നെ​ന്മാ​റ: തു​ലാ​വ​ർ​ഷം നീ​ങ്ങി​യ​തോ​ടെ നെ​ൽ​പ്പാ​ട​ങ്ങ​ളി​ലെ വെ​ള്ള​വും വ​റ്റി​ത്തു​ട​ങ്ങി. ന​ട്ടു ക​ഴി​ഞ്ഞ് ര​ണ്ടാ​ഴ്ച ക​ഴി​യു​മ്പോ​ഴേ​ക്കും നെ​ൽ​പ്പാ​ട​ങ്ങ​ളി​ലെ വെ​ള്ളം വ​റ്റി​യ​ത് ക​ർ​ഷ​ക​രി​ൽ ആ​ശ​ങ്ക​യു​ള​വാ​ക്കു​ന്നു.

ചേ​റു വി​ത​യു​ടെ സൗ​ക​ര്യാ​ർ​ത്ഥം സ​മീ​പ​ത്തെ നെ​ൽ​പ്പാ​ട​ങ്ങ​ളി​ലെ വെ​ള്ളം തു​റ​ന്നു വി​ട്ട​തോ​ടെ പാ​ട​ശേ​ഖ​ര​ങ്ങ​ളി​ലെ ഉ​യ​ർ​ന്ന പ്ര​ദേ​ശ​ങ്ങ​ളി​ലെ നെ​ൽ​പ്പാ​ട​ങ്ങ​ളാ​ണ് വി​ണ്ടു കീ​റി​യ​ത്.

കു​ള​വും, കു​ഴ​ൽ കി​ണ​റും, വെ​ള്ളം പ​മ്പ് ചെ​യ്യാ​ൻ സൗ​ക​ര്യ​മു​ള്ള ക​ർ​ഷ​ക​ർ വെ​ള്ളം ന​ന​ച്ചു തു​ട​ങ്ങി. ചേ​റു​വി​ത ന​ട​ത്തി മ​ഴ പ്ര​തീ​ക്ഷ​യി​ൽ നെ​ൽ​പ്പാ​ടം വ​റ്റി​ച്ച നെ​ൽ​ക്ക​ർ​ഷ​ക​രാ​ണ് വെ​ള്ളം കു​റ​വു​മൂ​ലം ന​ട്ടം​തി​രി​യു​ന്ന​ത്.

മൂ​പ്പ് കു​റ​ഞ്ഞ വി​ള​യാ​ണ് കൃ​ഷി ചെ​യ്തി​രി​ക്കു​ന്ന​തെ​ങ്കി​ലും ഇ​ട​മ​ഴ ല​ഭി​ച്ചി​ല്ലെ​ങ്കി​ൽ കൂ​ടു​ത​ൽ നെ​ൽ​പ്പാ​ട​ങ്ങ​ൾ ഉ​ണ​ക്ക ഭീ​ഷ​ണി​യി​ലേ​യ്ക്ക് പോ​കു​മെ​ന്ന് അ​യി​ലൂ​ർ തി​രു​വ​ഴി​യാ​ട് മേ​ഖ​ല​യി​ലു​ള്ള ക​ർ​ഷ​ക​ർ പ​റ​യു​ന്നു.

പോ​ത്തു​ണ്ടി അ​ണ​ക്കെ​ട്ടി​ലും 25 അ​ടി​യി​ൽ താ​ഴെ മാ​ത്രം വെ​ള്ളം ഉ​ള്ള​തി​നാ​ൽ വെ​ള്ളം തു​റ​ന്നു ന​ല്​കേ​ണ്ട കാ​ര്യ​ത്തെ​ക്കു​റി​ച്ച് ഉ​പ​ദേ​ശ​ക സ​മി​തി യോ​ഗ​വും ചേ​ർ​ന്നി​ട്ടി​ല്ല.