ചാ​രും​മൂ​ട്: സ്കൂ​ൾ വി​ദ്യാ​ർ​ഥി​നി​യെ പീ​ഡി​പ്പി​ക്കാ​ൻ ശ്ര​മി​ച്ച കേ​സി​ലെ പ്ര​തി അ​റ​സ്റ്റി​ൽ. ക​റ്റാ​നം ഭ​ര​ണി​ക്കാ​വ് പ​ള്ളി​ക്ക​ൽ കൊ​ടു​വ​ലേ​ത്ത് തെ​ക്ക​തി​ൽ ല​ക്ഷംവീ​ട് കോ​ള​നി​യി​ൽ പ്ര​വീ​ൺ (31) ആണ് അറസ്റ്റി ലായത്. ക​ഴി​ഞ്ഞ എട്ടിനാ​ണ് സം​ഭ​വം.

വൈ​കി​ട്ട് നാലിന് ​നൂ​റ​നാ​ട് ഇ​ട​ക്കു​ന്ന​ത്ത് സ്കൂ​ൾ വി​ട്ടു​വ​ന്ന എ​ട്ടാം ക്ലാ​സ് വി​ദ്യാ​ർ​ഥി​നി​യെ സ്കൂ​ട്ട​റി​ൽ ഹെ​ൽ​മെ​റ്റും റെ​യി​ന്‍ കോ​ട്ടും ധ​രി​ച്ചു വ​ന്ന പ്ര​തി ന​ഗ്ന​ത പ്ര​ദ​ർ​ശി​പ്പി​ക്കു​ക​യും ബ​ല​മാ​യി പി​ടി​ച്ചുവ​ലി​ച്ച് ആ​ളൊ​ഴി​ഞ്ഞ വീ​ട്ടി​ലേ​ക്ക് ക​യ​റ്റാ​ൻ ശ്ര​മി​ക്കു​ക​യും ചെ​യ്തി​രു​ന്നു.

കു​ട്ടി​യു​ടെ ക​ര​ച്ചി​ൽ കേ​ട്ട് അ​തു​വ​ഴിവ​ന്ന ഹ​രി​തക​ർ​മ സേ​നാം​ഗ​ങ്ങ​ളാ​യ ര​ണ്ടു സ്ത്രീ​ക​ൾ ചേ​ർ​ന്നാ​ണ് കു​ട്ടി​യെ ര​ക്ഷ​പ്പെ​ടു​ത്തി​യ​ത്. സം​ഭ​വ​ത്തി​നുശേ​ഷം സ്കൂ​ട്ട​റി​ൽ ര​ക്ഷ​പ്പെ​ടാ​ൻ ശ്ര​മി​ച്ച ഇ​യാ​ളു​ടെ പു​റ​കെ ഹ​രി​ത ക​ർ​മ സേ​ന അം​ഗ​ങ്ങ​ളാ​യ യു​വ​തി​ക​ൾ ഇ​ല​ക്ട്രി​ക് ഓ​ട്ടോ​യി​ൽ പെ​രു​മ​ഴ​യ​ത്ത് പി​ന്തു​ട​ർ​ന്നു​വെ​ങ്കി​ലും ഇ​യാ​ൾ ര​ക്ഷ​പ്പെ​ടു​ക​യാ​യി​രു​ന്നു.

വാ​ഹ​ന​ത്തി​ന്‍റെ അ​വ​സാ​ന​ത്തെ ര​ണ്ടു ന​മ്പ​രും വെ​ളു​ത്ത ആ​ക്ടീ​വാ സ്കൂ​ട്ട​ർ ആ​ണെ​ന്നും മാ​ത്ര​മേ കു​ട്ടി​ക്കും ഹ​രി​ത ക​ർ​മ സേ​നാം​ഗ​ങ്ങ​ള്‍​ക്കും തി​രി​ച്ച​റി​യാ​ൻ ക​ഴി​ഞ്ഞു​ള്ളു. തു​ട​ർ​ന്ന് നൂ​റ​നാ​ട് പോ​ലീ​സ് സ്റ്റേ​ഷ​നി​ൽ അ​ന്നു​ത​ന്നെ കു​ട്ടി​യു​ടെ മൊ​ഴി​യു​ടെ അ​ടി​സ്ഥാ​ന​ത്തി​ൽ കേ​സ് ര​ജി​സ്റ്റ​ർ ചെ​യ്യു​ക​യാ​യി​രു​ന്നു.

ചെ​ങ്ങ​ന്നൂ​ർ ഡിവൈഎ​സ്പി ​എം.​കെ. ബി​നുകു​മാ​ർ പ്ര​ത്യേ​ക അ​ന്വേ​ഷ​ണ​സം​ഘം രൂ​പീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി നൂ​റ​നാ​ട് പോ​ലീ​സ് ഇ​ൻ​സ്പെ​ക്ട​ർ എ​സ്. ശ്രീ​കു​മാ​റി​ന്‍റെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ​സം​ഘം സി​സി​ടി​വി കാ​മ​റ​ക​ൾ പ​രി​ശോ​ധി​ച്ചാ​ണ് പ്ര​തി​യെ പി​ടി കൂ​ടി​യ​ത്.

ആ​ല​പ്പു​ഴ, കാ​യം​കു​ളം, കു​റ​ത്തി​കാ​ട്, നൂ​റ​നാ​ട്, അ​മ്പ​ല​പ്പു​ഴ മാ​വേ​ലി​ക്ക​ര എ​ന്നീ സ്ഥ​ല​ങ്ങ​ളി​ൽ ക​ഞ്ചാ​വ് വി​പ​ണ​നം, മോ​ഷ​ണം, അ​ബ്കാ​രി ഇ​ട​പാ​ടു​ക​ൾ തു​ട​ങ്ങി പ​തി​ന​ഞ്ചോ​ളം കേ​സു​ക​ള്‍ ഇ​യാ​ള്‍​ക്കെ​തി​രേ പോ​ലീ​സും എ​ക്സൈ​സും ര​ജി​സ്റ്റ​ര്‍ ചെ​യ്തി​ട്ടു​ള​ള​താ​യി ക​ണ്ടെ​ത്തി. പ്ര​തി​യെ മാ​വേ​ലി​ക്ക​ര ജു​ഡീ​ഷ്യ​ൽ മ​ജി​സ്ട്രേ​റ്റ് ര​ണ്ട് കോ​ട​തി​യി​ല്‍ ഹാ​ജ​രാ​ക്കി റി​മാ​ൻ​ഡ് ചെ​യ്തു.