കു​ന്നം​കു​ളം: ബം​ഗ​ളൂ​രു​വി​ൽ അ​ര​ങ്ങേ​റി​യ ജൂ​ണി​യ​ർ മീ​റ്റി​ൽ പ​ങ്കെ​ടു​ത്ത് ര​ണ്ട് ദി​വ​സം മു​ന്പ് മാ​ത്ര​മാ​ണ് പാ​ല​ക്കാ​ട് മാ​ത്തൂ​ർ സ്കൂ​ളി​ലെ പി. ​അ​ഭി​രാം നാ​ട്ടി​ൽ തി​രി​ച്ചെ​ത്തി​യ​ത്.

അ​ർ​ധ​രാ​ത്രി​യി​ൽ വി​മാ​ന​മി​റ​ങ്ങി​യ​ശേ​ഷം ര​ണ്ടാം​നാ​ളി​ൽ അ​ഭി​രാം 18 വ​ർ​ഷം പ​ഴ​ക്ക​മു​ള്ള റി​ക്കാ​ർ​ഡ് പ​ഴ​ങ്ക​ഥ​യാ​ക്കി. സീ​നി​യ​ർ ആ​ണ്‍​കു​ട്ടി​ക​ളു​ടെ 400 മീ​റ്റ​റി​ലാ​ണ് അ​ഭി​രാം 48.06 സെ​ക്ക​ൻ​ഡി​ൽ റി​ക്കാ​ർ​ഡോ​യെ സ്വ​ർ​ണ​ത്തി​ൽ മു​ത്ത​മി​ട്ട​ത്.

പ​ല്ലം​ചാ​ന്ത​നൂ​ർ അ​ന്പാ​ടി വീ​ട്ടി​ൽ പ്ര​മോ​ദ്-​മ​ഞ്ജു​ഷ ദ​ന്പ​തി​ക​ളു​ടെ മ​ക​നാ​ണ്. 2005ൽ ​കോ​ത​മം​ഗ​ലം സെ​ന്‍റ് ജോ​ർ​ജി​ന്‍റെ വി.​ബി. ബി​നീ​ഷ് കു​റി​ച്ച 48.23 സെ​ക്ക​ൻ​ഡ് എ​ന്ന റി​ക്കാ​ർ​ഡാ​ണ് അ​ഭി​രാം തി​രു​ത്തി​യ​ത്.

400 മീ​റ്റ​റി​ൽ സ്പെ​ഷ്യ​ലൈ​സ് ചെ​യ്യാ​നാ​ണ് ത​ന്‍റെ ആ​ഗ്ര​ഹ​മെ​ന്ന് അ​ഭി​രാം ദീ​പി​ക​യോ​ട് പ​റ​ഞ്ഞു. അ​തി​ന് അ​ടി​വ​ര​യി​ടു​ന്ന പ്ര​ക​ട​ന​മാ​ണ് ഈ​യി​ന​ത്തി​ൽ അ​ഭി​രാം കാ​ഴ്ച​വ​യ്ക്കു​ന്ന​തെ​ന്ന​തും ശ്ര​ദ്ധേ​യം.

തി​രു​വ​ന​ന്ത​പു​രം സ്കൂ​ൾ മീ​റ്റി​ൽ 400 മീ​റ്റ​റി​ൽ അ​ഭി​രാ​മി​നാ​യി​രു​ന്നു സ്വ​ർ​ണം. ഏ​ഷ്യ​ൻ യൂ​ത്ത് 4-400 റി​ലേ, 2022 യൂ​ത്ത് നാ​ഷ​ണ​ൽ​സ്, ഖേ​ലൊ ഇ​ന്ത്യ, സീ​നി​യ​ർ നാ​ഷ​ണ​ൽ സ്കൂ​ൾ തു​ട​ങ്ങി​യ പോ​രാ​ട്ട​വേ​ദി​ക​ളി​ലെ​ല്ലാം അ​ഭി​രാം സ്വ​ർ​ണം ക​ഴു​ത്തി​ല​ണി​ഞ്ഞു. കെ. ​സു​രേ​ന്ദ്ര​നാ​ണ് കോ​ച്ച്.

കോ​ത​മം​ഗ​ലം മാ​ർ ബേ​സി​ലി​ന്‍റെ ജെ​സിം ജെ. ​റ​സാ​ക്കി​നാ​ണ് (48.68) ഈ​യി​ന​ത്തി​ൽ വെ​ള്ളി. സാ​യ് കോ​ഴി​ക്കോ​ടി​ന്‍റെ എ​ൻ. അ​ദി​ൽ (48.99) വെ​ങ്ക​ല​മ​ണി​ഞ്ഞു.