വ​ണ്ടി​ത്താ​വ​ളം: ക​നാ​ലി​ൽ വെ​ള്ളം​ചാ​ടു​ന്ന സ്ഥ​ല​ത്ത് യ​ന്ത്രം ഘ​ടി​പ്പി​ച്ച് വൈ​ദ്യു​തി ഉ​ത്പാ​ദി​പ്പി​ക്കാ​നു​ള്ള നൂ​ത​ന പ​ദ്ധ​തി​ക്ക് വ​ണ്ടി​ത്താ​വ​ള​ത്ത് പ​രീ​ക്ഷ​ണാ​ടി​സ്ഥാ​ന​ത്തി​ൽ തു​ട​ക്കം കു​റി​ച്ചു. പാ​ട്ടി​ക്കു​ളം പാ​ല​ത്തി​ന​ടു​ത്താ​ണ് ക​നാ​ലി​ൽ യ​ന്ത്രം ഘ​ടി​പ്പി​ച്ചി​രി​ക്കു​ന്ന​ത്. അ​ടു​ത്താ​യി ട്രാ​ൻ​സ്ഫോ​ർ​മ​റും പ​ണി​തി​ട്ടു​ണ്ട്. വെ​ള്ളം യ​ന്ത്ര​ത്തി​ൽ ഘ​ടി​പ്പി​ച്ച ലീ​ഫു​ക​ളി​ൽ കു​ത്തി​ഒ​ഴു​കി ആ​ന്‍റി ക്ലോ​ക്ക്‌​വൈ​സി​ൽ ശ​ക്തി​യാ​യി ക​റ​ങ്ങു​മ്പോ​ൾ സൈ​ക്കി​ൾ ഡൈ​നാ​മൊ രീ​തി​യി​ലാ​ണ് വൈ​ദ്യു​തി ഉ​ത്പാ​ദി​ക്കു​ന്ന​ത്.

ഇ​ക്ക​ഴി​ഞ്ഞദി​വ​സം ക​നാ​ലി​ൽ വെ​ള്ളമി​റ​ക്കി പ​രീ​ക്ഷ​ണാ​ടി​സ്ഥാ​ന​ത്തി​ൽ യ​ന്ത്രം പ്ര​വ​ർ​ത്തി​പ്പി​ച്ച​തി​ൽ വി​ജ​യം ക​ണ്ടി​ട്ടു​ണ്ടെ​ങ്കി​ലും ചെ​റി​യ​തോ​തി​ൽ ക്ര​മീ​ക​ര​ണം ന​ട​ത്തി വീ​ണ്ടും പ​രീ​ക്ഷ​ണ​ത്തി​നൊ​രു​ങ്ങു​ക​യാ​ണ് ബ​ന്ധ​പ്പെ​ട്ട വ​കു​പ്പ​ധി​കൃ​ത​ർ. നൂ​റു​ശ​ത​മാ​നം വി​ജ​യം ക​ണ്ടാ​ൽ പ്ലാ​ന്‍റ് വൈ​ദ്യു​തി വ​കു​പ്പി​നു കൈ​മാ​റും. കൂ​ടു​ത​ൽ സാ​മ്പ​ത്തി​ക​ബാ​ധ്യ​ത ഉ​ണ്ടാ​വാ​ത്ത പ​ദ്ധ​തി​യെ​ന്ന​തി​നാ​ൽ ക​നാ​ലു​ക​ളി​ൽ കു​ത്ത​നെ​യു​ള്ള വെ​ള്ള​ച്ചാ​ട്ട​ങ്ങ​ളി​ലെ​ല്ലാം ഇ​ത്ത​രം വൈ​ദ്യു​തി നി​ർ​മാ​ണ യൂ​ണി​റ്റ് സ്ഥാ​പി​ക്കാ​നും ല​ക്ഷ്യ​മി​ടു​ന്നു​ണ്ട്. സം​സ്ഥാ​ന​ത്ത് ആ​ദ്യ​മാ​യാ​ണ് പാ​ട്ടി​കു​ള​ത്ത് നൂ​ത​ന​സാ​ങ്കേ​തി​ക​വി​ദ്യ​യി​ൽ വൈ​ദ്യു​തി ഉ​ത്പാ​ദ​ന​ത്തി​ന് ത​യാ​റാ​യി​രി​ക്കു​ന്ന​ത്. കൊ​ടു​വാ​യൂ​ർ- പൊ​ള്ളാ​ച്ചി പ്ര​ധാ​ന​പാ​ത​യ്ക്ക​രി​കി​ലെ ക​നാ​ലി​ലാ​ണ് യൂ​ണി​റ്റ് സ്ഥാ​പി​ച്ചി​ട്ടു​ള്ള​ത്.