ചങ്ങനാശേരി: ചങ്ങനാശേരി അതിരൂപത പിതൃവേദി, മാതൃവേദി കലോത്സവ ലോഗോ കാനാ ഡയറക്ടര്‍ ഫാ. ഫിലിപ്പ് കാവില്‍ത്താഴെ അതിരൂപത പ്രസിഡന്‍റുമാരായ ജിനോദ് ഏബ്രാഹം, ബീന ജോസഫ് എന്നിവര്‍ക്ക് നല്‍കി പ്രകാശനം ചെയ്തു. അതിരൂപത തല മത്സരം നവംബര്‍ ഒമ്പതിന് ചങ്ങനാശേരിയില്‍ നടക്കും.
25ന് 18 ഫൊറോനകളില്‍ നടക്കുന്ന രചനാ മത്സരങ്ങളോടെ കലോത്സവത്തിന് തുടക്കംകുറിക്കും. മാതാപിതാക്കള്‍ക്കായി കഥാരചന, കവിതാരചന, ഉപന്യാസം, ചിത്രരചനാ, ബൈബിള്‍ ക്വിസ്, പ്രസംഗം, സംഗീതം, സംഘഗാനം, മാര്‍ഗംകളി, കോൽക്കളി, നാടകം തുടങ്ങിയ മത്സരങ്ങള്‍ സംഘടിപ്പിക്കും. സെപ്റ്റംബര്‍ ഒന്നു മുതല്‍ ഒക്‌ടോബര്‍ 31 വരെ ഫൊറോനതല അവതരണ മത്സരങ്ങള്‍ നടത്തും.
മാതൃവേദി, പിതൃവേദി ഫൊറോനാ ഭാരവാഹികളുടെ സമ്മേളനത്തില്‍ അതിരൂപത ഡയറക്ടര്‍ ഫാ. സെബാസ്റ്റ്യന്‍ ചാമക്കാല, സെക്രട്ടറിമാരായ മിനി തോമസ്, ജോഷി കൊല്ലാപുരം, സോയി ദേവസ്യ, റ്റെസി വര്‍ഗീസ്, തോമസ് ടി.എ., സാലി വര്‍ഗീസ്, ആന്‍സി മാത്യു, ലാലിമ്മ ടോമി, സെബാസ്റ്റ്യന്‍ പി.ജെ. എന്നിവര്‍ പ്രസംഗിച്ചു.