കാ​യം​കു​ളം: കോ​ൺ​ഗ്ര​സ് നേ​താ​വും ആ​ല​പ്പു​ഴ ഡിസിസി ​വൈ​സ് പ്ര​സി​ഡന്‍റുമാ​യി​രു​ന്ന അഡ്വ. പി.എ​സ്. ബാ​ബു​രാ​ജി​ന്‍റെ വേ​ർ​പാ​ട് കാ​യം​കു​ള​ത്ത് കോ​ൺ​ഗ്ര​സ് രാ​ഷ്ട്രീ​യ​ത്തി​ന് തീ​രാന​ഷ്ട​മാ​യി. അ​ദ്ദേ​ഹ​ത്തി​ന്‍റെ വേ​ർ​പാ​ടി​ലൂ​ടെ ജി​ല്ല​യി​ലെ കോ​ൺ​ഗ്ര​സ് നേ​തൃ​നി​ര​യി​ലെ മി​ക​ച്ച സം​ഘ​ാട​ക​നെ​യാ​ണ് ന​ഷ്ട​മാ​യ​ത്.

കെഎ​സ്‌‌യു​വി​ലൂ​ടെ കോ​ൺ​ഗ്ര​സ് രാ​ഷ്ട്രീ​യ​ത്തി​ൽ എ​ത്തി ക​ഴി​വ് തെ​ളി​യി​ച്ച രാ​ഷ്ട്രീ​യനേ​താ​വാ​യി​രു​ന്നു ബാ​ബു​രാ​ജ്. കാ​യം​കു​ള​ത്ത് തെര​ഞ്ഞെ​ടു​പ്പ് പ്ര​വ​ർ​ത്ത​ന​ങ്ങ​ളി​ൽ സം​ഘ​ട​ന​യെ ശ​ക്ത​മാ​യി ന​യി​ച്ച അ​ദ്ദേ​ഹം ഒ​രു പ​തി​റ്റാ​ണ്ടി​ലേ​റെ യു​ഡി​എഫ് ​ക​ൺ​വീ​ന​ർ സ്ഥാനം വ​ഹി​ച്ചു. ആ​ല​പ്പി സ​ഹ​ക​ര​ണ സ്‌​പി​ന്നിം​ഗ് മി​ൽ ചെ​യ​ർ​മാ​നെ​ന്ന നി​ല​യി​ൽ കേ​ന്ദ്ര​ത്തി​ൽ നി​ന്ന് 30 കോ​ടി​യോ​ളം രൂ​പ ഗ്രാ​ന്‍റായി നേ​ടി​യെ​ടു​ത്തി​രു​ന്നു.

മി​ല്ലി​നെ പ്ര​തി​സ​ന്ധി​യി​ൽനി​ന്ന് ക​ര​ക​യ​റ്റാ​ൻ ഇ​തു​വ​ഴി സാ​ധി​ച്ചു. ദ​ക്ഷി​ണ റെ​യി​ൽ​വേ ക​ൺ സ​ൽ​റ്റേ​റ്റീ​വ് ക​മ്മി​റ്റി അം​ഗ​മാ​യി​രി​ക്കെ കാ​യം​കു​ളം റെ​യി​ൽ​വേ ‌സ്റ്റേ​ഷ​ന്‍റെ സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്തു​ന്ന​തി​ൽ വ​ലി​യ പ​ങ്ക് വ​ഹി​ച്ചു. സം​സ്ഥാ​ന​ത്തെ ഉ​ന്ന​ത കോ​ൺ​ഗ്ര​സ് നേ​തൃ​ത്വ​വു മാ​യി അ​ടു​ത്ത ബ​ന്ധം പു​ല​ർ​ത്തി യി​രു​ന്നു.

എ​ഐ​സി​സി ജ​ന​റ​ൽ സെ​ക്ര​ട്ട​റി കെ.സി. വേ​ണു​ഗോ​പാ​ൽ എം​പി, മ​ന്ത്രി സ​ജി ചെ​റി​യാ​ൻ എ​ഐ​സി​സി സെ​ക്ര​ട്ട​റി​മാ​രാ​യ പി​.സി. വി​ഷ്ണു​നാ​ഥ് എം​എ​ൽ​എ, വി​ശ്വ​നാ​ഥ പെ​രു​മാ​ൾ നേ​താ​ക്ക​ളാ​യ വി.​എം. സു​ധീ​ര​ൻ, പ​ന്ത​ളം സു​ധാ​ക​ര​ൻ, ജോ​സ​ഫ് എം. ​പു​തു​ശേ​രി, കെ.​പി ശ്രീ​കു​മാ​ർ, തു​ട​ങ്ങി​യവർ ഭൗ​തി​ക ശ​രീ​ര​ത്തി​ൽ അ​ന്തി​മോ​പ​ചാ​രം അ​ർ​പ്പി​ച്ചു. ഇ​ന്നു രാ​വി​ലെ 9ന് കോ​ൺ​ഗ്ര​സ് ഓ​ഫീ​സി​ൽ പൊ​തു​ദ​ർ​ശ​ന​ത്തി​നുവ​യ്ക്കും. 11ന് ​പു​തി​യി​ടം ബ്ര​ഹ്മ വി​ദ്യാമ​ന്ദി​ര​ത്തി​ൽ സം​സ്ക​രി​ക്കും. പ്ര​തി​പ​ക്ഷ നേ​താ​വ് വി.ഡി. സ​തീ​ശ​ൻ, കൊ​ടി​ക്കു​ന്നി​ൽ സു​രേ​ഷ് എംപി യു​ഡി​എ​ഫ് ക​ൺ​വീ​ന​ർ എം.​എം. ഹ​സൻ എ​ന്നി​വ​ർ അ​നു​ശോ​ചി​ച്ചു.