വ​ട​ക്ക​ഞ്ചേ​രി: വ​ള്ളി​യോ​ട് മി​നി ഇ​ൻ​ഡ​സ്ട്രി​യ​ൽ എ​സ്റ്റേ​റ്റി​നു​സ​മീ​പം ടീ ​ഷോ​പ്പ് ന​ട​ത്തു​ന്ന രാ​ജ​ന്‍റെ ആ​ത്മ​മി​ത്ര​മാ​യി​രു​ന്ന വ​ള​ർ​ത്തു​നാ​യ ത​ക്കു​ടു ച​ത്തു. ന​ഷ്ട​പ്പെ​ട്ട​ത് 15 വ​ർ​ഷ​ത്തെ ആ​ത്മ​മി​ത്ര​ത്തെ​യെ​ന്നു രാ​ജ​ൻ.

മാ​സ​ങ്ങ​ൾ​ക്കു​മു​മ്പ് ബൈ​ക്കി​ടി​ച്ച് നാ​യ അ​വ​ശ​ത​യി​ലാ​യി​രു​ന്നു. 67 വ​യ​സു​ള്ള രാ​ജ​ന്‍റെ വി​ട്ടു പി​രി​യാ​ത്ത കൂ​ട്ടു​കാ​ര​നാ​യി​രു​ന്നു15 വ​യ​സു​ള്ള 'ത​ക്കു​ടു' എ​ന്ന നാ​യ.

ഊ​ണി​ലും ഉ​റ​ക്ക​ത്തി​ലും യാ​ത്ര​ക​ളി​ലും മാ​ടു​മേ​ക്കാ​നു​മൊ​ക്കെ ത​ക്കു​ടു​വാ​യി​രു​ന്നു രാ​ജ​നു​കൂ​ട്ട്. ഇ​നി അ​തെ​ല്ലാം ഓ​ർ​മ​യാ​യി മാ​റും- രാ​ജ​ൻ പ​റ​ഞ്ഞു.

അ​പ​ക​ട​ത്തി​നു ശേ​ഷം ക്ഷീ​ണി​ത​നാ​യി മു​മ്പ​ത്തേ​തു​പോ​ലെ രാ​ജ​ന്‍റെ സെ​ക്യു​രി​റ്റി ഗാ​ർ​ഡാ​കാ​ൻ ത​ക്കു​ടു​വി​നു ക​ഴി​ഞ്ഞി​രു​ന്നി​ല്ല. എ​ങ്കി​ലും രാ​ജ​ൻ പ​ശു​ക്ക​ളെ മേ​യ്ക്കാ​ൻ സ​മീ​പ​ത്തെ പാ​ട​ത്തേ​ക്കു പോ​കു​മ്പോ​ൾ ത​ക്കു​ടു​വും ഒ​പ്പം​കൂ​ടും. ത​ന്നാ​ൽ സാ​ധി​ക്കു​ന്ന പ​ശു സം​ര​ക്ഷ​ണം ന​ട​ത്തും. ക​ഴി​ഞ്ഞ ദി​വ​സ​ങ്ങ​ളി​ൽ ക്ഷീ​ണം​കൂ​ടി ത​ക്കു​ടു വി​ട​പ​റ​ഞ്ഞു. നാ​ട​ൻ നാ​യ​യാ​യി​രു​ന്നു ത​ക്കു​ടു. ഒ​രു​നാ​യ​യു​ടെ ആ​യു​സി​ന്‍റെ ദൈ​ർ​ഘ്യം​ത​ന്നെ 15 വ​യ​സാ​ണ്.

ഈ ​കാ​ല​മെ​ല്ലാം രാ​ജ​ന്‍റെ താ​ങ്ങാ​യി ത​ക്കു​ടു നി​ന്നു. പ​ശു​നോ​ട്ട​ത്തി​നൊ​പ്പം വീ​ട്ടു​കാ​രു​ടെ കാ​ര്യ​ങ്ങ​ളി​ലും നാ​യ അ​തീ​വ ജാ​ഗ്ര​ത പു​ല​ർ​ത്തി​യി​രു​ന്നു. രാ​ജ​ന്‍റെ ഭാ​ര്യ ച​ന്ദ്രി​ക സ​മീ​പ​ത്തെ വീ​ടു​ക​ളി​ലേ​ക്ക് വെ​ള്ള​മെ​ടു​ക്കാ​ൻ പോ​കു​ന്ന സ​മ​യം പാ​ട​ത്തു​നി​ന്നും ത​ക്കു​ടു വീ​ട്ടി​ലേ​ക്കു ഓ​ടി​യെ​ത്തും. രാ​ജ​നും ത​ക്കു​ടു​വും ത​മി​ലു​ള്ള ഈ ​സ്നേ​ഹ ബ​ന്ധം നാ​ട്ടു​ക്കാ​ർ​ക്കും കൗ​തു​ക കാ​ഴ്ച​യാ​യി​രു​ന്നു.

ടീ ​ഷോ​പ്പി​ൽ വ​രു​ന്ന​വ​രേ​യും ഈ ​നാ​യ​ക്ക​റി​യാം. വീ​ട്ടി​ലെ എ​ല്ലാ മു​റി​ക​ളി​ലും നാ​യ​ക്ക് പ്ര​വേ​ശ​ന​മു​ണ്ട്. രാ​ത്രി​യി​ലും രാ​ജ​ന്‍റെ ക​ട്ടി​ലി​ലാ​യി​രു​ന്നു വി​ശ്ര​മം.