കാട്ടാക്കടയില്‍നിന്നു ചോക്ലേറ്റ് ബ്രാന്‍ഡ്
Wednesday, November 13, 2024 11:14 PM IST
തിരുവനന്തപുരം: ദുബായ് ആസ്ഥാനമായി പ്രവര്‍ത്തിക്കുന്ന ചോക്ലേറ്റ് ബ്രാന്‍ഡായ സോകൊവ കാട്ടാക്കടയില്‍നിന്നും പുറത്തിറക്കുന്ന ബ്രാന്‍ഡായ മുട്ടാസ് അറബിക് ചോക്ലേറ്റിന്‍റെ ഉദ്ഘാടനം വ്യവസായ മന്ത്രി പി. രാജീവ് തിരുവനന്തപുരത്ത് നിര്‍വഹിച്ചു.
സംരംഭകരെ പ്രോത്സാഹിപ്പക്കുന്നതിനായി കേരള സര്‍ക്കാര്‍ വലിയ പ്രവര്‍ത്തനങ്ങളാണ് നടത്തിവരുന്നതെന്നു മന്ത്രി രാജീവ് പറഞ്ഞു. ചെറുതും വലുതുമായ സംസ്ഥാനത്തെ വ്യവസായങ്ങള്‍ വളര്‍ച്ചയുടെ പാതയിലാണെന്നും അദ്ദേഹം പറഞ്ഞു.
മുട്ടാസ് അറബിക് ചോക്ലേറ്റിന്‍റെ പാക്കിംഗ്, മാര്‍ക്കറ്റിംഗ്, വിതരണം എന്നിവയാണ് കാട്ടാക്കടയില്‍ ആരംഭിച്ചിരിക്കുന്നത്.
ചടങ്ങില്‍ എംഎല്‍എമാരായ ഐ.ബി. സതീഷ്, വി.കെ. പ്രശാന്ത്, ജില്ലാ പഞ്ചായത്ത് പ്രസിഡന്‍റ് സുരേഷ് കുമാര്‍, ബ്രാന്‍ഡ് ഉടമകളായ ബൈജു, ഷീബ, ശ്രദ്ധ, ഹാന്‍സണ്‍ തുടങ്ങിയവര്‍ പങ്കെടുത്തു. പദ്ധതിയുടെ ഭാഗമായി ആദ്യഘട്ടത്തില്‍ 50 പേര്‍ക്ക് പ്രത്യക്ഷമായും 70 പേര്‍ക്ക് പരോക്ഷമായും തൊഴില്‍ ലഭ്യമാകും.