പാലാ: സാമൂഹിക രാഷ്ട്രീയ ജാതിമത-വര്‍ഗ ഭേദമന്യേ ഒരു സ്‌നേഹ കൂട്ടായ്മ ഇന്നലെ മരിയ സദനത്തില്‍ നടന്നു. എംഎല്‍എ, ജില്ലാ പഞ്ചായത്ത് മെമ്പര്‍മാര്‍, പഞ്ചായത്ത് പ്രസിഡന്റുമാര്, മുനിസിപ്പല്‍ ചെയര്‍മാന്‍, ജനപ്രതിനിധികള്‍, സമൂഹത്തിലെ സുമനസുകളായ ആളുകള്‍ മരിയസദനത്തിനു ഐക്യദാര്‍ഢ്യം പ്രഖ്യാപിച്ചു. ഇവിടെ എത്രമാത്രം അധികം ആളുകളുണ്ടോ അവരെ മറ്റു സര്‍ക്കാര്‍ സ്ഥാപനങ്ങളില്‍ സുരക്ഷിതമായി പുനരധിവസിപ്പിക്കുന്നതിന് മാര്‍ഗങ്ങള്‍ സ്വീകരിക്കും. ഇതിനു സാധിച്ചില്ലെങ്കില്‍ ഇത്തരത്തിലുള്ള നന്മ ചെയ്യുന്ന സ്ഥാപനങ്ങള്‍ സമൂഹത്തില്‍ നിലനില്‍ക്കാന്‍ അനുവദിക്കണം എന്നുള്ള ഒരു പ്രമേയം മന്ത്രിമാര്‍ക്കും, രാഷ്ട്രീയ നേതാക്കന്മാര്‍ക്കും സര്‍ക്കാര്‍തലത്തിലുള്ള ഉന്നത ഉദ്യോഗസ്ഥര്ക്കും നല്‍കുന്നതിന് യോഗം തീരുമാനിച്ചു.
മരിയസദനത്തിന്‍റെ സാമ്പത്തിക പ്രതിസന്ധി സംബന്ധിച്ച വിഷയവും ഇന്നലെ നടന്ന യോഗത്തില്‍ ചര്‍ച്ച ചെയ്യപ്പെടുകയും എംപിമാരായ ജോസ് കെ. മാണി, ഫ്രാന്‍സിസ് ജോര്‍ജ്, മാണി സി. കാപ്പന്‍ എംഎല്‍എ, നഗരസഭാ ചെയര്‍മാന്‍ ഷാജു തുരുത്തന്‍, പഞ്ചായത്ത് പ്രസിഡന്റുമാര്, നഗരസഭാ കൗണ്‍സിലേഴ്സ്, പഞ്ചായത്ത് മെമ്പേഴ്‌സ് അതോടൊപ്പംതന്നെ ഇടവക വികാരി ഫാ. ജോര്‍ജ് പഴയപറമ്പില്‍, ബൈജു കൊല്ലംപറമ്പില്‍ തുടങ്ങിയവരുടെ നേതൃത്വത്തില്‍ പുതുതായി അക്കൗണ്ട് രൂപീകരിക്കാനും അതോടൊപ്പം തന്നെ വാട്‌സപ്പ് ഗ്രൂപ്പ് രൂപീകരിച്ചുകൊണ്ട് അടുത്ത മാര്‍ച്ച് വരെ നിണ്ടുനില്‍ക്കുന്ന ഒരു ധനസമാഹരണം നടത്താനും തീരുമാനിച്ചു.
മാണി സി. കാപ്പന്‍ എംഎല്‍എ, പാലാ നഗരസഭാ ചെയര്‍മാന്‍ ഷാജു തുരുത്തന്‍, ജില്ലാ പഞ്ചായത്ത് മെമ്പര്‍മാരായ രാജേഷ് വാളിപ്ലാക്കല്‍ ജോസ്മോന്‍ മുണ്ടയ്ക്കല്‍, പഞ്ചായത്ത് പ്രസിഡന്‍റ് ജിജി തമ്പി, ബാബു കെ. ജോര്‍ജ്, ബിനീഷ് ഏഴാച്ചേരി, സജോ പൂവത്താനി ബൈജു കൊല്ലംപറമ്പില്‍, കുര്യന്‍ ജോസഫ്, മാത്യു കണമല, സാബു ഏബ്രഹാം, സന്തോഷ് മണര്‍കാട്, പി.സി. ചെറിയാന്‍, ലീന സണ്ണി, ജോസിന്‍ ബിനോ ബിജു പാലുപ്പടവന്‍, ജോസ് ചീരാന്‍കുഴി, ബിജു കൂട്ടിയാനി, ജോഷി വട്ടക്കുന്നേല്‍, രാജേഷ് പാറയില്‍, ഡേവിസ് പാലത്തിങ്കല്‍, ഷാജി സെബാസ്റ്റ്യന്‍, ബിനോയ് തോമസ്, ടോമി ദിവ്യരക്ഷാലയം തുടങ്ങിയവര്‍ പങ്കെടുത്തു.