ഒ​റ്റ​പ്പാ​ലം: ഒ​റ്റ​പ്പാ​ല​ത്തു സ്റ്റേ​ഡി​യം നി​ർ​മി​ക്കാ​ൻ ന​ട​പ​ടി​ക​ൾ തു​ട​ങ്ങി. ക​ണ്ണി​യം​പു​റം സ​ർ​ക്കാ​ർ ബ​ധി​ര സ്കൂ​ൾ മൈ​താ​ന​മാ​ണു സ്റ്റേ​ഡി​യ​മാ​ക്കി മാ​റ്റു​ന്ന​ത്. ഇ​തി​ന്‍റെ ദ​ർ​ഘാ​സ് ന​ട​പ​ടികൾ തു​ട​ങ്ങി​ക്ക​ഴി​ഞ്ഞു.

2021- 22 വ​ർ​ഷ​ത്തെ ബ​ജ​റ്റി​ലെ പ​ത്തു​കോ​ടി​രൂ​പ വി​നി​യോ​ഗി​ച്ചാ​ണ് നി​ർ​മാ​ണം. സ്ഥ​ല​പ​രി​മി​തി ക​ണ​ക്കി​ലെ​ടു​ത്ത് ഇ​ൻ​ഡോ​ർ​സ്റ്റേ​ഡി​യം പ​ദ്ധ​തി​മാ​റ്റി ഒ​റ്റ​പ്പാ​ലം സ്റ്റേ​ഡി​യ​മെ​ന്ന പേ​രി​ലാ​ണു പ​ദ്ധ​തി ന​ട​പ്പാ​ക്കു​ന്ന​ത്. ഇ​തി​നു​വേ​ണ്ടി​യു​ള്ള ഒ​രേ​ക്ക​റി​ല​ധി​കം വ​രു​ന്ന സ്ഥ​ല​ത്തി​ന്‍റെ ഏ​റ്റെ​ടു​ക്ക​ൽ​ന​ട​പ​ടി നേ​ര​ത്തെ പൂ​ർ​ത്തി​യാ​യി​രു​ന്നു.

കാ​യി​ക​വ​കു​പ്പി​നു കീ​ഴി​ലു​ള്ള സ്പോ​ർ​ട്സ് ഫൗ​ണ്ടേ​ഷ​ൻ കേ​ര​ള​യ്ക്കാ​ണ് നി​ർ​മാ​ണ​ച്ചു​മ​ത​ല. ഭി​ന്ന​ശേ​ഷി​ക്കാ​രെ​ക്കൂ​ടി പ​രി​ഗ​ണി​ച്ചു അ​ത്യാ​ധു​നി​ക സൗ​ക​ര്യ​ങ്ങ​ളോ​ടെ​യു​ള്ള മ​ൾ​ട്ടി​പ​ർ​പ്പ​സ് സ്റ്റേ​ഡി​യ​മാ​ണ് വി​ഭാ​വ​നം ചെ​യ്തി​ട്ടു​ള്ള​ത്. റാം​പ് സൗ​ക​ര്യ​ത്തോ​ടെ ഇ​ൻ​ഡോ​ർ ഗെ​യിം​സ് ക​ളി​ക്കാ​നു​ള്ള എ​ല്ലാ​വി​ധ സം​വി​ധാ​ന​ങ്ങ​ളും സ്റ്റേ​ഡി​യ​ത്തി​ലു​ണ്ടാ​കും. ര​ണ്ടു ബാ​സ്‌​ക​റ്റ്ബോ​ൾ കോ​ർ​ട്ട്, ആ​റു ഷ​ട്ടി​ൽ ബാ​ഡ്‌​മി​ന്‍റ​ൺ കോ​ർ​ട്ടു​ക​ൾ, നാ​ലു​വോ​ളി​ബോ​ൾ കോ​ർ​ട്ടു​ക​ൾ തു​ട​ങ്ങി​യ​വ​യാ​ണ് സ്റ്റേ​ഡി​യ​ത്തി​ലു​ണ്ടാ​കു​ക. 2013ലാ​ണ് ഒ​റ്റ​പ്പാ​ല​ത്തൊ​രു ഇ​ൻ​ഡോ​ർ സ്റ്റേ​ഡി​യ​മെ​ന്ന ആ​ശ​യ​മു​യ​രു​ന്ന​ത്. ആ​ദ്യം ക​ണ്ണി​യം​പു​റം സ​ർ​ക്കാ​ർ ബ​ധി​ര സ്കൂ​ൾ മൈ​താ​നം ഇ​തി​നു​വേ​ണ്ടി ക​ണ്ടെ​ത്തി​യെ​ങ്കി​ലും പ​ദ്ധ​തി പ്രാ​വ​ർ​ത്തി​ക​മാ​യി​ല്ല. പി​ന്നീ​ട് ക​ണ്ണി​യം​പു​റം കാ​ഞ്ഞി​ര​പ്പു​ഴ ഇ​റി​ഗേ​ഷ​ൻ പ​ദ്ധ​തി​യു​ടെ ഓ​ഫീ​സ്കെ​ട്ടി​ടം നി​ൽ​ക്കു​ന്ന സ്ഥ​ല​ത്തേ​ക്ക് മാ​റ്റി.

എ​ന്നാ​ൽ, ജ​ല​സേ​ച​ന​വ​കു​പ്പി​ൽ​നി​ന്ന് സ്ഥ​ലം വി​ട്ടു​കി​ട്ടാ​ത്ത​തി​നാ​ൽ പ​ദ്ധ​തി നീ​ണ്ടു. സ്ഥ​ല​ല​ഭ്യ​ത ക​ണ​ക്കി​ലെ​ടു​ത്തു പ​ദ്ധ​തി​വീ​ണ്ടും ഒ​റ്റ​പ്പാ​ലം ബ​ധി​രവി​ദ്യാ​ല​യ​ത്തി​ന്‍റെ വ​ള​പ്പി​ൽ തീ​രു​മാ​നി​ക്കു​ക​യാ​യി​രു​ന്നു.