‘0484 എയ്റോ ലോഞ്ച്’ സ്‌പെഷൽ പോസ്റ്റൽ കവർ പ്രകാശനം ചെയ്തു
Saturday, November 9, 2024 12:30 AM IST
നെടുമ്പാശേരി: കൊച്ചി വിമാനത്താവളത്തിൽ 0484 എയ്റോ ലോഞ്ച് പ്രവർത്തനമാരംഭിച്ചതിന്‍റെ ഭാഗമായി പോസ്റ്റൽ വകുപ്പ് പ്രത്യേക പോസ്റ്റൽ കവർ പുറത്തിറക്കി. പോസ്റ്റൽ സർവീസസ് ഡയറക്ടർ എൻ.ആർ. ഗിരി, സിയാൽ എയർപോർട്ട് ഡയറക്ടർ ജി. മനു എന്നിവർ ചേർന്ന് ‘0484 എയ്റോ ലോഞ്ച് സ്‌പെഷൽ പോസ്റ്റൽ കവർ’ പ്രകാശനം ചെയ്തു.
50,000 ചതുരശ്ര അടിയിലായി 37 മുറികൾ, നാല് സ്യൂട്ടുകൾ, മൂന്ന് ബോർഡ് റൂമുകൾ, രണ്ട് കോൺഫറൻസ് ഹാളുകൾ, ഒരു കോ-വർക്കിംഗ് സ്‌പേസ്, ജിം, സ്പാ എന്നിവയുൾപ്പെടെയുള്ള ഈ ലോഞ്ച് യാത്രക്കാർക്കും സന്ദർശകർക്കും ലഭ്യമാകും.
കൊച്ചി വിമാനത്താവളത്തിൽ നടന്ന ചടങ്ങിൽ ആലുവ ഡിവിഷൻ പോസ്റ്റ് ഓഫീസ് സീനിയർ സൂപ്രണ്ട് ജിസി ജോർജ്, സിയാൽ എക്സിക്യൂട്ടീവ് ഡയറക്ടർ ലെനി സെബാസ്റ്റ്യൻ, സിയാൽ ഉദ്യോഗസ്ഥർ, പോസ്റ്റൽ വകുപ്പ് ഉദ്യോഗസ്ഥർ എന്നിവരും പങ്കെടുത്തു.