പാ​ല​ക്കാ​ട്: ജി​ല്ലാ കു​ടും​ബ​ശ്രീ മി​ഷ​ന്‍റെ നേ​തൃ​ത്വ​ത്തി​ൽ അ​ജൈ​വ​മാ​ലി​ന്യ​ങ്ങ​ളി​ൽ നി​ന്നും പു​ന​രു​പ​യോ​ഗി​ക്കാ​വു​ന്ന വ​സ്തു​ക്ക​ൾ നി​ർ​മി​ക്കു​ന്ന​തി​നു​ള്ള മെ​ഗാ പ​രി​ശീ​ല​ന​പ​രി​പാ​ടി​യും ജി​ല്ല​യി​ലെ വി​വി​ധ മേ​ഖ​ല​ക​ളി​ൽ നി​ന്ന് കു​ടും​ബ​ശ്രീ സ്നേ​ഹി​ത​യു​ടെ നേ​തൃ​ത്വ​ത്തി​ലു​ള്ള ക​ത്ത് സ​മാ​ഹ​ര​വും ടാ​ല​ന്‍റ് ബു​ക്ക് ഓ​ഫ് റി​ക്കാ​ർ​ഡി​ൽ ഇ​ടം ക​ര​സ്ഥ​മാ​ക്കി.

ച​ട​ങ്ങി​ൽ കേ​ര​ള ഗി​ന്ന​സ് റി​ക്കാ​ർ​ഡ് ഹോ​ൾ​ഡേ​ഴ്സ് സം​സ്ഥാ​ന പ്ര​സി​ഡ​ന്‍റ് ഗി​ന്ന​സ് സ​ത്താ​ർ ആ​ദൂ​ർ ജി​ല്ലാ കു​ടും​ബ​ശ്രീ​യെ അ​വാ​ർ​ഡ് ജേ​താ​ക്ക​ളാ​യി പ്ര​ഖ്യാ​പി​ച്ചു. ഏ​റ്റ​വും കൂ​ടു​ത​ൽ ക​ത്തു​ക​ൾ ല​ഭി​ക്ക​പ്പെ​ട്ട ജ​ൻ​ഡ​ർ സ​പ്പോ​ർ​ട്ട് സം​രം​ഭം, ഒ​രു ജി​ല്ല​യി​ൽ സ്ത്രീ​ക​ൾ ന​യി​ക്കു​ന്ന ഏ​റ്റ​വും​വ​ലി​യ പു​ന​രു​ത്പാ​ദ​ന പ​രി​ശീ​ല​ന​പ​രി​പാ​ടി എ​ന്നീ വി​ഭാ​ഗ​ങ്ങ​ളി​ലാ​ണ് കു​ടും​ബ​ശ്രീ അ​വാ​ർ​ഡ് ക​ര​സ്ഥ​മാ​ക്കി​യ​ത്.

ജി​ല്ലാ കു​ടും​ബ​ശ്രീ​മി​ഷ​ന്‍റെ നേ​തൃ​ത്വ​ത്തി​ൽ മാ​ലി​ന്യ​മു​ക്ത ന​വ​കേ​ര​ള കാ​ന്പ​യി​നു​മാ​യി ബ​ന്ധ​പ്പെ​ട്ട അ​ജൈ​വ​മാ​ലി​ന്യ​ങ്ങ​ളി​ൽ നി​ന്നും ഉ​പ​കാ​ര​പ്ര​ദ​മാ​യ വ​സ്തു​ക്ക​ളും വി​വി​ധ​ത​രം അ​ല​ങ്കാ​ര​ങ്ങ​ൾ​ക്കും മ​റ്റും ഉ​പ​യോ​ഗി​ക്കാ​വു​ന്ന വ​സ്തു​ക്ക​ളും വി​ല്പ​ന​യ്ക്ക് ക​ഴി​യു​ന്ന​തു​മാ​യ വ​സ്തു​ക്ക​ളും നി​ർ​മി​ക്കു​ന്ന​തി​നു​ള്ള മെ​ഗാ പ​രി​ശീ​ല​ന​പ​രി​പാ​ടി​യാ​ണ് സം​ഘ​ടി​പ്പി​ച്ച​ത്.

അ​പ്സൈ​ക്കി​ളിം​ഗ് ആ​ർ​ട്ട് എ​ന്നു പേ​രു ന​ൽ​കി​യി​ട്ടു​ള്ള പ​രി​ശീ​ല​ന​പ​രി​പാ​ടി​യി​ൽ ജി​ല്ല​യി​ലെ 97 സി​ഡി​എ​സു​ക​ളി​ൽ നി​ന്നും തെ​ര​ഞ്ഞെ​ടു​ക്ക​പ്പെ​ട്ട 333 വ​നി​ത​ക​ൾ​ക്കാ​ണ് പ​രി​ശീ​ല​നം ന​ൽ​കാ​ൻ തീ​രു​മാ​നി​ച്ചി​രു​ന്ന​ത് എ​ങ്കി​ലും 358 ര​ജി​സ്ട്രേ​ഷ​നു​ക​ൾ രേ​ഖ​പ്പെ​ടു​ത്തി.

സ​മൂ​ഹ​ത്തി​ൽ അ​തി​ക്ര​മ​ങ്ങ​ളും ചൂ​ഷ​ണ​ങ്ങ​ളും നേ​രി​ടു​ന്ന സ്ത്രീ​ക​ൾ​ക്കും കു​ട്ടി​ക​ൾ​ക്കും സു​ര​ക്ഷ ഉ​റ​പ്പാ​ക്കി​ 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന സ്നേ​ഹി​ത ജെ​ൻ​ഡ​ർ ഹെ​ൽ​പ്പ് ഡെ​സ്ക് സ്ഥാ​പ​നം പ​ത്തു​വ​ർ​ഷം പി​ന്നി​ടു​ന്ന അ​വ​സ​ര​ത്തി​ൽ സ്നേ​ഹി​ത​യു​ടെ സേ​വ​നം കൂ​ടു​ത​ൽ ആ​ളു​ക​ളി​ലേ​ക്ക് എ​ത്തി​ക്കു​ക എ​ന്ന ല​ക്ഷ്യം മു​ൻ​നി​ർ​ത്തി​ക്കൊ​ണ്ട് ജി​ല്ല​യി​ലെ വി​വി​ധ മേ​ഖ​ല​ക​ളി​ലു​ള്ള കു​ടും​ബ​ശ്രീ അം​ഗ​ങ്ങ​ളി​ൽ നി​ന്നും സ്ത്രീ ​സു​ര​ക്ഷ​യും ശാ​ക്തീ​ക​ര​ണ​വും എ​ന്ന വി​ഷ​യ​ത്തി​ൽ 3333 ക​ത്തു​ക​ളാ​ണ് ശേ​ഖ​രി​ച്ചി​രു​ന്ന​ത്. കോ​ട്ട​മൈ​താ​ന​ത്ത് ന​ട​ന്ന പ​രി​പാ​ടി​യു​ടെ ഉ​ദ്ഘാ​ട​നം ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് കെ. ​ബി​നു​മോ​ൾ നി​ർ​വ​ഹി​ച്ചു.

ജി​ല്ലാ പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് സി.കെ. ചാ​മു​ണ്ണി അ​ധ്യ​ക്ഷ​ത വ​ഹി​ച്ചു. ന​ഗ​ര​സ​ഭ ചെ​യ​ർ​പേ​ഴ്സ​ണ്‍ പ്ര​മീ​ള ശ​ശി​ധ​ര​ൻ വി​ശി​ഷ്ടാ​തി​ഥി​യാ​യി. എ. ​പ്രേം​കു​മാ​ർ, പി. ​സെ​യ്ത​ല​വി, കെ.​കെ. ച​ന്ദ്ര​ദാ​സ്, സു​ലോ​ച​ന, ഉ​ണ്ണി​കൃ​ഷ്ണ​ൻ, കു​ടും​ബ​ശ്രീ പ്ര​വ​ർ​ത്ത​ക​ർ തു​ട​ങ്ങി​യ​വ​ർ പ​ങ്കെ​ടു​ത്തു.