ഫൈനലിൽ എത്തിയ സ്ഥിതിക്ക് വെള്ളിമെഡൽ പങ്കിടാൻ അനുവദിക്കണമെന്നതായിരുന്നു സ്പോർട്സ് തർക്കപരിഹാര കോടതിക്കു മുന്നിൽ വിനേഷ് ഫോഗട്ടിന്റെ അപ്പീൽ. എന്നാൽ, ഓഗസ്റ്റ് 14നു കോടതി ഇന്ത്യൻ താരത്തിന്റെ അപ്പീൽ തള്ളി.
കോമണ്വെൽത്ത് ഗെയിംസിൽ മൂന്നും ഏഷ്യൻ ചാന്പ്യൻഷിപ്പ്, ഏഷ്യൻ ഗെയിംസ് എന്നീ പോരാട്ടങ്ങളിൽ ഓരോ സ്വർണം വീതവും ഫോഗട്ട് ഗോദയിൽ നേടിയിട്ടുണ്ട്.
2032 വരെ തുടരും പാരീസ് ഒളിന്പിക്സ് ഫൈനലിനു മുന്പ് അയോഗ്യയാക്കപ്പെട്ടതിന്റെ ദുഃഖത്തിൽ ഗുസ്തിയിൽനിന്നു വിരമിക്കൽ പ്രഖ്യാപിച്ച വിനേഷ് ഫോഗട്ട് തീരുമാനം മാറ്റിയേക്കുമെന്നു സൂചന.
ഫോഗട്ടിന്റെ വിരമിക്കൽ സംബന്ധിച്ചുള്ള ചോദ്യങ്ങൾക്ക് അവരുടെ ഭർത്താവും ഗുസ്തിക്കാരനുമായ സോംവിർ കൃത്യമായ മറുപടി നൽകിയില്ല. ഇതിനിടെ, 2032 വരെ ഗുസ്തി തുടരുമെന്നു പ്രഖ്യാപിച്ചുള്ള കുറിപ്പ് വിനേഷ് ഫോഗട്ട് സോഷ്യൽ മീഡിയയിൽ പങ്കുവച്ചു.
ലക്ഷ്യം പൂർത്തിയാക്കാൻ സാധിച്ചില്ലെന്നും വ്യത്യസ്തമായ അന്തരീക്ഷത്തിൽ 2023 വരെ പോരാട്ടം തുടരുമെന്നും വിനേഷ് ഫോഗട്ട് കുറിച്ചു. ഭാവിയിൽ എന്താണ് കരുതിവച്ചിരിക്കുന്നതെന്ന് അറിയില്ല, ഞാൻ വിശ്വസിക്കുന്ന കാര്യങ്ങൾക്കുവേണ്ടിയുള്ള പോരാട്ടം തുടരും -ഫോഗട്ട് വ്യക്തമാക്കി.