വ​ട​ക്ക​ഞ്ചേ​രി: കി​ഴ​ക്ക​ഞ്ചേ​രി വാ​ൽ​കു​ള​മ്പി​ന​ടു​ത്ത് പ​നം​കു​റ്റി​യി​ൽ ആ​ന​യി​റ​ങ്ങി വ്യാ​പ​ക​മാ​യി വി​ള​ക​ൾ ന​ശി​പ്പി​ച്ചു. പ​നം​കു​റ്റി ചെ​റു​നി​ലം ജോ​ണി, ജു​ബി സ​ക്ക​റി​യ തു​ട​ങ്ങി​യ​വ​രു​ടെ തോ​ട്ട​ങ്ങ​ളി​ലെ കൃ​ഷി​ക​ളാ​ണ് കൂ​ടു​ത​ലും ന​ശി​പ്പി​ച്ചി​ട്ടു​ള്ള​ത്.

തെ​ങ്ങ്, ക​വു​ങ്ങ്, വാ​ഴ, കു​രു​മു​ള​ക് കൊ​ടി​ക​ൾ തു​ട​ങ്ങി​യ​വ​യെ​ല്ലാം ത​ള്ളി​യി​ട്ടു ന​ശി​പ്പി​ച്ചി​രി​ക്കു​ക​യാ​ണ്. ഒ​ട്ടേ​റെ തെ​ങ്ങു​ക​ളും ക​വു​ങ്ങു​ക​ളും കൂ​ട്ട​ത്തോ​ടെ​യാ​ണ് ത​ള്ളി​യി​ട്ടി​ട്ടു​ള്ള​തെ​ന്നു ചെ​റു​നി​ലം ജോ​ണി പ​റ​ഞ്ഞു. തോ​ട്ട​ങ്ങ​ളി​ലെ വാ​ഴ​ക​ളെ​ല്ലാം ക​ട​പു​ഴ​ക്കി​യും ച​വി​ട്ടി കൂ​ട്ടി​യും ക​ള​ഞ്ഞി​രി​ക്കു​ക​യാ​ണ്.

തോ​ട്ട​ങ്ങ​ളി​ലെ പൈ​പ്പു​ലൈ​നു​ക​ളും ത​ക​ർ​ത്തി​ട്ടു​ണ്ട്. ഈ ​പ്ര​ദേ​ശ​ങ്ങ​ളി​ൽ ക​ഴി​ഞ്ഞ കു​റ​ച്ചു ദി​വ​സ​ങ്ങ​ളാ​യി സ്ഥി​ര​മാ​യി ആ​ന​യി​റ​ങ്ങി കൃ​ഷി ന​ശി​പ്പി​ക്കു​ന്നു​ണ്ടെ​ന്നു നാ​ട്ടു​കാ​ർ പ​റ​ഞ്ഞു. രാ​ത്രി​കാ​ല​ങ്ങ​ളി​ൽ നാ​ട്ടു​കാ​ർ സം​ഘ​ടി​ച്ച് വി​ള​ക​ൾ​ക്ക് കാ​വ​ലു​ണ്ടെ​ങ്കി​ലും ഇ​വ​രു​ടെ ക​ണ്ണു​വെ​ട്ടി​ച്ചാ​ണ് പ​ല​വ​ഴി​യി​ലൂ​ടെ പീ​ച്ചി കാ​ട്ടി​ൽ​നി​ന്നും ആ​ന​ക്കൂ​ട്ട​ങ്ങ​ൾ എ​ത്തു​ന്ന​ത്. ഇ​ത്ര​യേ​റെ കൃ​ഷി​നാ​ശം ഉ​ണ്ടാ​യി​ട്ടും വ​നം​വ​കു​പ്പ് യാ​തൊ​രു ന​ട​പ​ടി​ക​ളും സ്വീ​ക​രി​ക്കു​ന്നി​ല്ലെ​ന്നാ​ണു പ​രാ​തി. വ​നാ​തി​ർ​ത്തി​യി​ൽ അ​ഞ്ഞൂ​റു മീ​റ്റ​റോ​ളം സോ​ളാ​ർ ഫെ​ൻ​സിം​ഗ് ത​ക​ർ​ന്നു കി​ട​ക്കു​ന്ന​താ​ണ് ആ​ന​ക​ൾ കൃ​ഷി​യി​ട​ങ്ങ​ളി​ൽ എ​ത്താ​ൻ കാ​ര​ണ​മാ​കു​ന്ന​ത്. ഈ ​കു​റ​ഞ്ഞ ദൂ​ര​ത്തെ ഫെ​ൻ​സിം​ഗ് അ​റ്റ​കു​റ്റ​പ്പ​ണി ചെ​യ്യാ​ൻപോ​ലും വ​നം​വ​കു​പ്പി​നു ഫ​ണ്ടി​ല്ലെ​ന്നാ​ണ് വി​ശ​ദീ​ക​ര​ണം.