മും​ബൈ: മും​ബൈ ഇ​ന്ത്യ​ൻ​സി​നു മൂ​ന്നാം വ​നി​താ പ്രീ​മി​യ​ർ ലീ​ഗ് കി​രീ​ടം. മും​ബൈ ഫൈ​ന​ലി​ൽ എ​ട്ടു റ​ണ്‍​സി​ന് ഡ​ൽ​ഹി ക്യാ​പി​റ്റ​ൽ​സി​നെ തോ​ൽ​പ്പി​ച്ചു. മും​ബൈ 20 ഓ​വ​റി​ൽ ഏ​ഴു വി​ക്ക​റ്റി​ന് 149 റ​ണ്‍​സ്.

ഡ​ൽ​ഹി ക്യാ​പി​റ്റ​ൽ​സ് 20 ഓ​വ​റി​ൽ ഒ​ന്പ​ത് വി​ക്ക​റ്റി​ന് 141. മുംബൈ വനിതകൾ രണ്ടാം തവണയാണ് കപ്പുയർത്തുന്നത്. വനിതാ പ്രീമിയർ ലീഗ് ഫൈനലിൽ ഡ​ൽ​ഹി​യു​ടെ തു​ട​ർ​ച്ച​യാ​യ മൂ​ന്നാം തോ​ൽ​വി​യാ​ണ്.

മും​ബൈ ഇ​ന്ത്യ​ൻ​സിന് ക്യാ​പ്റ്റ​ൻ ഹ​ർ​മ​ൻ​പ്രീ​ത് കൗ​റി​ന്‍റെ അ​ർ​ധ സെ​ഞ്ചു​റി (66) മി​ക​വി​ൽ ഡ​ൽ​ഹി ക്യാ​പി​റ്റ​ൽ​സി​നെ​തി​രേ ഭേ​ദ​പ്പെ​ട്ട സ്കോ​റി​ലെത്തിയത്.

തു​ട​ർ​ച്ച​യാ​യ മൂ​ന്നാം ഫൈ​ന​ൽ ക​ളി​ക്കു​ന്ന ഡ​ൽ​ഹി മൂ​ന്നാം കി​രീ​ടം ല​ക്ഷ്യ​മി​ട്ടി​റ​ങ്ങി​യ മും​ബൈ​യ്ക്കെ​തി​രേ ടോ​സി​ൽ വി​ജ​യി​ച്ചു. ടോ​സ് നേ​ടി​യ ക്യാ​പ്റ്റ​ൻ മെ​ഗ് ലാ​ന്നിം​ഗ് ഫീ​ൽ​ഡിം​ഗ് തെ​ര​ഞ്ഞെ​ടു​ത്തു. ക്യാ​പ്റ്റ​ന്‍റെ തീ​രു​മാ​നം തെ​റ്റി​യി​ല്ല എ​ന്ന വി​ധ​ത്തി​ലാ​ണ് ബൗ​ള​ർ​മാ​ർ പ​ന്തെ​റി​ഞ്ഞു തു​ട​ങ്ങി​യ​ത്.

മൂന്നാം ഓ​വ​റി​ന്‍റെ അ​വ​സാ​ന പ​ന്തി​ൽ ഹെ​യ്‌ലി മാ​ത്യൂസി​നെ (മൂ​ന്ന്) മാ​രി​സെ​ൻ കാ​പ് ക്ലീ​ൻ​ബൗ​ൾ​ഡാ​ക്കി. റ​ണ്ണെ​ടു​ക്കാ​ൻ മും​ബൈ ബു​ദ്ധി​മു​ട്ടി​ക്കൊ​ണ്ടി​രു​ന്നു. അ​ഞ്ചാം ഓ​വ​റി​ൽ യാ​സ്തി​ക ഭാ​ട്യ (എ​ട്ട്) ജെ​മി​മ റോ​ഡ്രി​ഗ​സി​ന്‍റെ കൈ​ക​ളി​ലെ​ത്തി. കാ​പ്പി​നാ​യി​രു​ന്നു ഈ ​വി​ക്ക​റ്റും. ഇ​തോ​ടെ മും​ബൈ 4.3 ഓ​വ​റി​ൽ ര​ണ്ടു വി​ക്ക​റ്റി​ന് 14 എ​ന്ന നി​ല​യി​ലാ​യി. മൂ​ന്നാം വി​ക്ക​റ്റി​ൽ നാ​റ്റ് സ്കൈ​വ​ർ ബ്രേ​ന്‍റും ഹ​ർ​മ​ൻ​പ്രീ​തും ഒ​ന്നി​ച്ച​തോ​ടെ മും​ബൈ സ്കോ​റി​ൽ റ​ണ്‍​സ് എ​ത്തി​ത്തു​ട​ങ്ങി.

വ​ൻ അ​ടി​ക​ൾ​ക്കു മു​തി​രാ​തെ സാ​വ​ധാ​ന​മാ​ണ് ഇ​രു​വ​രും ബാ​റ്റ് വീ​ശി​യ​ത്. 33 പ​ന്തി​ൽ ഹ​ർ​മ​ൻ​പ്രീ​ത് അ​ർ​ധ സെ​ഞ്ചു​റി ക​ട​ന്നു. സ്കൈ​വ​ർ ബ്രേ​ന്‍റും മി​ക​ച്ച ഷോ​ട്ടു​ക​ളു​മാ​യി ക​ളം പി​ടി​ക്കു​ക​യാ​ണെ​ന്ന് തോ​ന്നി​യ ഘ​ട്ട​ത്തി​ൽ മി​ക​ച്ചൊ​രു ക്യാ​ച്ചി​ലൂ​ടെ മി​ന്നു മ​ണി കൈ​ക്കു​ള്ളി​ലാ​ക്കി. ശ്രീ ​ച​ര​ണി​യാ​ണ് വി​ക്ക​റ്റ് നേ​ടി​യ​ത്. 28 പ​ന്തി​ൽ 30 റ​ണ്‍​സ് നേ​ടി​യ ഇം​ഗ്ലീ​ഷ് ബാ​റ്റ​ർ നാ​ലു ത​വ​ണ പ​ന്ത് ബൗ​ണ്ട​റി​യി​ലെ​ത്തി​ച്ചു. 62 പ​ന്തി​ൽ 89 റ​ണ്‍​സാ​ണ് മൂ​ന്നാം വി​ക്ക​റ്റി​ൽ ഹ​ർ​മ​ൻ​പ്രീ​ത്- സ്കൈ​വ​ർ ബ്ര​ന്‍റ് സ​ഖ്യം നേ​ടി​യ​ത്. ഈ ​സ​ഖ്യം പൊ​ളി​ഞ്ഞ​തോ​ടെ മും​ബൈ​യു​ടെ വി​ക്ക​റ്റ് വീ​ഴ്ച​ക​ൾ വേ​ഗ​ത്തി​ലാ​യി.

ഒ​ര​റ്റ​ത്ത് നി​ന്ന് ക്യാ​പ്റ്റ​ന് പി​ന്തു​ണ ന​ൽ​കാ​ൻ പി​ന്നാ​ലെ​യെ​ത്തി​വ​ർ​ക്കാ​യി​ല്ല. അ​മേ​ലി​യ കെ​ർ (ര​ണ്ട്), സ​ജ​ന സ​ജീ​വ​ൻ (പൂ​ജ്യം) എ​ന്നി​വ​രെ ജെ​സ് ജൊ​വാ​ൻ​സ​ണ്‍ 16-ാം ഓ​വ​റി​ൽ ഒ​രു പ​ന്തി​ന്‍റെ ഇ​ട​വേ​ള​യി​ൽ പു​റ​ത്താ​ക്കി​യ​തോ​ടെ അ​വ​സാ​ന ഓ​വ​റു​ക​ളി​ൽ സ്കോ​ർ ഉ​യ​ർ​ത്താ​മെ​ന്ന പ്ര​തീ​ക്ഷ ന​ഷ്ട​മാ​യി. 18-ാം ഓ​വ​റി​ന്‍റെ ആ​ദ്യ പ​ന്തി​ൽ ഹ​ർ​മ​ൻ​പ്രീ​തി​നെ അ​ന്ന​ബെ​ൽ സ​ത​ർ​ല​ൻ​ഡ് പു​റ​ത്താ​ക്കി. 44 പ​ന്തി​ൽ ഒ​ന്പ​തു ഫോ​റും ര​ണ്ടു സി​ക്സും സ​ഹി​തം 66 റ​ണ്‍​സ് നേ​ടി​യാ​ണ് ക്യാ​പ്റ്റ​ൻ പ​വ​ലി​യ​നി​ലേ​ക്കു തി​രി​ച്ചു​ക​യ​റി​യ​ത്.


അ​വ​സാ​ന ഓ​വ​റു​ക​ളി​ൽ ജി. ​ക​മാ​ലി​നി (10), അ​മ​ൻ​ജോ​ത് കൗ​ർ (14*), സം​സ്കൃ​തി ഗു​പ്ത (8*) എ​ന്നി​വ​രു​ടെ പ്ര​ക​ട​ന​മാ​ണ് മും​ബൈ​യെ 149ലെ​ത്തി​ച്ച​ത്.

നാ​ല് ഓ​വ​റി​ൽ 11 റ​ണ്‍​സ് മാ​ത്രം വ​ഴ​ങ്ങി ര​ണ്ടു വി​ക്ക​റ്റ് വീ​ഴ്ത്തി​യ മാ​രി​സെ​ൻ കാ​പ്പാ​ണ് മും​ബൈ​യെ ത​ക​ർ​ത്ത​ത്. ജെ​സ് ജോ​വാ​ൻ​സ​ണും ശ്രീ ​ച​ര​ണി​യും ര​ണ്ടു വി​ക്ക​റ്റ് വീ​തം വീ​ഴ്ത്തി.

മികച്ച ബൗളിംഗിൽ പിടിച്ചുകെട്ടി

മ​റു​പ​ടി​ ബാറ്റിംഗിനിറ​ങ്ങി​യ ഡ​ൽ​ഹി​ക്ക് ര​ണ്ടാം ഓ​വ​റി​ന്‍റെ അ​വ​സാ​ന പ​ന്തി​ൽ ക്യാ​പ്റ്റ​ൻ മെ​ഗ് ലാ​ന്നിം​ഗി​നെ (13) സ്കൈ​വ​ർ ബ്രേ​ന്‍റ് ക്ലീ​ൻ​ബൗ​ൾ​ഡാ​ക്കി. അ​ടു​ത്ത ഓ​വ​റി​ൽ ഷ​ഫാ​ലി വ​ർ​മ​യെ (നാ​ല്) ശ​ബ്നിം ഇ​സ്മാ​യി​ൽ വി​ക്ക​റ്റി​നു മു​ന്നി​ൽ കു​രു​ക്കി. വൈ​കാ​തെ ത​ന്നെ ജെ​സ് ജോ​നാ​സെ​നെ (13) അ​മേ​ലി​യ കെ​ർ വി​ക്ക​റ്റ്കീ​പ്പ​ർ യാ​സ്തി​ക ഭാ​ട്യ​യു​ടെ കൈ​ക​ളി​ലെ​ത്തി​ച്ചു.

സ​ത​ർ​ല​ൻ​ഡി​ന്‍റെ (ര​ണ്ട്) വി​ക്ക​റ്റ് പെ​ട്ടെ​ന്നു ന​ഷ്ട​മാ​യി. ഡ​ൽ​ഹി​ക്കു പ്ര​തീ​ക്ഷ​ക​ൾ ന​ൽ​കി ആ​ക്ര​മി​ച്ചു ക​ളി​ച്ച ജെ​മി​മ റോ​ഡ്രി​ഗ​സി​നെ (30) സ്വ​ന്തം പ​ന്തി​ൽ കെ​ർ പി​ടി​ച്ചു പു​റ​ത്താ​ക്കി. പി​ന്നീ​ട് സാ​റാ ബ്ര​യ്സ് റ​ണ്ണൗ​ട്ടാ​യി. ആ​റു വി​ക്ക​റ്റി​ന് 83 റ​ണ്‍​സ് എ​ന്ന ത​ക​ർ​ച്ച​യെ നേ​രി​ട്ട ഡ​ൽ​ഹി​യെ മാ​രി​സ​ൻ കാ​പ്പി​ന്‍റെ പ്ര​ക​ട​നം പ്ര​തീ​ക്ഷ​കൾ നല്കി. നി​ക്കി പ്ര​സാ​ദ് മി​ക​ച്ച പി​ന്തു​ണ ന​ല്കി. 18-ാം ഓ​വ​ർ എ​റി​യാ​ൻ ഹ​ർ​മ​ൻ​പ്രീ​ത് പ​ന്ത് സ്കൈ​വ​ർ ബ്രേ​ന്‍റി​ന്‍റെ കൈ​യി​ൽ പ​ന്തേ​ൽ​പ്പി​ച്ചു. ഈ ​നീ​ക്കം ഫ​ലം ചെ​യ്തു മി​ക​ച്ച രീ​തി​യി​ൽ ക​ളി​ച്ച കാ​പ്പ് (26 പ​ന്തി​ൽ 40) ഹെ​യ്ലി മാ​ത്യൂ​സി​ന്‍റെ കൈ​ക​ളി​ലെ​ത്തി.

40 റ​ണ്‍​സാ​ണ് ആ​റാം വി​ക്ക​റ്റ് കൂ​ട്ടു​കെ​ട്ടി​ലെ​ത്തി​യ​ത്. അ​ടു​ത്ത പ​ന്തി​ൽ ശി​ഖ പാ​ണ്ഡെ​യും പു​റ​ത്താ​യ​തോ​ടെ ഡ​ൽ​ഹി തോ​ൽ​വി ഉ​റ​പ്പി​ച്ചു. ഒ​രോ​വ​റി​നു​ശേ​ഷം മി​ന്നു മ​ണി​യും (നാ​ല്) പു​റ​ത്താ​യി. 19-ാം ഓ​വ​റി​ൽ നി​ക്കി സി​ക്സ് നേ​ടി പ്ര​തീ​ക്ഷ​ക​ൾ ന​ൽ​കി. അ​വ​സാ​ന ആ​റു പ​ന്തി​ൽ ഡ​ൽ​ഹി​ക്കു ജ​യി​ക്കാ​ൻ 14 റ​ണ്‍​സ്. സ്കൈ​വ​ർ ബ്രേ​ന്‍റ് എ​റി​ഞ്ഞ ഓ​വ​റി​ൽ അ​ഞ്ചു റ​ണ്‍​സ് മാ​ത്ര​മെ​ടു​ക്കാ​നെ സാ​ധി​ച്ചു​ള്ളൂ. സ്കൈ​വ​ർ ബ്രേ​ന്‍റ് മൂ​ന്നും അ​മേ​ലി​യ കെ​ർ ര​ണ്ടു വി​ക്ക​റ്റും വീ​ഴ്ത്തി.