നാ​ഗ്പു​ർ: നാ​ഗ്പുരി​ൽ വി​ദ​ർ​ഭ​യെ നേ​രി​ടാ​നൊ​രു​ങ്ങു​ന്ന കേ​ര​ള​ത്തി​ന് വെ​ല്ലു​വി​ളി​ക​ൾ ഏ​റെ​യു​ണ്ടെങ്കി​ലും അ​നു​കൂ​ല ഘ​ട​ക​ങ്ങ​ളും കു​റ​വ​ല്ല. കി​ട്ടി​യാ​ലൊ​രു ര​ഞ്ജി കി​രീ​ടം എ​ന്ന സ​മ്മ​ർദ​മി​ല്ലാ​യ്മത​ന്നെ ഏ​റ്റ​വും പ്ര​ധാ​നം.

1983 ൽ ​ക​പി​ലി​ന്‍റെ ചെ​കു​ത്താ​ൻ​മാ​ർ ക്ലൈ​വ് ലോ​യി​ഡി​ന്‍റെ നേ​തൃ​ത്വ​ത്തി​ലു​ള്ള വെ​സ്റ്റ് ഇ​ൻ​ഡീ​സി​നെ നേ​രി​ട്ട​പ്പോ​ൾ ഇ​ന്ത്യ അ​നു​ഭ​വി​ച്ച​തി​ന്‍റെ ഒ​രു ര​ഞ്ജി പ​തി​പ്പ്.ഇ​തി​നൊ​പ്പ​മാ​ണ് വി​ദ​ർ​ഭ​യി​ൽ അ​വ​സാ​ന മ​ത്സ​രം​വ​രെ​യെ​ത്തി​യ ഈ ​സീ​സ​ണി​ലെ പോ​രാ​ട്ട​ങ്ങ​ളി​ൽ പ്ര​തി​സ​ന്ധിഘ​ട്ട​ങ്ങ​ളി​ലെ​ല്ലാം കേ​ര​ള ക​ളി​ക്കാ​ർ പ്ര​ക​ടി​പ്പി​ച്ച അ​സാ​ധാ​ര​ണ​മാ​യ മ​ന​ക്ക​രു​ത്ത്.

ജ​മ്മു​കാ​ഷ്മീ​രി​നെ​തി​രേ ക്വാ​ർ​ട്ട​റി​ലെ മൂ​ന്നാം​ദി​നം ഒ​ന്നാം​ത​ര​മൊ​രു ഉ​ദാ​ഹ​ര​ണം. ആ​ദ്യ ഇ​ന്നിം​ഗ്സി​ൽ 80 റ​ണ്‍സി​ന് പി​ന്നി​ലാ​യി​രു​ന്ന കേ​ര​ള​ത്തി​ന്‍റെ അ​വ​സാ​ന വി​ക്ക​റ്റ് കൂ​ട്ടു​കെ​ട്ടാ​യി​രു​ന്നു സ​ൽ​മാ​ൻ നി​സാ​ർ-​ബേ​സി​ൽ ത​ന്പി സ​ഖ്യം.

ലീ​ഡ് വ​ഴ​ങ്ങു​ക എ​ന്നാ​ൽ പു​റ​ത്താ​കു​ക എ​ന്ന അ​വ​സ്ഥ. അ​ന്ന് രാ​ത്രി ടീം ​മീ​റ്റിം​ഗി​ൽ പ്ര​ധാ​ന​ച​ർ​ച്ച മ​റ്റൊ​ന്നാ​കി​ല്ല​ല്ലോ. ആ ​സ​മ​യ​ത്താ​ണ് മു​ഖ്യ​പ​രി​ശീ​ല​ക​നും മു​ൻ ഇ​ന്ത്യ​ൻ താ​ര​വു​മാ​യ അ​മ​യ് ഖു​റാ​സി​യ ഒ​രു വീ​ഡി​യോ ക​ളി​ക്കാ​രെ കാ​ണി​ക്കു​ന്ന​ത്.

2004ൽ ​ന്യൂ​സി​ല​ൻ​ഡി​നെ​തിരേ ബ്രി​സ്ബേ​യ്നി​ൽ ഓ​സ്ട്രേ​ലി​യ​യു​ടെ ഫാ​സ്റ്റ്ബൗ​ളിം​ഗ് ഇ​തി​ഹാ​സ​ങ്ങ​ളാ​യ ഗ്ലെ​ൻ മ​ഗ്രാ​ത്തും ജേ​സ​ണ്‍ ഗി​ല്ല​പ്സി​യും പ​ത്താം​വി​ക്ക​റ്റി​ൽ 114 റ​ണ്‍സ് അ​ടി​ച്ചെ​ടു​ത്ത​താ​യി​രു​ന്നു വീ​ഡി​യോ​യി​ൽ. ഓ​സ്ട്രേ​ലി​യ വി​ജ​യി​ച്ച​ത് ഈ ​ര​ണ്ട ് ബൗ​ള​ർ​മാ​രു​ടെ ബാ​റ്റിം​ഗ് പ്രകടനത്തി​ലൂ​ടെ​യാ​യി​രു​ന്നു.

ക്യാ​പ്റ്റ​ൻ സ​ച്ചി​ൻ ബേ​ബി​ക്കു​പോ​ലും ഒ​രു ഘ​ട്ട​ത്തി​ൽ മു​ഖ്യ​പ​രി​ശീ​ല​ക​ന്‍റെ ആ​ത്മ​വി​ശ്വാ​സം അ​തി​രു​ക​ട​ന്ന​താ​ണോ എ​ന്ന സം​ശ​യ​മുണ്ടായി​രു​ന്നു. ജ​മ്മു​കാ​ഷ്മി​രി​ന്‍റെ 280 റ​ണ്‍സി​നെ​തി​രേ കേ​ര​ളം ഒ​ന്പ​ത് വി​ക്ക​റ്റി​ന് 200 റ​ണ്‍സ് എ​ന്ന നി​ല​യി​ലാ​യി​രു​ന്നു.

പി​റ്റേ​ന്ന് ക്രീ​സി​ലെ​ത്തി​യ സ​ൽ​മാ​ൻ നി​സാ​ർ-​ബേ​സി​ൽ ത​ന്പി സ​ഖ്യം അ​ക്ഷ​രാ​ർ​ഥ​ത്തി​ൽ അ​തു പ്രാ​വ​ർ​ത്തി​ക​മാ​ക്കി. ഇ​രു​വ​രും ചേ​ർ​ന്ന് 81 റ​ണ്‍സ് കൂ​ട്ടു​കെ​ട്ട് പ​ടു​ത്തു​യ​ർ​ത്തി​യ​തോ​ടെ കേ​ര​ള​ത്തി​ന് വി​ല​പ്പെ​ട്ട ഒ​രു റ​ണ്‍ ലീ​ഡ് ആ​യി. 112 റ​ണ്ണു​മാ​യി അ​പ​രാ​ജി​ത​നാ​യി നി​ന്ന സ​ൽ​മാ​ൻ നി​സാ​റി​നൊ​പ്പം 35 പ​ന്ത് നേ​രി​ട്ട് 15 റ​ണ്‍സ് എ​ടു​ത്ത ബേ​സി​ലി​ന്‍റെ പോ​രാ​ട്ടം ടീ​മി​നെ അ​ടു​ത്ത ഘ​ട്ട​ത്തി​ലെ​ത്തി​ച്ചു.

ഗു​ജ​റാ​ത്തി​നെ​തി​രാ​യ സെ​മി​യും നാ​ട​കീ​യ​ത നി​റ​ഞ്ഞ​താ​യി​രു​ന്നു. ലീ​ഡ് നേ​ടാ​നും ഫൈ​ന​ലി​ലേ​ക്ക് യോ​ഗ്യ​ത നേ​ടാ​നും ഗു​ജ​റാ​ത്തി​ന്‍റെ അ​വ​സാ​ന വി​ക്ക​റ്റി​ൽ ര​ണ്ട് റ​ണ്‍സാ​യി​രു​ന്നു ആ​വ​ശ്യം.


അ​ർ​സാ​ൻ നാഗസ്‌വാല പ​ന്ത് ലെ​ഗ് സൈ​ഡി​ലേ​ക്ക് വ​ലി​ച്ച​ടി​ക്കു​ന്പോ​ൾ സ​ൽ​മാ​ൻ നി​സാ​റി​ന് ഒ​ഴി​ഞ്ഞു​മാ​റാ​ൻ പോ​ലു​മാ​യി​ല്ല. ഹെ​ൽ​മെ​റ്റി​ൽ തട്ടിത്തെറിച്ച് നേരേ ക്യാ​പ്റ്റ​ന്‍റെ കൈ​ക​ളി​ലേ​ക്ക്. ഫൈ​ന​ൽ ക​ളി​ക്കാ​നു​ള്ള കേ​ര​ള​ത്തി​ന്‍റെ നി​യോ​ഗം അ​ങ്ങ​നെ സ​ഫ​ല​മാ​കു​ക​യാ​യി​രു​ന്നു.

അ​ത​ല്ലേ ഹീ​റോ​യി​സം

നാ​ഗ്പു​ർ: പാ​തു​വേ വ​ര​ണ്ട കാ​ലാ​വ​സ്ഥ​യാ​ണ് വി​ദ​ർ​ഭ മേ​ഖ​ല​യി​ലെ​ങ്കി​ൽ സ​മീ​പ​ദി​വ​സ​ങ്ങ​ളി​ലും വ​രും​ദി​വ​സ​ങ്ങ​ളി​ലും അ​ങ്ങ​നെ​യ​ല്ല. 32 ഡി​ഗ്രി സെ​ൽ​ഷസാ​യി​രു​ന്നു ജാം​ത സ്റ്റേ​ഡി​യ​ത്തി​ലെ ഇ​ന്ന​ല​ത്തെ താ​പ​നി​ല. വ​രും​ദി​വ​സ​ങ്ങ​ളി​ൽ താ​പ​നി​ല 37ഡി​ഗ്രി​വ​രെ എ​ത്തു​മെ​ന്നാ​ണു ക​രു​തു​ന്ന​ത്. പ്ര​കൃ​തി​യു​ടെ ഈ ​സം​യ​മ​നം ക​ളി​ക്ക​ള​ത്തി​ൽ ഉ​ണ്ടാ​കു​മോ​യെ​ന്ന് ക​ണ്ട​റി​യ​ണം.

പ്ര​ത്യേ​കി​ച്ചും കേ​ര​ള​ത്തി​ലെ​ത്തി കേ​ര​ള​ത്തെ കെ​ട്ടു​കെ​ട്ടി​ച്ച ച​രി​ത്ര​മു​ള്ള വി​ദ​ർ​ഭ​യ്ക്കു മ​റു​പ​ടി ന​ൽ​കാ​ൻ ഇ​തി​ലും ന​ല്ലൊ​രു അ​വ​സ​ര​മി​ല്ല. വി​ദ​ർ​ഭ​യി​ലെ​ത്തി വി​ദ​ർ​ഭ​യെ കീ​ഴ​ട​ക്കി കി​രീ​ടം സ്വ​ന്ത​മാ​ക്കു​ക എ​ന്ന ഹീ​റോ​യി​സം. 2019 ജ​നു​വ​രി അ​വ​സാ​നം ന​ട​ന്ന ആ ​വ​ർ​ഷ​ത്തെ ര​ഞ്ജി സെ​മി​ഫൈ​ന​ലി​ൽ കേ​ര​ള​ത്തെ വി​ദ​ർ​ഭ ത​ക​ർ​ത്തെ​റി​യു​ക​യാ​യി​രു​ന്നു. വ​യ​നാ​ട് കൃ​ഷ്ണ​ഗി​രി സ്റ്റേ​ജി​യ​ത്തി​ൽ ന​ട​ന്ന മ​ത്സ​ര​ത്തി​ൽ ര​ണ്ട് ഇ​ന്നിം​ഗ്സു​ക​ളി​ലു​മാ​യി മു​ൻ ഇ​ന്ത്യ​ൻ പേ​സ​ർ ക​ട​പു​ഴ​ക്കി​യ​ത് 12 വി​ക്ക​റ്റു​ക​ളാ​യി​രു​ന്നു.

ആ​ദ്യ ഇ​ന്നിം​ഗ്സി​ൽ സ​ച്ചി​ൻ ബേ​ബി​ക്കും വി​ഷ്ണു വി​നോ​ദി​നും ബേ​സി​ൽ ത​ന്പി​ക്കും ഒ​ഴി​കെ കേ​ര​ള ബാ​റ്റ​ർ​മാ​ർ​ക്കൊ​ന്നും ര​ണ്ട​ക്കം ക​ണ്ടെ​ത്താ​നാ​യി​ല്ല. ഉ​മേ​ഷ് യാ​ദ​വ് ഏ​ഴും ര​ജ​നീ​ഷ് ഗു​ർ​ബാ​നി മൂ​ന്നും വി​ക്ക​റ്റു​ക​ൾ പ​ങ്കി​ട്ടെ​ടു​ത്തതോ​ടെ കേ​ര​ളം ആ​ദ്യ ഇ​ന്നിം​ഗ്സി​ൽ 106 നു ​പു​റ​ത്താ​യി.കേ​ര​ള​ത്തി​നു​വേ​ണ്ടി സ​ന്ദീ​പ് വാ​രി​യ​ർ അ​ഞ്ചും ബേ​സി​ൽ​ത​ന്പി മൂ​ന്നും വി​ക്ക​റ്റു​ക​ൾ വീ​ഴ്ത്തി​യെ​ങ്കി​ലും വി​ദ​ർ​ഭ ആ​ദ്യ ഇ​ന്നിം​ഗ്സി​ൽ 208 റ​ണ്‍​സ് അ​ടി​ച്ചെ​ടു​ത്തു.

ര​ണ്ടാം ഇ​ന്നിം​ഗ്സി​ലാ​ക​ട്ടെ ഉ​മേ​ഷ് യാ​ദ​വി​നൊ​പ്പം യാ​ഷ് താ​ക്കൂ​റും കൂ​ടി അ​പ​ക​ടം വി​ത​ച്ച​തോ​ടെ കേ​ര​ളം 91 ന് ​ഓ​ൾ ഔ​ട്ടാ​യി. വി​ദ​ർ​ഭ ക​ലാ​ശ​ക്ക​ളി​ക്ക് അ​ർ​ഹ നേ​ടു​ക​യും ചെ​യ്തു. ച​രി​ത്ര​ത്തി​ലാ​ദ്യ​മാ​യി സെ​മി​യി​ൽ പ്ര​വേ​ശി​ച്ച കേ​ര​ള​ത്തി​ന്‍റെ തു​ട​ർ​യാ​ത്ര അ​വ​സാ​നി​പ്പി​ച്ച വി​ദ​ർ​ഭ​യോ​ട് ആ​റു വ​ർ​ഷ​ത്തി​നു​ശേ​ഷം പ​ക​രം വീ​ട്ടാ​ൻ കേ​ര​ള​ത്തി​ന് ആ​കു​മോ?