ഇഎന്എയുടെ (എക്സ്ട്രാ ന്യൂട്രല് ആല്ക്കഹോള്) നികുതി അവകാശം സംസ്ഥാന നികുതിയില്ത്തന്നെ നിലനിര്ത്തുന്നതിനായി, ഇഎന്എ ജിഎസ്ടിക്കു പുറത്താണെന്ന് വ്യക്തമാക്കുന്ന ഭേഗദതിയും ബില്ലില് ഉള്പ്പെടുത്തിയിട്ടുണ്ട്. ജിഎസ്ടിക്കു പുറത്തുള്ള രണ്ട് സെക്ഷനുകള് കൂടി ഈ ബില്ലിലുണ്ട്.
ഇതിനു പുറമേ 2024ലെ കേരള ക്ലിനിക്കല് സ്ഥാപനങ്ങള് രജിസ്ട്രേഷന് (ഭേദഗതി) ബില്, 2024ലെ കേരള വ്യവസായ ഏകജാലക ക്ലിയറന്സ് (ഭേദഗതി) ബില്, 2024ലെ കേരള സൂക്ഷ്മ ചെറുകിട ഇടത്തരം വ്യവസായ സ്ഥാപനങ്ങള് സുഗമമാക്കല് (ഭേദഗതി) ബില് എന്നീ ബില്ലുകളും നിയമസഭ പാസാക്കി.