ച​ന്ത​പ്പാ​ലം-​വെ​ള്ളൂ​ര്‍-​മു​ള​ക്കു​ളം റോ​ഡ് നി​ര്‍മാ​ണം പൂ​ര്‍ത്തി​യാ​ക്ക​ണം; കോ​ണ്‍ഗ്ര​സ് ധ​ര്‍ണ നാ​ളെ
Tuesday, August 20, 2024 7:20 AM IST
പെ​രു​വ: ത​ല​യോ​ല​പ്പ​റ​മ്പ് ച​ന്ത​പ്പാ​ലം-​വെ​ള്ളൂ​ർ- മു​ള​ക്കു​ളം റോ​ഡി​ന്‍റെ ശോ​ച​നീ​യാ​വ​സ്ഥ പ​രി​ഹ​രി​ക്ക​ണ​മെ​ന്നാ​വ​ശ്യ​പ്പെ​ട്ട് കോ​ണ്‍ഗ്ര​സ് വെ​ള്ളൂ​ര്‍ മ​ണ്ഡ​ലം ക​മ്മി​റ്റി നാ​ളെ ധ​ര്‍ണ ന​ട​ത്തും. രാ​വി​ലെ പ​ത്തി​ന് വെ​ള്ളൂ​ര്‍ പ​ഞ്ചാ​യ​ത്ത് ഓ​ഫീ​സ് പ​ടി​ക്ക​ല്‍ ന​ട​ത്തു​ന്ന പ്ര​തി​ഷേ​ധ ധ​ര്‍ണ കെ​പി​സി​സി ജ​ന​റ​ല്‍ സെ​ക്ര​ട്ട​റി പി.​എ. സ​ലിം ഉ​ദ്ഘാ​ട​നം ചെ​യ്യും.

റോ​ഡ് ഉ​പ​രോ​ധ​വും പ​ല പ്ര​തി​ഷേ​ധ സ​മ്മേ​ള​ന​ങ്ങ​ളും ന​ട​ത്തി​യി​ട്ടും സ​ര്‍ക്കാ​രി​ന്‍റെ ഭാ​ഗ​ത്തു​നി​ന്നോ എം​എ​ല്‍എ​യോ പ​ഞ്ചാ​യ​ത്ത് അ​ധി​കാ​രി​ക​ളോ യാ​തൊ​രു​വി​ധ ന​ട​പ​ടി​യും സ്വീ​ക​രി​ക്കാ​ത്ത​തി​ല്‍ പ്ര​തി​ഷേ​ധി​ച്ചാ​ണ് മൂ​ന്നാം​ഘ​ട്ട സ​മ​രം ന​ട​ത്തു​ന്ന​തെ​ന്ന് കോ​ണ്‍ഗ്ര​സ് നേ​താ​ക്ക​ളാ​യ പി.​പി. സി​ബി​ച്ച​നും വി.​സി. ജോ​ഷി​യും പ​റ​ഞ്ഞു.

റീ​ബി​ല്‍ഡ് കേ​ര​ള​യി​ല്‍ ഉ​ള്‍പ്പെ​ടു​ത്തി 111 കോ​ടി മു​ട​ക്കി പ​ണി​യു​ന്ന മു​ട്ടു​ചി​റ-​വ​ട​യാ​ര്‍-​ച​ന്ത​പ്പാ​ലം- മു​ള​ക്കു​ളം റോ​ഡി​ന്‍റെ ഭാ​ഗ​മാ​യാ​ണ് ച​ന്ത​പ്പാ​ലം-​വെ​ള്ളൂ​ർ-​മു​ള​ക്കു​ളം റോ​ഡ് പൊ​ളി​ച്ച​ത്. 2022 മേ​യി​ല്‍ ആ​രം​ഭി​ച്ച മു​ട്ടു​ചി​റ-​വ​ട​യാ​ര്‍-​ച​ന്ത​പ്പാ​ലം-​വെ​ള്ളൂ​ര്‍-​മു​ള​ക്കു​ളം റോ​ഡി​ന്‍റെ നി​ര്‍മാ​ണം 2023 ന​വം​ബ​ര്‍ 11ന് ​പൂ​ര്‍ത്തി​യാ​ക്ക​ണ​മെ​ന്നാ​യി​രു​ന്നു ക​രാ​ര്‍. ഇ​പ്പോ​ള്‍ 30 ശ​ത​മാ​നം ജോ​ലി​ക​ള്‍ മാ​ത്ര​മാ​ണ് പൂ​ര്‍ത്തി​യാ​യ​ത്. റോ​ഡ് നി​ര്‍മാ​ണ​ത്തി​ലു​ണ്ടാ​യി​ട്ടു​ള്ള അ​പാ​ത​ക​ള്‍ ചൂ​ണ്ടി​ക്കാ​ണി​ച്ചി​ട്ടും അ​ധി​കാ​രി​ക​ളു​ടെ ഭാ​ഗ​ത്തു​നി​ന്ന് യാ​തൊ​രു​വി​ധ ന​ട​പ​ടി​യും സ്വീ​ക​രി​ച്ചി​ട്ടി​ല്ലെ​ന്ന് കോ​ണ്‍ഗ്ര​സ് മ​ണ്ഡ​ലം ക​മ്മി​റ്റി ആ​രോ​പി​ച്ചു.

22.47 കി​ലോ​മീ​റ്റ​ര്‍ നീ​ള​മു​ള്ള റോ​ഡി​ല്‍ 14.4 കി​ലോ​മീ​റ്റ​ര്‍ കോ​ണ്‍ക്രീ​റ്റി​ലാ​ണ് നി​ര്‍മി​ക്കു​ന്ന​ത്. കോ​ണ്‍ക്രീ​റ്റ് പ​ണി​ക​ള്‍ തു​ട​ര്‍ച്ച​യാ​യ​ല്ലാ​തെ പ​ല സ്ഥ​ല​ത്താ​യി​ട്ടാ​ണ് നി​ര്‍മി​ച്ചി​രി​ക്കു​ന്ന​ത്. അ​തി​നാ​ല്‍ വാ​ഹ​ന​ഗ​താ​ഗ​തം സാ​ധ്യ​മ​ല്ലാ​താ​യി​രി​ക്കു​ക​യാ​ണ്. ജ​ല അ​ഥോ​റി​റ്റിയുടെ പൈ​പ്പു​ക​ള്‍, വൈ​ദ്യു​തി തൂ​ണു​ക​ള്‍ തു​ട​ങ്ങി​യ​വ സ​മ​യ​ബ​ന്ധി​ത​മാ​യി മാ​റ്റി​യി​ടാ​ത്ത​ത് നി​ര്‍മാ​ണ പ്ര​വ​ര്‍ത്ത​ന​ങ്ങ​ളെ ബാ​ധി​ച്ചു. വെ​ട്ടി​ക്കാ​ട്ടു​മു​ക്ക് - വെ​ള്ളൂ​ര്‍ റോ​ഡ് പൊ​ളി​ച്ച​തോ​ടെ ഇ​തു​വ​ഴി​യു​ള്ള ബ​സ് സ​ര്‍വീ​സു​ക​ൾ പ​ല​തും നി​ര്‍ത്തി. പി​റ​വം റോ​ഡ് റെ​യി​ല്‍വേ സ്റ്റേ​ഷ​ന്‍, വി​വി​ധ സ​ര്‍ക്കാ​ര്‍ സ്‌​കൂ​ളു​ക​ള്‍, ആ​രാ​ധ​നാ​ല​യ​ങ്ങ​ള്‍, കെ​പി​പി​എ​ല്‍ ക​മ്പ​നി, കെ​ആ​ര്‍എ​ല്‍, സ്വ​കാ​ര്യ സി​മ​ന്‍റ് ഫാ​ക്ട​റി, ആ​ശു​പ​ത്രി തു​ട​ങ്ങി​യ സ്ഥ​ല​ങ്ങ​ളി​ലേ​ക്ക് പോ​കേ​ണ്ട യാ​ത്ര​ക്കാ​രെ​ല്ലാം ദു​രി​ത​ത്തി​ലാ​യി​രി​ക്കു​ക​യാ​ണ്.
Copyright @ 2018 , Rashtra Deepika Ltd.