നെ​ന്മാ​റ: വി​ല്ലേ​ജ് ഓ​ഫീ​സു​ക​ളി​ൽ ജീ​വ​ന​ക്കാ​രു​ടെ കു​റ​വുമൂലം സാ​ധാ​ര​ണ​ക്കാ​ർ ദു​രി​ത​ത്തി​ൽ. ചി​റ്റൂ​ർ താ​ലൂ​ക്കി​ലെ ക​യ​റാ​ടി വി​ല്ലേ​ജി​ൽ ഓ​ഫീ​സ​ർ ഇ​ല്ലാ​താ​യി​ട്ട് ര​ണ്ടു​മാ​സം. പൊ​തു​ജ​ന​ങ്ങ​ൾ നി​ര​ന്ത​രം ബ​ന്ധ​പ്പെ​ടു​ന്ന ഓ​ഫീ​സു​ക​ളി​ലെ ത​സ്തി​ക​ക​ൾ ഒ​ഴി​ഞ്ഞുകി​ട​ക്കു​ന്ന​തുമൂ​ലം നി​ര​വ​ധി സാ​ങ്കേ​തി​കപ്ര​ശ്ന​ങ്ങ​ളും ഉ​ട​ലെ​ടു​ക്കു​ന്നു. തി​രു​വ​ഴി​യാ​ട് വി​ല്ലേ​ജി​ൽ സ്പെ​ഷൽ വി​ല്ലേ​ജ് ഓ​ഫീ​സ​ർ ത​സ്തി​ക​യും മാ​സ​ങ്ങ​ളാ​യി ഒ​ഴി​ഞ്ഞു കി​ട​ക്കു​ന്നു.

ക​യ​റാ​ടി വി​ല്ലേ​ജി​ൽ നി​ല​വി​ലു​ണ്ടാ​യി​രു​ന്ന വി​ല്ലേ​ജ് ഓ​ഫീ​സ​ർ നെ​ല്ലി​യാ​മ്പ​തി​യി​ലേ​ക്ക് ജ​നു​വ​രി​യി​ൽ സ്ഥ​ലം മാ​റി​യ​തോ​ടെ​യാ​ണ് ഒ​ഴി​വ് വ​ന്ന​ത്. പ​ക​രം ആ​ളെ നി​യ​മി​ച്ചെ​ങ്കി​ലും പു​തി​യ സ്ഥ​ല​ത്ത് ക​യ​റാ​ടി​യി​ൽ ജോ​ലി​യി​ൽ പ്ര​വേ​ശി​ക്കു​ന്ന​തി​ന് മു​മ്പ് ത​ന്നെ അ​ദ്ദേ​ഹം നാ​ട്ടി​ലേ​ക്ക് സ്ഥ​ലം മാ​റ്റം വാ​ങ്ങി പോ​യ​തോ​ടെ​യാ​ണ് ക​യ​റാ​ടി വി​ല്ലേ​ജി​ൽ ഒ​ഴി​വ് വ​ന്ന​ത്.

തി​രു​വ​ഴി​യാ​ട് വി​ല്ലേ​ജി​ലെ സ്പെ​ഷൽ വി​ല്ലേ​ജ് ഓ​ഫീ​സ​റും സ്ഥ​ലം മാ​റ്റ​ത്തി​നു​ശേ​ഷം പ​ക​രം ആ​ളെ നി​യ​മി​ച്ചി​ട്ടി​ല്ല. ക​യ​റാ​ടി​യി​ൽ തി​രു​വ​ഴി​യാ​ട് വി​ല്ലേ​ജ് ഓ​ഫീ​സ​ർ​ക്ക് അ​ധി​ക ചു​മ​ത​ല ന​ൽകിയാണ് അ​ത്യാ​വ​ശ്യ കാ​ര്യ​ങ്ങ​ൾ ന​ട​ന്നു പോ​കു​ന്ന​ത്.

തി​രു​വ​ഴി​യാ​ട് സ്പെ​ഷൽ വി​ല്ലേ​ജ് ഓ​ഫീ​സ​ർ ത​സ്തി​ക​യും ഒ​ഴി​ഞ്ഞു കി​ട​ക്കു​ന്ന​തി​നാ​ൽ ഇ​രു വി​ല്ലേ​ജു​ക​ളി​ലും സാ​മ്പ​ത്തി​ക വ​ർ​ഷാ​വ​സാ​ന​ത്തെ നി​കു​തി കു​ടി​ശിക പി​രി​വ്, റ​വ​ന്യൂ റി​ക്ക​വ​റി, ഫീ​ൽ​ഡ് പ​രി​ശോ​ധ​ന എ​ന്നി​വ​യ്ക്കും ബു​ദ്ധി​മു​ട്ട് നേ​രി​ടു​ന്നു. വി​ല്ലേ​ജ്ത​ല ജ​ന​കീ​യ സ​മി​തി​ക​ളും മാ​സ​ങ്ങ​ൾ​ക്ക് മുന്പേ വി​ല്ലേ​ജു​ക​ളി​ലെ ഒ​ഴി​ഞ്ഞുകി​ട​ക്കു​ന്ന ത​സ്തി​ക​ക​ളി​ൽ പ​ക​രം ആ​ളെ നി​യ​മി​ക്ക​ണ​മെ​ന്ന് ആ​വ​ശ്യ​പ്പെ​ട്ടി​ട്ടും അ​ധി​കൃ​ത​ർ ന​ട​പ​ടി കൈ​ക്കൊ​ണ്ടി​ല്ലെ​ന്നാ​ണ് പ്ര​ദേ​ശ​വാ​സി​ക​ളു​ടെ പ​രാ​തി.

ഫീ​ൽ​ഡ് പ​രി​ശോ​ധ​ന, ത​രംമാ​റ്റം, പ​ട്ട​യം അ​പേ​ക്ഷ തു​ട​ങ്ങി നി​ര​വ​ധി കാ​ര്യ​ങ്ങ​ളി​ൽ ഉ​ത്ത​ര​വാ​ദി​ത്ത​പ്പെ​ട്ട ത​സ്തി​ക​ളു​ടെ ജീ​വ​ന​ക്കാ​രു​ടെ കു​റ​വ് അ​ടി​യ​ന്ത​ര​മാ​യി നി​ക​ത്തേ​ണ്ട​തു​ണ്ട്.
പ്ര​മോ​ഷ​ൻ ത​സ്തി​ക​ക​ൾ ആ​യ​തി​നാ​ൽ പു​തി​യ പ്ര​മോ​ഷ​ൻ ന​ട​ത്തി​യോ സ്ഥ​ലംമാ​റ്റ​ത്തി​ലൂ​ടെ​യൊ ജീ​വ​ന​ക്കാ​രെ നി​യ​മി​ച്ച് വി​ല്ലേ​ജു​ക​ളു​ടെ പ്ര​വ​ർ​ത്ത​നം സു​ഗ​മ​മാ​ക്ക​ണ​മെ​ന്ന ആ​വ​ശ്യം ശ​ക്ത​മാ​യി.