റാ​വ​ൽ​പി​ണ്ടി: ചാ​ന്പ്യ​ൻ​സ് ട്രോ​ഫി ക്രി​ക്ക​റ്റി​ൽ സെ​മി​യി​ലേ​ക്ക് ചു​വ​ട് വ​ച്ച് ന്യൂ​സി​ല​ൻ​ഡ്. ഗ്രൂ​പ്പ് എ​യി​ൽ ന്യൂ​സി​ല​ൻ​ഡ് ത​ങ്ങ​ളു​ടെ ര​ണ്ടാം മ​ത്സ​ര​ത്തി​ൽ അ​ഞ്ചു വി​ക്ക​റ്റു​ക​ൾ​ക്ക് ബം​ഗ്ലാ​ദേ​ശി​നെ തോ​ൽ​പ്പി​ച്ചു.

സ്കോ​ർ: ബം​ഗ്ലാ​ദേ​ശ് 50 ഓ​വ​റി​ൽഒ​ൻ​പ​തു വി​ക്ക​റ്റ് ന​ഷ്ട​ത്തി​ൽ 236 റ​ണ്‍​സ്. ന്യൂ​സി​ല​ൻ​ഡ് 46.1 ഓ​വ​റി​ൽ അ​ഞ്ചു വി​ക്ക​റ്റി​ന് 240.

ആ​ദ്യ മ​ത്സ​ര​ത്തി​ൽ ന്യൂ​സി​ല​ൻ​ഡ് ആ​തി​ഥേ​യ​രാ​യ പാ​ക്കി​സ്ഥാ​നെ തോ​ൽ​പ്പി​ച്ചി​രു​ന്നു. അ​തേ​സ​മ​യം ആ​ദ്യ​ത്തെ ക​ളി ഇ​ന്ത്യ​യോ​ടു തോ​റ്റ ബം​ഗ്ല​ദേ​ശി​ന് മൂ​ന്നോ​ട്ടു​പോ​ക​ണ​മെ​ങ്കി​ൽ ഇ​ന്നു ജ​യി​ക്ക​ണ​മാ​യി​രു​ന്നു.

ഗ്രൂ​പ്പി​ൽ ര​ണ്ടു മ​ത്സ​ര​ങ്ങ​ൾ വീ​തം ജയിച്ച ഇ​ന്ത്യ​യും ന്യൂ​സി​ല​ൻ​ഡും 2025 ചാ​ന്പ്യ​ൻ​സ് ട്രോ​ഫി​യി​ൽ സെ​മി​യി​ലെ​ത്തു​ന്ന ആ​ദ്യ ടീ​മു​ക​ളാ​യി.

ടോ​സ് ന​ഷ്ട​പ്പെ​ട്ട ബാ​റ്റ് ചെ​യ്യേ​ണ്ടി​വ​ന്ന ബംഗ്ലാദേശി​നെ അ​ർ​ധ സെ​ഞ്ചു​റി നേ​ടി​യ ക്യാ​പ്റ്റ​ൻ ന​ജ്മു​ൽ ഹു​സൈ​ൻ ഷ​ന്‍റോയു​ടെ പ്ര​ക​ട​മാ​ണ്് ബം​ഗ്ല​ദേ​ശി​നെ പൊ​രു​താ​വു​ന്ന സ്കോ​റി​ലേ​ക്കെ​ത്തി​ച്ച​ത്. 110 പ​ന്തു​ക​ൾ നേ​രി​ട്ട ബം​ഗ്ല​ദേ​ശ് ക്യാ​പ്റ്റ​ൻ 77 റ​ണ്‍​സെ​ടു​ത്തു പു​റ​ത്താ​യി. ഒ​ൻ​പ​തു ഫോ​റു​ക​ളാ​ണു നേ​ടി​യ​ത്

ജേ​ക്ക​ർ അ​ലി (55 പ​ന്തി​ൽ 45), റി​ഷാ​ദ് ഹു​സൈ​ൻ (25 പ​ന്തി​ൽ 26), ത​ൻ​സി​ദ് ഹ​സ​ൻ (24 പ​ന്തി​ൽ 24) എ​ന്നി​വ​ർ ബം​ഗ്ല​ദേ​ശി​നാ​യി ഭേ​ദ​പ്പെ​ട്ട പ്ര​ക​ട​നം പു​റ​ത്തെ​ടു​ത്തു. ന്യൂ​സി​ല​ൻ​ഡി​നാ​യി മി​ച്ച​ൽ ബ്രേ​സ്‌വെ​ൽ നാ​ലു വി​ക്ക​റ്റു​ക​ൾ (10-0-26-4) വീ​ഴ്ത്തി.


മറുപടി സെഞ്ചുറിയിലൂടെ

മ​റു​പ​ടി ബാ​റ്റിം​ഗ് ആ​രം​ഭി​ച്ച കി​വീ​സി​ന് ആ​ദ്യ ഓ​വ​റി​ൽ ത​ന്നെ സ്കോ​ർ​ബോ​ർ​ഡ് തു​റ​ക്കും മു​ന്പേ വി​ൽ യം​ഗി​നെ താ​സ്കി​ൻ അ​ഹ​മ്മ​ദ് ക്ലീ​ൻ​ബൗ​ൾ​ഡാ​ക്കി. സ്കോ​ർ​ബോ​ർ​ഡി​ൽ 15 റ​ണ്‍​സ് ആ​യ​പ്പോ​ൾ കെ​യ്ൻ വി​ല്യം​സ​ണി​നെ​യും (5) ന​ഷ്ട​മാ​യി. നാ​ഹി​ദ് റാ​ണ​യാ​ണ് വി​ക്ക​റ്റ് നേ​ടി​യ​ത്.

ന്യൂ​സി​ല​ൻ​ഡി​ന്‍റെ അ​പ​ക​ട​ഘ​ട്ടം ക​ഴി​ഞ്ഞെ​ന്ന് പ്ര​തീ​ക്ഷി​ച്ചി​രി​ക്കേ മൂ​ന്നാം വി​ക്ക​റ്റി​ൽ 57 റ​ണ്‍​സ് കൂ​ട്ടി​ച്ചേ​ർ​ത്ത് ഡെ​വേ​ണ്‍ കോ​ണ്‍​വെ-​ര​ചി​ൻ ര​വീ​ന്ദ്ര സ​ഖ്യ​ത്തെ മു​ഷ്ഫി​ഖ​ർ റ​ഹീം പൊ​ളി​ച്ചു. 45 പ​ന്തി​ൽ 30 റ​ണ്‍​സ് നേ​ടി​യ കോ​ണ്‍​വെ​യെ ക്ലീ​ൻ​ബൗ​ൾ​ഡാ​ക്കി.

മൂ​ന്നു വി​ക്ക​റ്റി​ന് 72 റ​ണ്‍​സി​ൽ​നി​ന്ന ന്യൂ​സി​ല​ൻ​ഡ് ര​ചി​ൻ ര​വീ​ന്ദ്ര-​ടോം ലാ​ഥം എ​ന്നി​വ​രു​ടെ ചി​റ​കി​ലേ​റി മു​ന്നോ​ട്ടു നീ​ങ്ങി. ഇ​തോ​ടെ ബം​ഗ്ലാ​ദേ​ശി​ന്‍റെ നി​യ​ന്ത്ര​ണം അ​യ​ഞ്ഞു തു​ട​ങ്ങി. നാ​ലാം വി​ക്ക​റ്റി​ൽ ഇ​രു​വ​രും 129 റ​ണ്‍​സി​ന്‍റെ കൂ​ട്ടു​കെ​ട്ടാ​ണ് സ്ഥാ​പി​ച്ച​ത്. ഇ​തി​നി​ടെ ര​വീ​ന്ദ്ര നാ​ലാം ഏ​ക​ദി​ന സെ​ഞ്ചു​റി​യി​ലെ​ത്തി.

105 പ​ന്തി​ൽ 12 ഫോ​റും ഒ​രു സി​ക്സും സ​ഹി​തം 112 റ​ണ്‍​സ് നേ​ടി​യ ര​ചി​നെ റി​ഷാ​ദ് ഹു​സൈ​ൻ പു​റ​ത്താ​ക്കി. വൈ​കാ​തെ​ത​ന്നെ അ​ർ​ധ സെ​ഞ്ചു​റി ക​ട​ന്ന ലാ​ഥം (76 പ​ന്തി​ൽ 55) റ​ണ്ണൗ​ട്ടാ​യി. പി​ന്നീ​ടൊ​രു​മി​ച്ച ഗ്ലെ​ൻ ഫി​ലി​പ്സും (21*) മൈ​ക്കി​ൾ ബ്രേ​സ്‌വെ​ല്ലും (11*) ടീ​മി​നെ വി​ജ​യ​ത്തി​ലെ​ത്തി​ച്ചു.