ഇന്‍സ്റ്റിറ്റ്യൂട്ട് ഓഫ് കമ്പനി സെക്രട്ടറീസ് ഓഫ് ഇന്ത്യ പുരസ്കാരം കൊച്ചി ചാപ്റ്ററിന്
Wednesday, November 13, 2024 11:14 PM IST
കൊച്ചി: കേന്ദ്ര കമ്പനി കാര്യമന്ത്രാലയത്തിനു കീഴില്‍ പ്രവര്‍ത്തിക്കുന്ന ഇന്‍സ്റ്റിറ്റ്യൂട്ട് ഓഫ് കമ്പനി സെക്രട്ടറീസ് ഓഫ് ഇന്ത്യയുടെ ദേശീയതലത്തില്‍ മികച്ച ചാപ്റ്ററിനുള്ള 2023ലെ പുരസ്കാരം കൊച്ചി ചാപ്റ്ററിന്.
രാജ്യത്താകമാനം പ്രവര്‍ത്തിക്കുന്ന വിവിധ ചാപ്റ്റര്‍ ഓഫീസുകളില്‍നിന്നാണ് കൊച്ചിയെ പുരസ്കാരത്തിനായി തെരഞ്ഞെടുത്തത്. 2023 ലെ ഇന്ത്യയിലെ ഏറ്റവും മികച്ച ചാപ്റ്ററിനും രാജ്യത്തെ മികച്ച ഗോള്‍ഡ് ചാപ്റ്ററുകള്‍ക്കുള്ള പുരസ്‌കാരത്തിനുമാണു കൊച്ചി ചാപ്റ്റര്‍ തെരഞ്ഞെടുക്കപ്പെട്ടത്.
മുംബൈയില്‍ നടന്ന ചടങ്ങില്‍ സെബി ചെയര്‍പേഴ്‌സണ്‍ മാധബിപുരി ബുച്ച്, ഐ സി എസ് ഐ പ്രസിഡന്‍റ് ബി. നരസിംഹന്‍, സെക്രട്ടറി ആശിഷ് മോഹന്‍ എന്നിവര്‍ പുരസ്‌കാരങ്ങള്‍ വിതരണം ചെയ്തു.
2023ലെ ചാപ്റ്റര്‍ ചെയര്‍മാന്‍ ശരത് ശശിധര, 2024ലെ ചെയര്‍മാന്‍ നിഖില്‍ ജോര്‍ജ് പിന്റോ, എക്‌സിക്യൂട്ടീവ് ഓഫീസര്‍ സ്മിത സുബിന്‍ എന്നിവര്‍ ചേര്‍ന്ന് പുരസ്‌കാരങ്ങള്‍ ഏറ്റുവാങ്ങി.