ചങ്ങനാശേരി: വിശാല കുട്ടനാട്ടിലെ കാര്‍ഷിക മേഖലയെ സംരക്ഷിക്കാന്‍ എല്ലാ വിഭാഗം ജനങ്ങളെയും അണിനിരത്തി പോരാട്ടത്തിനു നേതൃത്വം കൊടുക്കുമെന്ന് നെല്‍കര്‍ഷക സംരക്ഷണ സമിതി. മാമ്പുഴക്കരിയില്‍ നടന്ന മൂന്നുദിവസത്തെ സംസ്ഥാന സമ്മേളനത്തിനുശേഷം നടന്ന സ്റ്റിയറിംഗ് കമ്മിറ്റി യോഗത്തി ലാണ് തീരുമാനം.
നെല്‍കര്‍ഷകര്‍ക്ക് ലഭിക്കാനുള്ള അനുകൂല്യങ്ങള്‍ ഇല്ലാതാകുന്ന നയങ്ങള്‍ക്കെതിരേ സമരപാതയില്‍ സമിതി മുന്നോട്ടുനീങ്ങും. കേന്ദ്രം അനുവദിച്ച സംഭരണവില തട്ടിയെടുക്കുന്ന സംസ്ഥാനസര്‍ക്കാര്‍ നയം തിരുത്തണം. സംഭരണത്തിനുള്ള കൈകാര്യച്ചെലവ് പൂര്‍ണമായും സര്‍ക്കാര്‍ വഹിക്കണമെന്ന ഹൈക്കോടതി വിധി നടപ്പിലാക്കുന്നതിനു സംസ്ഥാനത്തെ മറ്റു നെല്‍കര്‍ഷക സംഘടനകളുമായി ചേര്‍ന്നു സമരം സംഘടിപ്പിക്കാനും സംസ്ഥാന സമ്മേളനം തീരുമാനിച്ചു.
മൂന്ന് ദിവസത്തെ സംസ്ഥാനസമ്മേളനം പൊതുസമ്മേളനത്തോടെ സമാപിച്ചു. പൊതുസമ്മേളനം കൊടുക്കുന്നില്‍ സുരേഷ് എംപി ഉദ്ഘാടനം ചെയ്തു. സമിതി സംസ്ഥാന പ്രസിഡന്‍റ് റെജീന അഷ്‌റഫ് അധ്യക്ഷത വഹിച്ചു.
ആന്‍റോ ആന്‍റണി എംപി, ഡോ. ഗീവര്‍ഗീസ് മാര്‍ കൂറിലോസ്, കായല്‍ ഗവേഷണ കേന്ദ്രം ഡയറക്ടര്‍ ഡോ.കെ.ജി. പദ്മകുമാര്‍, സമിതി സംസ്ഥാന രക്ഷാ ധികാരികളായ വി.ജെ. ലാലി, സാം ഈപ്പന്‍, സംസ്ഥാന സെക്രട്ടറി എന്‍. വിനോദ് കുമാര്‍, സോണിച്ചന്‍ പുളിങ്കുന്ന്, പി.ആര്‍. സതീശന്‍, സി. വിജയന്‍, സി. പ്രഭാകരന്‍, കെ. ശിവാനന്ദന്‍, ജോണ്‍ സി. ടിറ്റോ, ജോസ് കാവനാട്, കെ.ബി. മോഹനന്‍, ലാലിച്ചന്‍ പള്ളിവാതുക്കള്‍, പി. വേലായുധന്‍ നായര്‍, പി. ഗോപകുമാര്‍, മാത്യൂസ് കോട്ടയം തുടങ്ങിയവര്‍ പ്രസംഗിച്ചു.