അ​മി​ത വോ​ള്‍​ട്ടേ​ജി​ല്‍ ഉ​പ​ക​ര​ണ​ങ്ങ​ള്‍ ന​ശി​ച്ച സം​ഭ​വം; ഉ​ദ്യോ​ഗ​സ്ഥ​ര്‍ പ​രി​ശോ​ധ​ന ന​ട​ത്തി
Tuesday, August 20, 2024 11:36 PM IST
പാ​ലാ: ഏ​ഴാ​ച്ചേ​രി മേ​ഖ​ല​യി​ല്‍ അ​മി​ത വോ​ള്‍​ട്ടേ​ജ് വ​ന്ന​തി​നെ​ത്തു​ട​ര്‍​ന്ന് ഗൃ​ഹോ​പ​ക​ര​ണ​ങ്ങ​ള്‍ ക​ത്തി ന​ശി​ച്ച സം​ഭ​വ​ത്തി​ല്‍ കെ​എ​സ്ഇ​ബി ഉ​ദ്യോ​ഗ​സ്ഥ​ര്‍ പ​രി​ശോ​ധ​ന ന​ട​ത്തി. വി​വി​ധ ഉ​പ​യോക്താ​ക്ക​ളു​ടെ വീ​ടു​ക​ളി​ലും കാ​വി​ന്‍​പു​റം ഉ​മാ​മ​ഹേ​ശ്വ​ര ക്ഷേ​ത്ര​ത്തി​ലും എ​ത്തി കെ​എ​സ്ഇ​ബി സം​ഘം തെ​ളി​വു​ക​ള്‍ ശേ​ഖ​രി​ച്ചു. കാ​വി​ന്‍​പു​റം ക്ഷേ​ത്ര​ത്തി​ലെ മൈ​ക്കി​ന്‍റെ ആം​പ്ലി​ഫ​യ​ര്‍ ഉ​ള്‍​പ്പെ​ടെ ക​ത്തിപ്പോ​യി​രുന്നു.

പാ​ലാ എ​ക്‌​സി​ക്യൂ​ട്ടീ​വ് എ​ൻ​ജി​നി​യ​ര്‍ യു. ​ഉ​ണ്ണി​കൃ​ഷ്ണ​ന്‍, രാ​മ​പു​രം അ​സി​സ്റ്റ​ന്‍റ് എ​ക്‌​സി​ക്യൂ​ട്ടീ​വ് എ​ൻ​ജി​നി​യ​ര്‍ റെ​ജി പ​വി​ത്ര​ന്‍, അ​സി​സ്റ്റ​ന്‍റ് എ​ൻ​ജി​നി​യ​ര്‍ ബേര്‍​ളി, സ​ബ് എ​ൻ​ജി​നി​യ​ര്‍ വി​നോ​ജ് എ​ന്നി​വ​ര്‍ ഉ​ള്‍​പ്പെ​ട്ട സം​ഘ​മാ​ണ് പ​രി​ശോ​ധ​ന​യ്ക്ക് എ​ത്തി​യത്. വൈ​ദ്യു​തി വ്യ​തി​യാ​നം മൂ​ലം ഗൃ​ഹോ​പ​ക​ര​ണ​ങ്ങ​ള്‍ ന​ഷ്ട​പ്പെ​ട്ട​വ​ര്‍​ക്ക് ഉ​ചി​ത​മാ​യ ന​ഷ്ട​പ​രി​ഹാ​രം ന​ല്‍​കു​ന്ന​ത് സം​ബ​ന്ധി​ച്ച് ആ​ലോ​ചി​ക്കു​മെ​ന്ന് കെ​എ​സ്ഇ​ബി സം​ഘം പ​റ​ഞ്ഞു.

വൈ​ദ്യു​തി ഇ​ല്ലാ​ത്ത​തു സം​ബ​ന്ധി​ച്ചും വൈ​ദ്യു​തി വ്യ​തി​യാ​ന​ത്തെ​പ്പ​റ്റി​യും നാ​ട്ടു​കാ​ര്‍ പ​രാ​തി അ​റി​യി​ച്ച​തി​നെത്തുട​ര്‍​ന്ന് കെ​എ​സ്ഇ​ബി ജീ​വ​ന​ക്കാ​രെ​ത്തി കാ​വി​ന്‍​പു​റം ക്ഷേ​ത്ര​ത്തി​ന് പി​ന്‍​ഭാ​ഗ​ത്തു​ള്ള ഫ്യൂ​സ് ഊ​രി ലൈ​ന്‍ പ​രി​ശോ​ധ​ന​യ്ക്ക് പോ​യി​രു​ന്നു. ഇ​തി​നി​ട​യി​ല്‍ ആ​രോ ഫ്യൂ​സ് കു​ത്തി​യ​താ​ണ് പ്ര​ശ്‌​ന​മാ​യ​തെ​ന്ന് പ​റ​യു​ന്നു. ഇ​തോ​ടെ ന്യൂ​ട്ര​ല്‍ ലൈ​ന്‍ പൊ​ട്ടി​പ്പോ​വു​ക​യും ബാ​ക്കി ലൈ​നി​ലേ​ക്ക് അ​മി​ത വോ​ള്‍​ട്ടേ​ജി​ല്‍ വൈ​ദ്യു​തി പ്ര​വ​ഹി​ക്കു​ക​യും ആ​യി​രു​ന്നു​വെ​ന്നാ​ണ് ക​ണ്ടെ​ത്ത​ല്‍. ഇ​തേ​ത്തു​ട​ര്‍​ന്നാ​ണ് നി​ര​വ​ധി ഉ​പ​യോ​ക്താ​ക്ക​ളു​ടെ ഗൃ​ഹോ​പ​ക​ര​ണ​ങ്ങ​ള്‍ ക​ത്തി ന​ശി​ച്ച​ത്.

അ​ന​ധി​കൃ​ത​മാ​യി ഫ്യൂ​സ് കു​ത്തി​യ സം​ഭ​വ​ത്തി​ല്‍ അ​ന്വേ​ഷ​ണം ആ​വ​ശ്യ​പ്പെ​ട്ട് രാ​മ​പു​രം പോലീ​സി​ല്‍ കെ​എ​സ്ഇ​ബി അ​ധി​കൃതർ‍ ഇ​ന്ന​ലെ പ​രാ​തി ന​ല്‍​കി. അ​ന​ധി​കൃ​ത​മാ​യി ഫ്യൂ​സ് കു​ത്തി​യ​തു​മൂ​ലം ഉ​പ​യോ​ക്താ​ക്ക​ള്‍​ക്കും കെ​എ​സ്ഇ​ബി​ക്കും ക​ന​ത്ത ന​ഷ്ട​മാ​ണ് ഉ​ണ്ടാ​യ​തെ​ന്ന് പ​രാ​തി​യി​ല്‍ പ​റ​യുന്നു.
Copyright @ 2018 , Rashtra Deepika Ltd.