വീണു പരിക്കേറ്റ് മെഡിക്കൽ കോളജ് ആശുപത്രിയിൽ ചികിത്സ തേടിയെങ്കിലും ഉച്ചയ്ക്ക് 2.30 ഓടെ മരണമടയുകയായിരുന്നു. ഭാര്യ: ശാലിനി. മക്കൾ: അനീഷ്, അഞ്ജു.

വനിതാ ഹോസ്റ്റലിനു സമീപം യുവാവ് മരിച്ച നിലയിൽ

പോത്തൻകോട് : യുവാവിന്‍റെ മൃതദേഹം വനിതാ ഹോസ്റ്റലിന് സമീപം കണ്ടെത്തി. കാട്ടായിക്കോണം മങ്ങാട്ടുകോണം അണ്ണൂർ വീട്ടിൽ ശശിയുടെയും രാധയുടെയും മകൻ ഉണ്ണി എന്ന സജീവ് (42)ന്‍റെ മൃതദേഹമാണ് കണ്ടെത്തിയത്. ഇന്നലെ ഉച്ചയോടെ ചന്തവിളയിലുള്ള സ്വകാര്യ കോളജിന്‍റെ വനിതാ ഹോസ്റ്റലിന് സമീപത്തുള്ള ചാലിൽ തലകീഴായാണ് മൃതദേഹം കിടന്നിരുന്നത്. പോത്തൻകോട് പോലീസെത്തി മൃതദേഹം മോർച്ചറിയിലേയ്ക്ക് മാറ്റി. ശരീരഭാഗങ്ങളിൽ എന്തോ കടിച്ചതിന്‍റെ പാടുകൾ ഉണ്ടെന്നും പാമ്പുകടിച്ചതാകാമെന്ന് ഡോക്ടർമാർ അറിയിച്ചു. രാവിലെ എട്ടുമണി വരെ മങ്ങാട്ടുക്കോണം പ്രദേശത്ത് നാട്ടുകാർ പറയുന്നു. സഹോദരങ്ങൾ: ഷാജി, ഷജില, ഷീല. പോലീസ് കേസെടുത്തു അന്വേഷണം ആരംഭിച്ചു

സൈക്കിൾ യാത്രക്കാരൻ ബൈക്ക് ഇടിച്ച് മരിച്ചു

മേനംകുളം: ബൈക്ക് ഇടിച്ച് സൈക്കിൾ യാത്രക്കാരൻ മരിച്ചു. ചെറുമേനംകുളം ആദിത്യായിൽ മോഹനൻ ആശാരി (60)യാണ് മരിച്ചു. മൃതദേഹം മെഡിക്കൽ കോളജ് മോർച്ചറിയിലേക്ക് മാറ്റി. ഇന്നലെ വൈകുന്നേരം 5.30 യോടെ മേനംകുളം ചിറ്റാറ്റുമുക്ക് റോഡിൽ സൈക്കിളിൽ വീട്ടിലേക്ക് പോകുകയായിരുന്ന മോഹനൻ ആശാരിയെ അമിത വേഗത്തിൽ വന്ന ബൈക്ക് ഇടിച്ച് തെറിപ്പിച്ചു. തലയ്ക്ക് ഗുരുതരമായി പരിക്കേറ്റ മോഹനൻ ആശാരി സംഭവസ്ഥലത്തുതന്നെ മരണപ്പെട്ടു. ബൈക്ക് ഓടിച്ച അമാൻ (19) നെ പരിക്കുകളോടെ ആശുപത്രിയിൽ പ്രവേശിപ്പിച്ചു .സെക്യൂരിറ്റി ജീവനക്കാരനായിരുന്നു മോഹനൻ ആശാരി. ഭാര്യ: മോഹിനി. മക്കൾ: ആദിത്യ, അനന്ദു. കഴക്കൂട്ടം പോലീസ് കേസെടുത്തു.

പോലീസ് ഉദ്യോഗസ്ഥനെ ഉപദ്രവിച്ച പ്രതി അറസ്റ്റില്‍

പൂന്തുറ: പോലീസ് ഉദ്യോഗസ്ഥനെ ശാരീരികമായി ഉപദ്രവിച്ച കേസിലെ പ്രതിയെ പൂന്തുറ പോലീസ് അറസ്റ്റ് ചെയ്തു. പൂന്തുറ മദര്‍തേരേസ കോളനിയില്‍ താമസിക്കുന്ന ജോസിനെ (39) ആണ് പോലീസ് അറസ്റ്റ് ചെയ്തത്. ദിവസങ്ങള്‍ക്കുമുമ്പു വിഴിഞ്ഞം കോസ്റ്റല്‍ പോലീസ് സ്റ്റേഷനില്‍ നിന്നും ഡ്യൂട്ടിയുടെ ഭാഗമായി തിരുവല്ലം ഇടയാര്‍ ഭാഗത്തെത്തിയ സിപിഒ ബിനുവിനെയാണ് ജോസ് ദേഹോപദ്രവം ഏല്‍പ്പിച്ചത്. സംശയകരമായ സാഹചര്യത്തില്‍ കണ്ട ജോസിനെ മഫ്തിയില്‍ എത്തിയ ബിനു ചോദ്യം ചെയ്തതാണ് ആക്രമണത്തില്‍ കലാശിച്ചത്. കൂടാതെ മുമ്പു പൂന്തുറ സ്റ്റേഷന്‍ പരിധിയിലുളള ക്ഷേത്രത്തിലെ കാണിയ്ക്കവഞ്ചി കവര്‍ന്ന കേസില്‍ ജോസ് പ്രതിയായിരുന്നതായി പോലീസ് പറഞ്ഞു. ആ സംഭവവുമായി ബന്ധപ്പെട്ട് ജോസിനെ കസ്റ്റഡിയിലെടുത്ത സംഘത്തില്‍ ബിനു ഉണ്ടായിരുന്നതായും പറയുന്നു. പൂന്തുറ എസ്എച്ച്ഒ സജീവിന്‍റെ നേതൃത്വത്തില്‍ എസ്ഐ സുനില്‍, ജൂണിയര്‍ എസ്ഐ നവീൻ, സിപിഒമാരായ ദീപക്, രാജേഷ്, സനല്‍ എന്നിവരുള്‍പ്പെട്ട പോലീസ് സംഘമാണ് ജോസിനെ അറസ്റ്റ് ചെയ്തത്. കോടതി പ്രതിയെ റിമാന്‍ഡ് ചെയ്തു.

കോൺഗ്രസ് പ്രതിഷേധ സദസ്

പൂവച്ചൽ: വൊക്കേഷണൽ ഹയർസെക്കൻഡറി സ്കൂളിൽ എസ്എഫ്ഐക്ക് പഠിപ്പ് മുടക്കി സമരം ചെയ്യാം മറ്റാരും സമരം ചെയ്യരുത് എന്ന ഇരട്ടത്താപ്പിനെതിരെ പൂവച്ചൽ മണ്ഡലം കോൺഗ്രസ് കമ്മിറ്റി പ്രതിഷേധ സദസ് സംഘടിപ്പിച്ചു. പൂവച്ചൽ വൊക്കേഷണൽ ഹയർസെക്കൻഡറി സ്കൂളിൽ സ്കൂൾ പ്രൊട്ടക്ഷൻ ഗ്രൂപ്പിന്‍റെ തീരുമാനത്തിന് വിരുദ്ധമായി എസ്എഫ്ഐ പഠിപ്പ് മുടക്ക് നടത്തിയതിലും, പഞ്ചായത്ത് പ്രസിഡന്‍റ്, സിപിഎം പ്രാദേശിക നേതൃത്വം, ഇടതുപക്ഷ സംഘടന അധ്യാപകർ തുടങ്ങിയവർ ഇതിൽ ഒത്താശ ചെയ്തതിലും പ്രതിഷേധിച്ച് പൂവച്ചൽ മണ്ഡലം കോൺഗ്രസ് കമ്മറ്റിയുടെ നേതൃത്വത്തിൽ പൂവച്ചൽ അമ്പലം ജംഗ്ഷനിൽ സംഘടിപ്പിച്ച പ്രതിഷേധ സദസ് ഡിസിസി വൈസ് പ്രസിഡന്‍റ് അഡ്വ. എസ്. ജലീൽ മുഹമ്മദ് ഉദ്ഘാടനം ചെയ്തു. മണ്ഡലം കോൺഗ്രസ് കമ്മിറ്റി പ്രസിഡന്‍റ് കട്ടയ്ക്കോട് തങ്കച്ചൻ അധ്യക്ഷനായി. പഞ്ചായത്ത് അംഗവും, രാജിവച്ച പിടിഎ പ്രസിഡന്‍റുമായ അഡ്വ. ആർ. രാഘവലാൽ സ്വാഗതം ആശംസിച്ചു. ബ്ലോക്ക് കോൺഗ്രസ് കമ്മിറ്റി മുൻ പ്രസിഡന്‍റ് സി.ആർ. ഉദയകുമാർ, യുഡിഎഫ് മണ്ഡലം ചെയർമാൻ സത്യദാസ് പൊന്നെടുത്തകുഴി, റിജു വർഗീസ്, ഷീജ ബീവി, ലിജു സാമുവൽ, ബോബി അലോഷ്യസ്, വിക്രമൻ നായർ, കോട്ടാക്കുഴി കൃഷ്ണൻ, അനീഷ് ബഥനിപുരം, കെ ശിശുപാലൻ, തുടങ്ങിയവർ പങ്കെടുത്തു.

സജിനയ്ക്ക് നാടിന്‍റെ ആദരം

തിരുവനന്തപുരം: റോഡപകടത്തിൽ ഗുരുതര പരിക്കേറ്റു ചലനമറ്റു കിടന്ന മധ്യവയസ്കനെ കൃത്രിമ ശ്വാസോച്ഛ്വാസം നൽകി ജീവൻ രക്ഷിച്ച സജിനയ്ക്ക് നാടിന്‍റെ സ്നേഹാദരം. പാറ്റൂർ മൂലവിളാകം ജംഗ്ഷനിലാണു ബൈക്ക് യാത്രികനെ കാറിടിച്ച് തെറുപ്പിച്ചത്. ശ്രീകാര്യം ആനന്ദേശ്വരം അജ്ഫർ നിവാസിൽ എം. സജിന അപകടസ്ഥലത്തിനു സമീപത്തെ സ്വകാര്യ സ്ഥാപനത്തിൽ അക്കൗണ്ടന്‍റാണ്. ചോര വാർന്നു ചലനമറ്റു കിടന്ന യാത്രികനു സമീപം നിരവധിയാളുകൾ സ്തബ്ധരായി നിൽക്കവേയാണ് സജിന ആൾക്കൂട്ടത്തെ വകഞ്ഞുമാറ്റി പത്തു മിനിട്ടിലധികം സിപിആർ നൽകിയത്. പെട്ടെന്നു ശ്വസനം വീണ്ടെടുത്തതോടെ മെഡിക്കൽ കോളജ് ആശുപത്രിയിലെത്തിക്കുകയായിരുന്നു. പേട്ട സെന്‍റ് ആൻസ് ഫൊറോന പള്ളി യും കണ്ണമ്മൂല വാർഡിലെ റസിഡന്‍റ്സ് അസോസിയേഷനുകളുടെ ഫെഡറേഷനും സംയുക്തമായി സെന്‍റ് ആൻസ് ചർച്ച് അങ്കണത്തിൽ സംഘടിപ്പിച്ച മെഗാ മെഡിക്കൽ ക്യാമ്പിന്‍റെ ഉദ്ഘാടന ചടങ്ങിലാണ് നാട്ടുകാർ സജിനയെ ആദരിച്ചത്. പള്ളി വികാരി ഫാ. തിയോഡേഷ്യസ് ഡിക്രൂസ് സജിനയ്ക്ക് ഉപഹാരം കൈമാറി. പ്രസ് ക്ലബ് സെക്രട്ടറി എം. രാധാകൃഷ്ണൻ അധ്യക്ഷത വഹി ച്ചു. തിക്കുറിശി ഫൗണ്ടേഷൻ സെക്രട്ടറി രാജൻ വി.പൊഴിയൂർ, ബാബു ജോസ് വർഗീസ്, ലിയോണി മസ്ക്രീൻ, ഡി. ശ്രീകുമാർ, ജോസ് ഡിക്രൂസ് എന്നിവർ പ്രസംഗിച്ചു.

നാളികേര വില കുതിക്കുന്നു : ഉണക്ക തേങ്ങ 82, പച്ച തേങ്ങ 75; കുടുംബ ബജറ്റ് താളം തെറ്റുന്നു

വെള്ളറട : നാളികേര വില കുതിച്ചു കയറിയതോടെ ഹോട്ടലുകള്‍ അടക്കമുള്ള ഭക്ഷണനിര്‍മാണ യൂണിറ്റുകള്‍ പ്രതിസന്ധിയിലേക്ക്. മൂന്നുമാസം മുന്‍പ് വരെ കിലോയ്ക്ക് 200 രൂപയില്‍ താഴെ വിലയുണ്ടായിരുന്ന വെളിച്ചെണ്ണയുടെ ചില്ലറ വില്പന 450 കഴിഞ്ഞു. പച്ച തേങ്ങയുടെ വില കിലോയ്ക്ക് 75 ഉം ഉണക്ക തേങ്ങ കിലോയ് ക്ക് 85 രൂപയിലും എത്തി. വെളിച്ചെണ്ണ വില ഇരട്ടിയിലധികം കടന്നതോടെ സാരമായി ബാധിച്ചത് ഹോട്ടല്‍, തട്ടുകട, കാറ്ററിംഗ്, പലഹാര നിര്‍മാണ മേഖലയാണ്. 10 രൂപക്ക് പലഹാരങ്ങള്‍ നല്‍കിയിരുന്ന തട്ടുകടയ്ക്ക് വിലവര്‍ധന അനിവാര്യമായി കഴിഞ്ഞു. 35 രൂപയില്‍ നിന്നും കിലോയ്ക്ക് 85 രൂപ വരെ കടന്നത് ദിവസങ്ങള്‍ കൊണ്ട് മാത്രമാണ്. തട്ടുകടയില്‍ ദോശക്ക് മറ്റും ചമ്മന്തി ഇപ്പോള്‍ കിട്ടാനില്ല. ഹോട്ടല്‍ വ്യാപാരം നഷ്ടത്തിലേക്കാണു നീങ്ങുന്നത്. വെളിച്ചെണ്ണ, തേങ്ങ എന്നിവയുടെ വില വര്‍ധന കാരണം ശരാശരി 3,000 ത്തോളം രൂപ ദിവസവും അധികം കണ്ടെത്തേണ്ട സ്ഥിതിയാണ്. ഗ്രാമീണ മേഖലയില്‍ വ്യാപാരമാന്ദ്യം തുടരുന്നതിനാല്‍ ഭക്ഷണവില കൂട്ടുന്നത് വില്‍പ്പനയെ ബാധിക്കും എന്നതിനാലാണു നഷ്ടം സഹിച്ച് ഭൂരിഭാഗം ചെറുകിടസ്ഥാപനങ്ങളും പ്രവര്‍ത്തിക്കുന്നത്. പതിറ്റാണ്ടുകളായി തുടരുന്ന വിലയിടിവുമൂലം തെങ്ങു കൃഷിയോട് താല്‍പര്യം കുറഞ്ഞതും കെട്ടിട നിര്‍മാണങ്ങള്‍ക്കുവേണ്ടി വന്‍തോതില്‍ തെങ്ങുകള്‍ മുറിച്ചു മാറ്റിയതു നാളികേര ഉല്‍പാദനത്തില്‍ സംസ്ഥാനത്തില്‍ വന്‍ ഇടിവു സൃഷ്ടിക്കുന്നുണ്ട്. കേരളത്തിലേക്ക് എത്തുന്ന തേങ്ങയുടെ വിപണി നിയന്ത്രിക്കുന്ന തമിഴ്‌നാട്ടിലെ തോട്ടം നടത്തിപ്പുകാരാണ്. കരിക്ക് വില്‍പ്പനയിലേക്കു ചുവടു മാറിയതും അവിചാരിതമായി വില വര്‍ധനക്കു കാരണമായി. തേങ്ങ വിലയ്‌ക്കൊപ്പം കരിക്കിനും വില ഉയര്‍ന്നു. 25 രൂപ മുതല്‍ 36രൂപക്ക് വരെ തമിഴ്‌നാട്ടില്‍ നിന്നുമാണു കരിക്ക് എത്തുന്നത്. മാസങ്ങള്‍ക്കുമുമ്പ് സ്ഥലത്തെത്തിച്ചിരുന്ന കരിക്കിന് 34 മുതല്‍ 39വരെ വില എത്തിക്കഴിഞ്ഞു. ഓണവിപണി അടുത്തതോടെ തേങ്ങ വെളിച്ചെണ്ണ വിലയ്ക്ക് 500 രൂപ കഴിയാന്‍ സാധ്യതയുണ്ടെന്നു വ്യാപാരികള്‍ വിലയിരുത്തുന്നു. തേങ്ങയുടെ വില നിയന്ത്രിക്കുന്നതിന് സര്‍ക്കാര്‍ സംവിധാനം പൂര്‍ണ്ണമായി പരാജയപ്പെട്ട അവസ്ഥയാണ്. സാധാരണക്കാരുടെയും, ഉദ്യോഗസ്ഥരുടെയും നടുവൊടിക്കുന്ന രീതിയിലാണ് തേങ്ങയുടെ വില കുതിച്ചു കയറുന്നത്. അടിയന്തരമായി സര്‍ക്കാര്‍ സംവിധാനം ഇടപെട്ട് തേങ്ങയുടെ വില നിയന്ത്രിച്ചില്ലെങ്കില്‍ അടുത്ത് വരുന്ന ഓണം വിപണി കര്‍ഷകരെ സാരമായി ബാധിക്കുമെന്ന് ഉറപ്പാണ്.

ഹോട്ടല്‍ഭക്ഷണത്തില്‍ ഭക്ഷ്യവിഷബാധയെന്നു സംശയം; മൂന്നുപേര്‍ ആശുപത്രിയില്‍

പേരൂര്‍ക്കട: ഹോട്ടല്‍ഭക്ഷണത്തില്‍ ഭക്ഷ്യവിഷബാധയെന്നു സംശയം, ദേഹാസ്വാസ്ഥ്യമനുഭവപ്പെട്ട മൂന്നുപേര്‍ ആശുപത്രിയില്‍ ചികിത്സ തേടി. മണക്കാട് മഹാറാണി ജംഗ്ഷനിലെ ഹോട്ടലില്‍നിന്ന് അല്‍ഫാം കഴിച്ചവര്‍ക്കാണ് ഛര്‍ദിയും ശരീരത്തളര്‍ച്ചയും അനുഭവപ്പെട്ടത്. ശനിയാഴ്ച ഉച്ചതിരിഞ്ഞാണ് കല്ലാട്ടുമുക്ക് സ്വദേശികളായ 39 വയസുകാരിക്കും 21കാരനും അല്‍ഫാം കഴിച്ചതിനെത്തുടര്‍ന്ന് അസ്വസ്ഥതയനുഭവപ്പെട്ടത്. അമ്പലത്തറയില്‍നിന്ന് ആഹാരം കഴിക്കാന്‍ ഇതേ ഹോട്ടലിലെത്തിയ ഒരു 15-കാരനും ശാരീരിക അവശത അനുഭവപ്പെട്ടതിനെത്തുടര്‍ന്ന് ചികിത്സ തേടി. മൂവരും അമ്പലത്തറ അല്‍-അരീഫ് ആശുപത്രിയില്‍ പ്രാഥമിക ചികിത്സ തേടി. പരാതിയെത്തുടര്‍ന്ന് ആരോഗ്യവകുപ്പ് അധികൃതര്‍ സ്ഥലത്തെത്തി പരിശോധന നടത്തി. ഭക്ഷണത്തിന്‍റെ സാമ്പിളുകള്‍ ശേഖരിച്ചിട്ടുണ്ട്. പരിശോധന പൂര്‍ത്തിയാക്കിയ അധികൃതര്‍ ഹോട്ടല്‍ അടപ്പിച്ചു.

കുറവന്‍കോണം-വൈഎംആര്‍ റോഡില്‍ ശുചിമുറി മാലിന്യം ഒഴുകുന്നു

പേരൂര്‍ക്കട: കുറവന്‍കോണം-വൈഎംആര്‍ റോഡില്‍ സെപ്ടിക് ടാങ്ക് പൊട്ടി മലിനജലം ഒഴുകുന്നു. ഒരാഴ്ച മുമ്പാണ് ഇവിടെ സെപ്ടിക് ടാങ്ക് പൊട്ടിയത്. കുറവന്‍കോണം ജംഗ്ഷനില്‍ നിന്ന് 100 മീറ്റര്‍ മാത്രം അകലെയാണ് സെപ്ടിക് ടാങ്കിന്‍റെ മേല്‍മൂടിക്കിടയിലൂടെ മലിനജലം ഒഴുകുന്നത്. ഇത് ടാറിട്ട റോഡിലൂടെ ഒഴുകിപ്പരക്കുന്നത് 100 മീറ്ററോളം ദൂരത്തേക്കാണ്. ഇരുചക്ര വാഹനങ്ങളും കാറുകളും ഇതുവഴി നിരന്തരം സഞ്ചരിച്ച് റോഡ് കുഴിഞ്ഞു തുടങ്ങിയിട്ടുണ്ട്. ഏകദേശം ഒരുമാസത്തിനു മുമ്പ് വൈഎംആര്‍ റോഡില്‍ സ്വീവേജ് പൈപ്പുകള്‍ മാറ്റിസ്ഥാപിക്കുന്ന പണി നടത്തിയിരുന്നു. ഇതുമൂലം ഒരാഴ്ചയോളം റോഡ് അടച്ചിരുന്നു. പണി കഴിഞ്ഞശേഷമാണ് സെപ്ടിക് ടാങ്ക് നിറഞ്ഞു പുറത്തേക്ക് മാലിന്യം ഒഴുകുന്നത്. പകല്‍സമയത്ത് വലിയപ്രശ്‌നമില്ലെങ്കിലും രാത്രികാലങ്ങളില്‍ മാലിന്യത്തില്‍ നിന്നുള്ള ദുര്‍ഗന്ധം വീടുകള്‍ വരെ എത്തുന്നതായി പരിസരവാസികള്‍ പറയുന്നു. റോഡിലെ വളവുതിരിഞ്ഞ് കുറവന്‍കോണം ഭാഗത്തേക്കു വരുന്ന വാഹനങ്ങള്‍ ടാങ്കിന്‍റെ മൂടിയില്‍ കയറുമ്പോള്‍ ജലം ഫുട്പാത്ത് വരെ തെറിച്ചുവീഴുന്നുമുണ്ട്. സ്വീവേജ് അധികൃതര്‍ ഇതുവരെയും നടപടികള്‍ സ്വീകരിച്ചിട്ടില്ലെന്നു കുറവന്‍കോണത്തെ വ്യാപാരികളും പറയുന്നു.

വ്യാജ രേഖയുണ്ടാക്കി വസ്തുതട്ടിയ സംഭവം : ഒളിവില്‍പ്പോയവർക്കായി അന്വേഷണം ഊര്‍ജിതം

പേരൂര്‍ക്കട: വ്യാജ രേഖകളുണ്ടാക്കി വീടും വസ്തുവും തട്ടിയെടുത്ത സംഭവത്തില്‍ ഒളിവില്‍പ്പോയ രണ്ടുപേരെ കണ്ടെത്താന്‍ പോലീസ് ഊര്‍ജ്ജിതമായ അന്വേഷണം ആരംഭിച്ചു. വസ്തുവും വീടും വാങ്ങിയ ചന്ദ്രസേനന്‍, കിള്ളിപ്പാലത്ത് ആധാരമെഴുത്ത് ഓഫീസ് നടത്തിവരുന്ന അനന്തപുരി മണികണ്ഠന്‍ എന്നിവരെ കണ്ടെത്തുന്നതിനാണ് അന്വേഷണം നടന്നുവരുന്നത്. ഒളിവില്‍പ്പോയ ഇവര്‍ രണ്ടുപേരും കോടതിയില്‍ ജാമ്യത്തിനു ശ്രമിക്കുന്നുണ്ടെന്നാണു സൂചന. കവടിയാര്‍ ജവഹര്‍ നഗര്‍ സ്വദേശിനിയും നിലവില്‍ അമേരിക്കയില്‍ താമസിച്ചുവരുന്നയാളുമായ ഡോറ അസറിയ ക്രിപ്‌സിന്‍റെ ഉടമസ്ഥതയിലുള്ള വസ്തുവും ഭൂമിയുമാണ് തട്ടിയെടുത്തത്. കൊല്ലം പുനലൂര്‍ സ്വദേശിനി മെറിന്‍ ജേക്കബ്, കരകുളം സ്വദേശിനി വസന്ത എന്നിവരാണ് സംഭവത്തില്‍ ഇതുവരെ പിടിയിലായിട്ടുള്ള രണ്ടുപേര്‍. വസ്തു തട്ടിയെടുക്കുന്നതിന് മെറിന്‍ ജേക്കബിനെ മണികണ്ഠന്‍ കരുവാക്കുകയായിരുന്നുവെന്നും ഇയാള്‍ക്കുപിന്നില്‍ വേറെയും ഉന്നതരുണ്ടെന്നും മ്യൂസിയം പോലീസ് അറിയിച്ചു. ഡോറയുടെ വളര്‍ത്തുമകളാണ് മെറിന്‍ ജേക്കബ് എന്നു വരുത്തിത്തീര്‍ത്താണ് വസ്തുവിന്‍റെ പ്രമാണം നടത്തിയത്. വ്യാജ പ്രമാണവും ആധാര്‍കാര്‍ഡും പരിശോധനയില്‍ പോലീസ് കണ്ടെത്തുകയുണ്ടായി. അതിനിടെ കഴിഞ്ഞദിവസം മണികണ്ഠന്‍റെ കിള്ളിപ്പാലത്തെ ആധാരമെഴുത്ത് ഓഫീസില്‍ പോലീസ് നടത്തിയ റെയ്ഡില്‍ സുപ്രധാന രേഖകള്‍ കണ്ടെത്തിയതായാണ് വിവരം. ഇവിടെ ഓഫീസ് ജീവനക്കാര്‍ ഉണ്ടായിരുന്നുവെങ്കിലും മണികണ്ഠന്‍ സ്ഥലത്തുനിന്നു മുങ്ങിയിരുന്നു. വീടും വസ്തുവും നേടിയെടുത്ത ചന്ദ്രസേനനെ കണ്ടെത്തുന്നതിനാണ് പ്രധാനമായും അന്വേഷണം നടക്കുന്നത്. ചന്ദ്രസേനനെ കണ്ടെത്തിയാല്‍ മെറിന്‍ ജേക്കബിന്‍റെ നീക്കങ്ങള്‍ എന്തൊക്കെയായിരുന്നുവെന്നു അറിയാന്‍ സാധിക്കുമെന്നാണ് പോലീസ് കരുതുന്നത്. നിലവില്‍ മണികണ്ഠനെയാണ് പ്രധാനപ്രതിയായി പോലീസ് ചേര്‍ത്തിരിക്കുന്നതെങ്കിലും വരും ദിവസങ്ങളില്‍ അന്വേഷണം കൂടുതല്‍ വ്യക്തികളിലേക്കു നീളും.

ചന്ദ്രകളഭം പിറന്നത് തിരുവനന്തപുരത്ത്: കടകംപള്ളി

തിരുവനന്തപുരം: തിരുവനന്തപുരത്തെ കോവളം തീരത്തിന്‍റെ സൗന്ദര്യം കണ്ടാണ് "ചന്ദ്രകളഭം ചാർത്തിയുറങ്ങും തീരം, ഇന്ദ്രധനുസിൻ തൂവൽ പൊഴിയും തീരം’ എന്ന ഗാനം വയലാർ രചിച്ചതെന്നു കടകംപള്ളി സുരേന്ദ്രൻ എംഎൽഎ. കൊട്ടാരം വിൽക്കാനുണ്ട് എന്ന ചിത്രത്തിലെ "ചന്ദ്രകളഭം..’ എന്ന ഗാനത്തിന്‍റെ 50-ാം വാർഷികാഘോഷത്തിന്‍റെ ഭാഗമായി വയലാർ രാമവർമ സാംസ് കാരികവേദി സംഘടിപ്പിച്ച ചടങ്ങ് ഉദ്ഘാടനം ചെയ്യുകയാ യിരുന്നു കടകംപള്ളി. വയലാർ രാമവർമ മഹിളാവേദിയുടെ ഒന്നാം വാർഷികത്തിന്‍റെ ഉദ്ഘാടനവും കടകംപള്ളി നിർവഹിച്ചു. നന്ദാവനം പ്രഫ. എൻ. കൃഷ്ണപിള്ള ഹാളിലായിരുന്നു പരിപാടി. ഒരു സുഹൃദ് സംഗമത്തിലാണു വയലാർ ഈ ഗാനം രചിക്കുന്നത്. കോവളത്തിന്‍റെ പ്രകൃതി സൗന്ദര്യത്തെക്കുറിച്ചു കവിത എഴുതാൻ സുഹൃത്തുക്കൾ പറഞ്ഞപ്പോഴാണ് വയലാർ ഈ ഗാനം കുറിക്കുന്നത്. ഒഎൻവിയാണ് വയലാർ പറഞ്ഞ വരികൾ എഴുതി എടുത്തതെന്നും കടകംപള്ളി പറഞ്ഞു. ഈ മനോഹരതീരത്ത് തരുമോ ഇനിയൊരു ജന്മം കൂടി.. എന്നു വയലാർ പാടിയത് തിരുവനന്തപുരത്തെ കോവളത്തിന്‍റെ സൗന്ദര്യത്തിൽ ആകൃഷ്ടനായിട്ടാണ്. പ്രണയവും വിരഹവും ശാന്തതയും ഇഴചേരുന്ന ഈ ഗാനത്തിനു വയലാറിനെപ്പോലെ മരണമില്ല. തലമുറകളെ സ്വാധീനിച്ച ഗാനങ്ങളുടെ സ്രഷ്ടാവാണ് വയലാർ എന്നും കടകംപള്ളി സുരേന്ദ്രൻ ചൂണ്ടിക്കാട്ടി. ചടങ്ങിൽ വയലാർ രാമവർമ മഹിളാവേദി അധ്യക്ഷ സതി തന്പി അധ്യക്ഷത വഹിച്ചു. ചലച്ചിത്രനടി വിനോദിനി മുഖ്യാതിഥിയായി ചടങ്ങിൽ പങ്കെടു ത്തു. വയലാർ രാമവർമ സാംസ്കാരിക വേദി സെക്രട്ടറി മണക്കാട് രാമചന്ദ്രൻ ആമുഖ പ്രഭാഷണം നടത്തി. മുൻ മേയർ അഡ്വ. കെ.ചന്ദ്രിക വയലാർ രാമവർമയെ അനുസ്മരിച്ച് പ്രസംഗിച്ചു. വയലാർ രാമവർമ സാംസ്കാരിക വേദി കണ്‍വീനർ ജി. വിജയകുമാർ, മുക്കംപാലമൂട് രാധാകൃഷ്ണൻ എന്നിവർ പ്രസംഗിച്ചു. ചടങ്ങിൽ സംഗീത- നൃത്ത രംഗത്തെ മികച്ച കലാകാരികളെ കടകംപള്ളി സുരേന്ദ്രൻ ആദരിച്ചു. ചടങ്ങിനു മഹിളാവേദി സെക്രട്ടറി മിനി ദീപക് സ്വാഗതം പറഞ്ഞു. സാംസ്കാരിക വേദി ട്രഷറർ ഗോപൻ ശാസ്തമംഗലം നന്ദി പറഞ്ഞു. വയലാർ ഗാനാർച്ചനയും നൃത്താവിഷ്് കാരവും നടന്നു. ദേവി കന്യാകുമാരിസിനിമാ ഗാനങ്ങളുടെ കഥയുമായി നായിക വിനോദിനി തിരുവനന്തപുരം: ദേവി കന്യാകുമാരി എന്ന സിനിമയുടെ ചിത്രീകരണം നടക്കുന്ന സമയം സംവിധായകൻ പി. സുബ്രഹ്മണ്യമാണ് സെറ്റിൽ. വയലാർ വരുന്നുണ്ട് എന്ന കാര്യം അറിയിക്കുന്നത് വയലാറിനു മുന്നിൽ സിനിമയിലെ രംഗം വിനോദിനി അവതരിപ്പിക്കണമെന്നു സംവിധായകൻ പറഞ്ഞതനുസരിച്ച് ആദ്യം ഒരു രംഗം അവതരിപ്പിച്ചു പിന്നീട് രണ്ട് രംഗങ്ങൾ കൂടി അവതരിപ്പിച്ചു. ഒരുപേപ്പറിൽ വയലാർ എന്തൊക്കെയോ എഴുന്നതു കണ്ടു. ഞാൻ അഭിനയിച്ച മൂന്നു ഗാന രംഗങ്ങളിലെ ഗാനങ്ങളാണ് വയലാർ എഴുതിയതതെന്നു പിന്നീടാണ് അറിഞ്ഞത്, വളരെ ഹിറ്റായ "കണ്ണാ, ആലില കണ്ണാ...' പിന്നെ "ശുചീന്ദ്രനാഥാ...', "നീലാംബുജാക്ഷി മാരെ....’ എന്നീ ഗാനങ്ങളാണ് എന്‍റെ അഭിനയം കണ്ടശേഷം വയലാർ എഴുതിയതെന്ന്. ദേവി കന്യാകുമാരി എന്ന സിനിമയിൽ ദേവിയായി വന്ന വിനോദിനിയുടെ വാക്കുകൾ ആണിത്. ചന്ദ്രകളഭം ചാർത്തി ഉറങ്ങും തീരം... എന്ന ഗാനത്തിന്‍റെ 50-ാം വാർഷികാഘോഷത്തിൽ മുഖ്യാതിഥിയായിഎത്തിയതാണ് വിനോദിനി. വയലാർ സാംസ്കാരിക വേ ദിയുടെ ആദരവ് കടകംപള്ളിയി ൽനിന്നു ഏറ്റുവാങ്ങിയശേഷം വയലാറുമായുള്ള കൂടിക്കാഴ്ചയു ടെ ഓർമയും പങ്കുവച്ചു.

സ്‌കൂള്‍ വിദ്യാര്‍ഥികളെ കാണാനില്ല; 18കാരനൊപ്പം പോയതെന്നു പോലീസ്

പേരൂര്‍ക്കട: തിരുവനന്തപുരം നഗരത്തിലെ വിവിധ സ്‌കൂളുകളില്‍ പഠിക്കുന്ന വിദ്യാര്‍ഥികളെ കാണാനില്ലെന്നു പരാതി. 18-കാരനൊപ്പമാണ് വിദ്യാര്‍ഥികള്‍ പോയതെന്ന് അന്വേഷണത്തില്‍ തെളിഞ്ഞതായി പോലീസ്. പേട്ട, പേരൂര്‍ക്കട, വട്ടിയൂര്‍ക്കാവ് എന്നീ സ്റ്റേഷനുകളുടെ പരിധിയില്‍പ്പെടുന്ന വിദ്യാര്‍ഥികളാണ് തൃക്കണ്ണാപുരം സ്വദേശിയായ 18-കാരനൊപ്പം പോയതെന്നാണു സൂചന. പേട്ട, പേരൂര്‍ക്കട സ്റ്റേഷനുകളുടെ പരിധിയില്‍നിന്നു 16 വയസുവീതം പ്രായമുള്ള രണ്ടു പെണ്‍കുട്ടികളും വട്ടിയൂര്‍ക്കാവ് സ്റ്റേഷന്‍ പരിധിയില്‍ താമസിക്കുന്ന ഒരു 16-കാരനുമാണ് 18-കാരനുമൊത്തു സ്ഥലം വിട്ടത്. നാലുപേരുടെയും രക്ഷിതാക്കള്‍ വിവിധ സ്റ്റേഷനുകളില്‍ ഇതുസംബന്ധിച്ച് പരാതികള്‍ നല്‍കിയിട്ടുണ്ട്. വെള്ളിയാഴ്ച വൈകുന്നേരമാണു നാല്‍വര്‍ സംഘം തിരുവനന്തപുരം വിട്ടതെന്നും ഇവര്‍ ബാംഗ്ലൂരിലേക്കാണു പോയതെന്നുമാണു പൂജപ്പുര പോലീസ് പറയുന്നത്. ഇവരെ കണ്ടെത്തുന്നതിനായി പോലീസ് അന്വേഷണം ഊര്‍ജ്ജിതമാക്കിയിട്ടുണ്ട്.

അരുമാനിച്ചൽ കുളം ബണ്ട് റോഡ് തകർന്നു

നിലമാമൂട്: കുന്നത്തുകാൽ പഞ്ചായത്തിലെ കോട്ടുക്കോണം വാർഡിലെ അരുമാനിച്ചൽ കുളം ബണ്ട് റോഡ് തകർന്നിട്ട് മാസങ്ങൾ. കുളത്തിന്‍റെ ഒരുഭാഗം കോൺക്രീറ്റു ചെയ്തു വീതികൂട്ടിയാണ് ചെറുപുന്നക്കാല നിന്നും കൈതോട്ടുകോണം നെട്ടുവടി റോഡുമായി ബന്ധിക്കാൻ അരുമാനിച്ചൽ കുളം ബണ്ട് റോഡ് നിർമാണം ആരംഭിച്ചത്. എന്നാൽ നിർമാണം പാതിവഴിയിൽ നിലയ്ക്കുകയായിരുന്നു. ഇതുമൂലം കൈതോട്ടുകോണത്തുള്ള കുന്നത്തുകാൽ ഗവ. ഹരിജൻ വെൽഫെയർ സ്കൂളിൽ പോകുന്ന കുട്ടികൾക്കും നാട്ടുകാർക്കും കാൽനടയാത്രപോലും ഈ റോഡുവഴി സാധിക്കുന്നില്ല. കാലായിൽ വാർഡിലെ കട്ടച്ചൽവിള നിന്നും പുന്നക്കാലവഴി കോട്ടുക്കോണത്തുവന്നു ചേരുന്ന റോഡും പുതുക്കിപണിതു പകുതിയിലാക്കി. ഇതുമൂലം കോട്ടുക്കോണം എൽഎംഎസ് യുപി സ്കൂളിലേക്കും കുന്നത്തുകാൽ ഗവ. കുടുംബാരോഗ്യ കേന്ദ്രത്തിലേക്കും പോകുന്നതിനും ബുദ്ധിമുട്ടുകളുണ്ട്. ചെറിയകൊല്ല-അന്പലക്കാല-പരപ്പിയൻതല റോഡ്, കീഴേ താന്നിക്കുഴി- അരുവിയോട് റോഡ്, നാറാണി-ഇടുക്കത്തുകോണം- പള്ളിവിള റോഡ്, കല്ലറത്തല-കുന്നത്തുകാൽ റോഡ് എന്നിവയും തകർന്നു കിടക്കുകയാണ്. ഇരുചക്ര വാഹന യാത്രികരും ബുദ്ധിമുട്ടു നേരിടുകയാണ്.

യുവാവിനെ മര്‍ദിച്ച സംഭവം; പ്രതികളെക്കുറിച്ച് സൂചന ലഭിച്ചു

പേരൂര്‍ക്കട: മെഡിക്കല്‍കോളജ് സ്വദേശി അബ്ദുള്ളയെ (20) ഭീഷണിപ്പെടുത്തി തട്ടിക്കൊണ്ടുപോയി വിവിധ സ്ഥലങ്ങളില്‍വച്ചു മര്‍ദിച്ച സംഭവത്തില്‍ പോലീസ് അന്വേഷണം ഊര്‍ജിതമാക്കി. ഇനി രണ്ടുപേര്‍കൂടിയാണു പിടിയിലാകാനുള്ളത്. ഇപ്പോള്‍ റിമാന്‍ഡില്‍ കഴിഞ്ഞുവരുന്ന ജിതിന്‍, സച്ചു, ജ്യോതിഷ് എന്നിവരുമായി ബന്ധമുള്ള കൂട്ടുപ്രതികളാണ് ഇവര്‍. ജൂലൈ എ‌ട്ടിനാണു പ്രതികളിലൊരാളായ ജ്യോതിസിനെ എക്‌സൈസ് സംഘത്തിനു കാണിച്ചുകൊടുത്ത വിരോധത്തില്‍ അബ്ദുള്ളയെ തട്ടിക്കൊണ്ടുപോയി ക്രൂരമായി മര്‍ദിക്കുകയും തലമൊട്ടയടിക്കുകയും ചെയ്തത്. പിടിയിലായ ജ്യോതിസില്‍നിന്ന് എക്‌സൈസുകാര്‍ കഞ്ചാവ് കണ്ടെടുക്കുകയുണ്ടായി. നാലാഞ്ചിറ കുരിശടിക്കു സമീപമായിരുന്നു അബ്ദുള്ളയെ എത്തിച്ച് ആദ്യം ആക്രമിച്ചത്. പിന്നീട് വട്ടിയൂര്‍ക്കാവിലെ ഒരു ഫാമില്‍വച്ചു മര്‍ദിച്ചുവെന്നായിരുന്നു ആദ്യസൂചനയെങ്കിലും രണ്ടാമത്തെ മര്‍ദനം ഒരു വീട്ടില്‍വച്ചായിരുന്നുവെന്ന് പോലീസ് കണ്ടെത്തുകയുണ്ടായി. അതേസമയം അബ്ദുള്ളയെ പേട്ട സ്റ്റേഷന്‍ പരിധിയില്‍ വച്ചാണ് തട്ടിക്കൊണ്ടുപോയത് എന്നതിനാല്‍ കേസ് പേട്ട സ്റ്റേഷനു കൈമാനാണ് തീരുമാനം.

മത്സ്യത്തൊഴിലാളിയെ കടലിൽ കാണാതായി

വിഴിഞ്ഞം: ചൂണ്ടയിട്ടു മീൻ പിടിക്കാൻ ഒറ്റക്ക് വള്ളത്തിൽ പോയ മത്സ്യത്തൊഴിലാളിയെ കടലിൽ കാണാതായി. തീരദേശ പോലീസും മറൈൻ എൻഫോഴ്സ്മെന്‍റും തെരച്ചിൽ നടത്തിയെങ്കിലും കണ്ടെത്താനായില്ല. പൂവാർ പള്ളംപുരയിടത്തിൽ നിന്നു വിഴിഞ്ഞം കോട്ടപ്പുറം തെന്നൂർക്കോണം കുഴിവിളയിൽ താമസമാക്കിയ ക്രിസ്തുദാസിന്‍റെ മകൻ ബൻസിഗറി(39)നെയാണു കാണാതായത്. വെള്ളിയാഴ്ച വൈകുന്നേരം വിഴിഞ്ഞത്തുനിന്ന് സ്വന്തം വള്ളത്തിൽ മീൻ പിടിക്കാൻ പുറപ്പെട്ടതായിരുന്നു ബൻസിഗർ. രാത്രിയിൽ തീരത്തിനും രണ്ടര കിലോമീറ്റർ ഉള്ളിൽ ആളില്ലാത്ത വള്ളം നങ്കുരമിട്ടിരിക്കുന്നതു ശ്രദ്ധയിൽപ്പെട്ട മറ്റു മത്സ്യത്തൊഴിലാളികൾ തീരദേശ പോലീസിനെ വിവരമറിയിച്ചു. മറൈൻ എൻഫോഴ്സ്മെന്‍റിന്‍റെ രക്ഷാ ബോട്ടിൽ അധികൃതരെത്തി നടത്തിയ പരിശോധനയിൽ ആളില്ലാത്ത വള്ളത്തിൽ നിന്നു ഫോണും ആധാർ കാർഡും ചെരിപ്പും കണ്ടെത്തി. തുടർന്നു നടത്തിയ പരിശോധനയിലാണു വള്ളം ബൻസിഗറിന്‍റേതാണെന്നു മനസിലായത്. കഴിഞ്ഞ ദിവസങ്ങളിൽ ശക്തമായ കാറ്റും കടൽക്ഷോഭവും ഉണ്ടായിരുന്നതിനാൽ ഇയാൾ ഏതെങ്കിലും തരത്തിൽ വെള്ളത്തിൽ വീണിരിക്കാമെന്നും അധികൃതർ കരുതുന്നു. വള്ളത്തെ മറൈൻ അധികൃതർ വിഴിഞ്ഞം തുറമുഖത്ത് എത്തിച്ചു. ഇന്നലെ വൈകുന്നേരം നിർത്തിവച്ച തെരച്ചിൽ ഇന്നു വീണ്ടും ആരംഭിക്കുമെന്നും ബന്ധപ്പെട്ടവർ അറിയിച്ചു. ഭാര്യ - ജിൻസി, ഒരു മകനുണ്ട്.

"കാട്ടറിവുകളുടെ മുത്തച്ഛൻ' റേഡിയോ മല്ലൻകാണി ഇനി ഓർമ

മരണം സംഭവിച്ചതു 115-ാം വയസിൽ കോട്ടൂർ: 115 വയസിന്‍റെ ചെറുപ്പവും പിന്നിട്ട് കാട്ടറിവുകളുടെ മുത്തച്ഛനായി ജീവിച്ച റേഡിയോ മല്ലൻകാണി വിടചൊല്ലി. അഗസ്ത്യമലയിലെ കാട്ടറിവുകളുടെ മുത്തച്ഛൻ മാത്രമല്ല ഗോത്ര ആചാരത്തിന്‍റെ പിന്തുടർച്ചക്കാരനുമായിരുന്ന മല്ലൻ ഇന്നലെ മരണപ്പെട്ടു. കാട്ടിൽ ആദ്യമായി റേഡിയോ വാങ്ങിയ മല്ലൻ അതാണ് റേഡിയോ മല്ലൻ എന്ന വിളിപ്പേരു വന്നതിനു പിന്നിലെ കഥ. എപ്പോഴും റേഡിയോയും തൂക്കിയുള്ള നടപ്പുകണ്ടാണ് ഊരിലുള്ളവർ ഈ വിളിപ്പേരു നൽകിയത്. പഴയ ബാറ്ററി റേഡിയോ തന്നെയാണ് ഇപ്പോഴുമുള്ളത്. പണ്ട് ഇലക്ഷൻ സമയത്ത് അഗസ്ത്യമലയിലെ കാണിക്കാരുടെ വാർത്താകേന്ദ്രം ഈ റേഡിയോയാണ്. മുൻ പ്രധാനമന്ത്രിമാരായിരുന്ന ഇന്ദിരാഗാന്ധിയും രാജീവ്ഗാന്ധിയുമെല്ലാം മരിച്ചപ്പോഴും കാണി സമൂഹം വാർത്ത അറിഞ്ഞത് മല്ലന്‍റെ റേഡിയോയിലൂടെയാണ്. ആ ദിനങ്ങൾ തനിക്ക് ഏറെ ഞെട്ടലുണ്ടാക്കിയെന്നും കാണി ഒരിക്കൽ പറഞ്ഞിരുന്നു. വള്ളികൾ കൂട്ടിപ്പിനച്ച് വളയമുണ്ടാക്കി, അതിൽ കുരുക്കിട്ട്, പിരിയുടെ എണ്ണവും കുരുക്കുകളും സന്ദേശമാക്കുന്ന ഗോത്രവർഗ സമ്പ്രദായം കൈകാര്യം ചെയ്തിട്ടുള്ള ഊരുമൂപ്പനായിരുന്നു മല്ലൻ കാണി. പ്രായം നൂറ്റപതിനഞ്ചെന്ന് മല്ലൻ കാണി. അതുക്കും മേലെന്നു നാട്ടുകാരും ബന്ധുക്കളും. നൂറുകടന്ന ഭാര്യ നീലമ്മ മരണപ്പെട്ടതോടെ രണ്ടു മക്കളുടെ സംരക്ഷണയിലാണ് കഴിഞ്ഞിരുന്നത്. കോട്ടൂർ എറുമ്പിയാട് വനവാസി ഊരിലുള്ളവർക്കും കൃത്യമായി അറിയില്ല മല്ലൻ കാണി എന്ന കാട്ടറിവുകളുടെ മുത്തച്ഛന്‍റെ പ്രായം. പക്ഷേ, എല്ലാവർക്കും ഒന്നറിയാം... കുളത്തൂപ്പുഴയ്ക്ക് ഇപ്പുറം മുതൽ അമ്പൂരിവരെയുള്ള തെക്കൻ മലയോരത്ത് ഏറ്റവും പ്രായം കൂടിയ വനമുത്തച്ഛൻ മല്ലൻ കാണി തന്നെ. പ്രായത്തോടു മത്സരിക്കുന്ന ഈ മുത്തച്ഛന്‍റെ ആരോഗ്യത്തിനും കാട്ടറിവുകൾ പങ്കുവയ്ക്കാനുള്ള ഓർമയ്ക്കും പിഴവൊന്നുമില്ലായിരുന്നു. ആകാശത്തുനോക്കി മഴ എവിടെ എപ്പോൾ മഴ പെയ്യുമെന്നു കൃത്യമായി പ്രവചിക്കും. കാറ്റിന്‍റെ ദൂരമളക്കും, വേഗവും. പ്രകൃതിയുടെ ചെറിയ ചലനങ്ങൾ പോലും തിരിച്ചറിയും. മലമ്പാട്ടും ചാറ്റുപാട്ടും വൈദ്യവും വശമുണ്ട്. പ്രാചീനകാലത്തു വനവാസികൾ ദൂരെദേശങ്ങളിൽ സന്ദേശം എത്തിച്ചിരുന്ന അഞ്ചുമനക്കെട്ട് എന്ന സമ്പ്രദായം അറിയുന്ന, ജീവിച്ചിരിക്കുന്ന അപൂർവം ചിലരിൽ ഒരാളായിരുന്നുല്ലൻ കാണി. പണ്ട് തിരുവിതാംകൂർ മഹാരാജാവിന് പലപ്രാവശ്യം ദൂതർ വഴി താൻ അഞ്ചുമനക്കെട്ടിൽ കാട്ടിലെ പ്രശ്നങ്ങൾ സന്ദേശമായി കൈമാറിയിട്ടുള്ളത് ഈ മുത്തച്ഛന്‍റെ ഓർമയിലുണ്ട്. കായ്കനികളായിരുന്നു മല്ലന്‍റെയും നീലമ്മയുടെയും പ്രധാന ഭക്ഷണം. ഇതേവരെ അസുഖങ്ങളൊന്നും വന്നിട്ടില്ല. ആശുപത്രിയിലും പോയിട്ടില്ല. എറുമ്പിയാട് ഉൾവനത്തിൽ ഈറത്തണ്ടും ഈറ്റയിലയും കൊണ്ടുണ്ടാക്കിയ കുടിലിലാണ് ഇരുവരുടെയും വാസം. വൈദ്യുതിയില്ല. വിറകുകൾ കൂട്ടിയിട്ട് കത്തിച്ചാണ് തണുപ്പിനെയും ഇരുട്ടിനെയും അകറ്റുന്നത്. ഭാര്യ മരിച്ചതോടെ ഏകാന്തതതായിരുന്നു മല്ലന്‍റെ കൂട്ട്. പുറംനാട്ടിലെ പരിഷ്‌കൃത ജീവിതത്തോട് പരമാവധി അകലം പാലിക്കുന്നതായിരുന്നു മല്ലന്‍റെ രീതി. കാടിനെ നോവിക്കാതെ, കാട്ടുരീതികൾ പാലിച്ച്, മാത്രം ജീവിതം തുടർന്ന മല്ലൻ ഒടുവിൽ മരണത്തിന് കീഴടങ്ങി.

കേരള കോണ്‍ഗ്രസിനെ മുന്നണി മര്യാദ പഠിപ്പിക്കേണ്ട: കെ. ആനന്ദകുമാർ

തിരുവനന്തപുരം: വന്യജീവി ആക്രമണംമൂലം നിരവധി സാധാരണക്കാരുടെ ജീവൻ നഷ്ടപ്പെട്ടിട്ടും അവരുടെ ജീവിതകാല സന്പാദ്യമായ കാർഷിക വിഭവങ്ങൾ നശിപ്പിക്കപ്പെട്ടിട്ടും നിസംഗത പുലർത്തുന്ന വനംവകുപ്പിന്‍റെ കഴിവുകേട് മറച്ചുവയ്ക്കാനുള്ള ശ്രമമാണ് കേരളാ കോണ്‍ഗ്രസ്-എം ചെയർമാൻ ജോസ് കെ. മാണിക്കെതിരേയുള്ള കുറ്റപ്പെടുത്തലിലൂടെ വനംമന്ത്രി നടത്തുന്നതെന്ന് കേരള കോണ്‍ഗ്രസ്-എം സംസ്ഥാന ജനറൽ സെക്രട്ടറി കെ. ആനന്ദകുമാർ ആരോപിച്ചു. കേരളത്തിലെ കർഷകരുടേയും മത്സ്യതൊഴിലാളികളുടേയും വിദ്യാർഥികളുടേയും നിരവധി ജീവൽ പ്രശ്നങ്ങൾ പൊതുസമൂഹത്തിൽ കൊണ്ടുവന്നതും കേന്ദ്ര-സംസ്ഥാന സർക്കാരുകളുടെ സജീവ നടപടികൾ സാധ്യമാക്കിയതും ജോസ് കെ. മാണിയുടെ ചിട്ടയായ പഠനവും ഇടപെടലും കൊണ്ടു മാത്രമാണ്. മുന്നണിയോഗത്തിൽ പറയേണ്ടത് അവിടെയും പൊതു സമൂഹത്തിൽ പറയേണ്ടത് അവിടെയും പറയാനും അതനുസരിച്ചു പ്രവർത്തിക്കാനുമുള്ള ഒൗചിത്യവും ആർജവവും കെ.എം. മാണിയുടെ പാരന്പര്യമുള്ള, ജനപക്ഷത്തുനിന്നു പ്രവർത്തിക്കുന്ന കേരള കോണ്‍ഗ്രസിനെ ആരും പഠിപ്പിക്കേണ്ടതില്ലന്നു ആനന്ദകുമാർ ഓർമിപ്പിച്ചു.

വിഴിഞ്ഞം അന്താരാഷ്ട്ര തുറമുഖത്ത് ആദ്യ കണ്ടെയ്നർ കപ്പലടുത്തിട്ട് ഒരു വർഷം

വിഴിഞ്ഞം: വിഴിഞ്ഞം അന്താരാഷ്ട്ര തുറമുഖത്ത് ചരക്കുമായി ആദ്യ കണ്ടെയ്നർ കപ്പൽ അടുത്തിട്ട് ഒരു വർഷം പൂർത്തിയായി. മെസ്കിന്‍റെ സാൻഫെർണാണ്ടോയിൽ തുടങ്ങിയ ചരക്ക് ഗതാഗതം ഒരുവർഷം പൂർത്തിയാക്കി എംഎസ്സിയുടെ മോനിക്കയിൽ എത്തിനിൽക്കുന്നു..! ഏറ്റവും വലിയ കപ്പൽ അടുപ്പിച്ച് വിഴിഞ്ഞം ലോക മാരിടൈം ഭൂപടത്തിന്‍റെ ഏടുകളിൽ ഇടം നേടിയതിന്‍റെ വാർഷികം കൂടിയായിരുന്നു വെള്ളിയാഴ്ച. വാർ ഷിക ആഘോഷങ്ങളില്ലാത്ത തുറമുഖത്ത് 395 എന്ന നമ്പർ പൂർത്തിയാക്കിയാക്കിയാണ് മോനിക്കയുടെ വരവ്. തുടക്കം മെസ്കിന്‍റേതാണെങ്കിലും അധികം വൈകാതെ മെഡിറ്ററേനിയൻ ഷിപ്പിംഗ് കമ്പനി എന്ന എംഎസ്‌സി വിഴിഞ്ഞത്തെ കൈയ്യടക്കി. 800 മീറ്റർ നീളമുള്ള ബർത്തിൽ വമ്പൻ മദർഷിപ്പുകളാണെങ്കിൽ രണ്ടും ഫീഡർഷിപ്പുകളാ ണെങ്കിൽ മൂന്നും എണ്ണത്തെ ഒരേ സമയം കൈകാര്യം ചെയ്യാനുള്ള ശേഷിയുണ്ട്. നിലവിലെ ഷെഡ്യൂൾ പ്രകാരം എംഎസ്‌ സിയുടെ കപ്പലുകൾ മാത്രമാണ് വന്നു മടങ്ങുന്നത്. കേരളത്തിന്‍റെയും ഇന്ത്യയുടെയും അഭിമാനമായ വിഴിഞ്ഞം തുറമുഖത്തെ വാർഫിൽ മോനിക്ക ഉൾപ്പെടെ ഇന്നലെയും മൂന്നു ചരക്ക് കപ്പലുകൾ നങ്കുരമിട്ടു. ലോകത്തെ തന്നെ വിസ്മയിപ്പിക്കുന്ന കുതിപ്പാണ് ഈ കാലയളവിൽ വിഴിഞ്ഞം നടത്തിയത്. 2024 ജൂലൈ 11 -നാണു സാൻ ഫെർണാണ്ടോ എന്ന കപ്പൽ കണ്ടെയ്നറുകളുമായി വിഴിഞ്ഞത്ത് അടുത്തത്. 2024 ഡിസംബറിൽ കൊമേഴ്സ്യൽ ഓപ്പറേഷൻ ആരംഭിച്ചു. ലോകത്തിലെ ഏറ്റവും വലിയ കണ്ടെയ്നർ കപ്പലുകളായ എംഎസ്‌സി ഐറിന ഉൾപ്പെടെ 23 അൾട്രാ ലാർജ് കണ്ടെയ്നറുകളും എത്തി ദൗത്യം പൂർത്തിയാക്കി മടങ്ങി . ഐറിന ഉൾപ്പെടെ പല കപ്പലുകളും ഇന്ത്യയിൽ തന്നെ ആദ്യമായാണ് ബെർത് ചെയ്തത്. വികസനക്കുതിപ്പിലായ അന്താരാഷ്ട്ര തുറമുഖം വഴി ഇതുവരെ 8.3 ലക്ഷം കണ്ടെയ്നറുകൾ കൈകാര്യം ചെയ്തും കഴിവു തെളിയിച്ചു. വാണിജ്യാടിസ്ഥാനത്തിൽ പ്രവർത്തനം തുടങ്ങി ആദ്യ മാസങ്ങളിൽ തന്നെ പൂർണ ശേഷിയിൽ പ്രവർത്തനം നടത്തിയ ലോകത്തെ അപൂർവം പോർട്ടുകളിലൊന്നായി വിഴിഞ്ഞം മാറി. ഓട്ടമേഷൻ, എഐ ഉൾപ്പെടെയുള്ള നൂതന സാങ്കേതികവിദ്യകൾ ഉപയോഗിച്ച് തുറമുഖം പ്രവർത്തിപ്പിക്കാൻ ഇന്ത്യയ്ക്കു ശേഷിയുണ്ടെന്നു ലോകത്തിനു മുന്നിൽ തെളിയിക്കാൻ വിഴിഞ്ഞം വഴിയൊരുക്കി. കഴിഞ്ഞ നാലു മാസങ്ങളായി ഇന്ത്യയിലെ തെക്ക്-കിഴക്കൻ തീരത്തെ തുറമുഖങ്ങളിൽ ഒന്നാമതെത്താനും വിഴിഞ്ഞത്തിനു കഴിഞ്ഞു. പ്രദേശത്തെ വനിതകളെ പരിശീലിപ്പിച്ചു ഇന്ത്യയിലെ ആദ്യ വനിതാ ഓട്ടമേറ്റഡ് ക്രെയിൻ ഓപ്പറേറ്റർമാരാക്കിയത് രാജ്യാന്തര തലത്തിൽ വരെ ശ്രദ്ധ നേടി. ആരോഗ്യം, വിദ്യാഭ്യാസം, നൈപുണ്യ വകസനം ഉൾപ്പെടെയുള്ള മേഖലകളിലെ സമൂഹിക ഉത്തരവാദിത്ത പദ്ധതികളിലൂടെ ഒരു ലക്ഷത്തിലേറെ പേരെ പിന്തുണയ്ക്കാനും പദ്ധതിയിലൂടെ കഴിഞ്ഞു. ഒന്നാം വർഷം അഭിമാനത്തോടെ ആഘോഷിക്കുന്നതിനൊപ്പം ഏതാണ്ട് 10,000 കോടിയിലേറെ ചെലവ് പ്രതീക്ഷിക്കുന്ന രണ്ടാം ഘട്ട നിർമാണപ്രവർത്തനങ്ങളും ഉടൻ തുടങ്ങും. ഇതോടെഇന്ത്യയുടെ മാരിടൈം മേധാവിത്വത്തിലേക്കുള്ള പടിവാതിലായി വിഴിഞ്ഞം വളരും.

ചിന്താര്‍മണി നാട്ടു വൈദ്യ സംഗമവും ഗുരുപൂര്‍ണ്ണിമ മഹോത്സവവും

പാറശാല: ചിന്താര്‍മണി നാട്ടു വൈദ്യ സംഗമവും ഇരുപത്തി രണ്ടാമത് ഗുരുപൂര്‍ണ്ണിമ മഹോത്സവവും സംഘടിപ്പിച്ചു. പടന്താലുമൂട് പൂര്‍ണ്ണ ജ്യോതി സെന്‍ററില്‍ നാഗര്‍കോവില്‍ ശിവന്തി ആദിത്യനാര്‍ കോളജ് കറസ്‌പോണ്ടന്‍റ് അഡ്വ. ഡി. ജയശീലന്‍ ഉദ്ഘാടനം ചെയ്തു. എടിഎംഎ (എഐടിയുസി) തിരുവനന്തപുരം ജില്ലാ കോ-ഓർഡിനേറ്റര്‍ ഡോ. ഡി. സുരേഷ്‌കുമാര്‍ അദ്ധ്യക്ഷത വഹിച്ചു. അവാര്‍ഡ് ദാനവും പുസ്തകപ്രകസനവും ഡോ.സി. സാം രാജ് നിര്‍വഹിച്ചു. തിരുവനന്തപുരം സിടിടിസി ഡയക്ടര്‍ ഡോ. പി. മോഹനന്‍ നായര്‍ മുഖ്യാതിഥിയായിരുന്നു. പി. ശശികുമാര്‍ മുഖ്യ പ്രഭാഷണം നടത്തി. പാരമ്പര്യ വൈദ്യശാസ്ത്രത്തെ അടിസ്ഥാനപ്പെടുത്തി വിവിധ സെമിനാറുകളും വിശിഷ്ട വ്യക്തികളെ ആദരിക്കലും വിവിധങ്ങളായ സസ്യജാല പ്രദര്‍ശനങ്ങളും, മെഡിക്കല്‍ ക്യാമ്പും സംഘടിപ്പിച്ചു . പ്രസിദ്ധരായ പാരമ്പര്യ വൈദ്യന്‍മാരും, സിദ്ധ, ആയുര്‍വേദ, അലോപ്പതി ഡോക്ടര്‍മാരും പരിപാടിയില്‍ പങ്കെടുത്തു.

വെള്ളറടയില്‍ വൈദ്യുതി പ്രതിസന്ധി; മരങ്ങള്‍ ഒടിഞ്ഞുവീണ് നാശനഷ്ടം

വെള്ളറട: പാറശാലയില്‍ നിന്ന് വെള്ളറട സബ്‌സ്‌റ്റേഷന്‍ വരെയുള്ള 33 കെവി ലൈനില്‍ കേബിള്‍ വലിക്കാത്തത് വലിയ വൈദ്യുതി പ്രതിസന്ധിക്ക് കാരണമായി. മലയോര ഹൈവേ റോഡുമായി ബന്ധപ്പെട്ട് പോകുന്ന ഇലക്ട്രിക് പോസ്റ്റിലാണ് 33 കേബിള്‍ വലിക്കുന്നത്. കേബിള്‍ വലിക്കുന്നതോടെ പാറശാല 110 കെ വി സബ്‌സ്‌റ്റേഷനില്‍ നിന്നും വെള്ളറട 110 കെവി സബ്‌സ്‌റ്റേഷന്‍ വരെയുള്ള പ്രധാന റോഡിലൂടെ വൈദ്യുതി തടസമില്ലാതെ എത്തിക്കാന്‍ കഴിയും. കേബിള്‍ വലിക്കല്‍ കൃത്യമായി നടക്കാത്തത് കാരണം ഗ്രാമീണ മേഖലയിലെ ഇട റോഡുകളിലെ വൈദ്യുതി കമ്പികളുടെ പുറത്ത് മരങ്ങള്‍ വീണു വൈദ്യുതി തടസം സൃഷ്ടിക്കുന്നതിനാല്‍ വെള്ളറട മേഖലയാകെ ഇരുട്ടിലാവുകയാണ് ചെയ്യുന്നത്. കെഎസ്ഇബി അവസരോചിതമായി കേബിള്‍ വലിക്കാത്തതാണ് ദിവസങ്ങളായി വെള്ളറട പ്രദേശം ഇരുട്ടിലാകാന്‍ കാരണം. ദിവസങ്ങളിലായി തിമിര്‍ത്തു പെയ്യുന്ന മഴ പ്രദേശമാകെ വൈദ്യുതി തടസത്തിനും വ്യാപക കൃഷി നാശത്തിനും ഇടവരുത്തിയിട്ടുണ്ട്. മരങ്ങള്‍ വീഴുന്നത് ജീവനക്കാര്‍ക്ക് തക്കസമയത്ത് നീക്കം ചെയ്യാന്‍ കഴിയുന്നില്ല.

കടലിൽ കുടുങ്ങിയ മത്സ്യത്തൊഴിലാളികളെ രക്ഷിച്ചു

വിഴിഞ്ഞം: വള്ളത്തിന്‍റെ എൻജിൻ തകരാറിലായി കടലിൽ കുടുങ്ങിയ അഞ്ച് മത്സ്യത്തൊഴിലാളികളെയും അവരുടെ വള്ളവും മറൈൻ എൻഫോഴ്സ്മെന്‍റ് രക്ഷിച്ച് കരയിലെത്തിച്ചു. ഇന്നലെ വൈകുന്നേരം നാലിന് വിഴിഞ്ഞം ഹാർബറിൽ നിന്നും മത്സ്യബന്ധത്തിനായി പോയ വള്ളക്കടവ് സ്വദേശി ലൂർദ് റൂബി എന്ന വ്യക്തിയുടെ ഉടമസ്ഥതയിലുള്ള റൂബി എന്ന വള്ളം വിഴിഞ്ഞം മൗത്തിനു സമീപത്തുവച്ച് എൻജിൻ തകരാറിലാവുകയായിരുന്നു . വിവരം ലഭിച്ചതിന്‍റെ അടിസ്‌ഥാനത്തിൽ വിഴിഞ്ഞം ഫിഷറീസ് അസിസ്റ്റന്‍റ് ഡയറക്ടർ രാജേഷിന്‍റെ നിർദേശപ്രകാരം മറൈൻ എൻഫോഴ്സ്‌മെന്‍റ് സിപിഒമാരായ അനന്തു, രഞ്ജിത്ത് ലൈഫ്ഗാർഡുമാരായ ബനാൻഷ്യസ്, പി.പനിയടിമ , റോബർട്ട്, മാർട്ടിൻ, വിനു എന്നിവരുടെ നേതൃത്വത്തിൽ മറൈൻ റെസ്ക്യൂ വള്ളത്തിൽ രക്ഷാപ്രവർത്തനം നടത്തി. വളത്തിലുണ്ടായിരുന്ന ഡോണി, ജോസഫ്, ജോമോൻ, ജോൺസൻ, സിൽവർസ്റ്റർ എന്നീ ത്സ്യത്തൊഴിലാളികളെയും വള്ളത്തെയും സുരക്ഷിതമായി കരയിലെത്തിച്ചു.

ചെങ്കല്ല് നിര്‍മാണത്തിനുള്ള മണ്ണെടുക്കൽ നാട്ടുകാർ തടഞ്ഞു

പാറശാല: അനധികൃത മണ്ണ് ഖനനം നാട്ടുകാര്‍ തടയാന്‍ ശ്രമിച്ചതിനെ തുടര്‍ന്ന് വാക്കേറ്റം. ചെങ്കല്‍ പഞ്ചായത്തിലെ നൊച്ചിയൂരില്‍ പ്രവര്‍ത്തിക്കുന്ന ചെങ്കല്ല് നിര്‍മാണ കേന്ദ്രമാണ് നെയ്യാറിന്‍റെ ബണ്ടിനോട് ചേര്‍ന്ന് അനധികൃത മണ്ണ് ഖനനം നടത്തുന്നതായി ആരോപിച്ച് നാട്ടുകാര്‍ രംഗത്തെത്തിയത്. പുറത്തു നിന്നെത്തിക്കുന്ന കളിമണ്ണ് നെയ്യാറിന്‍റെ ബണ്ടില്‍ നിക്ഷേപിച്ചശേഷം ബണ്ടിലെ മണ്ണും കളിമണ്ണും യന്ത്രസഹായത്താല്‍ ചേര്‍ത്ത് ചെങ്കല്‍ നിര്‍മാണ കേന്ദ്രത്തിലേക്ക് കൊണ്ടുപോകുവാനുള്ള ശ്രമമാണ് നാട്ടുകാരുടെ നേതൃത്വത്തില്‍ തടഞ്ഞത്. മണ്ണ് ഖനനം നടത്തിയ തൊഴിലാളികളും തടയാന്‍ ശ്രമിച്ച നാട്ടുകാരും തമ്മിലുണ്ടായ വാക്കേറ്റം സംഘര്‍ഷത്തിന്‍റെ വക്കോളമെത്തി. തുടര്‍ന്ന് സ്ഥലത്തെത്തിയ പാറശാല പോലീസ് ഖനനം താത്കാലികമായി നിര്‍ത്തിവയ്പിച്ചു. കൃഷിയിടങ്ങളോട് ചേര്‍ന്നുള്ള പ്രദേശത്ത് നടക്കുന്ന അനധികൃതഖനനം ബണ്ടിന്‍റെ തകര്‍ച്ചയ്ക്ക് കാരണമാകുമെന്ന് ആരോപിച്ചാണ് നാട്ടുകാര്‍ ഖനനം തടഞ്ഞത്. പുറത്തുനിന്ന് ജെസിബി അടക്കമുള്ള യന്ത്രങ്ങളെത്തിച്ച് വന്‍തോതിലുള്ള ഖനനമാണ് ഇവിടെ നടക്കുന്നത്. മൂന്ന് വര്‍ഷങ്ങള്‍ക്ക് മുന്‍പെ അനധികൃത മണ്ണ് ഖനനം നടത്തിയതിനെ തുടര്‍ന്ന് പ്രദേശത്ത് സംഘര്‍ഷങ്ങളുണ്ടായിരുന്നു. അന്ന് നിര്‍ത്തി വച്ച ഖനനമാണ് ഇപ്പോള്‍ പുനരാരംഭിച്ചിരിക്കുന്നത്. ചെങ്കല്‍ പഞ്ചായത്തിലെ കാര്‍ഷിക മേഖലയ്ക്കാകെ ഭീഷണിയായി മാറിയിട്ടുള്ള അനധികൃത മണ്ണ് ഖനനം തടയണമെന്നാവശ്യപ്പെട്ട് പ്രക്ഷോഭത്തിന് ഒരുങ്ങുകയാണ് പ്രദേശവാസികള്‍‌.

തൊഴിലുറപ്പു പണിക്കിടെ പാമ്പിന്‍റെ കടിയേറ്റു

വെള്ളറട: സ്വകാര്യ ഭൂമിയില്‍ തൊഴിലുറപ്പു പണികള്‍ ചെയ്യുന്നതിനിടെ തൊഴിലാളിക്ക് പാമ്പിന്‍റെ കടിയേറ്റു. തേക്കുപാറ സന്തോഷ് ഭവനില്‍ വത്സലകുമാരി(63)യെയാണ് പാന്പ് കടിച്ചത്. രാവിലെ 11 ഓടെയായിരുന്നു സംഭവം. അമ്പൂരി പഞ്ചായത്തിലെ തേക്കുപാറ വാര്‍ഡിലെ തേക്കുപാറകൊണ്ടകെട്ടി റോഡരികിലെ സ്വകാര്യ പുരയിടത്തില്‍ പണിചെയ്യുന്നതിനിടയിലാണ് വത്സലകുമാരിക്ക് അണലിയുടെ കടിയേറ്റത്. കൂടെയുണ്ടായിരുന്ന മറ്റ് തൊഴിലാളികളുടെ സഹായത്തോടെ ഉടനെ നെയ്യാറ്റിന്‍കര ആശുപത്രിയിലെത്തിച്ചു. നെയ്യാറ്റിന്‍കരയില്‍ ചികിത്സയ്ക്കിടയില്‍ കൈയില്‍ നീര് കൂടിയതിനാല്‍ മോതിരവും വളയും ഊരിമാറ്റാന്‍ സാധിച്ചില്ല. പിന്നീട് അഗ്‌നിരക്ഷാസേന അധികൃതരെത്തിയാണ് അവ നീക്കിയത്. പിന്നീട് വത്സലകുമാരിയെ വിദഗ്ധ ചികിത്സയ്ക്കായി തിരുവനന്തപുരം മെഡിക്കല്‍ കോളജാശുപത്രിയിലേക്കു മാറ്റി.

വാട്ടർ അഥോറിറ്റി പെൻഷൻ കുടിശിക വിതരണം ചെയ്യാൻ നടപടിവേണം: സി. ദിവാകാരൻ

നെടുമങ്ങാട്: കേരള വാട്ടർ അഥോറിറ്റി പെൻഷനേഴ്സ് അസോസിയേഷന്‍റെ 28-ാം ജില്ലാ സമ്മേളനം മുൻ ഭക്ഷ്യ സിവിൽ സപ്ലെയിസ് മന്ത്രി സി. ദിവാകരൻ ഉദ്ഘാടനം ചെയ്തു. ജില്ലാ പ്രസിഡന്‍റ് ജി. ശശിയുടെ അധ്യക്ഷത വഹിച്ചു. കേരള വാട്ടർ അഥോറിറ്റിയിലെ പെൻഷൻകാരുടെ പെൻഷൻ കുടിശിക മുടങ്ങിയത് അടിയന്തരമായി നൽകണമെന്ന് അദ്ദേഹം ആവശ്യപ്പെട്ടു. സംസ്ഥാന ജനറൽ സെക്രട്ടറി പി. കൃഷ്ണൻകുട്ടി നായർ സംഘടന റിപ്പോർട്ട് അവതരിപ്പിച്ചു. സംസ്ഥാന സെക്രട്ടറി എൻ. ജയകുമാർ,സംസ്ഥാന കൌൺസിൽ അംഗം കേശവദാസപുരം വിജയൻ, ജില്ലാ സെക്രട്ടറി അരുവിക്കര വിജയൻ നായർ, വെള്ളനാട് വിജയൻ , കെ. വിജയ കുമാർ തുടങ്ങിയവർ പ്രസംഗിച്ചു. സമ്മേളനം 20 അംഗ ജില്ലാ കൗൺസിലിനെ തെരഞ്ഞെടുത്തു. ഭാരവാഹികളായി ജില്ലാ പ്രസിഡന്‍റായി ജി. ശശിയെയും വൈസ് പ്രസിഡന്‍റായി വെള്ളനാട് വിജയനേയും, സെക്രട്ടറിയായി അരുവിക്കര വിജയൻ നായരേയും ജോയിന്‍റ് സെക്രട്ടറിയായി കേശവദാസപുരം വിജയനെയും ട്രഷറർ ആയി കെ. വിജയകുമാറിനെയും തെരഞ്ഞെടുത്തു.

സാൽവേഷൻ ആർമി; സ്ഥാനാരോഹണ ശുശ്രൂഷ നാളെ

തിരുവനന്തപുരം: സാൽവേഷൻ ആർമിയുടെ പുതിയ ടെറിട്ടോറിയൽ കമാൻഡർ കേണൽ പ്രകാശ് ചന്ദ്ര പ്രധാൻ, വനിതാ ശുശ്രൂഷകളുടെ സംസ്ഥാന പ്രസിഡന്‍റ് കേണൽ റാണി ഫൂല പ്രധാൻ എന്നിവരുടെ സ്ഥാനാരോഹണ ശുശ്രൂഷ നാളെ നടക്കും. കവടിയാർ കമ്മീഷണർ പി. ഇ. ജോർജ് മെമ്മോറിയൽ ചർച്ചിൽ നടക്കുന്ന ശുശ്രൂഷയിൽ മുഖ്യ കാര്യദർശി ലെഫ്.കേണൽ ജേക്കബ് ജോണ്‍ ജോസഫ് അധ്യക്ഷനാകും. ഉച്ചയ്ക്ക് 2.30 ന് പുതിയ സംസ്ഥാന നേതാക്കളെ സ്വീകരിച്ച് ദേവാലയത്തിലേക്ക് ആനയിക്കും. കമ്മീഷണർ എം.സി. ജയിംസിന്‍റെ പ്രാർഥനയോടെയാണ് ശുശ്രൂഷകൾ ആരംഭിക്കുന്നത്. മുഖ്യ കാര്യദർശി ലെഫ്.കേണൽ ജേക്കബ് ജോസഫ് പുതിയ നേതൃത്വത്തെ പരിചയപ്പെടുത്തും. തുടർന്ന് കമ്മീഷണർമാരായ വിൽഫ്രഡ് വർഗീസ്, പ്രേമ വിൽഫ്രഡ് എന്നിവർ സ്ഥാനാരോഹണ ശുശ്രൂഷയ്ക്ക് നേതൃത്വം നൽകും. സാൽവേഷൻ ആർമി ജനറൽ ലിൻഡൻ ബക്കിംഗ്ഹാമിന്‍റെ സന്ദേശം ചടങ്ങിൽ കമ്മീഷണർ വിൽഫ്രഡ് വർഗീസ് വായിക്കും. സെൻട്രൽ ചർച്ച് സോംങ് സ്റ്റേഴ്സ് ബ്രിഗേഡ് സ്വാഗത ഗാനം ആലപിക്കുന്പോൾ പുതിയ നേതാക്കൾക്ക് സംസ്ഥാനത്തിന്‍റെ സ്വീകരണം നൽകും.മേജർ ആശാ ജസ്റ്റിൻ, ലെഫ്.കേണൽ ഡേവിഡ്സണ്‍ വർഗീസ്, ജൂനി കോശി മറിയം, ശ്യം അരുവിക്കര, പോൾ രാജ് കുമാർ എന്നിവർ ആശംസകൾ അർപ്പിക്കും. കേണൽ റാണി ഫൂലെ പ്രധാൻ മറുപടി പ്രസംഗം നടത്തും. കേണൽ പ്രകാശ് ചന്ദ്ര പ്രധാൻ തിരുവചന സന്ദേശം നൽകും. ലെഫ്.കേണൽ സോണിയാ ജേക്കബ് സമാപന പ്രാർത്ഥന നടത്തും.സംസ്ഥാനാധിപൻ കേണൽ പ്രകാശ് ചന്ദ്ര പ്രധാൻ ആശീർവദിക്കും.

വർണോത്സവം -2025

നെടുമങ്ങാട്: ഉഴമലയ്ക്കൽ ശ്രീനാരായണ ഹയർ സെക്കൻഡറി സ്കൂളിൽ എസ്എസ്എൽസി, പ്ലസ് ടു,വിവിധ സ്കോളർഷിപ്പ് പരീക്ഷകളിൽ ഉന്നത വിജയം നേടിയ വിദ്യാർഥികളെയും കലാകായിക മേഖലയിൽ മികച്ച പ്രകടനം കാഴ്ചവച്ച പ്രതിഭകളെയും ആദരിക്കുന്ന വർണോത്സവം -2025 ജി.സ്റ്റീഫൻ എംഎൽഎ ഉദ്ഘാടനം ചെയ്തു. പിടിഎ പ്രസിഡന്‍റ് എം.നകുലൻ അധ്യക്ഷത വഹിച്ചു. സിനിമാ പിന്നണി ഗായിക രാജലക്ഷ്മി,കവി ഗിരീഷ് പുലിയൂർ എന്നിവർ മുഖ്യാതിഥികളായി പങ്കെടുത്തു. പഞ്ചായത്ത് പ്രസിഡന്‍റ് ജെ. ലളിത സരസ്വതി ടീച്ചർ മെമ്മോറിയൽ ക്യാഷ് അവാർഡ് വിതരണവും യുഎസ്എസ് സ്കോളർഷിപ്പ് വിജയികൾക്കുള്ള സമ്മാനദാനം മാനേജർ ആർ. സുഗതനും നിർവഹിച്ചു.

മാതാപിതാക്കളുടെ കല്ലറ പൊളിച്ചു നീക്കാനൊരുങ്ങി മകന്‍

നെയ്യാറ്റിന്‍കര: "അച്ഛനെയും അമ്മയെയുമായിരുന്നു ഒരുപാടിഷ്ടം. അവരെ കൊന്നവര്‍ക്കെതിരെ യാതൊരു നടപടിയുമില്ല." നെയ്യാറ്റിന്‍കര വെണ്‍പകല്‍ നെട്ടത്തോട്ടം ലക്ഷംവീട് കോളനിയില്‍ ഡി. രാജയുടെയും ടി.അന്പിളിയുടെയും മകന്‍ ആര്‍. രഞ്ജിത്ത് രാജ് വീട്ടുമുറ്റത്തിരുന്ന് പൊട്ടിക്കരയുന്പോള്‍ വാക്കുകള്‍ക്ക് വല്ലാത്ത മൂര്‍ച്ച... സര്‍ക്കാരിനും മുഖ്യമന്ത്രിക്കും നിയമവ്യവസ്ഥയ്ക്കും എതിരേ രഞ്ജിത്ത് വിമര്‍ശനവും ഉന്നയിച്ചു. അഞ്ചു വര്‍ഷം മുന്പും രഞ്ജിത്തിന്‍റെ അണ പൊട്ടിയൊഴുകുന്ന സങ്കടവും രോഷവും കേരളം കണ്ടതാണ്. മാതാപിതാക്കള്‍ക്ക് വേണ്ടിയുള്ള കല്ലറയൊരുക്കാന്‍ കുഴിയെടുത്തുനിന്ന രഞ്ജിത്ത് പോലീസുകാരുടെ മുഖത്ത് നോക്കി വിരല്‍ ചൂണ്ടി പറഞ്ഞു- `നിങ്ങളെല്ലാപേരും കൂടിയാണ് എന്‍റെ അച്ഛനെയും അമ്മയെയും കൊന്നത്...` അന്ന് നിര്‍മിച്ച കല്ലറ പൊളിക്കാന്‍ പോവുകയാണെന്ന് രഞ്ജിത്ത് ഇന്നലെ ലോകത്തോട് വിളിച്ചു പറഞ്ഞു. വീടും കല്ലറയും പൊളിച്ച് സ്ഥലം പഴയതുപോലെ ഉടമയ്ക്ക് തിരിച്ചു നല്‍കണമെന്ന കോടതി വിധിയുടെ പശ്ചാത്തലത്തിലാണ് തീരുമാനം കൈക്കൊണ്ടതെന്ന് രഞ്ജിത്ത് കൂട്ടിച്ചേര്‍ത്തു. 2020 ഡിസംബര്‍ 20 നാണ് രാജനും അന്പിളിക്കും തീപ്പൊള്ളലേല്‍ക്കുന്നത്. മൂന്നു സെന്‍റ് ഭൂമിയില്‍ തകര ഷീറ്റുകള്‍ മറച്ച വീടായിരുന്നു ആ കുടുംബത്തിന്‍റെ ആകെയുള്ള കിടപ്പാടം. മാനസിക വെല്ലുവിളി നേരിടുന്ന അന്പിളി ചികിത്സ പൂര്‍ത്തിയാക്കി വീട്ടില്‍ തിരിച്ചെത്തിയെങ്കിലും അധികകാലം മക്കളോടൊപ്പം കഴിയാന്‍ വിധി അനുവദിച്ചില്ല. ഇവര്‍ താമസിക്കുന്ന പുരയിടത്തിന്‍റെ ഉടമസ്ഥാവകാശം തനിക്കാണെന്ന കോടതിവിധിയുമായി അയല്‍വാസി വസന്ത എത്തിയതോടെയാണ് വിവാദങ്ങള്‍ തല പൊക്കിയത്. ഒഴിപ്പിക്കല്‍ നടപടി നടക്കുന്നതിനിടയില്‍ രാജനും അന്പിളിയും ശിരസ്സില്‍ കൂടി മണ്ണെണ്ണ ഒഴിച്ച് പ്രതിഷേധിച്ചു. ഇരുവരെയും പിടിച്ചു മാറ്റുന്നതിനിടയില്‍ തീ പടര്‍ന്നു. ഇരുവരും ദാരുണമായി മരണമടഞ്ഞു. വിവാദ പുരയിടത്തില്‍ ഒരു സന്നദ്ധ സംഘടന രാജന്‍റെയും അന്പിളിയുടെയും മക്കളായ രാഹുലിനും രഞ്ജിത്തിനുമായി പുതിയ വീട് നിര്‍മ്മിച്ചു നല്‍കി. കഴിഞ്ഞ ദിവസം ഈ പുരയിടം വസന്തയുടേതു തന്നെയെന്ന് വീണ്ടും കോടതി വിധിച്ചുവെന്ന് രഞ്ജിത്ത് പറയുന്നു. ഇതോടെ സര്‍ക്കാരില്‍ നിന്നും നീതി കിട്ടിയില്ലായെന്ന ആരോപണവുമായി രഞ്ജിത്ത് ബാങ്കിന്‍റെ രേഖകളും ആധാര്‍, എടിഎം, തിരിച്ചറിയല്‍ കാര്‍ഡുകളും കത്തിച്ച് പ്രതിഷേധിച്ചു.

ജെ.സി. ഡാനിയേലിന്‍റെ വെങ്കല പ്രതിമ; നിർമാണം പുരോഗമിക്കുന്നു

നേമം: മലയാള സിനിമയുടെ പിതാവ് എന്നറിയപ്പെടുന്ന ജെ.സി. ഡാനിയേലിന്‍റെ വെങ്കല പ്രതിമ നിർമാണത്തിന്‍റെ ആദ്യഘട്ടം പൂർത്തിയായി. ചിത്രാഞ്ജലി സ്റ്റുഡിയോയിൽ സ്ഥാപിക്കുന്നതിനായാണ് പ്രതിമ നിർമിക്കുന്നത്. ചലച്ചിത്ര വികസന കോർപ്പറേഷനാണ് നിർമ്മാണത്തിന്‍റെ ചെലവ് വഹിക്കുന്നത്. കുന്നുവിള മുരളിയാണ് ശില്പി. നാല് മാസം കൊണ്ടാണ് ശില്പത്തിന്‍റെ ആദ്യഘട്ടം കളിമണ്ണിൽ പൂർത്തിയാക്കിയത്. ജെ.സി. ഡാനിയേലിന്‍റെ മകൻ സി.ജെ. ഹാരിസ് സാനിയേലും ഭാര്യ സുശീല റാണിയും പാപ്പനംകോട് എസ്റ്റേറ്റിലുള്ള മുരളിയുടെ ശിൽപ്പ കേന്ദ്രത്തിലെത്തി സന്തുഷ്ടി അറിയിച്ചു. ഇനി നാല് മാസം കൊണ്ട് പ്രതിമ പൂർത്തിയാക്കാനാകുമെന്ന് ശില്പി കുന്നുവിള മുരളി പറഞ്ഞു. നാല് ഘട്ടങ്ങളിലൂടെയാണ് പ്രതിമ നിർമാണം പൂർത്തിയാക്കുന്നത്.

മനുഷ്യാവകാശ സംരക്ഷണത്തിനായി പ്രതിഷേധ സംഗമം

തിരുവനന്തപുരം: വർധിച്ച തെരുവുനായ ശല്യം, സർക്കാർ ആശുപത്രികളിലെ മരുന്ന്, ശസ്ത്രക്രിയ ഉപകരണക്ഷാമം, പൊതുകെട്ടിടങ്ങളുടെ സുരക്ഷാഭീഷണി എന്നീ വിഷയങ്ങളിൽ മനുഷ്യാവകാശ സംരക്ഷണം ഉറപ്പു വരുത്തണമെന്ന് ആവശ്യപ്പെട്ടുകൊണ്ട് ’നീതിക്കായി’ എന്നപേരിൽ സൊസൈറ്റി ഫോർ പീപ്പിൾസ് റൈറ്റ്സ് പ്രതിഷേധമാർച്ചും സെക്രട്ടേറിയറ്റ് നടയിൽ പ്രതിഷേധസംഗമവും സംഘടിപ്പിച്ചു. പ്രതിഷേധ സംഗമം ചെയർമാൻ എം.എം. സഫർ ഉദ്ഘാടനം ചെയ്തു. സാമൂഹിക പ്രവർത്തകൻ മുക്കന്പാലമൂട് രാധാകൃഷ്ണൻ, ഗാന്ധിയൻ അഡ്വ. ഹരീന്ദ്രനാഥ്, വേൾഡ് മലയാളി കൗണ്‍സിൽ പ്രതിനിധി ഷാഫി മണക്കാട് എന്നിവർ പ്രസംഗിച്ചു. സ്പെൻസർ ജംഗ്ഷനിൽ നിന്നും ആരംഭിച്ച പ്രതിഷേധ റാലിക്കും സെക്രട്ടേറിയറ്റ് നടയിൽ നടയിൽ നടന്ന പ്രതിഷേധസംഗമത്തിനും സംസ്ഥാന വർക്കിംഗ് പ്രഡിഡന്‍റ് വി.എസ്. പ്രദീപ്, ജനറൽ സെക്രട്ടറി വേണുഹരിദാസ്, സംസ്ഥാന വൈസ് പ്രസിഡന്‍റ്, സി. വേണുഗോപാൽ തിരുവനന്തപുരം ജില്ലാ പ്രസഡന്‍റ് ബി. ശശിധരൻ നായർ, ജില്ലാ ജനറൽ സെക്രട്ടറി പാളയം സിയാദ് എന്നിവർ നേതൃത്വം നൽകി.

പഞ്ചഗുസ്തി താരത്തിന് ജന്മനാടിന്‍റെ സ്നേഹാദരം

നെയ്യാറ്റിന്‍കര : പഞ്ചഗുസ്തിയില്‍ ദേശീയതലത്തില്‍ വെള്ളി മെഡല്‍ പൊരുതി നേടിയ എ.എസ്. ദേവനാരായണന് ജന്മനാടിന്‍റെ സ്നേഹാദരം. നല്ല കൈക്കരുത്തും മനോധൈര്യവും കൃത്യസമയത്ത് എതിരാളിയുടെ വീഴ്ച മനസിലാക്കി പരാജയപ്പെടുത്താനുള്ള കഴിവും ഒത്തു ചേര്‍ന്നാല്‍ വിജയം ഉറപ്പിക്കാവുന്ന പഞ്ചഗുസ്തി മത്സരത്തില്‍ 75 കിലോഗ്രാം വിഭാഗത്തിലാണ് നെയ്യാറ്റിന്‍കര രാമേശ്വരം സ്വദേശി ദേവനാരായണന്‍ രണ്ടാം സ്ഥാനം കരസ്ഥമാക്കിയത്. ജിം മാസ്റ്റർ ആയ മുഹമ്മദ് റാസിയുടെ നിര്‍ദേശപ്രകാരം പഞ്ചഗുസ്തിയില്‍ ശ്രദ്ധ ചെലുത്തി തുടങ്ങിയ ദേവനാരായണന്‍ അധികം വൈകാതെ സംസ്ഥാന ചാന്പ്യനുമായി. രാജ്യത്തിന്‍റെ പ്രതിനിധിയായി വിശ്വമത്സരത്തിന് തയാറെടുക്കുന്ന സന്ദര്‍ഭത്തിലാണ് രാമേശ്വരം പൗരാവലി കായികതാരത്തെ ആദരിച്ചത്. ഗ്രേസ് ഗാർഡൻസിൽ നടന്ന ചടങ്ങില്‍ കെ. ആന്‍സലന്‍ എംഎല്‍എ അനുമോദന സമ്മേളനം ഉദ്ഘാടനം ചെയ്തു. രാമേശ്വരം കൗൺസിലറും ബിജെപി നെയ്യാറ്റിൻകര നഗരസഭ പാർലമെന്‍ററി പാർട്ടി ലീഡറുമായ ഷിബുരാജ് കൃഷ്ണ അധ്യക്ഷനായി. ബിജെപി തിരുവനന്തപുരം ജില്ല സൗത്ത് പ്രസിഡന്‍റ് മുക്കംപാലമൂട് ബിജു, മണ്ഡലം പ്രസിഡന്‍റ് ഗോപാലകൃഷ്ണൻ, ഫ്രാൻ പ്രസിഡന്‍റ് എസ്. കെ. ജയകുമാർ, നെയ്യാറ്റിൻകര നഗരസഭ വികസനകാര്യ സ്റ്റാൻഡിംഗ് കമ്മിറ്റി ചെയർമാൻ കെ.കെ. ഷിബു, രാമേശ്വരം റസിഡൻസ് അസോസിയേഷൻ പ്രസിഡന്‍റ് എസ്.വി.സാജൻ, രാമേശ്വരം ശ്രീ മഹാദേവക്ഷേത്ര ഉപദേശക സമിതി പ്രസിഡന്‍റ് എസ്.എസ്. മനു, നെയ്യാറ്റിൻകര നഗരസഭ കൗണ്‍സിലര്‍മാരായ മഞ്ചന്തല സുരേഷ്, ഗ്രാമം പ്രവീൺ, മരുതത്തൂർ ബിനു, കല മുതലായവരും രാമേശ്വരം അക്ഷയശ്രീ, കുടുംബശ്രീ ഉൾപ്പെടെയുള്ള യൂണിറ്റംഗങ്ങളും ചടങ്ങില്‍ സംബന്ധിച്ചു.

കര്‍മല മാതാവിന്‍റെ തിരുനാളിനു കൊടിയേറി

തിരുവനന്തപുരം: വഴുതക്കാട് കാര്‍മ്മല്‍ഹില്‍ ആശ്രമ ദേവാലയത്തില്‍ കരർമല മാതാവിന്‍റെ തിരുനാളിനു കൊടിയേറി. ഇന്നലെ വൈകുന്നേരം 5.30ന് ആരംഭിച്ച കൊടിയേറ്റ്, ജപമാല, ദിവ്യകാരുണ്യ ആശിര്‍വാദം, നൊവേന എന്നീ തിരുക്കര്‍മങ്ങള്‍ക്ക് മലബാര്‍ പ്രോവിന്‍സ് കൗണ്‍സിലര്‍ റവ.ഡോ. ഫ്രാന്‍സിസ് ചിറ്റൂപ്പറമ്പില്‍ ഒസിഡി മുഖ്യകാര്‍മികനായിരുന്നു. തുടര്‍ന്ന് കാര്‍മ്മല്‍ഹില്‍ ആശ്രമം പ്രിയോര്‍ റവ.ഡോ. കുര്യന്‍ ആലുങ്കല്‍ ഒസിഡി കര്‍മ്മല മാതാവും കര്‍മ്മല സഭയും എന്ന വിഷയത്തില്‍ സന്ദേശം നല്‍കി. ഇന്നു വൈകുന്നേരം 5.30ന് ആരംഭിക്കുന്ന ദിവ്യബലിക്ക് പാളയം സെന്‍റ് ജോസഫ്‌സ് കത്തീഡ്രല്‍ ഫൊറോനാ വികാരി മോണ്‍.ഡോ.ഇ. വില്‍ഫ്രഡ് മുഖ്യകാര്‍മികനായിരിക്കും. ലൂര്‍ദ് ഫൊറോന വികാരി മോണ്‍.ഡോ. ജോണ്‍ തെക്കേക്കര വചനസന്ദേശം നല്‍കും. നാളെ രാവിലെ 6.30നും 8.30നും 11ന് ഇംഗ്ലീഷിലും വൈകുന്നേരം നാലിനും ദിവ്യബലിയുണ്ടാകും. തിങ്കള്‍, ചൊവ്വ ദിവസങ്ങളില്‍ വൈകുന്നേരം 5.30ന് വിശുദ്ധ കുര്‍ബാന. ബുധന്‍ വൈകുന്നേരം 5.30ന് ആരംഭിക്കുന്ന ജപമാല, ദിവ്യകാരുണ്യ ആശിര്‍വാദം, നൊവേന എന്നീ തിരുക്കര്‍മങ്ങള്‍ക്ക് ഒസിഡി മലബാര്‍ പ്രോവിന്‍സ് പ്രൊവിന്‍ഷ്യാള്‍ റവ.ഡോ. പീറ്റര്‍ ചക്യത്ത് ഒസിഡി മുഖ്യകാര്‍മികനായിരിക്കും. വ്യാഴം, വെള്ളി, ശനി ദിവസങ്ങളില്‍ വൈകുന്നേരം 5.30ന് ആരംഭിക്കുന്ന വിശുദ്ധ കുര്‍ബാനയ്ക്ക് ചങ്ങനാശേരി അതിരൂപത ആര്‍ച്ച് ബിഷപ് മാര്‍ തോമസ് തറയില്‍‌, മാവേലിക്കര രൂപതാധ്യക്ഷന്‍ മാത്യൂസ് മാര്‍ മാര്‍ പോളികാര്‍പ്പസ്, നെയ്യാറ്റിന്‍കര സഹായമെത്രാന്‍ ഡോ.സെല്‍വരാജന്‍ ദാസന്‍ എന്നിവര്‍ മുഖ്യകാര്‍മികരാകും. സമാപന ദിവസമായ 20ന് രാവിലെ 6.30നും 8.30നും 11ന് ഇംഗ്ലീഷിലും ദിവ്യബലി. ഉച്ചകഴിഞ്ഞ് 4.30ന് ആഘോഷമായ ദിവ്യബലി, ദിവ്യകാരുണ്യ പ്രദക്ഷിണം. മുഖ്യകാര്‍മികന്‍ തിരുവനന്തപുരം ലത്തീന്‍ അതിരൂപത ആര്‍ച്ച് ബിഷപ്പ് ഡോ.തോമസ് ജെ.നെറ്റോ. സ്‌നേഹവിരുന്നോടെ തിരുനാള്‍ സമാപിക്കും.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]